Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionابوس ايدك متعملش كده Emptyابوس ايدك متعملش كده

more_horiz
ياجماعة انا قريت المقال ده وعجبني جدا بيتكلم عن ماساة حقيقية احنا بنعيشها في مصر
وهي ان كل الناس دلوقتي بتكتب العربي بحروف انجليزي
مافيش مانع تتكلم انجليزي او حتي عامية.. بس ابوس ايدك ماتكتبش عربي بحروف انجليزي
لمصيبة الحقيقية هي ماسوف اكتبه الآن

elli beto men ezaz may7adefsh elnas beltoub
esmala 3la 2l kossa eli 3andoko
yalla kefaya mesh 3ayez akamel 3la ba2it elfari2


هذا المقطع استقطعته من احدي مواقع الانترنت..وترجمته هي: اللي بيته من قزاز..مايحدفش الناس بالطوب..اسم الله علي الكوسة اللي عندوكو..يالا كفاية مش عايز اكمل علي بقيت الفريق....!!!
ندثرت الفصحي ورضينا بالعامية..والآن جيل كامل ماشاء الله يكتب العربية بالحروف الانجليزية

انا مش حتكلم دلوقتي علي العولمة وذوبان التراث والهوية ولابتكلم عن جمال الخط العربي مع ان ده حقيقي..انا حتكلم علي العربي اللي بقيت مش عارف أقراه..!! .. الفكرة اللعينة دي أبتدت كفكرة أو نكتة دمها خفيف ثم تحولت لكابوس...!! الكيبورد العربي محتاج بس شوية تدريب.. افتكر اول مرة تكتب انجليزي علي
الكمبيوتر
!!

نقطة أخري...رسائل الموبايل المكتوبة بالعربي تحمل عدد اقل من الكلمات وبالتالي يضطر الراسل لدفع رسائل أكثر ....ولهذا اعتاد الجيل الجديد ارسال الرسائل العربي بحروف لاتينية ..


اناشدكم ان ندعو الي حمل شركات الموبايل لأن تعطي اسعار اقل للرسائل المكتوبة بالعربية تشجيعا للكتابة بالعربية وذلك حتي لا اجد نفسى يوما مضطرة
للتخلي عن كتابة العين والغين والضاد والقاف


هناك عدة طرق لمكافحة طريقة كتابة العربي بحروف انجليزي...اولا كانت طريقتي في الأول هو تشجيع الناس ان يستخدموا لوحة المفاتيح العربي

في طرق تانية اقترحها الزملاء زي مثلا استخدام موقع
[ندعوك للتسجيل في المنتدى أو التعريف بنفسك لمعاينة هذا الرابط]

حيث يترجم فوريا ماتكتبه بطريقة الفرانكو آراب الي حروف عربية (تتفهم وبتاعت ربنا!!)ه

في طريقة تالتة وهي انشاء لغة تالتة علي كل كمبيوتر بحيث انت تضرب علي الكي بورد الانجليزي بطريقة الفرانكو آراب و يقوم الويندوز طابع علي الشاشة حروف عربي مظبوطة...
الحلين الأخيرين هما حلول وسط وتدريجية لأننا لازم نكون عمليين ونعترف بانتشار الطريقة الغريبة دي وصعوبة استئصالها بسهولة


انا ايضا عندي فكرة رابعة...مادام بعض الناس مش عارفين أماكن الحروف العربي علي الكي بورد ..اذا ايه المانع ان يتم تغيير اماكن الحروف العربي علي الكي بورد العربي نهائي...بحيث نحط الحروف العربي علي نفس الزراير الأنجليزي اللي ليها نفس الصوت.....زي النون مع ال
N
مثلا

والتاء مع ال
T
.يعني الشركات تبيع الكمبيوتر علي حسب ترتيب الحروف القديم (لان في ناس متعودين عليها جدا) أو علي حسب الترتيب الجديد....ويمكن يبقي في خاصية التحويل بين الأتنين بسهولة....
طبعا ده مش هيحل كل مشاكل الحروف لكن علي الأقل حيسهل الكتابة بالعربي والانجليزي في نفس الوقت


معا للقضاء علي الطريقة السرطانية المسماة بالفرانكوآراب أو العربيزي في روايات أخري..!!!ه

descriptionابوس ايدك متعملش كده Emptyرد: ابوس ايدك متعملش كده

more_horiz
ياريت الكتابة بالطريقة الغريبة دى تتمنع من المنتدى ده و تتحط فى القوانين

descriptionابوس ايدك متعملش كده Emptyرد: ابوس ايدك متعملش كده

more_horiz
مش عارف ياريت 

descriptionابوس ايدك متعملش كده Emptyرد: ابوس ايدك متعملش كده

more_horiz
على فكرة الموضوع مهم جدا
اتمنى فعلا الكتابة بالطريقة دي تتمنع من المنتدى على الأقل

شكرا يا بشمهندس
موضوع مهم كما عودتنا

descriptionابوس ايدك متعملش كده Emptyرد: ابوس ايدك متعملش كده

more_horiz
no comment 

descriptionابوس ايدك متعملش كده Emptyرد: ابوس ايدك متعملش كده

more_horiz
فعلا يا بشمهندس
موضوع مهم جدا
والافكار رائعه
وياريت نحاول نحافظ على سلامة لغتنا
شكرا على الاضافه

عدل سابقا من قبل AhMaD JaMaL في 25/01/09, 03:19 pm عدل 1 مرات (السبب : تعديل)

descriptionابوس ايدك متعملش كده Emptyرد: ابوس ايدك متعملش كده

more_horiz
موضوع هادف وجميل جدا ياباشمهندس

ياريت كل الناس تكتب اما عربي عربي ا انجلش انجلش

descriptionابوس ايدك متعملش كده Emptyرد: ابوس ايدك متعملش كده

more_horiz
بسم الله
انا من معلوماتى ان علماء العرب كان سبب تعلمهم للغات الاجنبيه عشان يقدروا يوصلوا افكارهم ليهم ويعرفوا ايه وجهة نظرهم فينا ويكون ده وسيله للتفاهم وتبادل الحوار والثقافات لكن كون الموضوع دلوقتى انى بكتب عربى انجليزى فهلوه زى ما بيقولوا متهيالى محتاجه وقفه نفكر ياترى احنا قاصدين ده ؟
Question

descriptionابوس ايدك متعملش كده Emptyرد: ابوس ايدك متعملش كده

more_horiz
رد جميل والله انا عايز اشوف اراء الناس الاول

descriptionابوس ايدك متعملش كده Emptyرد: ابوس ايدك متعملش كده

more_horiz
مش عارفه اا احنا كنا قاصدين كده ولا لا بس غالبا بما اننا عرب ومحتلون فكريا فده الطبيعي ان يحصل كده والناس الي بتكتب كده بتفكر بقى انها متعلمه انجلش واوعا وشك بس ده الجهل بيعينو

يعني ارحم لو كتب عربي عربي او انجلش انجلش

descriptionابوس ايدك متعملش كده Emptyرد: ابوس ايدك متعملش كده

more_horiz
فعلا موضوع مهم اوي يا بشمهندس
الناس اللي بتكتب كده يقصدو ايهبكتبتهم دي
فعلا دا الجهل بعينو
وكمان ياريت الواحد يتكلم او يكتب بالعربي مش بالانجليزي
همه ليهم لغتهم واحنا لينا لغتنا ياريت نحافظ عليها
زي ما همه محافظين علي لغتهم ومش بيستخدمو العربي

descriptionابوس ايدك متعملش كده Emptyرد: ابوس ايدك متعملش كده

more_horiz
فعلا انت فتحت موضوع مهم يا بشمهندس
لانى بجد بدايق لما اشوف كلام من دا
وباخد وقت علشان افسره
مش عارفه العربى ماله والالف والياء والحروف اللى بينهم اشتكوا من ايه علشان منستخدمهمش

descriptionابوس ايدك متعملش كده Emptyرد: ابوس ايدك متعملش كده

more_horiz
امممممممممممممممم
كويس انك قولت والله معلومة جديدة عليا
طب حد يبلغ سنة تالتة يا جماعة هههههههههههههههههههه كلهم ما شاء الله يعرفوا فى الانجليزي المعرب ده

descriptionابوس ايدك متعملش كده Emptyرد: ابوس ايدك متعملش كده

more_horiz
اه ياريت خلوا الناس يخدوا بالهم كويس من المشكله دي
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد