Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 ما هو رأيك بخصوص كل مادة دراسية في السنة الاولى بقسم العمارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr. Hesham
عضو هيئة تدريس
عضو هيئة تدريس


ذكر
عدد المساهمات : 279
العمر : 54
بلدك : مصر
جنيه مصري : 3274

مُساهمةموضوع: ما هو رأيك بخصوص كل مادة دراسية في السنة الاولى بقسم العمارة   01/02/09, 11:11 am

بسم الله الرحمن الرحيم
أعزائي الطلبة والطالبات بقسم عمارةأسيوط

هذا الموضوع لإبداء رأيك في المواد الدراسية في القسم
ولتنظيم الموضوع سوف يكون ابداء الرأي كالتالي
المواد الدراسية التي تدرس في سنة أولى عمارة في هذه الصفحة ... وباقي السنوات لكل سنة صفحة أو موضوع خاص بها
كل واحد منكم يقول رأيه لكن بشكل منظم
يعني يوضح هو بيتكلم عن مادة ايه من مواد أولى عمارة
يوضح رأيه بخصوص محتوى المادة ، طريقة تدريسها ، طريقة التقييم، ... الخ ممكن تقول رأيك في أي شيئ يتعلق بالمادة الدراسية

الرجاء من كل واحد منكم انه يكون موضوعي في كلامه
بمعني:
البعد عن المبالغة أو التهويل
البعد عن التجريح ... أو أخذ الموضوع على محمل الدعابة
أن كل من يدلي برأيه يتحدث عن السنة الدراسية التي هو بها

وفي النهاية الهدف من الموضوع هو الصالح العام للجميع ... طلبة وهيئة تدريس فكلنا في القسم أسرة واحدة وهدفنا واحد
مع تحياتي لكل من يشارك وكل من لم يشارك في الموضوع

نبدأ؟ ...... على بركة الله

د. هشام حسن علي
الرجوع الى أعلى الصفحة اذهب الى الأسفل
eng_fatma a7mad
مشرفة المنتدى العام
مشرفة المنتدى العام


انثى
عدد المساهمات : 3560
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
. :
جنيه مصري : 11876

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/02/09, 12:39 am

شكرا يا د/هشام على الموضوع دا وعلى الفكره الرائعه دى

بالنسبه ليا:
1-الانشاء المعمارى:حبيت أبدأ بيها لأنها أكتر ماده حبيتها
-محتوى الماده:بصراحه انا استفدت كتير من الماده بكل اللى فيها من دروس
-طريقه الشرح:د/خالد الليثى ربنا يكرمه كان بيشرح بضمير وكنت دايما أفهم منه الا اذا كنت مش مركزه
وكان دايما يقولنا "خليكم ايجابيين واسألوا عن اللى مش عارفينه" ودا لاننا كنا بنتكسف مش عارفه يمكن علشان كنا مش واخدين على الوض
-التقييم:مش عارفه بس بالنسبه ليا بجد حسيت انه هو دا حقى
لان كان معظم النقص عندى فى امتحان أعمال السنه ودا لانى بطيئه فى الرسم


2-الرسم النظرى:
-محتوى الماده:كان كويس اننا نتعلم الرسم free hand فى الاول وبعدين ندخل فى عالم الالوان اللى علمنا كتير ولوانى مش عارفه الباب الثالث دا "التكوينات" بصراحه مش حاسه انى استفدت منه أوى يمكن اكون أنا اللى مقدرتش أستفيد منه
-طريقه الشرح: كانت كويسه سواء من الدكتور/خالد صلاح أو من البشمهندسين والفرق بين مستوايا فى الرسم والالوان فى أول سكشن واخر سكشن ليا فى الماده دى كبير والحمد لله على كل حال
التقييم:لحد دلوقت مش عارفه درجات الالبومات ولا امتحان اعمال السنه بس ربنا يسهل ان شاء الله


مش عارفه حاسه انى طولت
لو انا كده ماشيه صح ياريت حضرتك تقولى وانا أكمل باقى المواد
الرجوع الى أعلى الصفحة اذهب الى الأسفل
http://www.3marh.mam9.com
Dr. Hesham
عضو هيئة تدريس
عضو هيئة تدريس


ذكر
عدد المساهمات : 279
العمر : 54
بلدك : مصر
جنيه مصري : 3274

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/02/09, 03:28 am

تمام جدا يا باشمهندسة فاطمة
كويس جدا ... وكملي
وكل واحد يشارك يرتب كلامه بالشكل اللي يريحه ويتكلم عن الموضوع اللي عايز يتكلم فيه ويقدم اي اقتراح عايز يقدمه ... ممكن برضه يكون الكلام عن ميعاد المحاضرات او السكاشن ... ممكن يكون مثلا في مادة من المواد بدل مايكون تدريس المادة من مرتين في الاسبوع كل مرة 3 ساعات يكون المطلوب هو التدريس 3 مرات في الاسبوع وكل مرة ساعتين ... أو العكس
ممكن مثلا في مادة من المواد تكونوا عايزين ان يكون فيه زيارات ميدانية لأماكن معينة تشوفوا الشيئ على الطبيعة ... ممكن مثلا في مادة من المواد تكونوا عايزين عروض توضيحية على الكمبيوتر بدل الشرح بالطباشيرة والسبورة
ممكن حاجات كتيرة
كل اللي هاتقولوه صح مادام الملاحظات والأراء موضوعية وجادة
خدوا حريتكم ... المنتدى منتداكم


مع تحياتي
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14149

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/02/09, 05:16 am

طيب بما اني دلوقتي في سنة رابعة فكنت احب اضيف على مادة الانشاء المعماري
بالنسبة للمادة نفسها كانت جيدة جدا
سواء بالنسبة لطريقة الشرح أو بالنسبة لمحتوى المادة وان كانت مادة الانشاء والوركنج محاتجة حاجة مهمة جدا

معظم الدكاترة مش بياخدوا بالهم من حاجة مهمة جدا في مادة الانشاء أو الوركنج في السنين الجاية لانها مادة عملية


وهيا الزيارات الميدانية



اللي المفروض بعد كل مجموعه من الدروس والسكاشن تكون فيه زيارة ميدانية وتتراجع فيه كل ما سبق

والدكتور يدي لمحة عن الدروس والمحاضرات اللي جاية

مش مجرد رسم ......فيه حاجات لازم تتشاف بالعين
لان فيه ناس كتير بتطلع من القسم وهيا متعرفش حاجة عن التصميمات التنفيذية
الا الحاجات اللي شافتها عملي
فياريت يكون فيه اهتمام اكتر بالناحية دي

الحاجة الاخيرة د/خالد الليثي

بصراحة يكفي يكفي يكفي انه حقاني ومبيظلمش حد

وبيدي كل واحد حقه بالعدل

على الرغم من انه شديد في تعامله

بس احنا مش محتاجين أكتر من ان الدكتور يدي كل واحد حقة بدون ظلم ولا تحيز

اما بالنسبة لمادة الرسم النظري
فالدكتور اتغير والمادة اتغير محتواها
فمقدرش احكم عليها دلوقتي!!!!!!!!!!

تحياتي لكل اخواتي في سنة أولى


-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
eng_fatma a7mad
مشرفة المنتدى العام
مشرفة المنتدى العام


انثى
عدد المساهمات : 3560
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
. :
جنيه مصري : 11876

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/02/09, 09:41 am

شكرا يا د/ هشام على رد حضرتك
وشكرا يا بشمهندس أحمد على الاضافه دى
بس كنت عايزه أقول اننا طلعنا زياره لموقع فعلا بره الجامعه فى مزارع بيطرى

نبدا فى ماده تانيه,
3-أسس التصميم:
-محتوى الماده:هى الماده كان معظمها سكاشن وكان فى محاضره بنتتاخد يوم كل اسبوع وكان يوم السبت افتكر
-طريقه الشرح:كان الدكتور بيشرحلنا اللى هنعمله فى المشروع الجديد
وكنت أوقات مش بفهم ايه قصده تحديدا من حاجه بيشرحها
اما البشمهندسين فالحقيقه مقصروش أبدا يعنى أى سؤال فى أى وقت كانوا يجاوبوا عليه
-التقييم:درجاتى كانت بتدايقنى شويه
يعنى مثلا معايا مشروع فى حاجات مش عارفه بنقص عليها ليه بس بقول لنفسى أكيد هم أدرى وأعرف وكفايا انى عملت اللى عليا


4-نظريات العماره(1):
-المحتوى العلمى: كانت بتساعدنا فى أسس التصميم كتير لارتباطهم ببعض
-طريقه الشرح:كان كويس بس كنا فى معظم الاحيان بنبقى نايمين متأخر أو نمنا وقت قليل جدا وكانت المحاضره الساعه8 كان اوقات الدكتور يقوم حد من الدفعه يغسل وشه ودا كان ممكن يدايقه مش عارفه بس الماده كلها نظرى
بس كان الدكتور ساعات ياخد 5 دقايق كده ولا حاجه يفرجنا على تصميم مبنى أو يتكلم معانا عن معمارى مشهور أو يورينا ديكورات وحاجات زى كده وبعدين يرجع يكمل شرح


5-المساحه:طبعا دى ماده من مدنى ومليش عليها تعليق قوى يعنى و ربنا يستر فيها
بس بصراحه سكاشنها كانت مفيده بالنسبه ليا


وفى حاجه نسيت أقولها بخصوص الرسم النظرى
ودى حاجه كانت بتدايقنى وبتدايق معظم الدفعه وهى اننا كنا بناخد 4 لوحات اسبوعيا يعنى كل سكشن ليه لوحه ولوحه واجب وكانت أوقات بتأثر على مواد تانيه

وشكرا يا د/هشام ويا بشمهندس كمان مره على الفكره دى وياريت بقى نشوف باقى الاراء
وجزاكما الله كل خير
الرجوع الى أعلى الصفحة اذهب الى الأسفل
http://www.3marh.mam9.com
آيه نائل
.
.


انثى
عدد المساهمات : 633
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3205

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   05/02/09, 03:44 am

والله شكرا يا دكتور هشام على الاهتمام بمعرفه رايناا
وده شعور طيب انكوا تحسو اننا مهمين ولينا راى وده احساس جميل فعلا ربنا يكرمكو ان شاء الله
اما بانسبالى فان بصراحه بانسبه لمواد القسم ككل
فأنا شايفه انها مناسبه جدا وملائمة لمهنتنا
بالنسبه لمادة الأنشاء المعمارى:-
فأنا شايفه أنها مادة بجد ممتعه جدا ولذيذه وانا بصراحه استفدت جدا منها فى حجات كتير تكفى انها فتحت عينى على حجات كتير وخلتنى آخد بالى من حجات يجب عليا معرفتها كمهندس معمارى
س كان عندى تعليق
ان ماده مثل الأنشاء محتاجه بجد زيارات للمواقع أو مشاهدات عمليه مثل الافلام وغيرها
لأننا من وجة نظرى ان الحجات الى بنشوفها بعيننا بتثبت أكتر ومش بنعتمد سعتها على حفظ الشكل او الطريقه فقط علينا اننا نفتكر ايه الى شوفناه ونعبر عنه بأسلوبنا
لانى عن نفسى مش بأعرف أحفظ اى حاجه الا لما اتخيلها وافهمها كويس عشان كده الحفظ بالنسبالى ممكن تكون مهمه أصعب من العملى
بس بصراحه انا مشوفتش فعلا دكتور حقانى مثل د\ خالد الليثى
بصراحه انا فى الأول كنت خايفه من السؤال بس بعد كده حسيت ان دكتور خالد مثل والدى بالظبط
وانه عاوز مستوانا يرتفع وبح انه بيحاول يطلع جيل جديد قوى مش اى كلام.

أما بالنسبه لمادة التصميم :-
فمحاضرتها بجد رائعه وممتعه وفعلا بتدخل فى الكثير من جوانب الحياه الهامه, ودكتور شوكت القاضى بصراحه مقصرش فى حاجه غير انه فقط , عند عمل مشروع مكتش بفهم بالظبط الدكتور عاوز ايه مش عارفه هل انا الى غبيه ولا مش عارفه اوصل الى ما يريده الدكتور لكن احلى حاجه ان الدكتور كان بيورينا افلام وحجات ويناقشها معنا . وانا بصراحه استفدت جدا من الماده دى لانها متعلقه بحيتنا جدا وشايفه كمان ان كل حاجه فى المنهج احنا درسناها كان لازم نكون عرفنها عشان تخصصنا.
بس كان ليا تعليق انه بصراحه وده مش كلامى انا لوحدى انه فى بعض التصرفات ضايقتنا حصلت فى مشروع التكوين Figer
ان المفروض اى شغل انا بأعمله لازم يكون من مجهودى الذاتى بدون مساعده (أعتقد هذا ) اذا
كان هناك الكثير من طلاب الفرق الثانيه بيسعدوا زملاء عندنا وده حاجه مش كويسه
اه انا عارفه ان المساعده حاجه كويسه فى حد ذاتها بس المفروض اننا كلنا سواسيه يعنى ذنبهم ايه الى ملهمش اصحاب من الفرق الثانيه يسعدوهم
وعلى فكره انا عندى صحاب كتير وعرضو عليا المساعده بس انا مرضيتش عشان انا مش بحب الظلم لا ليا ولا لغيرى
فكنت ارجو من المعيدين كلهم والدكاتره ان يمنعو مثل هذه الأشياء والا كان الدكتور سعتها يقولنا انه من المسموح انه يسعدنا اى حد (مع العلم ان الدكتور نبهنا )
.

اما بانسبه لماده الرسم النظرى:-
فانا اتعلمت منها كتير وخرجت منى مواهب وحجات انا مكنتش مهتميه بيها أوى
وشايفه انها ماده ممتعه بس محتاجه ان عدد اللوح او شغلها يقل شويه لأنها فعلا كانت بتقصر على مواد تانيه.

اما بالنسبه لمادة نظريات العماره:-
فكانت ماده ايضا ممتعه وكانت مرتبطه بماده التصميم غير انها علمتنا حجات مهمه بس التعليق عليها
انى بصراحه كنت ببقى فاهمه كويس جدا من ادكتور بس برضو مش عارفه هيه امتحنها هبقى الزاى لغايط مشوفت امتحانات سابقه بس كنت بحس سعات انى تايهه.

اما بالنسبه لمادة المساحه :-
فعلا السكاشن كنا بنستفيد منها جدا بس كنا محتاجين توضيح من الدكتور لبعض النقاط
طبعا انا عارفه انها مادة مدنيه بس بصراحه في ناس مش بتاخد قرصات وانا من ضمنهم وبعتمد على المحاضره والسكاشن لذالك لما مش بلاقى الدكتور او المعيد بحس بأذمه لانى كده مش هلاقى حد يفهمنى.
اما بالنسبه لمادة المقرر :-
فبصراحه هيه مادة مهمه لكن محتاجه تنظيم اكثر من الى كانت عليه بس انا شايفه انها كويسه.
شكرا لحضرتك يا دكتور وجزاك الله كل الخير انا طولت جدا بس فعلا محتاجه حد يرد عليا ويفهمنى ويسمعنى كمان
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14149

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   05/02/09, 08:18 am

جميل جدا جدا جدا يا ايه على المشاركة وابداء الراي ودي حاجة حلوة منكم يا سنة اولى ومستنين اراء اكتر

لان صوتكم هيوصل للكل

تحياتي ليكم عىل شجاعتكم

-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
Eng yota.E
.
.


انثى
عدد المساهمات : 1126
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 4116

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   05/02/09, 09:57 am

شكرا جدااااااااااااا يا دكتور هشام علي الموضوع والفكره الرائعه ده
جزاك الله خير
بالنسبه للمواد التي ادرست في الترم بشكل عام فهي مناسبه جدا واستفد طبعا كتير
بالنسبه للانشاء المعماري:
بصراحه اكتر ماده حبتها في الترم كله بجد انا استفد كتير جدا منها ومن الدكتور / خالد الليثي بجد ونعم الاب هو فعلا شديد شويه بس ده كان في صالحنا خالص وحقاني جداااااااااااااااوكان ديما يرشدنا ازاي نتعامل مع القسم عموما مش بس مادته
وتعليقي الوحيد علي الماده دي ان احنا محتاجين زيارات اكتر للمواقع وفيديو في المحاضرات وياريت الي يطلع معانا مش دكتور واحد علشان احنا عددنا كتير وفي ناس مكنتش سامعه كويس الشرح وكمان الامتحان كان مليان جدا بالنظري يعني الامتحان كان سبع اسئله في حدود خمسه نظري وفيهم(أ,ب,ج) وكل سؤال اذكر (5و6)شروط وهكذا..(انا مش فاكره بالظبط).وسؤالين رسم و
كمان الرسم كان محتاج وقت بس بصراحه الاسئله من المحاضرات يعني كان سهل بس محتاج وقت كبيرجدا
بس ده ميمنعش فعلا انها احسن ماده بالنسبالي


بالنسبه لاسس التصميم:

هي دي العماره بجد يعني ماده اثبتت اني احنا مهندسين معمارين وبنصمم
الدكتور فعلا مقصرش معانا في المحاضرات ولا السكاشن بعرض الفيديو والشرح بس فعلا احنا كنا ساعات بنتوه مش بنبقي عارفين الدكتور عاوز ايه في المشروع بس بنفهم بعد كده من السكشن
من الامثله اللي بتتعرض
وتعليقي هو فعلا في مساعدات من الطلبه اللي اكبرمننا وده كان شيئ بضايقنا جدا يعني المساعده ممكن تبقي (يتقالي اعمل ايه لو مش فاهمه او تلزيق علي الناصبيان وتغليف ماشي ) مش مساعده من الالف الي الياء
وكمان المشروع (الشاليه)الاخير اتظلم شويه في الشرح يعني كانت محاضره عن عرض وجهات فقط مش ازاي نفكر نعملها ومفيش شرح للقطاع بس بصراحه المعيدين شرحو اللي كان بيرحلهم
وكانت نتيجة كده ان ناس كتير كانت بتنقل اشكال الوجهات اللي معروضه في الصاله مش فاهمه اتعملت كده ليه او صح ام خطأ


بالنسبه نظريات العماره :
فهي ماده جميله وكانت بتساعدي في التصميم وكان طريقة شرح الدكتور في المحاضره كافي جدا
للفهم

بالنسبه للرسم النظري:
فهي ماده لذيذه جدا وطريقة شرح الدكتور في المحاضرات كانت كويسه جدا بس فعلا اللوحات كانت كتير جداا بتقصر جدا علي المواد الباقيه

بالنسبه المساحه :
الشرح اللي في المحاضره مش كافي للفهم وانا بصراحه كنت بحاول افهم من السكش علشان برضو مش باخد قرصات

بس عندي ملاحظه مهمه جدا
ياريت اي ماده من المواد دي وخصوصا اسس التصميم ان الدكتور يتناقش معانا في درجات اعمال السنه مش الدرجه بالظبط لأيعني يتقال لنا ان الحته دي غلط وايه الصح ؟
ومكنش في وقت بين الفتره اللي اخت فيها لوحة اعمال السنه وبين امتحان الترم علشان اروح للدكتور اسئله

بالنسبعه لمواعيد المحاضرات وسكاشن فهيه مناسبه من وجهة نظري

شكرااااااااااا جداااااااااا يا دكتور بجد جزاك الله كل خير علي اهتمامك بينا
الرجوع الى أعلى الصفحة اذهب الى الأسفل
Prof. EZZ
معيد في قسم عمارة
معيد في قسم عمارة


ذكر
عدد المساهمات : 5
العمر : 30
بلدك : مصر
جنيه مصري : 3140

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   08/02/09, 04:55 am

السلام عليكم ورحمه الله وبركاته ...
احب فى الاول اشكر الدكتور هشام على مجهوده واهتمامه بمعرفه اراء الطلبه عن المواد فى القسم
ثانيا احب اشكر كل الطلبه اللى شاركو فى الرد على الموضوع .... واحب احييهم على ارائهم الصريحه
ثالثا احب اشكر كل طلبه سنه اولى عماره 2008 على مجهودهم طول الترم الاول اللى بجد انا شايف انهم بذلوا فيه مجهود فوق طاقتهم ... بجد بجد عملو اللى عليهم وزياده
واحب اقول ان بجد دفعه سنه اولى فعلا من احسن الدفعات علميا واخلاقيا واجتماعيا
انا درست لسنه اولى الترم ده ثلاث مواد تصميم معمارى وانشاء ورسم نظرى .. وكانو بجد مستواهم هايل جدا جدا وان شاء الله ربنا يكرمهم فى الترم الجاى ويكونو على نفس المستوى واحسن كمان ان شاء الله

م/ حازم عز
الرجوع الى أعلى الصفحة اذهب الى الأسفل
Eng yota.E
.
.


انثى
عدد المساهمات : 1126
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 4116

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   08/02/09, 06:22 am

شكرااااااااااااااااا خاااااااااااااااااالص لحضرتك يا بشمهندس حازم
علي رأيك في دفعتنا ويااااااااارب نكون احسن في الترم التاني
ونكون عند حسن ظن حضراتكم بينا
بس كنت عاوزه اعرف رأي حضرتك في تعليقتنا علي المواد يعني احنا بالغنا شويه ولا كلمنا صح
ولا احنا فاهين غلط
ياريت اعرف رأي حضرتك
شكرا مره تانيه لحضرتك وللدكتور هشام
الرجوع الى أعلى الصفحة اذهب الى الأسفل
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   09/02/09, 05:04 am

السلام عليكم ورحمة الله وبركاته

طبعا في البداية بشكر د.هشام على الفكرة دي

هبدأ زي الكل بمادة
1-الإنشاء
المنهج كان مناسب جدا بالنسبالي وبصراحة أفادني جدا
بس حسيت إن المادة كبيرة بالنسبة للوقت
يعني يمكن لو محاضرتين في الأسبوع كانت هتبقى أحسن
مش عارفة إذا كنت لوحدي حسيت كدة
طريقة التدريس مقدرش أقول عليها حاجة
د. خالد جزاه الله كل خير مكانش بيعدي أي نقطة غير لما يتأكد إن الكل فاهم ، يمكن المشكلة إن إحنا مكناش متعاونين قوي في النقطة دي



2-مادة أسس التصميم

المادة حسيت انها مفيدة و د. شوكت الحقيقة كان دايما يربطنا بالواقع فيها

يعني أنا شايفة إن محاضرة واحدة في الأسبوع كانت كافية جدا

بس المشكلة كانت إننا ممكن نيجي مخلصين الشغل من البيت وقاعدين طول السكشن ايدنا على خدنا بصراحة ومستنيين حد من المعيدين أو الدكاترة عشان يعدي علينا يقولنا نعمل ايه

المشكلة اني ممكن اقعد طول السكشن مش بعمل حاجة وبعدين يجي الدكتور مثلا في أخر 5 دقايق يقوللي إن كل حاجة غلط

بس طبعا اكتشفت إن دي مشكلة الكل مش إحنا بس
الرجوع الى أعلى الصفحة اذهب الى الأسفل
آيه نائل
.
.


انثى
عدد المساهمات : 633
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3205

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   11/02/09, 03:22 am

فعلا على فكره أكثر حاجه شجعتنا فى القسم ده ان كنا مش بنحس اننا لوحدنا
الحمد لله
وشكرا لحضرتك يا بشمهندس حازم
ويارب نبقى فى يوم من الايام نموزج مشرف مثل حضارتكم
cheers
الرجوع الى أعلى الصفحة اذهب الى الأسفل
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   11/02/09, 05:13 am


3-مادة الرسم النظري
زي ما فاطمة قالت بجد حسيت اني استفدت كتير منها
بس كان في مشكلتين الأولى قالتها فاطمة وهي عدد اللوحات
المشكلة التانية ان المادة كانت دايما بتاخد مننا أكتر من وقت السكشن خصوصا لو الدكتور محتاج يشرحلنا حاجة قبل بداية السكشن
يمكن لو المادة ليها وقت محاضرة بالإضافة لوقت السكشن كانت هتحل شوية من مشكلة الوقت
لأن المشكلة دي كانت بتأثر على كتير من المواد التانية
الرجوع الى أعلى الصفحة اذهب الى الأسفل
فصل 2
زائر



مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   10/03/09, 08:13 am

السلام عليكم
أنا تقريبا أول واحدة تدخل تتكلم عن الترم التاني
وبصراحة مش هتكلم عن الدفعة كلها وأقول ايه المشاكل اللي عندنا
بس أنا عشان من فصل 2
وحاسة فعلا ان فصل 2 مظلووووووووم جدا في كل حاجة أولهم الجدول
والمشكلة دي مش بس الترم ده لكن من الترم الأول واحنا دايما اللي بنتأخر في القسم
طبعا أنا عارفة الجدول اتغير وكل حاجة
بس أقصد أقول اننا عادي المفروض بنتأخر يوم بس اليوم اللي بعده المفروض بنيجي متأخر كمان
لكن لما نكون بنروح متأخر والمفروض الدكتور في تاني يوم عايزنا نحضر مع بعض
أنا مش فاهمة هنلحق نشتغل امتى!!!!!!!!
يعني فعلا مينفعش أروح النهاردة الساعة 5 مثلا والمفروض أجي بكره من الساعة 8 الصبح ونا راسمة ومخلصة كل اللي عليا
طيب بالعقل كده هرسم امتى!!!!

تاني حاجة ودي أهم حاجة

أنا عايزة أفهم بجد
هو ليه القسم ده ماشي بالواسطة
والواسطة فقط لا غير
يعني هو المفروض محدش يدخل القسم غير اللي أهله كلهم أو على الأقل حد منهم في القسم
طيب وباقي البشر!!!!
ولا يعني مالناش نفس نجيب امتيازات؟؟؟

أنا عارفة اني طولت واتكلمت كتير
وعارفة كمان انه محدش هيرد عليا
ومش بعيد اصلا الرد يتحذف
لكن انا على الاقل اتكلمت
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14149

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   10/03/09, 10:34 am

بالعكس خالص

والقسم دا اتعمل عشان كل واحد فينا يتكلم بصراحة ويقول كل اللي في نفسه

وفعلا كلامك مظبوط ان حرام انكم تروحوا متاخرين وبعدين تيجو 8 الصبح عشان تقدموا شغل جديد

كلامك واسلوبك عجبني

ومتخافيش محدش هيحذف مشاركتك

ولو عندك كلام تاني قوليه؟
الرجوع الى أعلى الصفحة اذهب الى الأسفل
http://3marh.mam9.com
eng_fatma a7mad
مشرفة المنتدى العام
مشرفة المنتدى العام


انثى
عدد المساهمات : 3560
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
. :
جنيه مصري : 11876

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   11/03/09, 04:48 am

عندك حق يا بشمهندسه فى كلامك
كمان انا وخصوصا الأيام دى مدايقه جدا من الموضوع دا
اما بالنسبه للتأخير فزى ما انتى عارفه الجدول اتغير وأتمنى اتمنى انه يفضل دايما كده ولو تفتكرى الترم الاول كان فيه نفس المشكله وفى نفس اليوم" الاتنين"
بس فى الاخر ضمونا على بعض"
وكانت بتتعبنا" سكشن 2 جدا فى التصميم اليوم اللى بعده يعنى الشغل اللى بيبقوا اشتغلوه سكشن 1 فى البيت احنا كنا بنقعد نشتغله فى السكشن فى اغلب الاوقات
وكان نفسنا الكلام دا ميتكررش الترم دا وخصوصا ان برده اليوم اللى بعده تصميم من بدرى زى ما قلتى
يارب يكون تغيير الجدول أثمر بنتيجه كويسه
الرجوع الى أعلى الصفحة اذهب الى الأسفل
http://www.3marh.mam9.com
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   11/03/09, 06:10 am

اسلوبك جميل جدا يابشمهندسة
وطبعا الجدول خلاص اتغير وربنا يسهل
مع اننا عارفين ان سكشن واحد لو سبناهم هيرجعوه زي ما كان

بس هو مكانش ينفع ان حد فينا يغيره
لازم يعني التغيير ييجي من رئيس القسم

أنا بس عايزة أعرف احنا ليه دفعة مش متعاونة
ولا هي كل الدفعات كده ولا ايه؟؟
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   12/03/09, 07:33 am

السلام عليكم
انا حبيت اشارك في الموضوع دا النهاردا
بس مش هتكلم عن الترم اللي فات عشان لوهتكلم مش هخلص مدح لانه بجد رائع
اما الترم دا بالنسبالي ربنا يعديه على خير
نبدا بالتصميم
الحمد لله ان د.شوكت هو اللي بيدينا
لانه هو اللي بيدينا الامل في النجاح زي الترم اللي فات
ثم الظل والمنظور
المادة دي رااااااااااااااااااائعة
والاتوكاد
ميت فل وعشرة
نيجي للمهم نظرية الإنشاءات
المادة صعبة
الدكتور طلبة اولى عمارة عارفينه بيركز على ايه في المحاضرة
الواحد مش عارف هل يحضر ويطنش ولا ميحضرش ويتحرم من المادة
بس انا مش عارف الطلبة مبسوطين بالحاصل فيها
يكمن الصبيان مبسوطين لكن مش عارف البنات ساكتين ليه
ياريت اولى عمارة يقوللي الكلام دا صح ولا غلط
معليش طولت عليكم بس بجد اتخنقت
الرجوع الى أعلى الصفحة اذهب الى الأسفل
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   12/03/09, 07:56 am

يا بشمهندس أو يا بشمهندسة
كلامك صح جدا
وميختلفش عليه اتنين
ومفيش حد مش فاهم اللي تقصده
ولكن احنا بايدنا ايه
بنحضر وأمرنا لله
الرجوع الى أعلى الصفحة اذهب الى الأسفل
eng_fatma a7mad
مشرفة المنتدى العام
مشرفة المنتدى العام


انثى
عدد المساهمات : 3560
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
. :
جنيه مصري : 11876

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   12/03/09, 08:16 am

اكيد مش مبسوطين
لا من المحاضره ولا من السكشن
وبعدين انا عايزه اعرف ومن غير زعل
ليه الدكتور بيحضر معانا السكشن واوقات بيشرح هو
ماهو طبيعى انى لو مفهمتش حاجه من المحاضره مش هفهمها من السكشن لان المعلومه هتبقى من نفس المصدر
يبقى استفدت ايه انا بقى من السكشن

ربنا يصلح الحال
...

-------------------------------------------






لا يعني صمتي جهلي بما هو حولي ولكن ماهو حولي لا يستدعي الكلام
الرجوع الى أعلى الصفحة اذهب الى الأسفل
http://www.3marh.mam9.com
zahraa.3mara
.
.


انثى
عدد المساهمات : 399
العمر : 28
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3532

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   12/03/09, 11:37 pm

معاك حق ياباشمهندس(ة)وزي ما فدوى قالت
مفبش حد مش فاهم قصدك ايه بس انا نفسي اعرف الحل
ولا احنا هنستمر على هذا الحال طول الترم
كدا مفبش حد هينجح والله اعلم الحل بايد مين
وكمان في حاجة عشان الواحد غاب سيكشن يتبعتله انذار
والدكتور يعمل امتحان السيكشن اللي بعده
والله حرام اذا كنا احنا مش فاهمين حاجة اصلا
ربنا يستر
الرجوع الى أعلى الصفحة اذهب الى الأسفل
http://www.3marh.mam9.com
زائرة
زائر



مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   13/03/09, 09:25 am

أنا بس عندي تعليق على التصميم
مش قادرة أفهم ازاي يعني 6 معيدين ومنلاقيش منهم في السكشن غير واحد بس
يعني قاعدين 4ساعات السكشن مفيش حتى المعيد اللي يعدي علينا؟؟؟؟

طيب إحنا كنا بنحضر ليه
عشان نقعد ايدنا على خدنا يعني ولا ايه؟؟
ما احنا نشتغل في البيت أحسن
الرجوع الى أعلى الصفحة اذهب الى الأسفل
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   14/03/09, 07:29 am

عندك حق يا بشمهندسة
حاسة فعلا الترم الأول كان المعيدين معانا طول السكشن غير الترم ده

مش عارفة مع إني حاسة الترم التاني أهم من الترم الأول ومحتاجين المعيدين معانا أكتر شوية
وخصوصا إنها أول تجربة لينا في التصميم
الرجوع الى أعلى الصفحة اذهب الى الأسفل
asmaa aly
أسماء كولمبوس


انثى
عدد المساهمات : 841
العمر : 26
بلدك : اسيوط
التخصص : طالب في قسم العمارة
المستوى التعليمي : دفعة 2011
جنيه مصري : 4778

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   14/03/09, 09:42 pm

السلا م عليكم
بصراحه كده ومادام بتسالونا عن راينا
فعلا ماده نظريه الانشاءات
اللى بيحصل فيها مش ظريف
كمان الاستهتار بينا كقسم واضح
ان احنا بنلعب وفاضييييييييييييييييييييييين

كمان بخصوص ماده التصميم انا بحس ان الترم الاول كان ممتع اكتر
مع ان الشغل الترم التانى فيه تعمق
بس فعلا اغلبيه السكشين
قاعدين مش عارفين نعمل ايه لان شغلك مرتبط بتقييم اعضاء هيئه التدريس اللى غصب عنهم مش بيلحقوا يمروا على الكل
كمان والله سيكشن واحد مظلوم برده زى سيكشن اتنين
ويا جماعه والله احنا بنحاول نحط نفسنا مكانكم0
كمان الكام بورده الاولنين
كتير ناس مش بتعدى تشوف شغلهمن
انا مش بقلل من المجهود اللى بيعملوه الله يكون ف عونهم
بس تبادل وضعيه المرور اكيد هيحل مشاكل كتير للسيكشنين
الرجوع الى أعلى الصفحة اذهب الى الأسفل
aya.3mara
.
.


انثى
عدد المساهمات : 90
العمر : 25
بلدك : قنا
التخصص : طالب في قسم العمارة
المستوى التعليمي : دفعة 2011
جنيه مصري : 2991

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   14/03/09, 10:27 pm

ياجماعة انجدوا سنة اولى
من نظرية الانشاءات
بيقولنا سيبكو من لعب الالوان بتاعكو
واحفظ القوانين بتاعت الاستركشر زى
طرررررررررريق بيتنا
الرجوع الى أعلى الصفحة اذهب الى الأسفل
r.sh.a
.
.


انثى
عدد المساهمات : 1443
العمر : 28
بلدك : مصر حبيبتي
التخصص : مهندس معماري
المستوى التعليمي : دفعة 2009
جنيه مصري : 7096

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   14/03/09, 10:46 pm

ياجماعة عادي
كبروا دماغكم
دي الحرب القائمة من قديم الاذل بين عمارة ةمدني
الدكتور بيقول كده من غلبه
عقد نقص
هو يقول براحته ولاكأنكم سامعين الشغل برة هو اللي يثبت
خلي عندكم ثقه في اللي بتعملوه
الرجوع الى أعلى الصفحة اذهب الى الأسفل
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   17/03/09, 06:10 am

أهلا بيكي يا ريهام
وبجد شكرا لكلامك الجميل ده
بس أنا عايزة أعرف
الصراع اللي بتقولي عليه إحنا ايه ذنبنا فيه؟
في ناس بتحب شغل مدني وناس بتحب شغل العمارة
وكل واحد المفروض بيختار الحاجة اللي تريحة
وبيسيب اللي ميعرفوش
فهل هما يعني بينتقدونا لأننا اخترنا قسم العمارة أو فضلناه على مدني ولا ايه مش فاهمة
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14149

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   30/03/09, 11:01 pm

يا فدوى لو هنبص على الموضوع دا مش هنخلص

ومين أحسن من مين

الموضوع في الاخر مين الاكفأ في عمله

بغض النظر عن الكلام الهايف اللي بيقولوه

وخصوصا من بعض الدكاترة من مدني

خلصي كليتك وهتعرفي مين الاكفأ والاحسن


-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   01/04/09, 02:43 am

شكرا جدا لرد حضرتك

وأنا عارفة طبعا ان الفرق والفيصل في الآخر مين أكفأ من مين في شغله مش أي حاجة تانية
ولكن من الطبيعي ان كلام زي كده يأثر علينا
كفاية اننا بنشتغل ونتعب وفي الآخر يتقال ان كل تعبنا ده كلام فاضي وشوية ألوان وخلصنا
ولا ايه يعني اللوح دي كام خط والسلام

أصلا أي حد يسمع الكلام ده أكيد هيتضايق
الرجوع الى أعلى الصفحة اذهب الى الأسفل
eng amr mamdoh
.
.


ذكر
عدد المساهمات : 102
العمر : 30
بلدك : asyut
جنيه مصري : 3083

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/04/09, 02:58 pm

السلام عليكم ورحمة الله وبركاته
معلش أنا أول مرة أشارك هنا وانا بطبيعتي مشاركاتي قليلة جدا ولكن الموضوع إستفزني
موضوع تعامل أعضاء هيئة التدريس من مدني مع قسم العمارة ككل وشكلة السئ الذي يصل أحيانا للإستهزاء بالطلبة لظنهم إن قسم عمارة ده قسم الفرفشة والألوان والفن الجميل كأننا إحنا تربية نوعية. لدرجة في بعض مكاتب الهندسة المدنية بتقوم بعملية التصميم المعماري أو موكله الأعمال المعمارية لمهندس معماري متواضع موجود في المكتب وخلاص وطبعا بتكون النتيجة في غاية السووووووووووء وأنا شفت نماذج بهذا الشكل
وفي حاجة كمان أعتقد والله أعلم إن بتتزرع هذه الأفكار في دماغ طلبة مدني من وهما في سنة أولي لدرجة إني وأنا في أولي عمارة كان زمايلي اللي في مدني بيقولوي مين قدك يا عم إنت في قسم القص واللزق (قصدهم علي أعمال مادة الرسم النظري) , وأنا بحس ده في الطلبة نفسهم لغاية دلوقتي وأنا معيد وأديكم مثال
كنت بشرح إنشاء معماري لأولي مدني وكانت اللوحة المسقط الأفقي لفيلا سكنية وطبعا لإختلاف المستوي بين طلاب أولي مدني وأولي عمارة بحاول أشرح بالراحة علشان يفهموا فرسمت علي السابورة المسقط باللون الأبيض وبعدها قلتلهم علي البيانات اللي تتحط ورسمتها بالأصفر وبعدها الأأبعاد بالأخضر وكيفية حسابها وأخيرا التفنيش باللون الموف وبعدما خلصت وطلعت الأضه فوق جه واحد بيسألني
هو: يا باشمهندس نرسم بالألوان ولا بالرصاص
قلتله: طبعا لأ ده للشرح بس ........ مين قال إن الإنشاء فيه ألوان أصلا
قالي :أنا فاكر إني إحنا هنطلع منتجات ذي اللي متعلقة هنا في القسم
طبعا هو مش قاصده حاجه وده واضح عليه وعلي طريقة كلامه ولكن هو مستوعب إن عمارة يعني ألوان و..........شكرا وأسف للإطالة وأتمني إن رأيي يحوز إعجابكم
الرجوع الى أعلى الصفحة اذهب الى الأسفل
eng_fatma a7mad
مشرفة المنتدى العام
مشرفة المنتدى العام


انثى
عدد المساهمات : 3560
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
. :
جنيه مصري : 11876

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/04/09, 06:04 pm

والله يا بشمهندس حضرتك عندك حق فى كل كلمه قلتها
المفروض انا احنا عندنا امتحان اعمال سنه يوم الاتنين ستركشر فبنقول للدكتور معاده هيتعارض جدا معانا هنبقى مخلصين 3 وشغالين اصلا من8 متواصل وعايز يمتحنا بعد ما نخلص
مش عارفه بصراحه هنركز و هنحل بأى دماغ
لأ والدكتور يقولنا ايه
هواللى انتو بتعملوه دا حاجه"شويه الوان وخطوط وخلاص"
وبعد محاولات ومحاولات قالنا "خلاص لما نشوف اخركم فين يا بتوع عماره بس خلوا بالكم انا برفع أحسن خمسين ورقه اخر السنه علشان الكنترول والباقى دبح"

بصراحه شئ مستفز لابعد الحدود
ربنا يصلح الحال يسهل الامور

-------------------------------------------






لا يعني صمتي جهلي بما هو حولي ولكن ماهو حولي لا يستدعي الكلام
الرجوع الى أعلى الصفحة اذهب الى الأسفل
http://www.3marh.mam9.com
F-A_3marah
.
.


انثى
عدد المساهمات : 2676
العمر : 26
بلدك : أسيوط
التخصص : طالب في قسم العمارة
المستوى التعليمي : دفعة 2011
جنيه مصري : 5794

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   05/04/09, 06:01 am

مش عارفة اقول ايه

هو فعلا الموضوع مستفز

بس لو على طلبة مدني مش مشكلة
احنا كلنا زملاء وعارفين ان كلام الدكاترة هو اللي بيأثر عليهم
وهما بيشوفوا حالنا بيكون ازاي ايام التسليمات

بس المشكلة الحقيقية زي ما حضرتك قلت الافكار دي بتتزرع في دماغهم
خصوصا ان نتيجة القسم ولله الحمد دايما عالية غير نتائج باقي الأقسام
عشان كده واخدين فكرة عن قسمنا انه سهل وبسيط وشغل ألوان وحاجات تافهة

وطبعا مش بس كده
كمان الشغل الإنشائي أهم بكتير والتصميم ده أي حد يعمله
طبعا الشغل الانشائي مهم وأنا مش بقول غير كده بس كمان التصميم ليه قواعد
وإلا مكناش ندرسه طول الأربع سنين

وأخيرا وليس آخرا
شكرا لإهتمام حضرتك بالموضوع
وعذرا إذا كان الموضوع مستفز بس ده الحال اللي احنا شايفينه واحنا يادوب أولى
ربنا يستر من الجاي

معلش أنا عارفة اني طولت فكفاية كدة

الرجوع الى أعلى الصفحة اذهب الى الأسفل
sa7r elnemes
.
.


انثى
عدد المساهمات : 11
العمر : 26
بلدك : اسيوط
التخصص : مهندس معماري
المستوى التعليمي : دفعة 2011
جنيه مصري : 2834

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/06/09, 08:03 am

السلام عليكم
نرجع تاني نقول اراءنا في المواد الدراسيه معلش هو متاخر شويه لان انا شفت الموضوع ده متاخر
هتكلم في الاول عن ماده التصميم
في الماده دي كل واحد بيسيب فرصه لنفسه انه يبدع او يبتكر فكرة معماريه جديده طبعا على قدنا سنه اولى
بس ساعات الطالب يكون عنده فكرة متميزه او جديده و في نفس الوقت يمكن تنفيذها بس مع احترامي الشديد جدا لاعضاء التدريس المختصين بالماده دي يرفضوا الفكرة عشان احنا لسه في سنه اولى و مش المفروض اننا نعمل حاجه مختلفه نعمل الحاجات البدائيه و بس منحاولش حتى نجدد و الدكاترة بيعجبوا جدا بالمشاريع البسيطه اللي تقريبا مفهاش فكرة
و اخر الكلام ان انا كنت اقصد ان احنا كده منحاولش نتعب نفسنا في فكرة مختلفه ما دامت الفكرة البسيطه جدا هي اللي مطلوبه و انا شايفه ان الحاجه دي عمرها ما هتنمي الابتكار عندنا
شكرا
الرجوع الى أعلى الصفحة اذهب الى الأسفل
الاء ابو الفتوح محمد
مشرفة منتدي التخصصات
مشرفة منتدي التخصصات


انثى
عدد المساهمات : 1025
العمر : 26
بلدك : سوهاج
التخصص : مهندس معماري
المستوى التعليمي : دفعة 2011
جنيه مصري : 6752

مُساهمةموضوع: رد: ما هو رأيك بخصوص كل مادة دراسية في السنة الاولى بقسم العمارة   03/08/09, 10:47 am

السلام عليك
شكرا دكتور هشام علي الموضوع الحلو ده
تقربيا انا اول حد يرد بعد نهايه السنه بس احب اقول راي في المواد اللي درسناها السنه دي
هو تقريبا كل مواد القسم كانت كويسه جدا واعتقد ان ده راي الكل بس الماده اللي نفسي اتكلم فيها هي الانشاء
انا بطلب من دكتور خالد الليثي ان يفرج الطلبه عليحاجات كتيره لان الماده محتاجه ان الواحد يشوف اللي بيخده ده وده طبعا لان الماده كبيره شويهبس صراحه كاسلوب تدريس او تقيم فلا تعليق
والماده التانيه هي الرسم النظري بطلب من دكتور خالد صلاح ان يخفف كم اللوح علي الطلبه عشان يهتموا بباقي المواد التانيه
اما باقي المواد زي التصميم و الظل والمنظور و الاوتوكاد والنظريات والتاريخ(العماره) تفكانت حاجه علي راي الدكتور شوكت ولا احلي ولا اجمل ولا اروع
نيجي بقي للهم الكبير مواد مدني
المساحه كان السكشن هو الاعتماد الاول للطلبه وخاصه الناس اللي مابتاخدش كورسات
الاستركشر كانت مصيبه كبيره اولا كانت المعامله مش كويسه وكمان مش كل الناس اخدت حقاها لا في ناس اخدت فوق حقها بكتير وده عشان بيعروا حد يقدر يكلم الدكتور
بصراحه السكشن كان اهم حاجه للناس اللي ما بتاخدش كورسات البشمهندس ماكنش مقصر مع حد
بس المشكله كانت هنا في الطلبه كان في ناس مستهتره كتير يعني لا عايزين يتعلموا ولا يخلو غيرهم يتعلم
ومتهيالي الطريقه اللي بيتعاملوا بيها دكاتره مدني وكمان الطلبه في ان احنا قسم مالوش لزمه دي هتفضل مهما حصل
متاسفه علي الاطاله
وشكرا لحضرتك مره تانيه
وللساده المعيدين شكر خاص للمجهود اللي بزلوه طول السنه معانا
ولمدير المنتدي واعضاءه
شكرا للجميع
الرجوع الى أعلى الصفحة اذهب الى الأسفل
 
ما هو رأيك بخصوص كل مادة دراسية في السنة الاولى بقسم العمارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتديات الجـــــــــــــــادة :: اتكلم بصراحة-
انتقل الى: