اخيرا صفااااااااااااء عباس على كرسي الاعتراف

F-A_3marah كتب:

ازيك يا صفاء

نورتي كرسي الاعتراف
شكرا ليكي عقبالك هههههه
بصي بقى أنا أسئلتي سهلة خالص

هسألك سؤال بسيط كدة
على ما أجهزلك أسئلة
اوك

1-يوم في حياتك مش هتنسيه أبدا؟ هل هو يوم حزين ولا سعيد؟ وليه مش هتنسيه؟
هى ايام كتير بصراحة
اكتر يوم حزين فى حياتى كان من 10 سنين لما عرفت خبر وفاة والدى فى حادثة كانت صدمة كبيرة اوى عليا.......الله يرحمه ويرحم جميع موتانا يا رب
اكتر يوم سعيد هو اى يوم بشوف فيه ماما واخواتى سعداء يا رب دايما يارب ويكرمهم...و يوم طلعت فيه الاولى على المدرسة هههههههه زمان بقة

F-A_3marah كتب:

ازيك يا صفاء
الحمد لله ازيك انتى يا فوفة

أنا هسألك تاني أوك
اتفضلى طبعا

2-هل انتي بتعتبري نفسك شخصية هادية ولا عصبي؟ ولأي حد هدوئك ده أو عصبيتك؟ ولو انتي هادية ايه اكتر حاجة ممكن تعصبك؟
وأخيرا عايزة مثال لموقف عصبك جدا واتصرفتي فيه ازاي؟
عصبية.......على حسب الموقف اللى بيعصبنى ده ايه يعنى فى مواقف بتعصبنى اه بس بكتم العصبية دى جوايا عشان لو طلعتها هبهدل اللى واقف اودامى و هزءه فاحسنلى اسكت....فى حين ان فى مواقف بتعصبنى عشان مثلا ظالميني فى حاجة يعنى مثلا موقف فى حد بيقول انا قولت كذا وده محصلش (المواقف الغبية دى فهمانى )بعبر عن عصبيتى انى بتلاقيني ادافع عن نفسي او عن واحدة صحبتى لو حصلها الموقف ده .......عصبيتي فى البيت وحشة جدا و لما حد فيهم يشوفنى كده كل واحد يدخل الاوضة بتاعته ومحدش يعدي اودامى والا مش هيحصل طيب بس باجي اعتزرلهم لما بهدي لان المشكلة انى ممكن اكون جاية من برة البيت عصبية جاهزة ههههههه مش شرط حاجة عملوها فى البيت وعصبتنى ....بس

3-ايه أكتر حاجة ممكن تدايقك من أي حد ؟ ولو الحد ده قدامك دلوقت هل هتواجهيه ولا لأ ؟ وليه؟ ولو
واجهتيه هتقوليله ايه؟
اللى ميحترمنيش من غير سبب او يتكلم معايا باسلوب وقح او اللى يستهزء بيا
هواجهه و اواجه و اواجه و لو الشخصية دى عندها شخصية اصلا تفهمنى على اساس بتعمل كده مش تبقى مع نفسها انا مش تحت امرهم عشان يكلمونى باحترام وقت ماهما عاوزين ويكلمونى وحش وقت ماهما عايزين.....ليه عشان اعرف هل انا غلط فى حاجة او عملت حاجة تستحق ان اللى اودامى يعاملنى كده لو اه هعتزر و اشيلها فوق راسي و اوعد بانى معملش كده تانى ولو لآ مش غلط فى حاجة يبقى خلاص براحتهم وانا كمان براحتى و هتعامل بنفس الاسلوب بتاعهم معاهم ومش بعيد افضل انى متعرضش ليهم او للتعامل معاهم حتى تانى
لو واجهتهم هقول ايه ....بصي فى شخصيات متستحقش حتى انك تواجهيهم افضلك تسبيهم يكتشفوا غلطهم بنفسهم و فى شخصيات لو واجهتهم وده الاغلبية بس بالنسبة لاصحابى بس و الللى بعتبرهم زى اخواتى دول بقة بتكلم معاهم بكل صراحة واسألهم فى ايه و يجاوبونى يمكن يكون حصل سؤ تفاهم او حاجة بس انا عشان بحبهم ومش عاوزة اخسرهم هنسامح بعض عشان نفضل اصحاب واخوات دايما
وبرده بيضايقنى اللى يعاملنى كأنى واحدة غبية وتعيش عليا دور اللى فاهمة بقة و تحاول تطلعنى غلطانة فى اى موقف وخلاص مع نفسها برده
هههههههههه


4-هل حصل انك اتمنيتي موقف معين انه يحصل؟ ولما حصل اتصرفتي فيه ازاي؟ وهل ندمتي على الموقف ده أو على الطريقة اللي اتصرفتي بيها فيه؟
اه الحمد لله .....كنت سعيدة و الاول بحمد ربنا كتير انه حصل واتمنى ان الموقف ده ينتهى على خير باذن الله
لا خالص الحمد لله
بس بيتهيألى انتى تقصدى بسؤالك انه موقف مكنتش اتمنى انه يحصل و لما حصل هل ندمت عليه ولا لا مش كده ؟......عموما هقولك برده لا بس هتلاقيني ببكي كتير ههههههه بس


سؤال بسيط خالص
5- ما هو شعارك في الحياة؟ وليه؟
شعارى اممممممم كذا حاجة
الدفاع عن الحق حتى لو كان مش فى صالحى دى اكتر حاجة بجد
لان احب الحقيقة تبقى واضحة فى اى موقف او كل حاجة على نور زى ما بيتقال
كمان انا لو ليا حق مدافعش عنه ليه ؟؟؟؟؟؟ والله اانا ادافع عنه ولو اللى اودامى قاصد يظلمنى ربنا هو اللى هيجيبلى حقى خلاص انا عملت اللى عليا
ولو مأخدتش حقي اكيد ربنا باذن الله ههيردهالى فى حاجة تانية مش هضايق كفاية ان اللى اودامى ده بان على حقيقته انه ظالم اسيبه لعقاب ربنا انا مش هعاقب ومش هلوم حد ربنا كبير
اما لو مدافعتش عن حقى او حق حد تانى يبقى ده ضعف منى و لو انا عملت كده وغيرى عمل كده يبقى كلنا ضعفا و زى اللى بندى فرصة للى بيظلم ده انه يزود جبروته و يعمل اللى هو عاوزه وميهموش حد لانه مش لاقى اللى يواجهه
بس

الرقى فى التفكير ......مش عارفة اعبر انا اقصد ايه يعنى تفكيرنا يرتقى شوية زى الاجانب لما بيتعاملوا بكل صراحة و احترام و جنتيل جدا .......كذا حاجة كويسة فى موضوع الرقى مش عارفة اوصفها
بس بجد البلد ممكن تطور كتير لو اطورو تفكيرنا
يعنى اه اقولك مثال كويس انه جه على بالى
حكاية الاخذ بالثأر دى او الطار تفكير فى قمة التخلف فعلا و الحمد لله لو ركزتى شوية هتلاقى ان الحكاية دى بدأت تختفى لانه تفكير الناس بدأ يتطور وبدأوا يعرفوا انه ده غلط و مالهوش اى فايدة
نفسي موضوع الوسائط ده برده يبطلوه بس ده للاسف حتى الناس اللى تفكيرها راقى بتتعامل بيه واضح انه موضوع عمرى ما هينتهى فى مصر

فى شعارات غريبة شوية مش عارفة اوصفة نهائي هههههههههههه

كفاية كدة اسئلة دلوقت

يارب تكون اسئلتي خفيفة عليكي
والسؤال اللي ميعجبكيش ولا كأنك شفتيه
لا خالص خدى راحتك انا مش هزعل ولا حاجة بالعكس
واسألى حتى اكتر من 10 اسئلة براحتك شيلوا القوانين والقواعد بتاعة كرسي الاعتراف وخدوا راحتكم
مش هزعل خالص

safaa 3abbas كتب:

بس بيتهيألى انتى تقصدى بسؤالك انه موقف مكنتش اتمنى انه يحصل و لما حصل هل ندمت عليه ولا لا مش كده ؟.

ah777ed كتب:

ازيك يا صفاء اتمني انك تكوني بخير
الحمد لله يا احمد
ازيك انت و اخبار صحتك ايه
كان نفسي اسئلك سؤال لكن للاسف مش هقدر لاسباب كتيره

ومن اهم الاسباب دي اني مسألتش احمد جمال لما كان علي كرسي الاعتراف

مرضيتش اسال المشرفة سارة عبد العليم كنت هسالها وبعدين رجعت في كلامي

وبناء عليه مش هينفع اسالك
لا خالص اتفضل اسأل مافيش مشكلة
و كمان ميتهيأليش يعنى ان احمد وسارة هيضايقوا الموضوع عادى يعنى
عموما عاوز تسأل براحتك اهلا وسهلا بيك وانا مش هضايق خد راحتك فى الاسئلة و انا كنت قولت اللى عاوز يسأل اكتر من 10 اسئلة يتفضل
وان شاء الله اجاوب على كل الاسئلة بكل صراحة
بس اعتقد اني هستمتع باني اشوف الاسئله اللي الناس بتسالها واقرا الاجوبة بتاعتها
طب ماشي يا عم الرومانسي
متسأل وتخلصنى
اتمنالك دوام الصحة والتوفيق والسعاده

اخوكي الصغير

احمد محرم

محسسنى انك باعتلى جواب مش مشاركة هههههههه

F-A_3marah كتب:

ماشي يا صفاء
خنقتك مش كدة؟
لا خالص يا فوفة بالعكس
بس استحمليني بقى
تعملي ايه
هضربك بس مش اكتر هههههههههه
لا والله بهزر
سؤال رقم 6
(عرفت ان رقم ستة معلق معاكي قلت اخليه سؤال ظريف كده)
ههههههههههههه ماشي
خدي عندك
في حياة صفاء عباس ماذا تعني كلا من
قمة السعادة..............لما اشوف كل اللى بحبهم سعداء وخصوصا ماما واخواتى
قمة الهدوء..............هههههه سؤال محرج اوى معداش عليا هههههههه بس هو لما بكون تعبانة او مضايقة
قمة الرومانسية..........هههههههه يعنى انا عرفت الهدوء دى بالعافية هعرف الرومانسية هههههههه بس هو عموما لما بشيل بابى صغير بيبقى قمة الرومانسية برده لما بأكل البابى ده حاجة .....شعور زى العسل هههههه
قمة الخيال...............وانا بصمم مشروع
كفاية قمم كده ونقول
يوم التخرج....... .......هههههه مش هصدق نفسي ولا حتى هنا فى البيت برده مش متخيلين ان انا قربت اتخرج ان شاء الله
زمان ايام حفلة التخرج بتاعة اخواتى كنت احب البس لبس التخرج واتصور بيه على امل انى فى يوم ابقى زيهم هههههههه بس يا جماعة خلاص كبرتونى بجد مش مصدقة نفسي هههههه
الحب الأول................ جدتى طبعا و هواياتى مافيش غير كده هههههه
فارس الأحلام.............. اللى يستحمل هزارى او اعقل على ايديه لسه مش عارفة والله ههههههههههههههههههه
ماشي يا فدوى
انتى عاوزة تعرفى يعنى مواصفاته بالنسبالى ايه ؟

الفستان الأبيض............اكيد هيكون فستان فرح مش كده
ههههههههه سخيفة سخيفة
انتى عاوزة تعرفى يعنى الفستان ده بيمثل بالنسبالى ايه او ممكن يفكرنى بمين او نفسي اشوفه فى مين ؟؟؟؟؟؟


بس كده
سؤال صغيوووووووووووووور خالص
صح؟
لا سؤال حلو والله بس المشكلة ان انا اللى مش عارفة اجاوبه ازاى ماشي يا فوفة

shimaa كتب:

ازيك يا صفاء يا حبيبتى
الحمد لله يا شيمو
انتى ازيك

بما انك انتى هنا الوحيده اللى اعرفها
فقولت اسألك حبة اسئلة
اه طبعا اتفضلى

اكتر هديه حد اهداها ليكى وانتى لسه محتفظه بيها وبتحبيها جدا ؟
كل هدايا اصحابى الحمد لله محتفظة بيها وبعلبتها و باللفة بتاعتها كمان
مش عاوزة اقولك انا المكتب بتاعى حاطة فيه هدايا اصحابى مش الكتب من كتر مانا عاوزة احافظ عليهم لانهم بجد غاليين عليا من اغلى اصحاب بحبهم وبحترمهم بجد ربنا يخليهوملى يا رب ويكرمهم


امتى بتحسى انك عاوزه تبقى لواحدك ؟ وامتى بتحسى انك محتاجه الناس حواليكى؟
ببقى عاوزة اكون لوحدى لما ابقى تعبانة و مضايقة و لما ابقى عاوزة اصلى واقرى قرآن محبش يكلمنى خالص او حتى يدخل الاوضة بتاعتى او حد ينادى عليا ..........نهائي
لما احس بالظلم او اكون مجروحة من مقلب عملته واحدة ظريفة فيا .....لما اكون مخنوقة
و ايام الامتحانات والتسليمات هههههههه لازم البيت كله يبقى موجود ما فيش شغل مافيش سفر مافيش نزول
ههههههههههههههه بزنبهم يا عينى

لو قالولك عندك أسبوع تسافرى فيه لاجمل مكان فى العالم والاسبوع ده شامل تكاليف الاقامة والاكل والبوكيت مانى وكل حاجه وممكن تختارى شخصين مرافقين ليكى هاتخدى مين ؟ ومين اللى مش تحبى انه يكون معاكى فى الاسبوع ده ؟
اتنين بس ليه كده؟ ههههههههه عموما هاخد اخواتى وكويس انهم 2 بس هزعل وبيتهيألى محدش فينا هيطلع لاننا هنسيب ماما وحدها واحنا رايحين نتفسح ......ايه الندالة دى
بس هنطلع برده ههههههههههههههه
حد محبش يكون معايا فى الاسبوع ده.........اى حد هيخنقنى ممكن مطلعش الرحلة خالص
اصل احنا طالعين نتفسح فمش طالبة هى حد خنيق فى الموضوع
بس انا مش فاهمة هل انتى تقدى حد من اصحابى ولا حد من اى نوع اللى مش عاوزاه يطلع ؟

ايه علاقتك بالأطفال ؟ ولو عندك طفيلن واحد فيهم بيعيط كتير وزنان والتانى لطيف ولذيذ ودمه خفيف تفتكرى هاتعامليهم ازاى؟
زى الفل اصحابى هههههههههههههه
انا بتكسف اوى لما ابقى رايحة اشترى حاجة واشوفهم بيلعبوا فى الشارع و يجروا عليا صفصف اهه صفصف اهه هههههههههههههههههههههه
ههههههههههههههه
بيبقى منظرى بايخ جدا بس والله بحبهم اوى
شروق _ رضوى _ فاطمة _ سارة
هما اخوات اصحابى اللى ساكنين قريب منى هههههه
هحبهم هما الاتنين عز الطلب والله انا محبش الاطفال الهادية اصلا ههههههههه احب الاطفال اللى تجنن اهلها و اشقية خالص
مش عارفة ليه

ايه الحيوان الأليف اللى نفسك تربيه معاكى فى البيت " قطه ولا كلب ولا عصفور ولا سحلفه ولا فار ولا بطه " واشمعنى اخترتى ده ؟
ما ينفعش اختار حاجة تانية غيرهم.......السمك
انا بحب اى ديكور فى البيت فيه ميه سواء نافورة او حوض سمك
اشمعنى اخترت السمك بالذات.......يمكن عشان الحاجة الوحيدة اللى هتخليني منضفش المكان كل شوية هههههههههههههه
هههههههههههههههههههههههههههههههههههه
لا هو بصى القطة لزيزة وكل حاجة بس مش بحب اقرب ناحيتها و لا العب معاها
الكلب لا برده عشان يخوف و عشان مينفعش فى البيت
ومن اقتنى كلباً وسار معه فإن الملائكة لا تصاحبه ، كما جاء في الحديث (لا تصحب الملائكة رفقة فيها كلب و لا جرس ) أخرجه مسلم عن أبي هريرة
والبيت والمكان الذي فيه كلب لا تدخله الملائكة ، لقول النبي (إن الملائكة لا تدخل بيتاً فيه كلب و لا صورة) متفق عليه عن علي
إلا كلب الصيد والماشية والزرع[الحرث] فيجوز اقتنائه للحاجة إليه لقول (من أمسك كلباً فإنه ينقص من عمله كل يوم قيراط إلا كلب حرث أو كلب ماشية ) أخرجه البخاري عن أبي هريرة.
ولقوله (من اتخذ كلباً إلا كلب ماشية أو صيد أو زرع انتقص من أجره كل يوم قيراط) متفق عليه عن أبي هريرة.
العصفور فكرت فيه والله لان بحب اصوات العصافير جدا وابقى نفسي اعرف هما بيحكوا فى ايه ههههههههه
سلحفاة لا عشان تقيلة مش هعرف اشيلها هههههههه لما كنت فى رحلة الغردقة معرفتش اشيلها خالص
فار؟؟؟؟ لا والله هههههه هبقى اجيبلك فار يا شيمو تربيه فى البيت عندك وقوليلي رأيك كده
بطة جميلة اوى بس هل هربيها فى البيت عشان انا عاوزة اربيها ولا عشان اكلها واكبرها واكلها فى الآخر
دى تتوقف على ندالتى مع البطة هتكون ازاى ههههههه


ايه موقفك فى البيت بتشتغلى وتساعدى ماما ولا عامله فيها هانم وعلى راسك ريشه ؟ وانهى احسن بالنسبه ليكى تنضفى البيت ولا تقفى فى المطبخ ؟وايه اكتر أكله بتعرفى تعمليها ؟
من ده على ده
يعنى لو مشغولة ومش فاضية مش هعمل و كذلك لو فى البيت حسوا انى تعبانة مش بيخلونى حتى اقوم اجيب مية اشرب
ههههههههههه لا والله مش دلع ولا حاجة بس بجد انا بدأت اساهم فى حاجات حلوة
كيكة طبعا و مكرونة و شاى و كوفى ميكس و سلطة وكفاية اوى كده عشان انا بخاف من الحسد هههههههههههههههه
ههههههههههههههههههههههه لا بس بجد بحاول فى الباقى و اعك وهما ياكلوا

تقدرى تقولى انضف البيت لانى بحب انظم الحاجات بنفسي بس طبعا الكلام ده كان قبل ما ادخل قسم عمارة
دلوقتى الحمد لله على كل حال الحمد لله

والله لما ببقى رايقة بعملهم اى حاجة اعرفها بمزاج كده بتبقى جميلة جدا لدرجة انهم بيخلونى اكررها تانى
و هو غالبا بترسي على دليفرى وهما مش واخدين لبالهم هههههههههههه
هههههههههههههههههههههه

ايه علاقتك بجيرانك ؟ يعنى بيقولو عليكى طيبه واجتماعيه ولا شايفه نفسك عليهم ؟
بصى هو على حسب وانا بفضل ان كل واحد يكون فى حالة و كذلك هما
بس فى اصلا اصحاب ليا جيرانى دول حبايبى طبعا كلهم و زى اهلى بالظبط
حتة بيقولوا عليا ايه دى مجربتش انى اسألهم او اخد رأيهم عنى ايه
بس هما الحمد لله ما شاء الله بيثقوا فيا دى اكتر حاجة قالتهالى واحدة صحبتى جارتى
دايما تقوللى انا عشان استأذن منهم فى البيت اروح مكان او اسافر وكده يقولولها لو صفاء هتكون معاكى روحى اى حد تانى لأ
بس


ماذا يعنى لك كل من
* يوم الجمعه
يوم جمل جدا و خصوصا وقت صلاة الجمعة و الناس كلها فى الجامع
بحس براحة نفسية فى اللحظة دى ياريت كل الايام تكون يوم جمعة

* أول يوم العيد
كان اسعد يوم الواحد بيستناه بس من بعد وفاة بابا الله يرحمه و هو يوم عادى زى اى يوم
بس بحب اسمع التكبيرات واروح صلاة العيد و بس
ممكن اخرج مع اهلى نتغدى برة و اروح النادى ساعة بالكتير واروح
بس برده مبقتش احس بطعم العيد زى زمان

* يوم الثلاثاء
هههه اشمعنى ؟؟؟؟ مش عارفة والله بس بيتهيألى زمان وانا صغيرة كانت فى حاجة مميزة ليوم التلات مش عارفة اذا كان يوم نحس ولا يوم صدف ولا يوم ايه مش فاكرة بس كان ليه ذكرى عندى

* اخر يوم رمضان
اكتر يوم بضايق منه لانه رمضان خلص و بشوف فى عنين الناس فرحة بان العيد جاى وخروج بقة و زى اللى ما صدقوا ان رمضان خلص
مع ان ايام رمضان جميلة جدا وهى كلها صوم وعبادة اهه هو ده الشهر اللى فعلا بيحسسنى بان كل يوم فيه يوم جمعة

* أول يوم فى اجازه الصيف
ببقى مش مصدقة نفسي ههههههههه
اكيد فى حاجة غلط انا صاحية بدرى ليه طيب لما هى اجازة
هى بس بتبقى اول صدمة انى مش مستوعبة انا ورايا كلية ولا دى فعلا الاجازة

* أول يوم فى الدراسة
يوم بستناه بفارغ الصبر عشان اشوف اصحابى ودفعتى طبعا اللى وحشونى

* العرايس اللعبه
الاطفال الصغيرين اللى زى العسل ههههههه اخوات اصحابى وهما ماسكينها ايه البراءة دى
ما شاء الله عليهم

* ورده انتى زرعتيها فى البلكونه
ياااااااااااااااااه بتفكرنى بجدو الله يرحمه و مدرستى طبعا اللى اسستنى وبحبها جدا لحد دلوقتى نوتريدام ديزابوتر
لما كانت الميس تشجعنا وتقولنا المفروض لما نشوف ورقة على الارض نشيلها ونحطها فى الباسكيت و ننصح اللى بيرميها هههههه
فكانت تقول لو فى شجرة تحت البيت ننزل كل يوم الصبح نرويها و نحافظ عليها و.......فانا كنت بحب كلامها اوى الميس دى وبقتنع بكل كلامها
ولما قالتلنا نزرع فى البيت زرع وكده اول زرعة زرعتها كانت حبة فول فى علبة زبادى فاضية حطيت فيها قطن ههههههههههههههه
هههههههههههههههه ومتسألنيش ازاى ويعنى ايه بس بجد زرعة جميلة اوى ولما عجبتهم فى البيت جابلولى كذا قصيص ازرعه بس فيه طين مش قطن المرة دى هههههههه بس و جدى الله يرحمه هو اكتر واحد حببنى فى الموضوع ده انا واخواتى
للاسف لما جربت اشترى صبار قريب ماتت منى زعلانة عليها اوى جالى احباط بطلت ازرع خلاص

* قفص عصافير بتربيه فى البيت
بيفكرنى بجدتى حبيبتى لانها اكتر واحدة تحب العصافير والطيور عموما
ودايما وانا صغيرة اقولها على اى حجة عرفتى منين تقوللى العصفورة قالتلى ههههههههه على فكرة هى مازالت بتقوللى الجملة دى هههههههههه

................................
مش فى بالى حاجه تانيه
يارب تكون اسئلتى خفيفه عليكى ولما افتكر حاجه راح اجى اكتبها على طووووووووووول

اوك يا شيمو وانا فى انتظارك يا جميل فى اى وقت
نورتيني وشكرا ليكي

F-A_3marah كتب:

على فكرة كنت كاتبة رد هنا

محدش شافه راح فين؟؟؟

مش مشكلة اكتبيه تانى
حصلتلى كتيرمعرفش ازاى
_______________
بجد يا صفاء شكرا على اجاباتك الجميلة دي
الشكر لله يا قمر
ويعني مش لازم تجاوبي كل الأسئلة
احنا مش امتحان ولا حاجة
لا عادى بالعكس اسالى براحتك

أما بقى فارس الأحلام
انا مش قصدي مواصفات فارس أحلامك
أنا قصدت الكلمة دي تعنيلك ايه أو بتفكرك بايه
بتفكرنى اكيد بالباشا فى المستقبل بقة ههههههههههه
وكذلك الأمر للفستان الأبيض
ايه معناه في حياتك مش أكتر
معناه فى حياتى ممكن يكون بداية حياة جديدة لونها ابيض فابيض كلها سعادة ان شاء الله ماشي يا فوفة
عايزة اجابات بسيطة مش شرح وكلام بالتفصيل
فاهماني؟
فهماكى
-___________-
عموما هي دي اسئلتي
بس لو عايزاني أسألك تاني
أنا معنديش مانع
اه طبعا اتفضلى فى اى وقت اسألى و ان شاء الله اجاوبك على كل حاجة
انتي تؤمري بس وهتلاقيني بسأل على طول
ههههههههههه

F-A_3marah كتب:

خلاص يا صفاء اسبوعك هيخلص

ومش هنسألك تاني
أللى عاوز يسأل فى اى وقت انا معنديش مشكلة
خدوا راحتكم جايز يكون فى حد كان مشغول فى الاسبوع ده ومقدرش يجي يسأل
تنورونى فى اى وقت

طيب هسألك سؤال اخير
سألته لسارة قبلك
اوكيشن

-ايه اكتر أغنية عجبتك لما سمعتيها ونفسك تكون أغنية في فرحك
قرب كمان بتاعة تامر حسنى
روح قلبى بتاعة تامر حسنى برده
كان فى تانى بس دى اللى جت على بالى حاليا

-ايه الأغنيه اللي نفسك فارس الأحلام يقولهالك
الله عليك ...اغنية لمحمد فؤاد قديمة شوية بس بجد بحبها جدا جدا جدا
نفسي يغنيلي ايه امممممم
برتاح معاك بتاعة عمرو مصطفى
روح قلبى بتاعة تامر حسنى
ايه ده
ازاى مافيش حاجة لعمرو دياب
دانا بحب عمرو دياب اوى من وانا صغيرة
لا كده هزعل اكيد فى حاجة لعمرو بس هى مش فى بالى حاليا
.
.
.
ههههههههههههههههههههههههه
هههههههههههههههه
تعرفى انتى خلتيني اشغلهم كلهم دلوقتى لازم افتكر مينفعش عمورة ميبقاش ليه حاجة
كده انا ازعل

-ويترى انتي هتقوليله ايه؟
ماشي يا فوفة
ماشي
استنى افكر
.
.
.
.
ممكن خليني اعيش ...لاليسا
معقول انا جمبك هنا عايشين بشوق مابينتهيش.......ماعالينا ماعالينا
ههههههههه
ماشي يا فدوى
ماشي

-ايه الأغنية اللي مش نفسك تقوليها أبدا
(يعني مش نفسك تعيشيها )
اغنية مش نفسي اعيشها ازاى؟؟؟؟؟؟
اصل لو اغنية مش نفسي اقولها يبقى اكيد لاى مغنى مش بحب اسمعله حاجة زى اخينا ده
سلطانية الترب جورج وسوف
ههههههههههههههههه
مش عارفة هل انتى تقدى اغنية عادى بسمعها بس مش لدرجة انى اغنيها او حد يغنيهالى ؟

خلاص يا صفاء كده
عشان النهاردة أخر يوم في الاسبوع بتاعك
يا خسارة بجد انا زعلانة والله الكرسي مريح جدا مش عاوزة اقوم من عليه
بس بجد زى ما قولتلكم فى اى وقت عاوزين تسألوا اهلا وسهلا

وزمانك زهقتي مني بجد
لا خالص بالعكس
أنا حاسة محدش بيسألك غيري

AhMaD JaMaL كتب:

اممممممممممممممممم
صفاء عباس
يا نعم
ورجعت لك يا صفاء في اخر يوم عشان اكون اخر واحد سألت
اكيد مش الاخر لانى انا هسمح لاى حد فى اى وقت يتفضل باسئلته
كبسة كبسة
ههههههههه


اللون دا بيمثلك ايه

اسود ......هو على حسب
يعنى فى لون اسود يحسسك بالحزن ده بجد انا مش بحبه خالص
وفى لون اسود شيك كده لزيز ده برده مش بحبه خالص هههههههه

احمر .......عربيتى ان شاء الله ههههه يا احمر يا ابيض
مختارلى لونين تقريبا مش بتعامل معاهم خالص
بس بحس بالبهجة لما بشوفه
واحيانا بحس بالقرف ههههه لما بشوفه فى فستان خطوبة معرفش ليه
بس هو على حسب درجاته يا احمد فى درجات هادية رقيقة دى اللى بحبها وبتحسسنى بالبهجة وفى درجات مستفزة


اخضر......جميل الاخضر جدا بحبه اوى بيحسسنى بالراحة و الهدوء

اصفر.........طفولتى هههههههههه
عشان وانا صغيرة كان اغلب لبسي اصفر و دايما يقولولى وانا صغيرة كنت بحب اللون ده بطريقة غريبة
حتى وانا فى المدرسة كنت احب الون باللون ده مش عارفة ليه بجد ايه
هههههههه طفولتى اللزيزة ليتها تعود 3 ثوانى

ازرق.........روقان سفن اب على طول بدون نقاش ههههههه
لون الميه والسما الله عليها هدوء وانسجام و روقان

لو كنتي مع جورج قرداحي وكسبتي مليون ريال هتعملي بيهم ايه
ههههههههههه هشترى شقة عشان احنا بندور على شقة حاليا سعرها كويس
ههههههههه و ادي جزء لاختى الكبيرة عشان تاخد دكتوراه من المانيا او امريكا زى ما تحب ربنا يكرمهم هما الاتنين يا رب
و ادى جزء صغير لماما هههههههه اهه تتصرف فيه زى ماهى عاوزة
والباقى صدقة لروح بابا و جدى الله يرحمهم ويرحم جميع موتانا يا رب
بس مش فلوس اديهالهم لا قصدى صدقة جارية يعنى ممكن مثلا محل او مكتب او سوبرماركت....مشاريع ليهم

ومش هخلى معايا حاجة عشان مستسهلش العيشة والدنيا وانام
محبش شغل التعبانين ده اللى بيعتمدوا على اللى معاهم ولا احطهم فى البنك واعيش على الفوائد لا خالص
احب احس انى تعبانة فى الحاجة اللى عملتها عشان احس بقيمتى
بس

ايه رأيك في المشرفين دول

اوك انا هقول رأيي عموما فى تعاملى معاهم ورأيي عنهم هنا فى المنتدى

مدير المنتدي اول واحد
ههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههه
طبعا يا احمد انت اخ وزميل اكيد بس بكل صراحة ومن غير زعل انا فى حاجات فهمتها من كرسي الاعتراف او استنتجتها
ونفسي نفسي هههههههههههههههههه اعرف اذا كانت صح ولا لا بس انت سوسة اوى يا احمد يا ديبلوماسي
بس طيب جدا جدا جدا جدا وانسان محترم جدا جدا جدا جدا جدا جدا جدا والا مكنتش اعتبرك زى اخويا
.
.
.
.
.
.
يا ديبلوماسي يا ظالم
و هتتحاكم يعنى هتتحاكم والمشرفين كلهم هيحاكموك باذن الله


نائب المدير سعد
سعد سعد يحيا سعد اممممممم طبعا هو زميل محترم جدا جدا جدا و انا بحترمه فعلا بس بصراحة ومن غير زعل احيانا بخاف منه
ههههههههههه معرفش ليه بجد متزعلش يا سعد بس احيانا بحس انك متنرفز او مضايق او مش طايقنى ههههههه
الله اعلم دى طبعا حاجة متخصنيش
بس اوقات تانية بتعامل معاه كزميل عادى جدا و بيرد عادى والله و باحترام يا ريت فعلا كان عندى اخ زي سعد فى هدؤه واحترامه
و تدينه بجد ما شاء الله هعليك
اتمنى انى مكنش ضايقتك بس دى الحقيقة وانا احب اكون واضحة وصريحة فى كلامى

بالنسبة لرأيي فيك يا سعد فى المنتدى كنت زمان اشوفك بتهتم بالمنتدى والياهو كتير معرفش حسدوك ولا ايه ههههه
بس بجد نفسي اشوف مواضيعك الجميلة هنا فى المنتدى وتكون متواجد معانا ولو لمرة او مرتين فى الاسبوع و تشاركنا فى رأيك
لانى بجد بحترم رأيك عموما بيبقى رأي صائب ومتنزن مش زى ناااااااااااااااااااااااااااااااااااس طبعا هو عارف نفسه
ومتزعلش يا سعد لو قولتلك هتتحاكم بعد احمد جمال كان نفسي معملش كده بس لازم تتحكام

المشرف العام ابو الحسن
امممممم بوبو هههههههه زى العسل فى خفة دمه
و كل مواضيعه بحبها اوى
بس معرفش حاسة انه عصبى شوية و معرفش ليه بيتنشن و يدقق على حاجات متستحقش النرفزة
بيتهيالى هو فاهم انا اقصد ايه
مع انى متعاملتش معاه بس عرفته اكتر بعد ما مسكت الاشراف
بس بجد يا بوب انت ممكن يكون اسلوبى او طريقة كلامى تخلي اللى اودامى يفهمنى غلط للاسف بس انا بيبقى مش قصدى حاجة
و اتمنى انك تتواجد تانى معانا فى المنتدى بمواضيعك الجامدة جدا جدا جدا جدا جدا بجد
للاسف انا عمرى ما شوفت ابو الحسن ولا اتعاملت معاه عشان اقول رأيي فيه غير المنتدى ايه

فدوى
بريئة اوى ههههههههههه فوفة دى زى العسل فى كل حاجة ما شاء الله عليها بجد
وانا سعيدة جدا جدا جدا جدا انى اتعرفت عليكي بجد و على كل اللى فى المنتدى بحبهم اوى
احب فى فدوى وجهه نظرها ليها شخصيتها اللى بتعبر بيها و انا بستفيد بجد من مشاركتاك ومواضيعك
وسعيدة جدا بمعرفتك ووجودك معانا فى المنتدى و انتى تستحقى تكونى ادمينة مش مشرفة المنتدى العام بس
بس تقولى ايه بقة للظالم ادعى عليك بايه ياللى فى بالى بس
ههههههههههههههههههههههههه
هههههههههههههه
بس والله هاسيب حقى وحق باقى المشرفين

سارة عبدالعليم
سرسر طبعا حبيبتى و كويس انك اخترتها من ضمن اللى اقول رأيي فيهم
بجد نفسي اقولك كلام كتير بس مينفعش هنا اودام الناس
ههههههههههههههههههههههههههههههههههههههههههههههههههه
ههههههههههههههههههههههههههههههههههههه
سارة طيبة جدا جدا جدا جدا و زى العسل و فيها حاجة بتفكرنى باختى ومش عارفة ايه هى لحد دلوقتى
ههههههههههه يا سارة مينفعش كده لازم اعرف بس على فكرة انا اكتشفت حاجة منهم ومتاكدة منها
بجد نفسي اعرفها كصديقة بس ليا طلب..........كأنك متعرفنيش او مسمعتيش حاجة عنى او ......انى واى نتعرف من اول وجديد
بجد نفسي فى كده بس مش عارفة اجيبهالك ازاى هههههههه
رأيي فيها هنا فى المنتدى انها اجتماعية جدا و بتشاركنا فى كل حاجة برأيها او فى اى مناسبة عموما دى حاجة جميلة اوى
بس نفسي تهتمى بالقسم بتاعك بجد او لو انتى حاسة انك عاوزة تمسكي اشراف فى قسم تانى تقدرى تديله اللى عندك و ينشط على ايديكي
قولى و الباشا المدير طبعا ديموقراطى جدا و هيوافق
ههههههههههههه


تحبي انك تكوني ولد
احيانا فى اوقات معينة هههههههههه مجربتهاش طبعا
بص هو انا فى طبيعتى فى شوية شجاعة ومغامرة و تحدى معرفش ليه فى ناس تحسسنى ان البنت المفروض متبقاش كده
وانا ضد ده طبعاااااااااااااااااااااااااااااااا هو اكيد كل حاجة وليها حدود
بس بضايق اوى لما ابقى عاوزة اعمل حاجة هى من حق الولد بس والبنت ملهاش حق فى كده
ده طبعا ظلم
بس برده بقول فى حدود عشان محدش يفهم من كلامى انى بتكلم عموما
بس الحمد لله انا بعتز بنفسي انى بنت لان فى حاجات انا لو ولد مكنتش هعرف اعملها


ولو بقيتي ولد لمدة يوم هتعملي ايه
ياهوووووووووووووووووووووووو
ياااااااس
ههههههههههههههههه
هركب حصان لانى بحب ركوب الاحصنة جدا جدا جدا وللاسف مبعرفش اركبه غير لو كنت فى مكان يسمح بكده لكن عموما لو مثلا هنا فى اسيوط مينفعش
هلعب بلياردو لان بتنرفز ان مافيش مكان عام هنا فى اسيوط برده بيسمح بكده الا اذا كان كله اولاد و طبعا اماكن بيئة ولا ينفع اروحها ولا ينفع حتى اروح انا واصحابى فيها نهائي
انزل اجرى كل يوم الصبح بدرى على النيل
اى حاجة يعوزوها هنا فى البيت فى وقت متأخر هنزل اجيبهالهم لانى بجد بضايق جدا لما مثلا حد يبقى تعبان او جعان بس عشان الوقت متأخر مينفعش حد فينا ينزل بتضايق عليهم بجد ببقى بجد مش عارفة اعمل ايه عشان اجيبلهم الحاجة دى
انزل الجامع بجد نفسي جدا جدا اقدر انزل الجامع فى كل صلاة لان للاسف مش كل الجوامع فيها جزء للنساء و مش كلها بيبقى فاتح فى كل اوقات الصلاة
وانا صغيرة كنت دايما ازن على بابا الله يرحمه انى انزل معاه اصلى الفجر بس هو كان يقوللى مينفعش وكنت اعد ابكي هههههههه ومش فاهمة ليه
مع ان احلى وقت صلى فى الجامع هو صلاة الفجر وصلاة الجمعة


مين اكتر حد بتتمني تشوفيه قدامك
اقول ومحدش يضحك عليا
انا بس اللى اضحك
هههههههههههههههههههههه
.
.
.
.
.
.
.
..
.
.
.
.
.
محدش يضحك قولت
.
.
.
.
.
.
.

.
..
.
.
.
.
.
..
.
.
.
.
بس خلاص هقول
.
.
.
.
.
.
.
.
.
.
.
.
.
.
.
..
.
عمرو دياب
هههههههههههههههه
بس لو حد مثلا نفسي اشوفه بس مينفعش هختار والدى الله يرحمه
نفسي اشوفه ولو للحظة بجد مفتقداه جدا جدا
وبس خلاص عشان هقلبها بكا


ايه احلى مكان بترتاحي فيه
حاليا ولا مكان بس زمان كان فى كذا مكان برتاح فيه
بص يا احمد انا عموما بحس براحة نفسية لما بركب القطر واحس انى خرجت من اسيوط معرفش ليه
بس زمان كنت برتاح فى اسكندرية بس لما سيبناها ولو روحتها بنزل فى فندق وكده ببقى مش مرتاحة اه مبسوطة من تغيير الجو بس مش بعرف اخد راحتى طبعا
اكتر مكان ارتاحتك فيه كان السنة اللى فاتت لما كنت انا واختى فى القاهرة ونزلنا فى نادى المقاولون العرب بجد مكان روعة روعة روعة
ونفسي اروح تانى مكان مريح نفسيا من كل حاجة ميتوصفش بجد



هتعملي ايه يوم 15/7/2009
ده اشمعنى التاريخ ده؟؟؟؟؟؟؟ ده يوم تسليم المشروع ولا ايه
ليه كده
هههههههههههه
هبكي و هضايق جدا لان ده اخر يوم ليا مع دفعتى وبجد انا مش عاوزة اشوف اليوم ده الا اذا اتفقنا على حاجة يا جماعة
اننا نتقابل كل فترة فى مكان معين كل الدفعة يا ريت فعلا
على قد مانا بكره الدراسة عشان كل شوية فى تسليمات وامتحانات وكده على قد مانا بحبها عشان هى الحاجة الوحيدة اللى بتخليني اشوفكم



لو كنتي في فريق الاهلي تحبي تكوني اي لاعب
قشطة يا مان هو ده الكلام
هههههههههههههههههههههههههههههههههههههههههه
كلهم كويسين يا باشا
ابوتريكا

بس لو لاعب تانى هختار فرانشيسكو توتى اللاعب الايطالى
عماد متعب كويس اوى فى لعبه
بس
لازم يعنى تفضحونى انى بحب الكورة
طب بجد حاجة زى كده ليه لما بنت تبقى بتسمع ماتش كورة يبقى حاجة غريبة وغلط ؟؟؟؟؟؟
فيها ايه يعنى لما اتفرج على الماتش واتابع ايه المشكلة فى كده

كفايا كدا
ليه بس يا باشا


ولو كنت فاضي كمان شوية هجيلك بشوية أسالة تانية
اوكيشن وانا فى انتظار اسألتك

F-A_3marah كتب:

مش عارفة ليه مش بعرف أعبر من أول مرة

بصي ياا صفاء
أنا قصدي
أغنية أثرت فيكي جامد وممكن حتى تكوني بكيتي لما سمعتيها
أغنية ممكن حزينة مثلا أو حاجة
ومش نفسك تعيشي الموقف بتاعها خالص

هو انا لسه موصلتش لمرحلة ان اغنية تبكيني
دى اسمها هيافة لو بكيت بسبب اغنية
بس هو فى اغانى لزيزة اه سمعتها ومحبش انى اعيش الموقف بتاعها
زى اغنية عمرودياب اهه اخيرا جت حاجة لعمرو
كلهم بيقولوا كده فى الاول هههههههههههههههههههههههههههه
هههههههههههههههههههههههههههههههههههههههههه
انا بسمع ان كلهم كده فى الاول بس الله اعلم الكلام الحلو بعد كده هيتحول ولا ايه النظام
هههههههههههههههه
ماشي يا فوفة
ماشي
هههههههههههه


مش عارفة كدة وصلك قصدي ولا لأ
وصل الحمد لله

وبجد يا صفاء شكرا على كلامك الجميل ده عني
والله بجد بتحرجيني
أنا حاسة وشي بقى أحمر
[ندعوك للتسجيل في المنتدى أو التعريف بنفسك لمعاينة هذه الصورة]ده هيحمر اكتر لما اشوفك متقلقيش
هههههههه
ماشي يا فوفة

ويارب فعلا أكون عند حسن ظنكم
وربنا يوفقنا كلنا يارب