ياريت الفاضى بس هوه اللى يدخل و يقرا و لو فيه دماغ بعد كده يرد لأن الموضوع طوييييييييل
( منقول و مترجم مع بعض التعديلات )
( منقول و مترجم مع بعض التعديلات )
لما زميلك فى السكن يقولك صباح الخير و أنت ترد عليه تصبح على خير .
تبقى شايل فرشة الأسنان و المعجون فى شنطتك .
لما تضم الـ 3 وجبات فى وجبة الفطار .
لما تبقى كل الهدايا اللى بتبعتها لأصحابك متغلفة بورق شفاف .
لما بابا نويل يظهرلك تطلب منه أدوات رسم .
لما تشرب أكتر من 3 كوبايات قهوة دوبل فى ليلة واحدة .
لما تقعد تسمع فى أغنية واحدة على اللابتوب لأكتر من 3 ساعات و تنسى تغيرها .
ممكن تعيش من غير نور الشمس و من غير ما تكلم ناس لكن ممكن تنتحر لو البلوتر مش شغالة .
لما تضيع مفاتيحك و تحس بعدها بأسبوع .
لما تلاقى نفسك بترقص لوحدك الساعة 4 الفجر رغم إنك مش سكران ( و دى أنا عملتها ) .
إنك خبير فى الفوتوشوب و الأتوكاد و الثرى دى بس متعرفش حاجة فى الإكسيل .
لما تحضر محاضرتين بس فى اليوم بس تقعد تذاكر فيهم اليوم كله ( مواد مدنى ) .
لما أهلك يحاولوا يرفهوا عنك و أنت تخنق عليهم .
مش بتسيب صالة الرسم إلا عشان تجيب أكل و شاى و سنون و شفاف .
مش بتاخد دش غير كل أسبوع و بيبقى تضييع وقت .
لما تسمع كلمة - سوبر موديل - تفتكر إنه ماكيت معمول من خامة نضيفة .
أخواتك الأصغر منك عندهم أصحاب و حياة إجتماعية أكتر منك .
لما تفكر فى إستعمال الكرنب فى الماكيتات .
لما تلاقى نفسك حافظ كل مطاعم الوجبات السريعة و الديلفرى اللى حواليك .
أصحابك اللى بره القسم بيناموا فى يوم أكتر من اللى أنت بتناموه فى أسبوع .
تنسى تشغل لمبات الأشارة و أنت سايق العربية .
لما تبقى الساعة 3 الصبح بداية الليل
لما تخرج من البيت الساعة 3 الصبح و أهلك فى البيت يبقوا عارفين أنت فين من غير سؤال .
لما تقضى يوم الجمعة فى الصالة أو فى بيت أصحابك شغالين تخطيط أو اّربن .
ممكن تبتدى تفكر فى التدخين .
لما تبقى صالة الرسم هى الوحيدة المنورة فى الجامعة كلها .
لما تقول : لسه يادوب نص الليل , لسه معايا وقت كتير .
ماتعرفش تفرق الشروق من الغروب مش فارقة الشمس طالعة و لا نازلة .
لما تسأل عن الوقت تسأل الصبح و لا بالليل .
تبقى مستغرب من زمايلك فى السكن لما يقولوا أنهم قعدوا مصبحين علشان يزاكروا و أنت مش فاهم يعنى أيه مصبحين .
يوم الجمعة عندك 68 ساعة .
لما تعور صباعك و أول حاجة تفكر فيها هل هاتقدر تكمل الماكيت ولا لأ .
لما تعرف أخيراً ليه كل المعماريين لابسين نضارات و شعرهم أبيض .
لما تسمع كل الأغانى اللى الابتوب فى ليلة واحدة .
أختك تفكر فى ماركات اللبس و الماكياج برادا, إكس فاكتور , شانيل , ديور و انت بتفكر فى روترنج و كانسون و فايبركاسل .
لما يبقى ماعنكش جيرل فرند ( أو بوى فرند ) لأن مفيش حد هايقبلك على الوضع ده .
أول ماتسمع كلمة - أجازة - تفكر فى النوم على طول .
لما تدخل المطعم اللى جنب اللى الكلية و تقوللهم - الطلب بتاع كل مرة - و هما هايفهموا على طول .
لما تلاقى نفسك بتستعمل أدوات الرسم فى الأكل .
لما تقوم تصحى علشان تروح الكلية تلاقى نفسك موجود جوه الصالة .
لما كل لبسك يبقى أسود .
لما يبقى أى حاجة بره القسم هى العالم الحقيقى .
ماتعرفش النهاردة من بكرة .
لما واحد يقولك : أنت مش لبست الطقم ده أمبارح و أول أمبارح ؟
لما زمايلك فى السكن يعملوا إعلان - البحث عن مفقود -
لما تحسب انت صاحى أد ايه بالأيام مش الساعات .
انك ترجع البلد مرة فى الترم .
الأحترام و هدوء الأعصاب و النرفزة محكومة بفترة نومك .
لما يهيئلك أنك شايف صورتك على علبة اللبن .
لما سريرك يبقى عليه طبقة تراب .
لما تقيس الوقت فاضل كام ساعة على تسليم المشروع , الوقت عند الناس كلها بيزيد و أنت عندك الوقت فى العد التنازلى .
لما تفكر فى الأنتحار .
لما تلاقى انك بنيت هرم من علب الكانز و تعتبر ده مشروع على السريع (زى المعرض الغريب المعمول فى صالة القسم ) .
لما تعتقد أنك لازم تقبض مقابل شغلك فى الصالة .
لما تحتاج تكلم واحد فى أخر الصالة تبعتله رسالة على الموبايل .
لما تستعمل المسطرة T فى كنس الأوضة .
لما تفتكر إن الشمس بتشرق فى اليوم مرتين .
لما تلاقى أصحابك بيقولك أنهم بيحبوا بمشوا معاك علشان أنت بتبص على حاجات محدش بيخد باله منها ( هما يعاكسوا فى البنات و أنت تبص على العمارات )
لما تبقى مش عارف أنت فى اى يوم فى الأسبوع .
لما تنام يومين كاملين بعد تسليم المشروع .
لما نقص النوم يخليك تحس بإحساس المدمن على البانجو .
لما أى سطح مستوى يقابلك يبقى مناسب للنوم زى بوردات الرسم أو ممكن تنام تحت ترابيزات الكمبيوتر لأنها أكتر مكان دافى .
لما تعمل علاقات بالدفعات اللى أصغر منك علشان يساعدوك فى الشغل ( أظن ده كلنا بنعملها و الحمد لله )
لما تظبط أكتر من منبه واحد قبل النوم .
لما تقطع صباعك بالكاتر يديك عزر مقبول لما تسلم شغل مش كامل .
حد وراه حاجة و لا تعبتوا علشان لسه فى زيهم تانى و هأكتبهم هأكتبهم
.والله كنت حعيط صعبت عليا نفسي
حبايبي وحشتونى
نوريها يا فوفة