Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 ما هو رأيك بخصوص كل مادة دراسية في السنة الرابعة بقسم العمارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Dr. Hesham
عضو هيئة تدريس
عضو هيئة تدريس


ذكر
عدد المساهمات : 279
العمر : 54
بلدك : مصر
جنيه مصري : 3273

مُساهمةموضوع: ما هو رأيك بخصوص كل مادة دراسية في السنة الرابعة بقسم العمارة   01/02/09, 11:17 am

بسم الله الرحمن الرحيم
أعزائي الطلبة والطالبات بقسم عمارةأسيوط


هذا الموضوع لإبداء رأيك في المواد الدراسية في القسم
ولتنظيم الموضوع سوف يكون ابداء الرأي كالتالي
المواد الدراسية التي تدرس في سنة رابعة عمارة في هذه الصفحة ... وباقي السنوات لكل سنة صفحة أو موضوع خاص بها
كل واحد منكم يقول رأيه لكن بشكل منظم
يعني يوضح هو بيتكلم عن مادة ايه من مواد رابعة عمارة
يوضح رأيه بخصوص محتوى المادة ، طريقة تدريسها ، طريقة التقييم، ... الخ ممكن تقول رأيك في أي شيئ يتعلق بالمادة الدراسية

الرجاء من كل واحد منكم انه يكون موضوعي في كلامه
بمعني:
البعد عن المبالغة أو التهويل
البعد عن التجريح ... أو أخذ الموضوع على محمل الدعابة
أن كل من يدلي برأيه يتحدث عن السنة الدراسية التي هو بها

وفي النهاية الهدف من الموضوع هو الصالح العام للجميع ... طلبة وهيئة تدريس فكلنا في القسم أسرة واحدة وهدفنا واحد
مع تحياتي لكل من يشارك وكل من لم يشارك في الموضوع

نبدأ؟ ...... على بركة الله

د. هشام حسن علي
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   01/02/09, 11:37 am

شكرا يا دكتور هشام على الاهتمام بالموضوع دا

اقتباس :
وفي النهاية الهدف من الموضوع هو الصالح العام للجميع

اقتباس :
الرجاء من كل واحد منكم انه يكون موضوعي في كلامه

وهوا دا الهدف من القسم دا

ومنظرين مشاركة الاعضاء والزوار من طلاب القسم

-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   02/02/09, 04:53 am

مساء الخير دكتور هشام
بما ان الموضوع مفتوح للنقاش الحر
فخلوني اتكلم بصراحة بخصوص مادة التصميم المعماري ومشروع المستشفى اللي اخدناه الترم دا
انا عن نفسي بحب دكتور المادة وبحترمه

بس فيه حاجة خلتني زعلت جدا جدا جدا جدا جدا وخلتني مخنوق اكتر من المادة
وهيا انه ازاي يعني ناس تسلم في معادها وتجيب درجة وحشة
وناس تسلم بعدنا باسبوع ومفيش اي خصم درجات ليه يعني ؟؟
بلاش يتخصم منهم على الاقل اللي سلم في معاده ياخد درجات زيادة ؟؟؟؟

مش دا ظلم ولا انا غلطان

مع احترامي الكامل لكل زملائي وعلى قد ما بعزهم

انا مبتمناش انهم ينقصوا من حقهم حاجة

بس على الاقل يبق فيه تقدير لللي سلم في معاده

بس اللي حصل الترم دا كان كتير

ياريت محدش يزعل من كلامي لان من طبعي صريح


تحياتي للجميع

-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
د محمد رفاعه
.
.


ذكر
عدد المساهمات : 3
العمر : 45
بلدك : سوهاج
المستوى التعليمي : غير ذلك
جنيه مصري : 2870

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   02/02/09, 10:05 am

أنا معاك تماما يا احمد في وجهة نظرك وده بغرض تحقيق العدالة .. ولكن أنا من رأي انكم لو اتكلمتم مع دكتور المادة ونقلتم له وجهة نظركم اكيد هيقدرها... لانه من الجائز ان يكون له وجهة نظر في هذا الامر وقد تصلوا لنقطة تريح الجميع... خليك ايجابي وانقل وجهة نظرك لدكتور المادة
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   02/02/09, 10:44 am

للاسف مش أول مرة تحصل

ودي اكتر حاجة بتزعل الواحد

يعني انا اكون ملتزم بمعاد التسليم ومش كدا وبس لا دا قبلها بيوم

عشان اسلم في ميعادي

وغيري يسلم بعدي باسبوع

وحضرتك عارف يعني اسبوع فرق في مادة زي التصميم

وبعدين اتحاسب زي زيهم ليه يعني؟؟؟؟

طيب ليه كدا ؟؟؟؟؟

دي حاجة بسيطة في مادة واحدة

ومدام اتفتح باب الصراحة

يبقى الاختلاف في الرأي لا يفسد للود قضية

-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
saad
.
.


ذكر
عدد المساهمات : 199
العمر : 29
بلدك : مصر
التخصص : طالب في قسم العمارة
المستوى التعليمي : دفعة 2009
جنيه مصري : 3268

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   02/02/09, 10:53 am

فعلا يا أحمد الموضوع ده زعل ناس كتييير
وخاصة ان الناس اللى بتسلم متأخر بيقى عندها فى فرصة أفضل فى تسليم مشروع متميز
خاصة لما يوصل التأخير لمدة أسبوع
يا ريت يا جماعة ماحدش يزعل منى (اعتقد دى القواعد)...... ناس كتيير زعلت من الدكتور
والموضوع ده ممكن يعمل حزازيات بين الطلبة
مع احترامى لكل زمايلى
الرجوع الى أعلى الصفحة اذهب الى الأسفل
eng_Asmaa Rabea
.
.


انثى
عدد المساهمات : 157
العمر : 29
بلدك : assuit
التخصص : مهندس معماري
المستوى التعليمي : دفعة 2009
جنيه مصري : 3235

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   02/02/09, 02:18 pm

السلام عليكم ورحمة الله وبركاتة
اولا انا بشكر جدا د هشام ود محمد رفاعة على مشاركتهم لينا وسماع ارائنا
فعلا الموضو ع دة زعل ناس كتير بل كان سبب فى كره المادة وانها مش اول مرة تحصل ده بجد صعب جداااااااا وكدة يبقى قدمنا اختياريين اولهم اننا نلتزم فى الميعاد ونحترم رغبتة وطبعا ننقص فى الدرجات والتقدير ولا اننا نسلم بعدها بفترة ونريح بقى مش نطبق ايام ونعمل مشروع جامد ونجيب تقدير ؟؟؟؟؟؟؟؟؟؟؟؟؟؟؟؟
بجد الواحد محتار يختار اية
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   02/02/09, 07:55 pm

انا معاكي يا اسماء في الكلام اللي قلتيه

والحمد لله الاحساس دا مش عندي انا بس

كل الناس اللي سلمت بدري اتظلمت كتير بسببب الموضوع دا

فرق اسبوع كان هيفرق مع كل واحد فينا

يارتيني مكنتش سلمت في معادي وكنت جبت امتياز

بس اقول ايه ؟؟؟؟؟؟؟؟


-------------------------------------------
<br>


عدل سابقا من قبل AhMaD JaMaL في 03/02/09, 06:37 am عدل 1 مرات
الرجوع الى أعلى الصفحة اذهب الى الأسفل
http://3marh.mam9.com
Eng Abdelrahman Hussein
معيد في قسم عمارة
معيد في قسم عمارة


ذكر
عدد المساهمات : 23
العمر : 38
بلدك : Egypt
جنيه مصري : 3218

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   02/02/09, 08:29 pm

شكرا يا دكتور هشام علي هذا الموضوع
وأنا عن نفسي أحب أعرف رأي الطلاب عن المواد التي قمت بالمعاونة في تدريسها لهم
مثل التصميمات التنفيذية والتصميم المعماري والقوانين والتشريعات وغيره
انا عن نفسي لما اتعينت جديد كنت بحب اعمل استبيان خاص بي للطلاب في اخر الترم لمعرفة ارائهم
واكيد استفدت من هذا الاستبيان

يا ريت كل طالب يكتب رأيه بصراحه وخصوصا في موضوع الواسطة في القسم
لأن ناس كتير بتقول ان القسم كله واسطة وخصوصا الناس اللي من خارج القسم
انا عن نفسي: بالنسبة للمواد اللي قمت بالمعاونة في تدريسها كنت حريص ان كل واحد ياخد حقه

يا ريت كل طالب (من أي دفعة وخصوصا دفعة رابعة لأني درست لهم وكمان هم اكتر ناس بيدخلو المنتدي مش دفعة تالتة (!!!)) يكتب رأيه بصراحه
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   03/02/09, 12:14 am

على فكرة يا بشمهندس عبدالرحمن

جميل جدا ان الواحد يحب يعرف رأي الناس فيه

ولو كان فيه سلبيات يعدلها

ولو فيه ايجابيات يستمر عليها وخليها تظهر اكتر من السلبيات

شرفتنا بالرد والاهتمام

ودي حاجة قليلة في ناس كتير

احمد جمال

-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
........
زائر



مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   22/02/09, 06:56 am

اولا شكرا ليكم على فكرة قسم اتكلم بصراحة
انا اول مرة ادخل القسم ده دلوقتى لانى بجد فى حاجة نفسي اقولها واعرفها فى نفس الوقت
ليه الايحة الجديدة دى؟؟؟؟؟؟؟؟؟؟
انا اتعقدت و تعبت نفسيا وانا لسه فى اول اسبوع ليا فى الترم التانى
لما يبقى امبارح عندى وركينج
وانهاردة مشروع
وبكرة وركينج وتخطيط
.
.
.
.
وهكذا
ايه ده ؟؟؟؟؟؟؟؟؟؟؟
هل حصلت شكوى من طلبة الفرقة الرابعة السنين اللى فاتت عشان يبقى فى لايحة جديدة كده
احنا حتى حاولنا نعرف من الترم الاول هل هنفكر فى مشروع التخرج هيكون ايه ؟ مش هينفع عشان لسه معرفش مين الدكتور المشرف ؟ و مش هينفع برده عشان لسه منعرفش هيبقى الموضوع فيه مشاريع حرة ولا لا
و اجى الدراسة اضيع منها اسبوع او اتنين بس عشان خاطر اقرر انا هاخد مشروع ايه
ده غير الوقت اللى هحتاج فيه ادرس المشروع بشكل تفصيلي
واعمل المساقط الافقية والواجهات والقطاعات وال................الخ وانا ورايا وركينج وتخطيط
والمقرر جه فى النص كمان ربنا يستر و مننساش
بس بجد انا اللايحة الجديدة دى مافيش فيها اى ميزة بالعكس خالص ده جاية علينا كلنا بالسلب
و فعلا انا نفسي اعرف على اى اساس اختاروا الايحة الجديدة
للاسف دفعتنا دايما موعودة بلايحة جديدة تصدمنا
انا اسفة اذا كنت طولت
بس بجد انا من كتر مانا اعصابى تعبت جيت هنا اتكلم
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   23/02/09, 11:41 pm

وفيه حاجة كمان

ربنا رزقنا بمعيد في الوركنج كل همه ازاي يخنق على سنة رابعة

والكل طبعا عارفه

عشان حصلت مشكلة بينه وبين واحد من الدفعة

يبقى جاي السكشن عشان يخنق على باقي الدفعة باي طريقة

الموضوع دا محتاج نظرة من دكاترة المادة

ولو اضمن اني اقول لدكتور المادة على الحكاية دي وميفهمنيش غلط

هروح له

شكرا ليكم يا جماعة
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   24/02/09, 03:08 am

شكرا ليكم يا جماعة على الاهتمام والمتابعة وتوضيح وجهة النظر

والموضوع دا حقيقي في مادة الوركنج وبيحصل فعلا

وشكرا للجميع على الاهتمام

وبالنسبة للمشروع احنا فعلا اتزنقنا فيه بسبب اللايحة الغبية اللي كل سنة بيفاجئونا فيها بحاجة غريبة شكل

فعلا مصيبة ان يكون مشروع التخرج ترم واحد

ليه هوا مشروع فيلا؟؟؟؟؟؟؟؟؟؟؟

مش فاهم انا ليه كدا



-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
safaa 3abbas
.
.


انثى
عدد المساهمات : 2103
العمر : 29
بلدك : أسيوط_القاهرة
التخصص : مهندس معماري
المستوى التعليمي : دفعة 2009
. :
جنيه مصري : 3761

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 02:17 am

عادى يا احمد
انا وصلت لمرحلة انى مش بدى رد فعل طبيعي
ههههههههههه اه وربنا
خلاص هانت جت على السنادى يعنى
الرجوع الى أعلى الصفحة اذهب الى الأسفل
Dr. Hesham
عضو هيئة تدريس
عضو هيئة تدريس


ذكر
عدد المساهمات : 279
العمر : 54
بلدك : مصر
جنيه مصري : 3273

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 04:07 am

AhMaD JaMaL كتب:

شكرا ليكم يا جماعة على الاهتمام والمتابعة وتوضيح وجهة النظر

والموضوع دا حقيقي في مادة الوركنج وبيحصل فعلا

وشكرا للجميع على الاهتمام

وبالنسبة للمشروع احنا فعلا اتزنقنا فيه بسبب اللايحة الغبية اللي كل سنة بيفاجئونا فيها بحاجة غريبة شكل

فعلا مصيبة ان يكون مشروع التخرج ترم واحد

ليه هوا مشروع فيلا؟؟؟؟؟؟؟؟؟؟؟

مش فاهم انا ليه كدا




اولا السلام عليكم
ثانيا
احب اشرح لكم الوضع من وجهة نظري شخصيا كواحد من اعضاء هيئة التدريس
تغيير اللوائح لا يتم عشوائيا .. هو بيحصل كل عدة سنوات بناءا على توصيات مجالس الاقسام ترفع لمجالس الكليات ثم لمجالس الجامعات ثم للمجلس الاعلى للجامعات فتتم الموافقة عليها فتصبح لائحة جديدة (بيستغرق وقت طويل لتغيير اللائحة لكن هو ده الاسلوب الوحيد المتاح لتغيير اللائحة).
اتكلم بتفصيل اكثر:

زمان لما كنا طلبة (في الثمانينات)وتقريبا حتى بداية التسعينات كان مشروع التخرج يبدأ من امتحانات اخر السنة ...وكانت دفعة بكالريوس عمارة فقط امتحان اخر السنة في أواخر شهر مارس... وابتداءا من ابريل كان الطلبة متفرغين لشيئ واحد هو مشروع التخرج واللي كان يتم تسليمه في منتصف يوليو او اول اسبوع من يوليو يعني كان الطلبة متفرغين فقط للمشروع حوالي 3 شهور ونص
حصلت شكاوي كتير من الطلبة وطالبوا بزيادة المساحة الزمنية المخصصة للمشروع فتم تغيير النظام كالأتي:
مشروع التخرج يبدأ الطلبة فيه من اول يوم في الدراسة كأي مادة دراسية بالاضافة للمواد الاخرى وامتحانات نهاية السنة لدفعة بكالريوس زيها زي باقي الدفعات في شهر مايو وتنتهي اول يونيو والطلبة يتفرغوا شهر ونصف لتبييض المشروع من اول يوليو حتى منتصف اغسطس
واستمر هذا النظام في اوائل التسعينات.. مع ملحوظة ان تغيير النظم بهذا الشكل كان بناء على شكاوى واقتراحات من الطلاب في حينها واقتنع بها اعضاء هيئة التدريس وتم اتخاذها كتوصيات رفعت للمستوى الاعلى حتى تم تغيير اللائحة لتنفيذ هذه الرغبة (اللي هي في الاساس رغبة الطلاب في دفعات اتخرجت فعلا).
حتى تم تغيير نظام الدراسة في مصر ليصبح بنظام التيرم
هنا اصبح غير ممكن الاستمرار في نفس النظام السابق حيث ان بنهاية التيرم لابد من امتحان الطلاب فيما درسوه خلال التيرم ... كيف يمكن امتحان الطالب في شيئ لم يتم اعداده؟
فتم تغيير النظام الى الوضع الحالي
وهو وضع وسط بين النظامين السابقين
وحين تم اتخاذ هذا النظام كان الأهم فيه هو مصلحة الطالب (من وجهة نظر متخذ القرار)
عموما .. فيه شيئ اسمه المؤتمر العلمي السنوي اللي الطلبة فيه بيقدموا رغباتهم ووجهة نظرهم كاسلوب رسمي لتقديم وجهات النظر والاقتراحات .. ياريت كنتم تقدموا الاقتراح اللي يناسبكم في مؤتمر السنة دي وياريت الدفعات اللي بعدكم تقدم طلب زي كده السنة اللي جاية علشان يتحط في الاعتبار انه يتنفذ اذا كان في مصلحتكم على الاقل ان ماكانش يتطبق مع دفعتكم فهو يتطبق على الدفعات القادمة اللي هم زملائكم في باقي السنوات
والموضوع (التوبيك) ده اتوضع اساسا في المنتدى لتدارك الطلبات الفعلية لكم واللي ماتقدمتش في المؤتمر العلمي سواء كان السبب ان اللي مقدمش الاقتراح مش عايز مشاكل او كان غايب يومها او مش مقتنع بجدوى المؤتمر العلمي أو لأي سبب كان

وتأكدوا ان تغيير اللوائح (بالشكل الحالي)لم يكن ابدا من بنات افكار اعضاء هيئة التدريس ... بل كان في اغلب بنوده نتيجة شكاوي واقتراحات قدمها طلبة سابقين كانتوجهة نظرهم ان (الوضع الحالي) أفضل مما كانوا هم عليه
وتأكدوا ان اعضاء هيئة التدريس احب شيئ اليهم ان تكون الدراسة بالشكل الذي يحقق مصلحتكم وان اي اقتراح يسهل عليكم الدراسة ويحقق مصلحتكم هو اقتراح محل ترحيب

مع خالص تمنياتي

أما بالنسبة للجزء الخاص بمادة معينة من المواد وان احد القائمين بالتدريس هناك اشياء شخصية ترونها ... فلماذا لا يتم مقابلة دكتور المادة والتحدث معه بصراحة ومحاولة حل المشكلة وربما لا تكون بالشكل الضخم الذي تتصورونه او يكون هناك مشكلة فعلا ولكن لا احد يصارح الاخر بما فيه فتتفاقم المشكلة ...وربما لو تطوع طرف خارجي (انا مثلا) لحلها لتفاقمت المشكلة اكثر واكثر ولاخذت ابعادا اكبر مما هي عليه ... بصوا ... انا مقتنع ان مافيش غير طريقتين لحل أي مشكلة : إما مواجهتها ومناقشتها بصراحة مع جميع اطرافها ... او التعايش معها وتقبلها كما هي ... نصيحتي حاولوا تواجهوا المشكلة مع الاحتفاظ لكل طرف باحترامه وكرامته

مع تمنياتي


عدل سابقا من قبل Dr. Hesham في 26/02/09, 04:16 am عدل 1 مرات
الرجوع الى أعلى الصفحة اذهب الى الأسفل
مطحون في
زائر



مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 04:14 am

ياريت الحكاية جات على اللايحة اللي احنا مستحملينها 5 سنين
لكن دول غالبا بيدورو اذاي يطلعوا عنينا (بكافة الطرق الممكنة) يعني دفعة رابعة بالذات لازم تنزل مع الوفد السويسري لمدة اسبوعين ليل نهار - على اساس ان احنا فاضيين_ وفي الفترة دي مش هناخد سكاشن ولا محاضرات بس هنسلم كل حاجة في ميعادها
وركنج- الدراسات النظرية للمشروع- التسليم النهائي لتخطيط سوهاج - الريبورت بتاع الوفد
يعني حاجة ملهاش فايدة ولا درجات ....تعملها ليه....؟؟؟؟؟؟؟؟
بجد دي جاحة مترضيش ربنا
ولو حد يقدر يحلها.......يورينا


حسبي الله وهو نعم الوكيل
الرجوع الى أعلى الصفحة اذهب الى الأسفل
r.sh.a
.
.


انثى
عدد المساهمات : 1443
العمر : 28
بلدك : مصر حبيبتي
التخصص : مهندس معماري
المستوى التعليمي : دفعة 2009
جنيه مصري : 7095

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 04:26 am

السلام عليكم
شكرا يا د.هشام لاهتمامك بالموضوع
بس يادكتور احنا قلنا الكلام ده في المؤتمر الترم اللي فات
واقترحنا عليهم على الاقل ينزلولنا اسماء الدكاترة ونختار المشاريع ونعمل حاجة في الاجازة
لكن بكل بساطة .........اللي بيحصلكوا دة عادي ما احنا كنا كدة....
مينفعش نقارن حاجة دلوقني ب 30 سنة فاتت
كمان احنا هبمتحن عادي مع باقي الدفعات
الرجوع الى أعلى الصفحة اذهب الى الأسفل
Dr. Hesham
عضو هيئة تدريس
عضو هيئة تدريس


ذكر
عدد المساهمات : 279
العمر : 54
بلدك : مصر
جنيه مصري : 3273

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 04:28 am

مطحون في كتب:
ياريت الحكاية جات على اللايحة اللي احنا مستحملينها 5 سنين
لكن دول غالبا بيدورو اذاي يطلعوا عنينا (بكافة الطرق الممكنة) يعني دفعة رابعة بالذات لازم تنزل مع الوفد السويسري لمدة اسبوعين ليل نهار - على اساس ان احنا فاضيين_ وفي الفترة دي مش هناخد سكاشن ولا محاضرات بس هنسلم كل حاجة في ميعادها
وركنج- الدراسات النظرية للمشروع- التسليم النهائي لتخطيط سوهاج - الريبورت بتاع الوفد
يعني حاجة ملهاش فايدة ولا درجات ....تعملها ليه....؟؟؟؟؟؟؟؟
بجد دي جاحة مترضيش ربنا
ولو حد يقدر يحلها.......يورينا


حسبي الله وهو نعم الوكيل



اولا يا باشمهندس انت بتتكلم دلوقت عن مشكلة تانية خالص انا اول مرة اعرفها

لحد دلوقت انا كنت اظن انكم مرحبين بالمشاركة في مشروع الوفد السويسري

شيئ كمان انا كنت اظن ان مشاركتكم معاهم عليها درجات اعمال سنة في مادة التخطيط ... يعني هي جزء عملي في مادة من المواد

بإذن الله هاعرف الموضوع من الاستاذ الدكتور مجدي رضوان رئيس القسم
الرجوع الى أعلى الصفحة اذهب الى الأسفل
safaa 3abbas
.
.


انثى
عدد المساهمات : 2103
العمر : 29
بلدك : أسيوط_القاهرة
التخصص : مهندس معماري
المستوى التعليمي : دفعة 2009
. :
جنيه مصري : 3761

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 07:21 am

شكرا يا دكتور على اهتمام حضرتك
بس بجد احنا فى حاجات كتير جوانا ونفسنا نتكلم ونواجهها بس للاسف الحلول دى عمرها ما جت فى صالحنا بجد احنا دفعة غريبة جدا و مش عارفة ليه حظنا كده
الله اعلم السبب فى ايه بالظبط
الرجوع الى أعلى الصفحة اذهب الى الأسفل
r.sh.a
.
.


انثى
عدد المساهمات : 1443
العمر : 28
بلدك : مصر حبيبتي
التخصص : مهندس معماري
المستوى التعليمي : دفعة 2009
جنيه مصري : 7095

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 09:14 am

يا دكتور احنا لو اتفنحنا محدش هيعرف يسكتنا
يعني التخطيط جنب المشروعيين الاساسين و الوفد اللي طلعلنا ده كمان و الريبورت اللي هيتسلم في اخره
النظري زاد وكمان ضفولنا برنامج الGIS
3 ساعات اسبوعيا
من نص مارس متاخدة من وقت السكشن الاصلي من غير مايتقلل اي جزء من الماده
وكلمنا دكاتره المادة في الموضوع دة وبرضه مفيش فايدة
وبالنسبة للوفد:- المسالة مش ان احنا مش مرحبين بس والله مزنقوين ومطحونين ومعندناش وقت
وكمان مفيش حاجة هترجعلنا من الموضوع ولوكنا فاضيين والله ما كانت هتفرق معانا وكنا هناخدها فرصه
وننبسط على قد ما نقدر
بس ياريت حد يحس بينا
الرجوع الى أعلى الصفحة اذهب الى الأسفل
safaa 3abbas
.
.


انثى
عدد المساهمات : 2103
العمر : 29
بلدك : أسيوط_القاهرة
التخصص : مهندس معماري
المستوى التعليمي : دفعة 2009
. :
جنيه مصري : 3761

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 09:32 am

ده غير ان فى امتحان لبرنامج ال
GIS
وعليه درجات كمان
ده على اساس ان احنا لما نتعلمه فى يومين ونمتحن فيه زى اللى بيتعلمه فى كورس وبيمتحن فيه؟؟؟؟؟؟
بالنسبة لموضوع الوفد يا دكتور بالعكس احنا هنرحب بيه جدا
وانا عن نفسي بحب اشارك فى اى حاجة بتحصل فى القسم حتى لما بيجي وفد من بولندا بكون معاهم ليل ونهار وبدون مقابل لدرجات او اى شئ
بس احنا فعلا الترم ده مع اللايحة دى صعب اوى نشارك فى اى حاجة
الا اذا كان فى مقابل تأجيل للتسليمات و درجات
بصراحة انا مش قادرة استوعب الترم والجدول احنا فى ايام فيها وركينج بعدها تخطيط
على قد ما الترم كله فيه 4 مواد بس على قد ماهو اتقل ترم بيمر عليا
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 09:35 am

انا معاكي جدا ياريهام في الموضوع دا

وفعلا احنا مزنوقين جدا جدا الترم دا

من كل النواحي ومن كل الجوانب

كل مادة الترم التاني في عالم شكل
التخطيط في واد

والوركنج في وادي

والمشروع في عالم لوحده خالص

دا غير الوفد اللي جاي اللي هيضيع وقتنا معاه من غير فايدة غير زيادة ضغط علينا

-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
r.sh.a
.
.


انثى
عدد المساهمات : 1443
العمر : 28
بلدك : مصر حبيبتي
التخصص : مهندس معماري
المستوى التعليمي : دفعة 2009
جنيه مصري : 7095

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 09:58 am

التخطيط في واد

والوركنج في وادي


والمشروع في عالم لوحده خالص

واحنا في وادي تاني طيعا
زائد انتوا مبسوطين من موضوع الوفد او ده اللي باين وسيبنا لوحدنا في وش الدفع
ولا سمعنا صوت حد فيكم

الرجوع الى أعلى الصفحة اذهب الى الأسفل
safaa 3abbas
.
.


انثى
عدد المساهمات : 2103
العمر : 29
بلدك : أسيوط_القاهرة
التخصص : مهندس معماري
المستوى التعليمي : دفعة 2009
. :
جنيه مصري : 3761

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 10:06 am

ايه يا جماعة صلوا عالنبى
عليه افضل الصلاة والسلام
احنا هنقطع بعض عشان خاطر مشاكل الدراسة
مش كفاية ان فى ناس خسرت بعض بسبب ضغط الدراسة والتسليمات
الرجوع الى أعلى الصفحة اذهب الى الأسفل
r.sh.a
.
.


انثى
عدد المساهمات : 1443
العمر : 28
بلدك : مصر حبيبتي
التخصص : مهندس معماري
المستوى التعليمي : دفعة 2009
جنيه مصري : 7095

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 10:29 am

اللهم صلي وسلم عليه
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14148

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 10:59 am

مين قال كدا يا ريهام

احنا نفرح لو احنا في اي سنة غير السنة دي

انا حاسس ان فيه مصايب كتير جايلنا

من كل ناحية


وبعدين يا صفاء احنا هنا في قسم اتكلم بصراحة

يعني اللي ميقدرش يقوله في الكلية يقوله هنا وبمنتهى الحرية والصراحة

ربنا يستر

-------------------------------------------
<br>


عدل سابقا من قبل AhMaD JaMaL في 28/02/09, 03:09 am عدل 1 مرات
الرجوع الى أعلى الصفحة اذهب الى الأسفل
http://3marh.mam9.com
safaa 3abbas
.
.


انثى
عدد المساهمات : 2103
العمر : 29
بلدك : أسيوط_القاهرة
التخصص : مهندس معماري
المستوى التعليمي : دفعة 2009
. :
جنيه مصري : 3761

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   26/02/09, 12:09 pm

هههههههههههههههههههههههههه
نتكلم وربنا يستر
ماحنا اتكلمنا ومازلنا بنتكلم
بس مين اللى بيسمعلنا؟؟؟؟؟؟؟؟؟؟؟؟؟
احنا دفعة..............ولا بلاش
ماعالينا
الرجوع الى أعلى الصفحة اذهب الى الأسفل
eng amr mamdoh
.
.


ذكر
عدد المساهمات : 102
العمر : 30
بلدك : asyut
جنيه مصري : 3082

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   07/03/09, 08:36 am

السلام عليكم ورحمة الله وبركاته
طبعا الكل مستغرب من أول مشاركة ولكن أنا أسف علي عدم المشاركة سابقا لأني كنت مشغول في البحث والماجستير والشغل و....... المهم أحب أشكر د.هشام علي هذه الفكرة وأشكر الزملاء في الفرقة الرابعة علي التعبير برأيهم بمنتهي الصراحة وأنا هتكلم برضه بصراحة وهعتبر نفسي بكلم واحد صاحبي وأرجو أن تتسع صدوركم لما سأقول......................ويارب رأينا يلقي قبول
أبدأ بموضوع تسليم مشروع المستشفي
انا هقول رأي في الموضوع بدون تحيز (إعتبر إني مش عمرو ممدوح علي) وحيث إني ماعطتكوش مستشفي فمش عارف اللي حصل المهم عدم وضع درجات علي التأخير(Late) ده طبعا غلط كبير وأنا كنت بحس بيعه لما أجي أسلم المشاريع وحصلت في دفعتنا نفس الكلام كتييير وكنت زعلان برده (أنا مسلم مشروع المستشفي والسكني قبل موعد التسليم بيومين كاملين) ولكن...............................................
أحب أوضح نقطة مهمة زي ما تكلمت بصراحة :د.ممدوح ما يقصدش إنه يحابي س أو ص علشان حاجة أو بيصرف نظر عن (Late) لطالب معين و(Late) لطالب تاني لأ ولكن د.ممدوح بيعامل الطلبة كأنهم أولاده فعلا بيحاول يلاقي العذر لأي طالب كمثال أحد الطلبة في أحد السنين وأنا كنت في ثانية عمارة سلم المشروع بعد أجاااااااااااااااااااازة الترم الأول من غير لييت فسألته عن السبب قالي أنا عملت كده لأني عمري ما ستلمت لييت من غيره جات عليه بالإضافة إلي أنه عنده ظروف (كان أبوه متوفي قريب) - فأنا أدري إن والدي عاطفي وفي جانب الطلاب لأبعد درجة ممكنه فضلا عن إنه ماتفرقش معاه مين عمل فوتوشوب ومين عمل مناظير ومين سلم 15 شاسيه وبالتالي مش مهم الوقت المهم المشروع يطلع كويس أو حتي لو ماطلعش كويس المهم إن الطالب إتعلم .علي عكس د.خالد علي يوسف اللي تفرق معاه لييت علي ساعة (جربتوه في الفندق). وأنا مش عارف أنتمي لأي مدرستين مدرسة الرحمة وقبول العذر أو مدرسة الحق كالسيف علي الكل التي أراها أفضل لأني كنت طالب من سنتين زيكوا. ولكن أنا بجدله العذر في إنه عايز يدي للطلبه درجات علشان ينجحوا ومايسقطش حد وكل طالب ياخد فوق حقه.دي وجهة نظره بإختصار بدل ماتعرضوا الموضوع عليه ومنعا للحرج وما إلي ذلك.

ثانيا موضوع مشروع بكالوريوس اللي بقي في ترم واحد
لااااااااااااازم كل طالب يركب بطارية 41555274 وات لنفسه علشان الوقت مش في صالحكم أنا بقول كده دايما لمجموعة بكالوريوس بتاعتنا اللي أتمني إني أكون أفادتهم بحاجه حتي هذه المرحلة وشدوا حيلكم جميعا
ثالثا موضوع الGIS
ياريت كان علي أيامنا GIS كنا إتعلمنا برنامج جديد حتي لو مزنوقين (بالمناسبة مش هتحسوا بالزنقة إلا بعد التخرج إسألوا مجرب)
رابعا موضوع الوفد
أنا هسأل سؤال واحد كل واحد يجاوب عليه في نفسه علشان مانقدش نحكي كتير
هل التعامل مع الأجانب وخاصة السيدات وأخذهم للفسحة والتنزه معهم والعبارات والمقاهي و.... حرام أم حلال؟
خامسا أسف للإطاله
الرجوع الى أعلى الصفحة اذهب الى الأسفل
safaa 3abbas
.
.


انثى
عدد المساهمات : 2103
العمر : 29
بلدك : أسيوط_القاهرة
التخصص : مهندس معماري
المستوى التعليمي : دفعة 2009
. :
جنيه مصري : 3761

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   07/03/09, 09:09 am

وعليكم السلام ورحمة الله وبركاته

شكرا يا باشمهندس على مشاركة حضرتك ورأيك بصراحة
بالنسبالى انا هرد على حضرتك فى الحاجات اللى كنت بقول انها مشكلة وكده

بالنسبة للوفد انا مش شايفة انه فى اى مشكلة فى التعامل معاهم
انا جربت وفد بولاندا السنتين اللى فاتوا لما كانوا هنا و كنت معاهم ليل ونهار عاديين جدا مشوفتش لحد دلوقتى تصرف غير لائق يخليني ارفض انى اتعامل معاهم
يمكن يكون حصل فى سنة من السنين الموقف اللى حضرته كنت قولته بس مش عارفة والله اذا كان حلال وحرام ..... كل تعاملى معاهم مجرد تبادل ثقافات
هى المشكلة فعلا فى انهم معتبريين حاجات كتير عادى هى فى الاصل حرام بالنسبالنا .... معرفش ليه واخدين فكرة عن مصر غريبة من قبل ما يجوا
المفروض زى ما سمعوا عن كذا وكذا يعرفوا عادتنا وتقاليدنا ايه عشان حتى احنا واحنا معاهم منتعرضش لسخافات ملهاش لازمة
هما بيتعاملوا بتلقائية متنفعش هنا بالمرة

هو عشان مطولش على حضرتك فى الحتة دى
انا معرفش اذا كان حرام ولا حلال
بس فى نفس الوقت مينفعش لما يجوا مافيش ولا طالب يبقى معاهم ولا ينفع نسيبهم لوحدهم
دى حتة تبقى صورة وحشة للقسم واحنا مافيش مننا اى مشاركة معاهم


بالنسبة لموضوع ال جى اى اس
هو طبعا حاجة كويسة جدا ان احنا نتعلمها
بس فى نفس الوقت احنا عمالين نسمع ان البرنامج صعب
هو الله اعلم
وكمان احنا هناخد الكورس فى اسبوعين تقريبا
ده الاوتوكاد بتعلمه فى ترم نقوم نتعلم الجى اى اس فى اسبوعين؟؟؟؟؟
مش معنى ان احنا فى سنة رابعة يبقى هنستحمل ده
هو اصلا الترم فعلا مش ناقص
واللايحة الجديدة تمام اوى اوى اوى
بجد انا مش عارفة هما لما قرروا اللايحة الجديدة دى بصوا للمميزات
ايه ملقوش اى عوائق او اى حاجة ممكن تواجهنا؟؟؟؟؟؟؟؟
كفاية الحالة النفسية اللى احنا فيها واحنا اليوم كله اودام الكمبيوتر

لا ولسه احنا كده وفى البداية لسه مدخلناش فى شغل التخطيط اللى هو بجد بجد

حتى الترم الاول وهو كله نظرى وحفظ حفظ حفظ .......مش عارفة اقول ايه بصراحة
بس هى لايحة جديدة ملهاش اى فايدة عايدة علينا

بالنسبة لموضوع الليت ده
هو بصراحة والله اعلم الناس اللى سلمت بعد المعاد باسبوع كان عندها ظروف و لما سألتها عرفت ان الكمبيوتر اتحرق او باظ خالص حاجة شكل كده مش فاكرة
فليه احنا بنلومهم على حاجة زى كده
؟؟؟؟؟؟
وكمان دكتور ممدوح فعلا اللى بيهمه فى الامر فكرة الحل ايه واتعاملت ازاى مع المشروع
مش كل الناس اللى مسلمة فوتوشوب اخدت درجة اعلى من اللى مسلم اوتوكاد
والله حتى لو مسلمين شفافات دكتور ممدوح مش هيبص خالص على الحاجات ومش دى اللى هتخليه يقرر ان الطالب ده ياخد درجة كذا عن ده
وكمان ما الدفعة كلها واخدة درجات كويسة و حتى الامتحان بتاع الترم كان تقريبا زى امتحان اعمال السنة
فى ايه اكتر من كده؟؟؟؟؟؟
على فكرة انا بتكلم الكلام ده مش عشان حضرتك ابنه او حاجة
لا دى الحقيقة فعلا والله
بس معرفش رأي الاخرين ايه ....كل واحد ووجهه نظره



اسفة على اطالة
وشكرا لحضرتك مرة تانية يا باشمهندس على مشاركتك
الرجوع الى أعلى الصفحة اذهب الى الأسفل
سارة حمدى
.
.


انثى
عدد المساهمات : 254
العمر : 30
بلدك : اسيوط
المستوى التعليمي : دفعة 2009
جنيه مصري : 3133

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   08/03/09, 09:18 am

اانا بشكر الدكتور هشام على الموضوع دة وربنا يكرمة يا رب ويجعله فى ميزان حسناتة
اولا:- بالنسبة لمشروع المستشفى والييت انة الدكتور ممدوح فعلا بيراعى ظروف الطالب وبيعاملنا
زى اولادة وكله رحمه بس كان ممكن الدكتور بعد تسليم المشروع ويعرف مين لييت ومين فى نفس الميعاد يدى بونس للى مسلميين فى الميعاد وكدة يرضى الطرفين وميزعلش حد وانتوا عاريزين اكثر من كدة قلب ابيض مش هتلاقوا زى كدة
ثانيا :-بالنسبة يا بشمهندس على سؤال ان التعامل مع الاجانب حرام ام حلال انا مش عاوزة ابالغ بس اللى انا اقدر اقوله انة حرام اكيد لانهم عندهم عادات مش كويسة زائد مثلا الملابس اللى مرتديينه وان الولد لما ينزل معاهم كل نظرة منه ليهم بذنب والبنت ممكن تعاملها معاهم تتعلم تقاليد مش بتاعتنا ولا فى دينا والله اعلم...
اثالثا:- بالنسبة لموضوع الوفد احنا نعتبر مش هنستفاد كثير من الوفد دة غير اننا فى وقت كبير هيضيع معاهم والوقت مزنوق طبيعى ومش وقتها فى الترم دة
رابعا:- بالنسبة لدورة الجى اى اس دى بصراحة كويسة جدا لانها اكيد هنستفيد منها وخصوصا لما نتخرج وفى الشغل بس يا ريت يكو فى تقليل فى المنهج علشان الموضوع ميتزنقش
اسفة على الاطاله وجزاكم الله خيرا
الرجوع الى أعلى الصفحة اذهب الى الأسفل
eng_Asmaa Rabea
.
.


انثى
عدد المساهمات : 157
العمر : 29
بلدك : assuit
التخصص : مهندس معماري
المستوى التعليمي : دفعة 2009
جنيه مصري : 3235

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   08/03/09, 02:46 pm

السلام عليكم ورحمة الله وبركاتة
اولا بحب اشكر م / عمرو على مناقشة الامر بكل صراحة
اول حاجة احنا بنحب ونحترم د ممدوح جدااااااااااااااااا ودة اهم شىء وفعلا بيعجبنا فية انه بيقدر الظروف تمام وطيب جدااااا ويحب يساعد كل الطلبة قدر استطاعتة وعلشان احنا فعلا بنحترم د ممدوح فكان الهدف الاساسى الالتزام بالموعد الذى حددة كمان مش نلوم اى حد سلم متاخر لان بجد كل واحد منا فى ايام المشروع بتطلعوا مشاكل وظروف من تحت الارض دة غير التوتر وكدة بس كل الحكاية ان لو فى وقت اضافى يكون لكل الناس واللى يقدر يسلم يطبع بس هى دى النقطة اظن اسبوع ممكن نعمل فية مشروع من جديد ؟؟


اما بالنسبة للوفد هو جميل اننا نتصل بهم بس المشكلة فى عدم التالف معاهم ومع عادتهم ووانا من رايى سارة حمدى
وبالنسبة للبرنامج فهو فعلا هيفيدنا جدااااااا ومهم ولكن التيرم مش مستحمل بجد الواحد حاسس انة فى دوامة وبيدعى ربنا ينجية منها ربنااا المعين ............
الرجوع الى أعلى الصفحة اذهب الى الأسفل
eng amr mamdoh
.
.


ذكر
عدد المساهمات : 102
العمر : 30
بلدك : asyut
جنيه مصري : 3082

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   09/03/09, 12:16 am

أحب أشكر كلا من م/صفاء وم/سارة وم/(سما) مش عارف الأخيرة مين بصراحة
وربنا يكرمكم كلكم وأحب أذكر مجموعة البكالوريوس بتاعتنا إن بكرة الثلاثاء إن شاء الله هنبدأ الساعة 9 مش الساعة 8 وياريت اللي تعرف تبلغ الأربعة التانيين وشكرااااااااااااااااااااااااااااا
الرجوع الى أعلى الصفحة اذهب الى الأسفل
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   11/03/09, 09:20 am

ايه الموضوع السخن ده
ان اول مرة ادخل عليه
بس طبعا الواحد لازم يقول رأيه
الرجوع الى أعلى الصفحة اذهب الى الأسفل
http://www.flickr.com/photos/aboel7assan
safaa 3abbas
.
.


انثى
عدد المساهمات : 2103
العمر : 29
بلدك : أسيوط_القاهرة
التخصص : مهندس معماري
المستوى التعليمي : دفعة 2009
. :
جنيه مصري : 3761

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   12/03/09, 03:32 am

شكرا يا ابو الحسن على تواجدك ونتمنى نشوف مشاركتك ورأيك
الرجوع الى أعلى الصفحة اذهب الى الأسفل
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: رد: ما هو رأيك بخصوص كل مادة دراسية في السنة الرابعة بقسم العمارة   13/03/09, 04:56 am

eng amr mamdoh كتب:
السلام عليكم ورحمة الله وبركاته
طبعا الكل مستغرب من أول مشاركة ولكن أنا أسف علي عدم المشاركة سابقا لأني كنت مشغول في البحث والماجستير والشغل و....... المهم أحب أشكر د.هشام علي هذه الفكرة وأشكر الزملاء في الفرقة الرابعة علي التعبير برأيهم بمنتهي الصراحة وأنا هتكلم برضه بصراحة وهعتبر نفسي بكلم واحد صاحبي وأرجو أن تتسع صدوركم لما سأقول......................ويارب رأينا يلقي قبول
أبدأ بموضوع تسليم مشروع المستشفي
انا هقول رأي في الموضوع بدون تحيز (إعتبر إني مش عمرو ممدوح علي) وحيث إني ماعطتكوش مستشفي فمش عارف اللي حصل المهم عدم وضع درجات علي التأخير(Late) ده طبعا غلط كبير وأنا كنت بحس بيعه لما أجي أسلم المشاريع وحصلت في دفعتنا نفس الكلام كتييير وكنت زعلان برده (أنا مسلم مشروع المستشفي والسكني قبل موعد التسليم بيومين كاملين) ولكن...............................................
أحب أوضح نقطة مهمة زي ما تكلمت بصراحة :د.ممدوح ما يقصدش إنه يحابي س أو ص علشان حاجة أو بيصرف نظر عن (Late) لطالب معين و(Late) لطالب تاني لأ ولكن د.ممدوح بيعامل الطلبة كأنهم أولاده فعلا بيحاول يلاقي العذر لأي طالب كمثال أحد الطلبة في أحد السنين وأنا كنت في ثانية عمارة سلم المشروع بعد أجاااااااااااااااااااازة الترم الأول من غير لييت فسألته عن السبب قالي أنا عملت كده لأني عمري ما ستلمت لييت من غيره جات عليه بالإضافة إلي أنه عنده ظروف (كان أبوه متوفي قريب) - فأنا أدري إن والدي عاطفي وفي جانب الطلاب لأبعد درجة ممكنه فضلا عن إنه ماتفرقش معاه مين عمل فوتوشوب ومين عمل مناظير ومين سلم 15 شاسيه وبالتالي مش مهم الوقت المهم المشروع يطلع كويس أو حتي لو ماطلعش كويس المهم إن الطالب إتعلم .علي عكس د.خالد علي يوسف اللي تفرق معاه لييت علي ساعة (جربتوه في الفندق). وأنا مش عارف أنتمي لأي مدرستين مدرسة الرحمة وقبول العذر أو مدرسة الحق كالسيف علي الكل التي أراها أفضل لأني كنت طالب من سنتين زيكوا. ولكن أنا بجدله العذر في إنه عايز يدي للطلبه درجات علشان ينجحوا ومايسقطش حد وكل طالب ياخد فوق حقه.دي وجهة نظره بإختصار بدل ماتعرضوا الموضوع عليه ومنعا للحرج وما إلي ذلك.

ثانيا موضوع مشروع بكالوريوس اللي بقي في ترم واحد
لااااااااااااازم كل طالب يركب بطارية 41555274 وات لنفسه علشان الوقت مش في صالحكم أنا بقول كده دايما لمجموعة بكالوريوس بتاعتنا اللي أتمني إني أكون أفادتهم بحاجه حتي هذه المرحلة وشدوا حيلكم جميعا
ثالثا موضوع الGIS
ياريت كان علي أيامنا GIS كنا إتعلمنا برنامج جديد حتي لو مزنوقين (بالمناسبة مش هتحسوا بالزنقة إلا بعد التخرج إسألوا مجرب)
رابعا موضوع الوفد
أنا هسأل سؤال واحد كل واحد يجاوب عليه في نفسه علشان مانقدش نحكي كتير
هل التعامل مع الأجانب وخاصة السيدات وأخذهم للفسحة والتنزه معهم والعبارات والمقاهي و.... حرام أم حلال؟
خامسا أسف للإطاله


حبيب قلبى عمرو بيه ممدوح
ازيك يا معيد

بص يا باشا
طبعا انت عارف انك اخوى
بس انا معترض فى كام حاجة انت قلتها
فى الاول مع احترامى الشديد
لوالدك الكتور ممدوح
انت بتقول انه بيسامح ناس فى الليت عشان ظروفهم
هو ممكن يكون بيعمل كده فعلا
بس المنشكلة انها مش هتتفهم كده
وخصوصا لو كان اللى اتأجلهم دول مش ناس عادييين
انت فاهمنى طبعا
فالمفروض يراعى الحتة دى اوى

وطبعا عمك الكتور خالد
اللى فعلا بكنله كل احترام وامتنان
معاه حق المفروض التلسيم الساعة 12
يبقى الساعة 12
لو 12:15
يبقى late
واليت بعد ربع ساعة غير بعد ساعة غير بعد يوم

اما بقى لموضوع الجى اى اس
يا جماعة
انتوا كده محظوظين جدا
البرنامج ده مالهوش حل
واللى يتقن البرنامج ده
هياكل من وراه الشهد
وعلى فكرة فى واحدة من دفعنتا
البرنامج ده
هو شغلها
اكل عيشها من الاخر

فانا عند اتعلم البرنامج ده
حتى لو كان الكورس اللى انتوا هتخدوه حصتين بس
بس يبقى انا حطيت رجلى فى البرنامج
وبعد كده مع نفسى اخبط فى البرنامج
واكيد هاعمل حاجة
ولا انى اجيب جيد جدا ولا حتى امتياز فى كل المواد

هقولكم حاجة من الاخر

التقدير ده ما يفرقش فى اى حاجة فى الشغل برضه
يعنى لما تدخل اى انتر فيو
مش هيسألك انت جبت تقدير ايه
لكن هيسألك
انت بتشتغل ايه
واسأله مجرب
الرجوع الى أعلى الصفحة اذهب الى الأسفل
http://www.flickr.com/photos/aboel7assan
 
ما هو رأيك بخصوص كل مادة دراسية في السنة الرابعة بقسم العمارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتديات الجـــــــــــــــادة :: اتكلم بصراحة-
انتقل الى: