Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

احمد جمال على كرسى الاعتراف

power_settings_newقم بتسجيل الدخول للرد
+8
sh.m
F-A_3marah
Marc_Samir
nada aly
safaa 3abbas
Dr. Hesham
AhMaD JaMaL
مكسل اكتب اسم
12 مشترك

descriptionاحمد جمال على كرسى الاعتراف Emptyاحمد جمال على كرسى الاعتراف

more_horiz

احمد جمال على كرسى الاعتراف

[ندعوك للتسجيل في المنتدى أو التعريف بنفسك لمعاينة هذه الصورة]
يلا يا جماعة

اللى فى نفسه حاجة

وعايز يسأل احمد جمال

ما يتكسفش

ابو جمال على الكرسى دلوقتى

وانا كان نفسى بصراحة ابقى معاكوا كل يوم وكل ساعة

عشان اتابع الموضوع
واضبطه


لكن معلش مشغول شوية

عموما انا هسيب الموضوع دا لباقى المشرفين يضبطوه


واول اسبوع طبعا هيكون ابو جمال
وتانى اسبوع

سارة
وتالت اسبوع
صفاء
والرابع
لسه مش عارفين


يلا يا جماعة

عايزكم تشلخوا احمد جمال بالاشئلة



descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
بصو يا جماعة

شكل المنتدى كله متفق عليا

بقولكم ايه

كل اللي نفسه في حاجة يسأل

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
بسم الله الرحمن الرحيم
بعد اذن جميع الأعضاء أبتدي أنا المحاكمة
.
.
.
السؤال الأول
(بس قول والله العظيم أقول الحق)ـ

ليه دخلت قسم عمارة؟

اعترف
بس خليك فاكر انك قلت والله العظيم اقول الحق ...ماتنساش


عدل سابقا من قبل Dr. Hesham في 29/01/09, 09:17 pm عدل 2 مرات

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
الادمين على الكرسي


هيه هيه هيه

استنى لما ادبرلك فى سؤاااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
ااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا
اااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااال
صغير خالص

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz

بصوا يا جماعة
عشان الموضع يسخن شوية
كل واحد يدخل

يقول رايه فى احمد جمال

بس بمنتهى الصراحة
وفى نفس الوقت بدون تجريح


واحمد طبعا هيرد على الكلام ده


بس على فمكة يا جماعة

كل عضو من حقة 10 اسئلة بس

يعنى لو زود عن 10 اللى ع الكرسى من حقه
يرد او ما يردش

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
انا من رأيي نثبت الموضوع عشان يسخن اكتر والكل يجي يسأله Twisted Evil لحد مافكرلك فى حاجة يا ابو جمال

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
طيب ما تثبتيه يا صفاء مستنيه ايه

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]يلا مين هيبدأ

عدل سابقا من قبل safaa 3abbas في 29/01/09, 09:41 pm عدل 1 مرات

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
اولا يارب يكون الكرسي عجبك
ثانيا قوول ورايا والله العظيم اقوول الحق
ثالثا مش هأطول عليك

1 دمعة سقطت من عينك مين كان سببها
2 نقطة ضعفك
3 فرضا لو اصبحت بنت ليوم واحد من غير ما حد يعرف بالحكاية ايه اللي هتعمله من ادوار البنات اللي ما تقدرش تعملها وانت راجل
4 ايه رأيك في رجالة انهارده
5 واخيرا وليس آخر ايه أقوى شخصيه ف المنتدى من وجهة نظرك؟؟

.وللحديث بقية

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
بالراحة شوية يا جماعة على الراجل واحدة واحدة .
جاوب الأسئلة دى قبل ماتيجى أسئلة تانى و الواجب يكتر عليك

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
هرد عليكم واحد واحد وسؤال سؤال
بس اسلم مشروع الاربن
وانا معاكم بعدها

وهنخلي الموضوع اسبوع من اول رد ليا على الاسألة

بتمنى لكم يوم سعيد

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
للأسف مش مجهزة أسئلة
بس هبدأ بسؤال واحد دلوقت على ما أجهز أسئلتي
أوك

هل ندمت في يوم من الأيام انك دخلت قسم العمارة؟

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
Dr. Hesham كتب:
بسم الله الرحمن الرحيم
بعد اذن جميع الأعضاء أبتدي أنا المحاكمة
.
.
.
السؤال الأول
(بس قول والله العظيم أقول الحق)ـ

ليه دخلت قسم عمارة؟

اعترف
بس خليك فاكر انك قلت والله العظيم اقول الحق ...ماتنساش

هرد على الاسألة اللي سألتوهالي واحد واحد
نبدأ بالدكتور هشام

هقول لحضرتك ليه انا دخلت قسم عمارة

لاسباب كتيرة
1-اول حاجة انا متخيلتش نفسي غير مهندس ومهندس معماري
2- ومعايا عمى مهندس معماري واكتر واحد حببني في القسم دا وشجعني ليه
3- حسيت - ومخابش احساسي - انه القسم بتاعنا قسم راقي جدا واحسن من اقسام تانية كتيرمن نواحي كتير
اسلوب التعليم -اسلوب التعامل في القسم


يعني دي من الاسباب اللي خلتني دخلت القسم

اي استفسار تاني؟؟؟؟

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
nada aly كتب:
اولا يارب يكون الكرسي عجبك
ثانيا قوول ورايا والله العظيم اقوول الحق
ثالثا مش هأطول عليك

1 دمعة سقطت من عينك مين كان سببها
2 نقطة ضعفك
3 فرضا لو اصبحت بنت ليوم واحد من غير ما حد يعرف بالحكاية ايه اللي هتعمله من ادوار البنات اللي ما تقدرش تعملها وانت راجل
4 ايه رأيك في رجالة انهارده
5 واخيرا وليس آخر ايه أقوى شخصيه ف المنتدى من وجهة نظرك؟؟

.وللحديث بقية

ونشووووووووووف المشرفة ندى علي بتسأل وبتقول ايه
اولا الكرسي من البداية كدا مطمني بس يا عالم بكرة هيكون فيه ايه
ثانيا والله العظيم هقول الحق
ثالثا
كل دا ومطولتيش؟؟؟امال لو حبيتي تطولي ؟؟؟؟؟
المهم ولا يهمك

بالنسبة للسؤال الاول

دمعة سقطت من عيني
كان سببها شخص ما واخد مني شئ جميل جدا ومقدرتش أرجعها


السؤال اللتاني
نقطة ضعفي

اي حد يكون عنده كسر او عنده مشكلة في العظام وعشان كدا بحمد ربنا مليون مرة اني مدخلتش طب

بالنسبة للسؤال التالت
هوا صعب شوية بس امممممممممممممممم

اشوف الاستراحة بتاعتكم دي آخرتها فين
واعرف اقعد على حيلي شوية ويجيلي صبر زيكم واذاكر من غير ما افتكر مليون حاجة وحاجة
وووو.........ـكفايا كدا

والسؤال الرابع
ايه رأي في رجالة النهاردة

مالهم كويسين وزي الفل
حد عنده اعتراض

السؤال الخامس
أقوى شخصية في المنتدى اممممممممممم

هيا أكيد المشرفة الكبيرة فدوى
اللي قدرت تقنع سنة اولى كلهم يدخلو المنتدي!!!!!!!!

السؤا.......ايه دا


معقول خلصت الاسألة يااااااااااااااه جالي احساس انها مش ناوية تخلص

يا مسهل يا رب وعدي الاسبوع دا على خير




descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
F-A_3marah كتب:
[b]للأسف مش مجهزة أسئلة
بس هبدأ بسؤال واحد دلوقت على ما أجهز أسئلتي
أوك

هل ندمت في يوم من الأيام انك دخلت قسم العمارة؟


حكاية اني ندمت

اظن دي صعبة لاني داخل القسم وانا حابه



بس بعد ما قعدت فترة في القسم وخصوصا في سنة أولى

جت عليا فترات ندمت اني دخلت القسم لاسباب كتير
ابسطها الشغل الكتير اللي في سنة اولى واحنا لسا مش فاهمين حاجة

بس دلوقتي وبعد ما وصلت سنة رابعة بقول لو لم أكن معماريا لوددت أن أكون معماريا

وندمت اني ندمت على دخولي القسم

حلوة الاسألة دي يا فدوى سؤال وخلاص

تحياتي


descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
الأول شكرا
مع اني متأكدة هتلاقي في المنتدى شخصيات أقوى مني بكتييييييييييييييييييييييير
أصل بصراحة كده لو أنا أقوى شخصية في المنتدى يبقى المنتدى في ورطة
ههههههههههه

ثانيا : مين قال اني كدة خلصت أسئلة
أنا بس كنت بسخن

نرجع للأسئلة

2-هل انت شايف ان المناهج اللي بتتدرس في القسم تأهل للعمل بعد التخرج؟


3-لو جتلك الفرصة تعيش بره مصر تاني تسافر؟


4-هل فكرت انك لو كنت عايش في مصر من الأول كانت حياتك هتختلف؟

كفاية كده المرة دي

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
اهلا بالباشا بتعنا على كرسى الاعتراف
السؤال الاول
حالة ضعف استملكتك، متى ومن كان السبب؟
السؤال التانى
الى من تهدى:
باقة من الورد الأحمر
باقه من الورد الابيض
برقية اعتذار

السؤال الثالث
ايه الحلم اللى حلمته ولما حلمته مكنش المفروض انك تحلمه؟
السؤال الرابع
ساعات كتير مش بنقدر نتحكم فى انفعالاتنا , امتى مش بتقدر تتحكم فى انفعالاتك ؟
وازاي بتعبر عن انفعالك وغضبك؟
السؤال الخامس
ماهو الشي الذي امامك ولكن صعب الوصول اليه؟
كفايه كده دلوقت ياباشا وربنا يقويك علينا
بس يارب ماكنش تقلت عليك ولا طولت
والباقى كمان شوية
وربنا يستر ومايطلعش علينا الكلام ده cheers cheers


descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
F-A_3marah كتب:
الأول شكرا
مع اني متأكدة هتلاقي في المنتدى شخصيات أقوى مني بكتييييييييييييييييييييييير
أصل بصراحة كده لو أنا أقوى شخصية في المنتدى يبقى المنتدى في ورطة
ههههههههههه

ثانيا : مين قال اني كدة خلصت أسئلة
أنا بس كنت بسخن

نرجع للأسئلة
2-هل انت شايف ان المناهج اللي بتتدرس في القسم تأهل للعمل بعد التخرج؟
3-لو جتلك الفرصة تعيش بره مصر تاني تسافر؟

4-هل فكرت انك لو كنت عايش في مصر من الأول كانت حياتك هتختلف؟

كفاية كده المرة دي


تاني

احنا المفروض نخليها مرة لكل واحد

ولا اقول ارد على اسألتك وبعدين نشوف الموضوع دا
هل انت شايف ان المناهج اللي بتتدرس في القسم تأهل للعمل بعد التخرج؟
اسألي حد متخرج هيرد احسن مني
ولو اني شايف ان فيه حاجات بناخدها في الكلية وفي القسم قريبة من سوق العمل وخصوصا المواد العملية
زي الوركنج-الانشاء المعماري- فعلا بنستفاد منها في الكلية وبرا الكلية
بس اللي احنا بناخده في الكلية هيا المثالية وطبعا دا مستحيل يكون في الواقع
بس أكيد هنستفيد منها
وفيه مواد بتكون في وادي والدنيا برا في وادي تاني

3-لو جتلك الفرصة تعيش بره مصر تاني تسافر؟
فكرة السفر مكنتش في بالي لغاية السنة دي لكن دلوقتي
لو جت لي فرصة احسن برا هطلع برا البلد دي


4-هل فكرت انك لو كنت عايش في مصر من الأول كانت حياتك هتختلف؟
وش لازم تختلف
الحياة برا علمتني حاجات كتير ولما رجعت خسرتها
علمتني افكر في كل حاجة
علمتني النظام في حاجات مش موجودة في مصر
علمتني ازاي امسك كتب أكبر كتير من سني وكنت اخلصها في وقت صغير
واناقش فيها الاكبر مني
ولما جيت مصر مفتكرش اني كملت كتاب للاخر

نووووووووووووووووووووووووورتي يا فدوى

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
sh.m كتب:
اهلا بالباشا بتعنا على كرسى الاعتراف
السؤال الاول
حالة ضعف استملكتك، متى ومن كان السبب؟
السؤال التانى
الى من تهدى:
باقة من الورد الأحمر
باقه من الورد الابيض
برقية اعتذار

السؤال الثالث
ايه الحلم اللى حلمته ولما حلمته مكنش المفروض انك تحلمه؟
السؤال الرابع
ساعات كتير مش بنقدر نتحكم فى انفعالاتنا , امتى مش بتقدر تتحكم فى انفعالاتك ؟
وازاي بتعبر عن انفعالك وغضبك؟
السؤال الخامس
ماهو الشي الذي امامك ولكن صعب الوصول اليه؟
كفايه كده دلوقت ياباشا وربنا يقويك علينا
بس يارب ماكنش تقلت عليك ولا طولت
والباقى كمان شوية
وربنا يستر ومايطلعش علينا الكلام ده cheers cheers


اهلا اهلا اهلا شذى
شكلك ناوية عليا اليومين دول
بقى سايبة الاربن مخصوص عشان تسالي
لسا الموضوع مطول
هههههه
نشوف الاسألة ونرجع نتكلم


حالة ضعف استملكتني
امممممممممم
لما ابقى عايز اوصل لحاجة وافضل احاول اوصلها مرة واتنين وتلاتة ومقدرش اوصل
بحس وقتها بالضعف


الى من تهدى:
باقة من الورد الأحمر
لجدتي الغالية ربنا يخليها ويحفظها ليا
باقه من الورد الابيض
لشخص بعزه جدا
برقية اعتذار
لكل واحد غلطت فيه في يوم من الايام وياريت يقبلها

ساعات كتير مش بنقدر نتحكم فى انفعالاتنا , امتى مش بتقدر تتحكم فى انفعالاتك ؟
انا انسان هادئ بطبعي بس المثل بيقول اتق شر الحليم اذا غضب
والحاجة اللي ممكن تخليني اضايق لما احس ان حد بيهيني او بيجي على كرامتي
لما اكون متفق مع حد على حاجة ويرجع في كلامه

وازاي بتعبر عن انفعالك وغضبك؟
هههههههههههههههههههههههههههههههههههههههه
نفس الكلمة اللي فوق
اتق شر الحليم اذا غضب


ماهو الشي الذي امامك ولكن صعب الوصول اليه؟
ان اوصل لنهاية الاسبوع دا

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
اوبااااااااااااااااااااااا

اهو هوا دا اللي خايف منه



ربنا يستر والله

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
والله يا ابو جمال انا محضرالك مفاجآت
بس بصفيهم
مين اللى اسألهولك هنا فى المنتدى
ومين اللى مينفعش أسألهولك هنا فى المنتدى
ومين اللى من الاسئلة اللى ممكن استغنى عنها واسألهالك برة المنتدى
[ندعوك للتسجيل في المنتدى أو التعريف بنفسك لمعاينة هذه الصورة]10 اسئلة بس
قليلين طبعا
المفروض انت الادمين ويكون لكل عضو 20 سؤال مش 10

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
اما نشوف يا صفاء

ولو اني بفكر اخفي القسم دا كله من عندك

عشان متسأليش

ههههههههههههههههههه

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
1-هل مر عليك سؤال محرج وتمنيت انه محدش يسأله ليك ؟ وكان ايه هو السؤال ؟ وليه مرضيتش ترد عليه وتقول بصراحة يا باشا الاجابة؟


2- هل فى حد من اصدقائك خانك ؟ كام واحد عمل فيك الحركة دى ؟ ومين اللى غفرتله العملة السودة اللى عملها دى و مين اللى لا يمكن تسامحه وترجعوا اصدقاء تانى زى الاول ؟


3- مين اكتر واحد فى المنتدى خايف من انه يجي يسألك وانت على كرسي الاعتراف ؟ وليه ؟وايه السؤال اللى ده اللى انت خايف حد يسألهولك؟؟؟؟؟؟




4- قول رأيك فى كل اعضاء ومشرفين المنتدى او حتى الاقل اللى دايما بيدخلوا المنتدى و انت عارفهم ومتحاولش تزوغ حد كده ولا كده يا باشا انا عداهم ؟



5- ايه الحاجة اللى كان نفسك تحققها ومتحققتش ؟ وليه معرفتش تحققها ؟ وهل هتحاول مرة تاني فى تحقيقها ولا هتدور على هدف غيره ؟



6- ايه الشئ اللى عرفت قيمته وخايف تخسره ( سواء حاجة فى شخصيتك او انسان او اى شئ اخر ) ؟وهل حصل انك خسرت الحاجة دى ؟؟؟؟ لو الاجابة اه تقول السبب كان ايه ؟



7-ايه الحدث اللى حصل فى حياتك و بتفكر فيه كتير ( سواء اتمنيته يحصل وحصل وتتمنى انه يتكرر) او ( اتمنيته انه ميحصلش وللاسف حصل واتصرفت ازاى و بتحاول تنساه او متفكرش فيه ازاى ومتقوليش ب هههههههه) ؟
.
.
.
.
.
[ندعوك للتسجيل في المنتدى أو التعريف بنفسك لمعاينة هذه الصورة]ال 3 الباقيين كده

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
1-هل مر عليك سؤال محرج وتمنيت انه محدش يسأله ليك ؟ وكان ايه هو السؤال ؟ وليه مرضيتش ترد عليه وتقول بصراحة يا باشا الاجابة؟


طبعا يا ست صفاء اسألتك محرجة
ربنا يستر على الباقي

2- هل فى حد من اصدقائك خانك ؟ كام واحد عمل فيك الحركة دى ؟ ومين اللى غفرتله العملة السودة اللى عملها دى و مين اللى لا يمكن تسامحه وترجعوا اصدقاء تانى زى الاول ؟


الخيانة موجودة في ناس كتير اما كام واحد عمل الخيانة دي فيا

والخيانة عندي مقدرش اسامح فيها حد مهما كان

3- مين اكتر واحد فى المنتدى خايف من انه يجي يسألك وانت على كرسي الاعتراف ؟ وليه ؟وايه السؤال اللى ده اللى انت خايف حد يسألهولك؟؟؟؟؟؟


اكتر واحدة هيا صفاااااااااااااااااااء عبااااااااااااااااااااس

عشان انا عارف اسألتها هتكون ازاي

واهوه قدامكم باين من أسألتها

هههههههههههههههههههههههههه

4- قول رأيك فى كل اعضاء ومشرفين المنتدى او حتى الاقل اللى دايما بيدخلوا المنتدى و انت عارفهم ومتحاولش تزوغ حد كده ولا كده يا باشا انا عداهم ؟

كل الاعضاء دا مش سؤال يا صفااااااااااااء دا عايز موضوع كامل عشان الواحد يقول رأيه في الناس كلهم

بس في المجمل الناس كلهم زوق واخلاق عالية وعندهم انتماء للمنتدى والناس اللي فيه
وطبعا من الناس اللي الواحد مش عارف يشكرهم ازاي على تعبهم معانا زي
أبو الحسن
ودفعتي كلهم بما فيهم سيادتك
وسارة عبدالعليم
وندى علي
وسنة اولى كلهم فدوى وفاطمة وآية وكل سنة اولى بلا استثناء
والناس اللي هما ضيوفنا ولكن اصحاب بيت

شيماء وميروكول

الناس دي كلها الواحد مش عارف يشكرهم ازاي ويارب مكونش نسيت حد

5- ايه الحاجة اللى كان نفسك تحققها ومتحققتش ؟ وليه معرفتش تحققها ؟ وهل هتحاول مرة تاني فى تحقيقها ولا هتدور على هدف غيره ؟


كان نفسي اكون منظم واكون محترف في الثري دي ماكس
ومش عارف ليه انا مش منظم؟؟؟والماكس حاولت فيه بس معرفتش
ومن ناحية هحاول انا مش هحاول لا انا فعلا بحاول وهوصل لحاجة

6- ايه الشئ اللى عرفت قيمته وخايف تخسره ( سواء حاجة فى شخصيتك او انسان او اى شئ اخر ) ؟وهل حصل انك خسرت الحاجة دى ؟؟؟؟ لو الاجابة اه تقول السبب كان ايه ؟


حبيب قلبي هشام محمود
زميل دفعتي وابن بلدي

بجد انسان فوق الوصف
انسان شهم وراجل وجدع جدا جداجدا

وهزعل جدا لو خسرته

7-ايه الحدث اللى حصل فى حياتك و بتفكر فيه كتير ( سواء اتمنيته يحصل وحصل وتتمنى انه يتكرر) او ( اتمنيته انه ميحصلش وللاسف حصل واتصرفت ازاى و بتحاول تنساه او متفكرش فيه ازاى ومتقوليش ب هههههههه) ؟

هههههههههههههههههههههههه

عايزة ايه يا صفاء؟؟؟؟؟

هرد عليكي بعدين........... تعبت من الكتابة

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
ايه يا جماعة الاشئلة دى
عايزين نسخن الموضوع شويه

انا كنت فاكر الموضوع هيبقى سخن اكتر من كده

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]دى اجابات دى يا احمد
محبش الاجابات الدبلوماسية[ندعوك للتسجيل في المنتدى أو التعريف بنفسك لمعاينة هذه الصورة]
هههههههههههههههههههههههه تنفع وزير او رئيس جمهورية فعلا
لا بجد يا احمد السؤال سطرين ولا 3 سطور واجابتك كلمتين مجمعين كل حاجة فى السؤال
مينفعنيش ده يا باشا!!!!!!!!!!!هتجاوب تانى
والاسئلة اللى مش عاوز تجاوبها هنا ابعتلى اجابتها على الايميل
والا ال 10 اسئلة يبقوا 20
وهحطلك الاكمل Twisted Evil

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
أولا بشكرك يا أحمد على كلامك وإحساسك. ثانيا أنا كمان متمناش إننا نخسر بعض ولا أي عضو في HAS‏. ثالثا نسأل بقى شوية. 1- هل أنت راضي عن نفسك؟ 2- إيه إللي إنت شايفه ناقص في شخصيتك أو حياتك ونفسك تكمله؟ 3- لو كنا على وشك افتتاح‏ HAS STUDIOوجاتلك فرصة أحسن سواء في مصر أو براها حتختار إيه؟ 4- مين أكتر دكتور بتحبه في القسم أو اتخيلت نفسك مكانه؟ 5- شايف نفسك وحياتك إزاي بعد‎10 سنين؟ وكفاية كدة المرة دي... نكمل بعدين.

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
اهلا يا احمد انا رجعت من جديد cheers cheers
ايه الاخبار ........ ان شاء الله تكون كويس فى الاجازة
مستعد للاسئلة Laughing Laughing
السؤال السادس
لو اتيحت لك الفرصه ياحاج لتغير شىء فى حياتك فماهو هذا الشىء

السؤال السابع
لمن تقوول هذه العبارات

مش عايز اعرفك

,,

ياخسارة الرحله

,,

انت عمرى

,,

خلصت الحكاية

السؤال الثامن
ايه اكتر موقف محرج اتعرضت له ؟؟؟؟
السؤال التاسع
كرهت مرة الحياة و تمنيت المووووت ؟؟؟ امتى ؟؟؟؟ و ليه ؟؟؟؟

السؤال الاخيييييييييييييير

ضعي الكلمه المناسبه بعد العبارات التاليه :
اصعب مافي الحياه.......
أحلى مافي الحياه........
الذ مافي الحياه.........
أسوء مافي الحياة........
انا كده خلصت ياباشا ويارب اكون ضيفة خفيفة عليك
وبلاش اللف والدوران ياأحمد وعايزة الاجابه بالشرح والتوضيح بالاسكتشات كلما أمكن
ماشى Evil or Very Mad

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]انسوا
اجاباته ديبلوماسية
انا من رأيي يا احمد تبعت الاجابات فى رسائل خاصة او على الايميلات لو انت محرج انك تجاوبها هنا
وانجز

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
والله من كتر الاسئله اللى انا قريتها راحت كل الاسئله من بالى
مخليتوش حاجه
بس هفكر فى كام سؤال واسألهملك يا بشمهندس قريبا ان شاء الله
..

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
حبيبي هشام محمود نورت المنتدى ونورت الموضوع

1- هل أنت راضي عن نفسك؟


لا عمري ما هبقى راضي عن نفسي
لاني مش راضي عن نفسي في حاجات كتير
مستوي التعليم لسا حاسس اني ورا
مستوى التفكير مهما كبرت حاسس اني لسا صغير

2- إيه إللي إنت شايفه ناقص في شخصيتك أو حياتك ونفسك تكمله؟

ناقصني حب الناس ليا

3- لو كنا على وشك افتتاح‏ HAS STUDIOوجاتلك فرصة أحسن سواء في مصر أو براها حتختار إيه؟

مش محتاجة اجابة

ولا حتى محتاجة تفكير

وحتى المفروض تسأل السؤال دا


وش هسافر برا


هعمل ايه في مصر


هههههههههههههههههههههههههههههههههههههههه

بهزر يا اتش

طبعا هقعد مع الهاس ومش هقدر اسيبه

وياجماعة الهاس دا اختصار لكلمة هتكون شعار وعنوان المكتب اللي هنفتحه ان شاء الله

4- مين أكتر دكتور بتحبه في القسم أو اتخيلت نفسك مكانه؟

دكتور حازم حماد طبعا

الشخصية دي فعلا نت اتمنى ان اكون زيها في يوم من الايام

بجد شخصية ملهاش حل

بيقدر يكسب حب الناس ليه واحترامهم مهما كانوا

واجمل تحية للدكتور حازم حماد

5- شايف نفسك وحياتك إزاي بعد‎10 سنين


لو على مفسي فانا هفضل زي ما أنا

لو على المكان

رئيس وزراء

ههههههههههههههههههههههههههههههههه

شكرا يا حبيب قلبي هشام على المرور والاسألة الجميلة دي

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz

-------------------------------------

اهلا بيكي يا شذى معانا


السؤال السادس

لو اتيحت لك الفرصه ياحاج لتغير شىء فى حياتك فماهو هذا الشىء

لو عايز اغير شئ في حياتي
هغير


السؤال السابع
لمن تقوول هذه العبارات

مش عايز اعرفك

,,

ياخسارة الرحله

,,

انت عمرى

,,

خلصت الحكاية



مش عايز اعرفك يا أيمن .......0 .....................واحد صاحبي!!!!!!!!!!!!


ياخسارة الرحله يا مصطفى سيد واحمد محمود

انت عمرى يا واحد من الناس

خلصت الحكاية يا قسم عمارة

ايه شذى الافلام الحلوة دي


السؤال الثامن
ايه اكتر موقف محرج اتعرضت له ؟؟؟؟

اممممم موقف محرج موقف محرج

من المواقف المحرجة اللي حصلتلي كان موقف في اعدادي هندسة
كنت قاعد في فصل من فصول ميكانيكا مستنين سكشتن رياضه فالمهم فكنا مستنين المعيد فدخل علينا واحد بسم الله ما شاء الله طول بعرض فالمهم كلنا دخلنا السكشن ودخل الباشا وعدى قدامنا وفجأة لقنياه قعد وسطنا ............طلع طالب بعدها قمنا طالعين برا السكشن مرة تانية واحنا واقفين لقينا عيل صغير دخل من وسطنا ووقف على البنش وقعد ينادي علينا

انا اتغظت منه قلت له انتا هتستهبل روح العب في اي مكان تاني ياد
وزعقت فيه



طلع المعيد ومرضيش يدخلني السكشن خالص........................!!!!!ـ



السؤال التاسع

كرهت مرة الحياة و تمنيت المووووت ؟؟؟ امتى ؟؟؟؟ و ليه ؟؟؟؟


اي يا شذى الاسألة دي

صفاء عباس معملتهاش
كرهت الحياة لما حسيت اني اتظلمت في حاجات كتير
في الدراسة في الحياة في اختيار الانسانة اللي اتمنيتها تكون شريكة حياتي

ضعي الكلمه المناسبه بعد العبارات التاليه :
اصعب مافي الحياه.......
أحلى مافي الحياه........
الذ مافي الحياه.........
أسوء مافي الحياة........


اصعب مافي الحياه....... خسارة انسان عزيز عليك
أحلى مافي الحياه........ لما تبقى مع حد وتنسي الدنيا واللي فيها
الذ مافي الحياه.........اكلة حلوة وسط اصحابك
أسوء مافي الحياة........ انك تطلع كل يوم للدور السابع تلات اربع مرات

بس بجد يا شذى اسألتك جميلة جدا

وقوية جدا

هيا دي الاسألة ولا بلاش



descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
يا فااااااااااااااااااطمة اللي يجيي في بالك قوليه

واسأليه

اتخيلي نفسك مذيعه

وعيشي اللحظة

تحياتي

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
[quote="AhMaD JaMaL"]
nada aly كتب:
بالنسبة للسؤال التالت
هوا صعب شوية بس امممممممممممممممم

اشوف الاستراحة بتاعتكم دي آخرتها فين
واعرف اقعد على حيلي شوية ويجيلي صبر زيكم واذاكر من غير ما افتكر مليون حاجة وحاجة
وووو.........ـكفايا كدا


معقول يا معلم ليك اربع سنين فى القسم
ولسه ما دخلتش الاستراحة دى
شكلك كده مش متودك

مش حكاية مش متودك والفرصة اللي كنت هدخل فيها الاستراحة

للاسف وقتها كنت شغال كمبيوتر ومكنتش موجود في القسم

ههههههههههههههههههههههههههه

وبعدين يا ابو الحسن البتاعة دي اللي اسمها الاستراحة واخده دلوقتي نص الدور

تطور بقى

حتى عم محمود زنقوه في الكافتريا بس

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
AhMaD JaMaL كتب:

3-لو جتلك الفرصة تعيش بره مصر تاني تسافر؟
فكرة السفر مكنتش في بالي لغاية السنة دي لكن دلوقتي
لو جت لي فرصة احسن برا هطلع برا البلد دي




بص يا احمد انا كنت زيك كده
السفر ده مش فى دماغى اصلا
والموضوع جه بالصدفة
بس لما سافرت

ندمت انى ما سافرتش اول ما اتخرجت
لانى طول ما انا فى مصر
ما كنتش هاعمل اى حاجة

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
AhMaD JaMaL كتب:


بس بجد يا شذى اسألتك جميلة جدا

وقوية جدا

هيا دي الاسألة ولا بلاش





خلاص كده يا أحمد بما ان أسألتى عجبتك
يبقى ليه 10 اسئلة كمان
بونص ههههههههه

بس انت ماجوبتش على اول سِؤال هتغير ايه ايه فى حياتك

وليه بتقول خساره الرحله اه حاجة وحدة وحشة بس لسه ليها ذكرى حلوة
وبجد نفسى تتكرر تانى بس تتطلع الدفعة كلها

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
شذى الاسألة دي

صفاء عباس معملتهاش

.
.
.
اممممممممم ماشي يا احمد
واضح انك مش راضي عنى
عموما انا فاضلى 3 اسئلة لو مش عاوزنى اسألهم براحتك انا مش فارقة معايا
بس تعرف...........من كرسي الاعتراف عرفت احمد جمال مين

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
السلام عليكم

طبعا إللي يقدم مش عارفه ايه يلاقي معرفش ايه
وأنا أسئلتي برئية موووووووووووووت فخليك فاكر دا ....هههههههههههههه Razz

أخيرا هكتبلك الأسئلة وعايزة بقى الرد بكل صراحة ومش عايزة أشوف كلمة لا تعليييييييييييييق دي. Evil or Very Mad ...أوكي

نبدأ ياسيادة المدير الأسئلة ........... flower

1- مين الشخص اللي مش ممكن تنساه طووووووووول عمرك سواء ترك في قلبك ألم أو فرحة؟؟؟؟

2- ايه أكتر حاجة مجنونة عملتها في حياتك مش ممكن تنساها؟؟؟

3- كم عدد أخواتك واخوانك؟؟؟ وماترتيبك بينهم؟؟؟

4- ايه من عيوبك الشخصية تعترف بيه؟؟؟

5- ايه الذكرى الحلوة أو المؤلمة إللي عمرك ماتنساها؟؟؟

6- مين الشخصية اللي مرت بحياتك واتمنيت انك ماعرفتها طووووول عمرك؟؟؟؟

7- بتحب مصر أكتر ولا السعودية؟؟؟ وليه؟؟؟؟؟

8- 3 أمنيات تتمناها في المستقبل ؟؟؟ماهي؟؟؟؟

9- ايه أهم صفة تتمناها في شخصية شريكة حياتك ( بعد عمر طويييييييل ان شاء الله هههههههههه)؟؟؟؟

10- أخر سؤال عشان ترتاح من أسئلتي الرخمة ههههههههههههههه

اممممممممممممممممممممم....

بتشرب سجاير ولا لأ ؟؟؟ وهل عمرك جربتها؟؟؟؟

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
انا دورى بأة ......................

1- ايه اكتر موقف حصلك احرجك جامد ؟

2- امتى تحس انك مش طايق الى ادامك ؟

3- ايه الموقف الى حصلك واضطريت تكدب فيه ولو كنت قلت الحق كنت اتظبطت.

4-مين أكتر دكتور ومعيد بتحبه ف القسم ... من غير دبلوماسية زى ( بحبهم كلهم ) وكدة

5- ايه العيوب والمميزات الى ف دفعة رابعة عمارة من وجهة نظرك ؟

6- شايف نفسك :
1- صريح ولا دبلوماسي
2- حريص ولا مبذر
3- شخصيتك قوية ولا على نياتك
4- محظوظ ولا منحوس rabbit
5- بتعرف تدرس الامور كويس ولا بتجيبها بالحظ ولا مبتعرفش تقرر


مع تمنياتى بالهدوء وانت بتجاوب والاجابات تكون مش دبلوماسية زى الى فاتت

وف الاخر يا جماعة كلنا نقرر مين اكتر واحد ف التلاتة كان صريح وصادق ف اجاباته من التلات اعضاء
ومين الى Wink

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
يالا يا أحمد ادخل جاوب بقى عليا وعلى سمسم...

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
معلش يا سارة النت كان فاصل عندي اليومين اللي فاتوا وكنت بدخل من الموبايل ومكنش ينفع اكتب رد منه

عموما اديني جيت ليكي ولا اسألتك

ومعانا على الخط دلوقتي المشرفة الجميلة سارة عبدالعليم

1- مين الشخص اللي مش ممكن تنساه طووووووووول عمرك سواء ترك في قلبك ألم أو فرحة؟؟؟؟
بصراحة هما اتنين كانوا زملائي من تانية اعدادي
او ممكن نقول الثاني المتوسط
هما أخين توائم وكانوا من المحلة الكبري ومازلوا
دول مش هقدر انساهم ابدا

2- ايه أكتر حاجة مجنونة عملتها في حياتك مش ممكن تنساها؟؟؟
اني كنت سايق العربية في ازحم شارع من غير فرامل pirat pirat pirat pirat ههههههههههههههه

3- كم عدد أخواتك واخوانك؟؟؟ وماترتيبك بينهم؟؟؟
عدد اخواتي عدد اخواتي اممممممممم
اه

هههههههههههههههههه
انا بقى أكبر اخواتي وعندي اختين وبس

وعلى رأي منير
انا حيلة ابوي وامي

4- ايه من عيوبك الشخصية تعترف بيه؟؟؟
مبعرفش اقنع حد
واحيانا كتير ناس بتفهمني غلط
مع اني ممكن اكون اقصد العكس خالص

5- ايه الذكرى الحلوة أو المؤلمة إللي عمرك ماتنساها؟؟؟
الذكرى المؤلمة جدا واللي فعلا تعتبني

وفاة واحد من اعز اصحابي
واللي خلاني مش مصدق انه كان معايا قبل ما يتوفى بكام ساعة كنا بنلعب كورة

6- مين الشخصية اللي مرت بحياتك واتمنيت انك ماعرفتها طووووول عمرك؟؟؟؟
الشخصية الندلة

لما تكرمي واحد وتبقى تعتبريه زي أخوكي ولما تحتاجيه متلقيهوش

ودا حصل معايا شخصيا

فياريتي ماعرفتها

7- بتحب مصر أكتر ولا السعودية؟؟؟ وليه؟؟؟؟؟
زماااااااااااااااااان كنت بحب مصر
وكنت بحب كل حاجة فيها بخيرها وشرها
لكن دلوقتي مظنش

لاسباب كتير
السعودية هيا للي كبرت فيها وعشت عمري كله هناك
كمان الحياة فيها نظام واحترام للانسان اكتر من هنا
فيها كل الامكانيات اللي انتى محتاجاها عشان تقدر تبقى انسان كويس

ولو على الحب برضو مصر وفي الاول وفي الاخر بلدي
مقدرش اكرهها
بس السعودية احلى بكتير

8- 3 أمنيات تتمناها في المستقبل ؟؟؟ماهي؟؟؟؟
اني اكون في مهندس معماري عالمي
بتمنى اني اقدر افيد البلد دي واقدر اغيرها للاحسن
بتمنى اني اسافر كل بلاد العالم

9- ايه أهم صفة تتمناها في شخصية شريكة حياتك ( بعد عمر طويييييييل ان شاء الله هههههههههه)؟؟؟؟

اهم صفة
انها تكون متدينة
والحديث بيقول
فاظفر بذات الدين تربت يداك

بتشرب سجاير ولا لأ ؟؟؟ وهل عمرك جربتها؟؟؟؟
لا الحمد لله مش بشرب سجاير خالص
وجربتها مرة

وانتهي لقائناا بمشرفتنا العزيزة والجميلة سارة عبدالعليم

على امل زيارتي لها في برنامجها القادم على كرسي الاعتراف
هههههههههههههههههههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
ايه ده هوانا اسالتى خطها باهت ولا ايه مشفتوهاش Laughing

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
ومعانا اتصال هاتفي ونقول ألو
الو
معانا اسماء خشيلة
اهلا اهلا بحضرتك
نورتي الموضوع يا اسماء
ونشوف الاسألة اللي بعتيها

ايه اكتر موقف حصلك احرجك جامد ؟
مش عارف ليه كلكم مركزين على الموقف دا
اقولك موقف محرج تاني حصل لي قريب
كنت مرة رايق وعمال اقلد الدكتور خالد الليثي قدام اصاحبي
وبعد شوية لقيتهم وقفوا ضحك وسكتوا مرة واحدة
بصيت ورايا
هههههههههههههههههههههههههههههههههههههههه
اتخيلي الباقي


2- امتى تحس انك مش طايق الى ادامك ؟

لما احس انه بيستظرف وبيستخف دمه
ولما احسن ان اللي قدامي فيه كبر


3- ايه الموقف الى حصلك واضطريت تكدب فيه ولو كنت قلت الحق كنت اتظبطت.
كتيبر يا اسماء
احيانا كتير بنلجأ للكدب عشان نهرب من مصايب



4-مين أكتر دكتور ومعيد بتحبه ف القسم ... من غير دبلوماسية زى ( بحبهم كلهم ) وكدة
اكتر دكتور بحبه هما اتنين مش واحد
دكتو حازم حماد
ودكتور شوكت القاضي

اكتر معيد بحبه
البشمهندس عبد الرحمن حسين
من غير نقاش

5- ايه العيوب والمميزات الى ف دفعة رابعة عمارة من وجهة نظرك ؟
اممممممممممممممم
السؤال دا مش عايز رد في موضوع
دا عايز موضوع بحاله
المهم نتكلم عن المميزات
اهم ميزة واحلى ميزة اننا بنتفق على كل حاجة طالما فيها تأجيل
ودي مش موجودة في اي دفعة
تاني ميزة وخصوصا الشباب اننا مع بعض في كل حاجة على الحلوة والمرة

العيوب
ان مفيش علاقة قوية بينيا وبين بعضنا
فيه ناس عايشين في الطراوة خالص
عيوبها ان مفيش تعاون بالشكل اللي المفروض يكون بعد اربع سنين مع بعض

محدش يزعل


6- شايف نفسك :

1- صريح ولا دبلوماسي
2- حريص ولا مبذر
3- شخصيتك قوية ولا على نياتك
4- محظوظ ولا منحوس
5- بتعرف تدرس الامور كويس ولا بتجيبها بالحظ ولا مبتعرفش تقرر


1-صريح
2-مبذر
3-على نياتي
4-محظوظ
5-بدرس الامور كويس جدا جدا


وشكرا لبشمهندستنا الرائعة أسماء خشيلة على الاسألة دي

بس تصبر علينا شوية

انا كنت برد على الاسألة

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
معلش مخدتش بالى من اسالة باقى الناس معرفش ان حد سالك عن الموقف الى احرجك


مش مششكلة كدة يبقى فاضلى 5 اسالة بدل 4 عشان لسؤال ده اتلغى ...اوك


وشكرا على الرد الصريح ع الاسالة بس بالنسبة لموضوع التاجيل احنا بتطلع عينيننا عشان كنا نقنعكو ( الاولاد ) اننا ناجل ...
هو التعاون موجود بين البنات اكتر ف حكاية التاجيل ماعدا كام شخصية كدة بردو ....... silent

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
بتطلع عنيكو

ليه يا اسماء

بالعكس احنا متعاونين جدا واول ناس بتروحتأجل

بس لو كان قصدك على موقف معين

احب اقولك ان فيه دكاترة اجلنا معاها كتير فمش هينفع نأجل معاهم تاني

فاهماني

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
خلاص نبقى نشوف ابداعاتكو ف الترم التانى


زى ما يكون التاجيل ده مقرر علينا ..هههههههههه

احنا ااتعرفنا عند الدكاترة اننا دفعة التاجيلات afro

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
شكرا يا أحمد على اجابات الأسئلة .....


وخليك بقى خفيف في كرسي الاعتراف بتاعي ..... شوفت أسئلتي مش مزعجة ولا رخمة .... الرجاااااااااااااااااااء التروي في أسئلتي بقى...ههههههههههههههه Embarassed

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
اممممممممم
نظرا لان احمد باشا المدير اعتبر انه مشافش مشاركتى وضيع عليا ال 3 اسئلة
بس خلاص عادى انا مش فارقة معايا وهما كانوا اسئلة عادية جدا
انا كنت بس بهزر معاك وبخوفك هههههههههه
بس بجد انا سعيدة انى اتعرفت على شخصيتك من خلال كرسي الاعتراف
ونفسي اسألك سؤال استنتجته من خلال كرسي الاعتراف بس للاسف الاسبوع خلص
.
.
.
.
.
اسال ولا ايه النظام؟؟؟؟؟؟؟؟؟
.
.
.
.
.
السؤال هو ؟
.
.
.
.
اللى تخاف منه تسلم منه بس متخسرهوش؟؟؟؟؟؟؟

descriptionاحمد جمال على كرسى الاعتراف Emptyرد: احمد جمال على كرسى الاعتراف

more_horiz
خلص الاسبوع بتاعي بس لو عندك سؤال مهم مهم مهم

ممكن تقوليه

بس ربنا يستر
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد