Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionماتت قلوب الناس Emptyماتت قلوب الناس

more_horiz
كلنا أكيد سمعنا أغنيه الضمير العربى
مش عارفه انا سامعه أخواتى بيسمعوها فى التليفزيون
حسيت انى مخنوقه أوى
هيا أه الاغنيه بجد بتقطع القلب
بس ليه موضوع غزه ده برد
كان فى أول يومين الدنيا مقلوبه
ودلوقتى مش بقى حد مهتم زى الاول
تعالو كده بفكر بسيط وساذج نفكر بعيد عن السياسه والمصالح
يا جماعه انتوا عارفين يعنى ايه ان انسان يعيش من غير أمان
مش مطمن ان كان هايعدى عليه الصبح ويجيى الليل
ولا يمسى بالليل ويطلع عليه نهار الصبح
مش عارف ان كان لما يخرج لشغله هايرجع لبيته وأولاده ولا لا
وأةةةةةةةة على الحريم هنااااااااااك
بفكر كده لو انا فى بيتى وأولادى خرجوا لمدارسهم ومش رجعوا
يا وجع قلبى عليهم
لو فى بيتى وولادى بيلعبوا فى ساحه البيت ويموتوا برصاص غادر قدام عينى
لو جوزى خرج لشغله الصبح ويقولوا لى خلاص مش هاتشوفيه تانى
لو اخويا او أبويا أو حتى جيرانى
هاعيش ازاى وانا كل حاجه حواليا مش مطمنه عليها
هاعيش ازاى وانا قلبى متقطع على ولادى
هانام ازاى وانا قلبى موجوع على ابنى ولا بنتى
اوقات بقول ان الحمد لله انى فى بلد يعنى مش زى هناك
لكن بارجع اندم انى بفكر كده
واقول لو انا مكان كل أم هناك
هاعمل ايه
ليه بقينا نقول مادام احنا بعيد يبقى الحمد لله
وليه الناس اللى فى اماكن المسئوليه قلبهم جامد كده
ليه بقوا كل واحد همه على نفسه ومركزه
مش بيحسوا ليه بالوجع اللى بتحس بيه كل ام فقدت الأغلى من نور عيونها
مش بيحسوا ليه بألم أب راح يدفن بنته اللى لسه مكملتشى سنه
ذنبها ايه دى
ذنبها ايه مش تكبر وتلعب وتتنطط حوالين باباها وماماتها
ذنبها ايه مش يفرح والدها ووالدتها بيها وهى بتكبر قدامهم
ذنبهم ايه الناس دى
هما الناس المسئولين دول بيعرفوا ينامو؟؟؟؟؟
بيعرف ياكل ويشرب ويضحك
بيعرف يحط جنبه على السرير ويغمض عينه
....................
نعمل ايه؟؟؟
هو احنا مش هانتسأل عن السلبيه اللى احنا فيها دى قدام ربنا
المفروض انى اعمل ايه....
المفروض الرجال يعملوا ايه
اللى يحزن اوى فى الموضوع ان تشوف حد عمال ببيسمع أغانى الحلم العربى والضمير العربى والقدس وتسأله ليه كده يقول تضامنا مع غزه
هو بقى بالاغانى..
بقى اللى واجب علينا هو اننا نسمع كام اغنيه وتبكى عيونا دمعتين ونقول تضامنا مع غزه
....................
ماتت قلوب الناس
وأنا اول من مات قلبها

descriptionماتت قلوب الناس Emptyرد: ماتت قلوب الناس

more_horiz
اها عندك حق لحد امتى هنقول مادام ...................

واللهى اكدي هنتسأل عن السلبيه دى طبعا

قال الرسول (ص) فيما معناه (( انما مثل المؤمنون فى توادهم وتراحمهم كمثل الجسد الواحد اذا اشتكى منه عضو تداعى له سائر الأعضاء بالسهر والحمى))

فين بقى احنا من ده؟؟؟؟؟؟؟؟؟؟؟؟؟؟؟؟؟؟؟؟؟؟؟؟

الجسد العربى المريض

والأمه الأسلاميه المفرقه

وعمرنا ماهننتصر الا بالاتحاد

الأتحاد قوووووووووووووة
قال تعالى
((واعتصموا بحبل الله جميعا ولا تفرقوا))

واحنا تفرقنا وخالفتا امر ربنا

وخالفنا رسوله ((ص))

فده جزائنا

لكن ان شاء الله قريب ربنا هينصرنا ان شاء الله

ميرسى ع التوبيك المحزززززززززززززززززززن ده

تسلم الأيادى يا بشمهندسه شيماء

descriptionماتت قلوب الناس Emptyرد: ماتت قلوب الناس

more_horiz
والله ما قصدى يا ميرو انه يبقى محزن
دى حاجه اكيد كل واحد فينا
جواه مكان حزين على اللى بيحصل هناك وعلى الالم اللى بيعيشوه هناك
تحياتى ليك
وميرسى على الرد

descriptionماتت قلوب الناس Emptyرد: ماتت قلوب الناس

more_horiz
لا حول ولا قوة الا بالله

يارب نتحد ونكون امة واحدة وينصرنا على من عادانا

جزاكي الله خيرا يا شيماء

descriptionماتت قلوب الناس Emptyرد: ماتت قلوب الناس

more_horiz
شكرا يا ندى على مرورك يا حبيبتى

descriptionماتت قلوب الناس Emptyرد: ماتت قلوب الناس

more_horiz
عندك حق يا شيماء
الموضوع مؤثر
وانا فكرت في اللي انتي قلتيه كتيييييير
بس للأسف ساعات الناس قلوبها بتتحجر وتبقى مش عايزة تشوف غير الي هي عايزاه قدامها ومش بتهتم بأي حاجة تانية
والمواضيع دي بقت عاديه خالص عند ناس كتير وممكن حتى يقولوا:طيب وايه الجديد ماهي اسرائيل كل يوم بتضرب في فلسطين والناس كل يوم بتموت احنا هنعملهم ايه يعني

فعلا الناس بقت سلبية زيادة عن اللزوم

الموضوع مش بس محزن ولا مؤثر بجد مفيش كلام يتقال ممكن يوصف الوضع ده
احنا فعلا محتاجين نتحد
بس برجع واقول (لن يغير الله ما بقوم حتى يغيروا ما بانفسهم(

descriptionماتت قلوب الناس Emptyرد: ماتت قلوب الناس

more_horiz
عندك حق يا فدوى ..."مش عارفه ان كان ده اسمك ولا لا " ...فعلا عندك حق
لازم نتغير ونتغير للاحسن
ولازم نحس ببعضنا كأخوه عرب بيحملوا نفس الصفات والملامح وبيدينوا بنفس الدين سواء مسلمين او مسيحين

descriptionماتت قلوب الناس Emptyرد: ماتت قلوب الناس

more_horiz
عندك حق
وأنا فعلا اسمي فدوى
المشكلة انه مبقاش في حد بيهتم بحاجة غير نفسه ومصلحته وبس

descriptionماتت قلوب الناس Emptyرد: ماتت قلوب الناس

more_horiz
اه محدش بقى بيراعى غير مصلحته
وبينسى مصلحه غيره



قلبى عليهم بجد امهات فلسطين
قلبى على كل أم بتودع وليدها الوداع الاخير
قلبى على كل أم بتقبل أبنها الشهيد أخر قبله وغرقت وجهه بدموعها
قلبى على الاب اللى شايل ابنه بين دراعاته وبينزف ومش عارف يروح بيه فين
قلبى على الاب اللى شايل بنته اللى سنها ميعديش السنتين ورايح يدفنها وهى فى جسمها أماكن رصاصات الغدر
يا رب صبرهم

descriptionماتت قلوب الناس Emptyرد: ماتت قلوب الناس

more_horiz
حتى الاجنه فى بطون امهاتها لم تسلم من غدر اليهود
فى غزه الاحصائيات هناك بتقول ان فى اكتر من 100 حالة ولاده بتحصل فى اليوم الواحد
بصراحه الرقم مش فاكراه اوى بس مش ده موضوعنا
تخيلوا ازاى بتتم الولادات دى تحت القصف وتهجير الانس من بيوتها زى ما بنشوف
فين هتلاقى الام الراحه و الامان علشان تضع مولودها وهيا مطمنه
شوفت النهارده على الجزيره
شابه فلسطينيه
اتجوزت وفضلت 6 سنين لم يرزقها الله بالذرية
وبعد انتظار طويل
حملت فى طفل
وكانت يوم ولادته اول يوم فى حرب اليهود على غزه
وبسبب صعوبه نقل الام للمستشفى والحاله الصحيه السيئه اللى كانت فيها
الولد حالته الصحيه اتدهورت جدا
وله اكتر من 9 ايام موجود فى الحضانه وامه لسه ما شفتهوش
تخيلوا وجع قلبها
.....
.....
.....
.....
.....
ام تانيه
بعد انتظار 21 سنه على عدم الانجاب
ربنا رزقها بطفل وكان يوم القصف على بيتها كان عنده سنتين ونصف
تخيلوا استشهد ابنها بين ايديها
وهى كمان اصابتها بالغه
.....
.....
.....
.....
.....
قولولى
ليه بقينا نسمع الاخبار دى ونشوف المناظر دى ونشوف الالم اللى بجد ونسكت
ليه بقى حزننا لحظى
ليه مش بنحط نفسنا مكان الامهات دى ونحاول نحس باحساسهم
مهما نوصف ومهما نقول
عمرنا ما هانعبر عن احساس ام ابنها مات بين ايديها وهى منتظراه 21 سنه
لكن مين يحس ومين يسمع
مين يحزن و مين يتألم
وزى ما هما بيقولوا
ليس لنا الا الله
وحسبنا الله ونعم الوكيل
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد