Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionانت طيب القلب يبقي انت اهبل Emptyانت طيب القلب يبقي انت اهبل

more_horiz
الموضوع دة انا كاتبه علشان عضو معانا في المنتدى او ممكن يكون كتير من اعضاءنا فيهم الصفة دي

نقمة .......... ام نعمة ......

هبل ....... ام طيبة قلب .......

سهل الاستغفال ...... ام يعتبر من حسن نيته ما يزعلش للناس ..........

بعض الناس بتزعل من نفسها احيانا لأنها طيب زيادة عن اللزوم ...

لان أحيانا يكون طيب مع ناس مايستاهلون الطيبة ولا ذرة منها ...

وخاصة الناس الي يكتشف انهم يساعدهم حتى على حساب نفسه وصحته ولكن ...
يكتشف ان الناس دي هم الي بيضربوه في ظهره.......
ومع انه سمع كلام من هذا الشخص بس لما يطلب منه طلب يلبيه بسرعة ...
ليه ؟؟؟؟
لانه أكبر منه ولأنه يخجل يقول لحد لأ وخاصة اذا كان يقدر ينفذه
وبعض الناس يتمنى يكون طيب ....
ولكن الطبع يغلب التطبع
الانسان طيب القلب في زمننا دة بقي شخص ضعيف واهبل زي ما بيقولوا
واصبحت الطيبة توصف بالضعف والتخلف ليه ؟؟؟
لانه يتصف بالسماحة والشفافية ..
واصبح الناس يستغلون للاسف طيبة قلب الشخص
لقضاء مصالحهم ولتجاوز النظام



كن قليل الادب تكسب قلوب من دهب
[size=21]هكذا هم اغلب الناس دومٌا يفسروا طيبتك و تعاملك برفق معهم انه ضعف...

هكذا يظن الكثير وعلى هذا المقياس يعاملك الناس...

عندما تتنازل عن حق لك ..فقط لكي لا تؤذي مشاعر الشخص الآخر... اطلقوا عليك لقب الضعيف

وصرخوا في وجهك ما تقدر تآخذ حقك منه...!!

لم هذه النظره؟؟

عندما تعطي شيئا مما تملك لأحد ما... ليس لشيء بل رغبة
في عدم احراجه...

فسروا ما عملت بأنه ضعف...

عندما تصفح عن من أخطأ عليك... فقط لكي لا تدب
الكراهيه بينكما... قيل عنك جبان...!!!

عندما يكشر البعض عن انيابه باتجاهك ...وتقابلهم بالابتسامه....قيل عنك لا تملك سواه...!!!

عندما تتلطف,,,بالأسلوب تستخدم العبارات الرقيقه اتجاه
الآخرين...قيل عنك مراوغ...!!!

اذا ..فإليك بالحل الوافي..والدواء الشافي.. والجواب الكافي..وانتظر النتائج...

فلتقل ادبك..و تتهجم في اسلوبك... وتسلب الآخرين حقوقهم
إضافه الى حقك...

وتكشر عن انيابك في ظل الآخرين المتبسمين... و لا تعطي
بل تمنع... ولا تتهاون بل تصرخ...

ولا تغفر الأخطاء بل انعت من فعلها وعليك بالزجل فإنه
لهم رهبه و خوف..!!

عندئذ.. سيعمل لك الآخرين الف حساب.. سيخافوا منك ..
سينتضروا ردة فعلك...

لن يحاولوا ايذائك ولو بكلمة.. يترقبون ما تريد ...
ينفذون دون طلب..

هكذا هو مجتمعنا... يأبى بأن نكون ذا ادب و احترام ...!!

ويحرضنا على ان نكون من ذوي الكره والانتقام..!!!

هذه حقيقه واقعيه ام انا اتخيل ذالك..؟؟؟




طب اسأل اعضائنا كام سوال
هل للطيبة حدود ؟
مارأيك بطيب القلب وبماذا تصفه هل تصفه بالضعف والتخلف ام تصفه بالسماحه والشفافيه ؟
كيف نتعامل مع طيب القلب ؟
هل اصبحت الطيبة عيب ؟
كيف يمكن لطيب القلب ان يتعامل مع من حوله حتى لا يصفونه بالضعف ؟
متى تكون طيب القلب ومتى تكون شرس الطبائع
ماهي آرائكم في طيبة القلب هذه الأيام وهل تحقق سعادتك مع الآخرين ام تدمر شخصيتك ؟
هل حصل لك في يوم من الأيام أن فسر الآخرون طيبتك
و كرم أخلاقكـ وتسامحكـ على أنها ضعفاً وسذاجة
وربما غباء؟!!...

[/size]

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
جايز فعلا بقيت دى نظره الناس للناس اللى قلوبها طيبه
بس تفتكر يقدروا يغيروا نفسهم
تفتكر فى واحد يعرف ينزع الطيبه من قلبه ويرميها ويقولها مش عاوزه اعرفك تانى ولا عاوز اتسمى بيكى تانى
تفتكر لما واحد طيب يفكر ويقول خلاص هاغير نفسى وهاتعامل مع الناس زيهم ويجى مع اول حد يعامله تلاقى طيبته غلبت عليه
يبقى لازم نظرة المجتمع اللى تتغير
مش الطيبين

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
والله ما عارف يا شيماء انتي كل ردودك قويه جدا لدرجه خلتني هبطل اعمل مواضيع جديده امال بس مسطداني في موضوع معجزه بكالورويوس وداخله فيا شمال ليه بس

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
لالالالالا اوعى تبطل تحط فى المنتدى مواضيعك الجديده دى
وبعدين ردى مش قوى اوى ولا حاجه
اهى حاجه طلعت من القلب وخلاص
اما فى حكايه موضوع البكالوريورس دى
فدى بجد تستاهلها
مش وقته يا محرم
استنى اما نخلص امتحانات

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
ليه يامحرم

الرد مش قوي ولا حاجة بالعكس النصيحة مفيدة

وبعدين ايه اللي انتا كاتبه دا

دا بدل ما احنا نفكر اننا ننشر سماحة واخلاق الدين

بقينا نقول خلينا نعامل الناس بقلة ادب ليه؟؟؟؟؟
اه الواحد يكون حازم وشديد في مواقف بس ميبقاش ندل وقليل ادب على طول

دا رأيي

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
انت فعهمت ااموصوع غلط انا مش قصدي اساسا اني اقؤل للناس انك تتعاملوا بقله ادب بالعكس انا بوضح للمنتدي هنا الطريقه اللي بيتعامل بيها الناس واللجوء لاسلوب قله الادب علشان ياخدوا حقهم اول باول لكن مش انا اللي بقؤل اتعاملوا كده

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
هل للطيبة حدود ؟
أكيد طبعا

مارأيك بطيب القلب وبماذا تصفه هل تصفه بالضعف والتخلف ام تصفه بالسماحه والشفافيه ؟
أصفه بالسماحه والشفافيه

كيف نتعامل مع طيب القلب ؟
يا ريت بأحترم والمحافظه على حقوقه

هل اصبحت الطيبة عيب ؟
مش فى كل وقت أو اذا تعدت الحدود

هل اصبحت الطيبة عيب ؟
لا أعلم

هل اصبحت الطيبة عيب ؟
حسب الشخصيه التى امامى على ما أعتقد

ماهي آرائكم في طيبة القلب هذه الأيام وهل تحقق سعادتك مع الآخرين ام تدمر شخصيتك ؟
احتاج جواب بصراحه


هل حصل لك في يوم من الأيام أن فسر الآخرون طيبتك
و كرم أخلاقكـ وتسامحكـ على أنها ضعفاً وسذاجة
وربما غباء؟!!...


لا

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
هوه ممكن يكون موضوع قديييييييييييييم أوىىىىىىىىىىىىىى
بس بصراحه عجابنى
وخصوص
رد شيماء والباشمهندس أحمد

وشكرا

يا ريت فعلا الناس تدخل وتقول رأيها؟؟

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
فعلا الموضوع حلو اوي وهي مشكله الايام دي
انت عندك حق في اللي قلته بس فعلا الطيب مش هو اللي يتغير لا المجتمع هويغيرنظرته

هل للطيبة حدود ؟
هو سؤال صعب بس اعتقد ليها بس لو كل الناس اتعملت بطيبه يبقي ملهاش حدود
مارأيك بطيب القلب وبماذا تصفه هل تصفه بالضعف والتخلف ام تصفه بالسماحه والشفافيه ؟
طبعا بالسماحه والشفافيه

كيف نتعامل مع طيب القلب ؟

اكيد هتعامل معاه بطيبه علشان المفروض اصلا الناس كلها تتعامل بطيبهده بيامرنا بيه الاسلام
هل اصبحت الطيبة عيب؟
في ناس شيفاهه عيب بس انا لأ طبعا انا افتخر اني طيبه
كيف يمكن لطيب القلب ان يتعامل مع من حوله حتى لا يصفونه بالضعف ؟
بص هو الطيب لما يلاقي كل الناس اللي حوله بيعاملوه وحش وشيفينه هو كده ضعيف اكيد هو هيتعب نفسيا الاول بس بعد كده هيلقي نفسه بيعاملهم زي ما همه بيعاملوه بس والله هيتغلب الطيبه عليه برضو بس اسمه بينن انه ممكن يبقي وحش ( قوي في نظرهم)وهتلاقيهم همه مش عجباهم تصرفاتك دي علشان بتكسفهم وتحرحهم وسعتها هيعرفو انهم مش اقوياء بل سخفاء ويعرفو ان تصرفاتك معهم الاول كانت طيبه مش ضعف منك
متى تكون طيب القلب ومتى تكون شرس الطبائع ؟
طيبه مع كل الناس بس زي ماقلت في السؤال اللي قبله اعرفهم ان ده كرم اخلاق مش ضعف
وشرسه مع اللي يقول حاجه مش فيهاو اللي يكدب عليا
ماهي آرائكم في طيبة القلب هذه الأيام وهل تحقق سعادتك مع الآخرين ام تدمر شخصيتك ؟
يتحقق السعاده بس لو فهموها صح
هل حصل لك في يوم من الأيام أن فسر الآخرون طيبتك
و كرم أخلاقكـ وتسامحكـ على أنها ضعفاً وسذاجة؟

اه قالو سذاجه
انا اسفه علي الاطاله بس الاسئله هيه اللي كتيره

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
لما قريت الموضوع افتكرت بيت الشعر

كن كالنخيل عن الأحقاد مرتفعا .. ترمي بحجر فتلقي أطيب الثمر

على فكرة ... عمر طيبة القلب ماكانت هبل
الحقيقة ان هناك نفوس سيئة يعلم صاحبها ان الشخص الآخر شخص طيب ... وصنع معه معروفا ... ولكنه يستكثر فيه ان يذكره بالخير ، تذكرت أيضا عند قراءة موضوعك الوصف الذي ذكر في القرآن الكريم (أشحة على الخير) : فَإِذَا ذَهَبَ الْخَوْفُ سَلَقُوكُم بِأَلْسِنَةٍ حِدَادٍ أَشِحَّةً عَلَى الْخَيْرِ
للأسف لابد من التعامل معهم في الحياة ... ولن نعرفهم إلا بالتعامل معهم
وعلى فكرة ... أصحاب النفوس السيئة لايمكن ربنا يتركهم من غير درس قاسي ...و عند أول درس يتلقاه صاحب تلك النفس الخبيثة (ولو بعد حين) فإنه يشهد لهذا الطيب بالطيبة ونقاء المعدن والسريرة
العيب في صاحب النفس الخبيثة مش الطيب

شيئ تاني ... كلمة (طيب) في اللغة العربية معناها (الجيد) أو (الحسن) أو بالعامية (الشيئ الكويس) ...يقال: هذا الطعام طعمه طيب .. أي طعمه جيد أو بالعامية كويس ويقال (طاب يومك) أي يومك يوم حسن مليئ بالأشياء الجيدة
افتكر الكلمتين دول يا احمد
كن كالنخيل عن الأحقاد مرتفعا .. ترمي بحجر فتلقي أطيب الثمر

مع تحياتي

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
و الله يا باشمهندس مش عارف أقولك ايه........
بس تصدق لو قلتلك ان طيبتي مضيعة مني حاجات كتير....
د أنا بحاول أتكلم مع أصحابي وأصلح منهم في حاجات غلط ......
لكن للأسف بحس ان اللي بعمله حاجه غريبة جدا ً ...لأن مش بلاقي أي تجاوب...
حتى في التعامل ببقى عارف ان اللي قدامي بيخطط لحاجة ضددي و بساعده....
المشكلة ان اللي بيحركني حاجة من جواية...وياما حاولت أغير من نفسي ....
بس للأسف مش قادر.....
و قليل جدا ً من الناس اللي فهمني...
و عشان كدة أنا مريت بصدمات كبيرة أوي في حياتي... Crying or Very sad
ولسة,,,,,,,,,,,,

تفتكر يا باشمهندس دي طيبة ولا سذاجة و لا هبل؟؟؟؟؟؟؟؟؟؟
أتمنى ان الرد مايكونش قاسي،،،،،،،،،،،،،،،،

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
فينك يا باشمهندس........ affraid

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
فعلا والله فييييييييييييييين affraid البشمهندس احمد محرم
يرد علينا؟
confused
confused

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
موضوع جميل جدا
ومحير جدا جدا جدا
شكرا ليك يا احمد على الموضوع وعلى الاسئلة
ويا ريت انت اللى تجاوبنا الاول عن الاسئلة دى
لان انا مش لاقيالها اجابة فى دماغى حاليا
.
.
.
اه صحيح
هو مين العضو اللى منزله الموضوع ده؟؟؟؟؟؟؟؟

descriptionانت طيب القلب يبقي انت اهبل Emptyرد: انت طيب القلب يبقي انت اهبل

more_horiz
موضوع جميل جدا يا بشمهندس
اعتقد انه زي مافيه واحد طيب مابينا دلوقتي ... يبقى أكيد الدنيا لسه بخير وفيها ناس طيبين كتير
بس مش كل الطيبين هنقابلهم في حياتنا
وبعدين .. لكل امرئ ما نوى ..... وكمان .. الجزاء من جنس العمل
ومفيش مشكلة ان .. خير تعمل شر تلقى ... بس ده كله محفوظ عند ربنا وبيجازينا وهيجازينا عليه
فأحسن حاجة ان الواحد يتعامل على طبيعته مع الناس مهما كان ...... ولو حس بطبع وحش في نفسه يحاول يغيره
اكيد الطيبة مش هبل ولا سذاجة ولا عبط ...... الطيبة مراعاة للمشاعر واحترام للآخرين
لأن الطيبة من أخلاق الرسول صلى الله عليه وسلم .... يعني من أخلاق الاسلام
يعني أمرنا بيها الله سبحانه وتعالى
فأكيد مش هيأمرنا بحاجة إلا وجعل لها ثوابها وجزائها
مش معنى كلامي ان مهما قابلكم أي حد بوحش قابلوه كويس.... أنا من رأيي ان الواحد يفضل على طبيعته وطيبته دي مع الناس طالما هم كويسين معاه ..... لكن لو لقى منهم غدر (وده الغالب دلوقتي ) ياخد حقه ... وربنا كمان ماقالش اننا نهزأ نفسنا أو نقلل من كرامتنا ..... وبالتالي كل حاجة ليها حدود
كن كالنخيل عن الاحقاد مرتفعا .............. كلما قذفت بالحجر ألقت أطيب الثمر
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد