Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 نكت أضحك معنا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
آيه نائل
.
.


انثى
عدد المساهمات : 633
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3205

مُساهمةموضوع: نكت أضحك معنا   24/01/09, 10:57 pm

- واحد عنده أرق ونفسه ينام..قاله صاحبه "عد من واحد إلي 500 وهتنام..فأخذ يعد حتي وصل إلي 109 فشعر بالنعاس قام يغسل وجهه حتي يصل إلي 500

2- واحد غبي حدف لحبيبته وردة ماتت ليه؟ علشان نسي يشيل الوردة من الزهرية

3- واحد غبي فتح محل غاز..وعلشان يعمل دعاية للمحل..فجر اسطوانة غاز

4- واحد غبى لقى قرد فى الشارع .فراح لعسكرى المرور وقاله اود يه فين . قاله وديه جنينه الحيوان فراح ورجع تانى يوم لعسكرى المرور والقرد
معاه. قاله العسكرى مش قولتلك ود يه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما

5- مرة واحد أحول عنده حمامة حولة حب يدخلها القفص حطها برة القفص جت هى تهرب راحت داخلة جوة القفص

6- مره واحد غبي راح السنيما هو ومراته اول ما النور طفا قال لها جومى يا واليه شكلهم هيناموا

7- جماعه ارهابيين أغبياء حبوا يفرقعوا مدرسه حطوا القنبله فى الدور الاول واستخبوا فى الدور التانى

8- واحد مشغول اتجوز واحدة مشغولة خلفوا ...عيل مش فاضيلهم

9- واحد جدته عيانة و رافضه الاكل فسألها تاكلى مهلبية والا اجوزك.. قالت له لأ يابنى المهلبية ناشفة على سنانى

10- واحد بخيل قال لابنه : إنجح السنة دي وانا أجبلك كورة .. الولد شد حيله ونجح .. أبوه إشترى له كورة .. وقال له : طب لو نجحت السنة الجاية أنفخها لك

11- واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس

12- مسطول بيقول لصاحبه : أهم خمس حاجات في الدنيا ...تلات حاجات .... الميه و الهوا

13- واحد مسطول الظابط قالة "اسمك اية" قالة "انا ياباشا? قالة "لا انا يا اخويا" قالة "سعيد يا باشا" قالة "سنك كام" قالة "انا يا باشا" قالة "لا انا يا اخوية" قالة "انت 42 43"

14- واحد مسطول اشتغل سواق تاكسي، شاورتله واحده، وقف وسألها "رايحه فين؟" قالتله "المهندسين" قالها "روحي بس ما تتأخريش"

15- مرة مجموعة مساطيل بيكتبوا محاضرة مع دكتور كل مايمسح السبورة يقطعوا الورقة

16- اتنين مساطيل طالعين في الأسانسير واحد بيقول التانى "هو الاسانسير بطىء كده ليه؟" قاله "يمكن طالع على السلم"

17- مسطول ماسك ثلجه بيقول أموت و أعرف بتنقط منين الميه ديه

18- اتنين مساطيل قاعدين قدام مرايا الاول بيقول لصاحبوا مش واجب برده نقوم نسلم ع الجماعه اللى قاعدين دول قالوا واجب برده ولسه حيقوموا راح التانى قالوا اقعد يا عم اهم جاييين علينا اهم

19- مره واحد مسطول امه بتصحيه وبتقوله قوم يابنى الشمس طلعت قالها دخليها وقفلى الباب وراكى

20- كلب قابل كلب تاني فى الشارع فبيقوله هو فرد عليه الكلب التاني وقاله هوهو رد عليه الكلب الاول وقاله بقولك اييه ما تغيرش الموضوع

21- مرة كان فى نملة بتستحمى تاهت فى الليفة

22- زوج وزوجة عايشين كل يوم في نكد راح جوزها قال "نخلى يوم الاربعاء بس هو النكد" قالت له "ماشى"، يوم الثلاثاء جوزها راجع من الشغل، وكانت مراته فرحانة قوي، بيسألها "فرحانة قوي كدة ليه؟" ردت و قعدت تغني "بكرة النكد بكرة، بكرة النكد بكرة"

23- مرة واحد عصبي اتجوز وحدة عصبية الدكتور جاى ينزل الولد قاله اوعى ياعم انا نازل لوحدى

24- مرة اتنين لسة متجوزين جديد وخرجين ومشين على الكورنيش الزوج:شايفة القمر يا قمرايا الزوجة :شايف النيل يا منيل

25- واحد مراته ماتت فماشى فى العزا عمال يضحك فواحد بيسأله بتضحك على ايه قاله أول مره أعرف هى رايحه فين

26- واحدة بتقول لجوزها وهما نايمين بالليل قوم يابو حسين احسن في حرامية في البيت قالها لأ قومي انت لايكونوا ستات

27- واحد بخيل اوي لما اتجوز سافر قضي شهر العسل لوحده

28- مرة واحد بخيل حلم انه اشترى فاكهة ولحمة لبيته ولما صحى حكى لمراتة قالتله ايه البعزقة دى

29- واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

30- مرة واحد بخيل شقتة ولعت ادى للمطافى رنة

21- مرة اتنين بخلاء خلفوا عيل حطوة فى البنك

32- اتنين مساطيل عايزين يهربوا من مستشفى المجانين، قالو نعمل خطه، لو السور طويل نقصره شويه ونهرب، ولو السور قصير نهرب على طول، راحوا ملقوش سور خالص، قالوا يلا نرجع الخطه فشلت

33- مرة 3 تلاميذ اتأخروا عن الحصة الاولى ، و لما وصلوا المدرسة قالتلهم انتوا كنتو فين؟ الأول قال أنا ضاع منى الخاتم بتاعى، الثانى قال وأنا كنت بدور معاه، فسألت الثالث وأنت كنت فين؟ قلها كنت دايس عليه!!

34- واحد واقف امام محل عصير ومعهوش غير 25قرش قال اشرب عصير ولا اركب الاوتوبيس لو ركبت الاوتوبيس يا هقف يا هقعد، لو وقفت مش مشكله لو قعدت هقعد جنب راجل او ست، لو ,راجل مش مشكله لوست يا هتبقي حلوه او وحشه، لو وحشه مش مشكله لوحلوه هطلبها للجواز، لو رفضت مش مشكله لو وافقت هدفع لها مهر وشبكه وهتخلف عيال ياخدو فلوسي ويطلعو عيني، وعلي ايه مشرب عصير احسن.52-مره واحد أهبل قال والله العظيم ما هنام الا اما اخلص اللبانه

35- اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه

36- إتنين مشين فى الصحرا طلع عليهم اسد فواحد منهم رماه بطوبة وجرى بيبص وراه لقى صاحبة واقف بيقولة إنت مبتجريش لية قالو وانا مالى هو انا إللى ضربته

37- مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق

38- واحد صينى وقع اتكسر

39- مرة دكتور تحليل امة ماتت قال تحاليلي ياما

40- سأل الأب ابنه الراسب للسنة الثانية على التوالي : لماذا رسبت ؟ قال الولد : لأن المدرس أتى بنفس أسئلة العام الماضي

41- مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين

42- حرامي خبطتة عربيه ... قالوا له م أخدتش النمرة ليه ؟؟؟؟؟ قال لهم اصلها كانت ممسوكة بمسامير

43- احد جاله جواب ومكتوب في اخره ..... صندوق البريد ص.ب 44 ....... الراجل مفهمش يعني إيه ؟ سأل واحد تاني قال له ....يأخي بيقولك عايز صندل بني مقاس 44

44- مره مجموعه هجموا علي شخص وفي ايديهم السلاح وسالوه :انت معانا ولا مع الناس التانيين؟؟؟؟؟ فرد الشخص برعب شديد وقالهم على الفور انا معاكوا طبعا .............. فقاوا له : احنا الناس التانين .. طاااااخ

45- أغبياء راحو يلعبو بلياردو.... واحد منهم ركب على الطرابيزة و قال لهم انا الجووون

46- مرة واحد غبى كان ماسك موبايل و بيتصل و عمال يقول دوري و انت تلاقي ..دوري و انت تلاقي ...دوري و انت تلاقي فكان جانبه واحدة ست فخدت منه الموبايل و بتسمع لاقت واحدة ست بتقول : الرقم الذي طلبته غير موجود بالخدمة

47- مره ممثل قدير جاله دور برد رفضة

48- واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول." .

49- محشش قاعد بيرقص ليه ؟ عشان قاعد بديسكو

50- في واحد عرف رقم إبليس راح طفشه ليش لأنه كل شوي يبعتله رسالة أعوذ بالله من الشيطان الرجيم

51- واحد رفع قضية وقعت عليه

52- واحد بهيم أنقد سمكة من الغرق وعمل لها تنفسا صناعيا .

53- بخيل سأله أولاده : ماهي هدية نجاحنا ؟رد عليهم : سأريكم سيارة الآيس كريم .

54- في يوم زفاف أختها , سألت الطفلة الصغيرة عن السبب في أن العروس تلبس فستانا أبيض .قيل لها لأنها فرحانة .قالت : فلماذا يلبس العريس بدلة سوداء.

55- نكته ماشيه فى الشارع بتعيط ليه؟واحد ضحك عليها

56- نكته محكوم عليها بالاعدام ليه؟موتت واحد من الضحك

57- نكته دخلت الكونجرس ليه؟نكته سياسيه

58- نكته بتمشى لوحدها ومحدش بيكلمها او يسلم عليها ليه؟نكته بايخة

59- نكته هدومها عليها تراب ليه؟نكته قديمه

60- نكته خطابها كتير ليه؟نكته حلوه

61- نكته واقفه على الباب ليه؟نكته خارجه

62- نكته ضربت واحد قاعد على القهوه ليه؟بيقول على نفسه ابن نكته, ولا هى امه ولا تعرفه

63- نكته كل الناس بتخاف تكلمها ليه؟نكته قبيحه

64- نكته صابغه شعرها اصفر فى اخضر ليه؟نكته روشه

65- نكته بتوطى وهى داخله من الباب ليه؟نكته طويله

66- نكته بتخبط على الباب مرتين ليه؟نكته مؤدبه

67- نكته ماشيه على الرصيف وماسكه سيجاره ليه؟بتدور على حد يضحك عليها

68- فيه قزم بينتحر نط من علبت نيدو

69- فيه محشش فرش فراش نام جنبه

70- فيه احول ماتت امه دفن ابوه

71- واحد مغفل سوى عمليه جراحيه ... ونجحت العمليه ... قام سواها مره ثانيه !!!

72- فيه واحد خطف عجوز وداها حارس المدرسة الثانوية وقال له :" ممكن تصرفها لي بنات " !!!

73- قال الجار لجارته العجوز : دجاجتك لن تبيض بعد اليوم !!العجوز : لماذا ؟الجار : لأني دهستها بالسيارة


74- عجوز طب في بيتهم حرامي سرق التلفزيون لحقته وتقول له:خذالريموت !!!

75- عجوز تكره نفسها .... يوم طاحت وهي ماشية قالت : أحسن تستاهلين !!

76- مدرس سأل أحد طلابه .. كم عمر أبوك ؟قال الطالب : والله ما أدري .. بس من زمان وهو عندنا !
77- سأل طفل أباه .. هل الحب أعمى ؟ .. رد عليه أبوه .. وقال : شوف أمك وأنت تعرف !!


78- قالت الأم لطفلها : ضع الشيء الذي تخاف عليه في الصندوق وأقفل عليه .فقام الطفل بوضع المفتاح في الصندوق و أقفل عليه !!!

79- طلب المدرس من احدتلاميذة ان يرسم اكبر حيوان على السبورة فقام احد التلاميذ برسم نقطة صغيرة ، فسألةالمدرس : ماهذا !؟ فأجاب
الطالب : هذا فيل جاي من بعيد

80- فيه طالب أحول (( الله لا يبلانا )) يبي ينحاش ( يهرب ) من المدرس .... دخل غرفة المدير

81- سأل الأب ولده الراسب للسنة الثانية على التوالي : لماذا رسبت ؟قال الولد : " لأن المدرس أتى بنفس أسئلة العام الماض

82- قال المدرس للطفل : لماذا يسمون اللغة .. لغة الأم ؟الطفل : " لأن الأب قليلاً ما يجد فرصته في الكلام

83- فيه واحد غبي قال له ولده : يابه جب لي مدرس خصوصي !قال الأب : إذا نجحت !!!

84- بخيـــــل دخل الحمام ولم يخرج لــيـــــــــــــش ؟؟؟؟؟مكتوب على باب الحمام من الداخل ادفـــع

85- ميكانيكي اشترى سرير ... نام تحته

86- واحد قالو له إن الجزر يقوي النظر ..اشترى جزر وصار يناظر فيه !!

87- فيه أثنين راحو مع بعض ... رجع ( بعض ) وخلاهم لوحدهم .

88- فيه واحد بلع ريقه جاه تسمم !!!

89- واحد ضاق صدره ... أعطاه أخوه الصغير !!!

90- فيه واحد نام متأخر ...... فاته الحلم !!


91- واحد دخل السلك الدبلوماسي ........ إتكهرب !!!

92- واحد كريم تزوج وحده كريمه .. جابوا ولد .....عطوهالجيران !!!

93- واحد مجنون(توم وجيرى) مات ابوه كتب على القبر the end

94- قال الطفل لابوه : الى اين انت ذاهب؟قال الاب الى جهنم فقال الطفل هل انت ذاهب بالمرسيدس ام بالفورد

95- عجوز جالسه جنب النار فى البرد فقالت وهى منفعله : الله لا يحرمنا منها دنيا واخره

96-شخص بنى مسجد وفى الافتتاح وضع اعلان : تخفيضات.... صلاه الظهر بون وضوء

97- عصفور جائع جدا وجاء شخص نذل واطعمه حبوب فاتحه للشهيه

98- عجوز تريد ان تتظاهر انها من الطبقه الراقيه سالوها : من اينت حذائك قالت من ماكدونالز

99- وايضا طالب يريد ان يقلد العجوز سالوه اين تدرس قال فى الشيراتون

100- شخص دلوع : سالوه هل تريد الصقر ام النسر فقال يااااى انا احب تويتى
الرجوع الى أعلى الصفحة اذهب الى الأسفل
آيه نائل
.
.


انثى
عدد المساهمات : 633
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3205

مُساهمةموضوع: رد: نكت أضحك معنا   24/01/09, 10:58 pm

لازم يا جماعه تردوا
الله عايزه اشوف رايكم بجد
لو عجابتكم
هجيب حجات تانى كتير
الرجوع الى أعلى الصفحة اذهب الى الأسفل
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: نكت أضحك معنا   24/01/09, 11:37 pm

حلوين جدا يا ايه
بس كتييييييييير قوي
انتي مش شايفة كده؟

تسلم ايديكي
الرجوع الى أعلى الصفحة اذهب الى الأسفل
AlShaimaa mahmoud
.
.


انثى
عدد المساهمات : 700
العمر : 27
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3544

مُساهمةموضوع: رد: نكت أضحك معنا   25/01/09, 12:18 am

lol! حلوين يا آيه اوي

لو عايزه تجيبي تاني بلاش تريئه على القصيرين والاااااااااااااا affraid

بلاش من دي (- فيه قزم بينتحر نط من علبت نيدو
) Evil or Very Mad
الرجوع الى أعلى الصفحة اذهب الى الأسفل
آيه نائل
.
.


انثى
عدد المساهمات : 633
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3205

مُساهمةموضوع: رد: نكت أضحك معنا   25/01/09, 06:53 am

شكرا يا فدوى علا مرورك
وانا فعلا مأختش بالى خالص
بس بجد لو عايزين تانى اجبلوكوا بس ابقى اقللهم شويا
Laughing
الرجوع الى أعلى الصفحة اذهب الى الأسفل
آيه نائل
.
.


انثى
عدد المساهمات : 633
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3205

مُساهمةموضوع: رد: نكت أضحك معنا   25/01/09, 06:55 am

والله ما اقصد يا حبى بس هيه النكته كده
عموما انا بجد اسفه يا شوشو Embarassed
وعلى فكره بيتكلم على الاقذام يعنى انتى ملكيش دعوه lol!
الرجوع الى أعلى الصفحة اذهب الى الأسفل
Eng yota.E
.
.


انثى
عدد المساهمات : 1126
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 4116

مُساهمةموضوع: رد: نكت أضحك معنا   25/01/09, 06:55 am

جامدين اوي يا يويو cheers
وهاتي تاني احنا مستنيين
الرجوع الى أعلى الصفحة اذهب الى الأسفل
 
نكت أضحك معنا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتدى العام :: قسم الترفية والمواضيع الخفيفة-
انتقل الى: