Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 برنامج خمسة فرفشة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ahmedmoharram
.
.


ذكر
عدد المساهمات : 1223
العمر : 33
بلدك : الاقصر
التخصص : مهندس معماري
المستوى التعليمي : متخرج
جنيه مصري : 3429

بطاقة الشخصية
مرئي للجميع:

مُساهمةموضوع: برنامج خمسة فرفشة   27/02/09, 12:11 pm

السلام عليكم ورحمة الله وبركاته
اما بعد
زملائي الحلوين
وزميلاتي الحلوين معرفش جمع المؤنث يبقي ايه ومحدش يزعل مني
اما بعد
مرحبا بكم في برنامج
خمسه فرفشة
اخر نعنشه
اضحك كركر
اوعي تكشر
حلوة الدنيا
زي السكر
معكم كوميديا العصر الحديث وهذا الموضوع متجدد باستمرار
انا هوعدكم وعد كل فتره هرفعلكم وهكتبلكم شويه نكتت جديده او قديمه المهم انها نكت تضحك بجد
وبردو اللي عنده نكته يحب يحطها يكتبهالنا

واحـد قـال لابـوه بابا هو صحيــح الحـب اعمـى
رد ابـوه : بـص لامـك وانت تـعـرف .



مـسـطـول بيقـول احـسـن خمـس اشـياء فـى الدنيـا همـا ثـلاثـة :
النــوم , والاكــل !!



واحـد معـاه ارنـب وعايـز يعـرف هـو ذكـر ولا انـثـى ؟
سـآل واحـد مسطـول ؟رد المسطـول وقـال :
اتـركـه اذا هـرب فهـو ذكـر
واذا هـربـت فهـى انـثــى .



اثنين مسـاجيـن محكـوم عليهـم بالاعـدام واحـد منـهم حـاقـد جـدا ,
يوم الاعـدام سآلوا الاول :
نـفـسـك فـى ايـه ؟ قـال نـفـسـى اشـوف امـى .
سآلوا الحاقـد , انـت نفسـك فـى ايه ؟ قـال : نفـسى صـاحبـى ما يشـوفـش امــه .



واحـد بيقـول لابـوه : مـدة رخـصـتـى انتهت ,
رد عليـه ابوه : من كتر دورانـك فـى الشـوارع .



مسـطول وقفتـه لـجنـة ,
قالولـه اركـب البـوكـس : قالهـم: لا والله بيتنا قـريـب .



مـرة اثـنين اغـبيـه , عندهـم حصانين , فكانوا عايزين يعلموهـم علـشان
ما يتلغبطـوش بينـهم ,
الاول قطع اذن حصـانه وراح قـال للتانـى :
فالتانـى قالـه : اااه يخرب بيتك انا بردة عملت كـده ,
فالاول راح فقـع عيـن حـصانـه , وراح قـال للتانـى ,
فالتـانـى قـال : اااه يخرب بيتك انا بردة عملت كــده ,
فالاول قالـه:انت حتصدعنـى فـى دماغـى؟ خدانت الحـصان الاسـودوانا الحصـان الابيــض .



كمبيوتـر قال لكمبيوتـر انتـى طالــق ,
قـالت : يالهوى ,,, والســى دى اللى فـى بطنــى .



صــرصار فــى العناية المركـزة بيـسآل صـرصار جمبـه ,
بيقولـه : بيـرسـول ؟
قـاله : شبشــب .



واحـد غـبـى حط ايده فـى جردل ميـة نار فحـس ان صباع من اصابعه ناقـص ,
فحـط راسـه فـى الجردل علشــان يدور عليــه .



عـاد نبيـل من المدرســة,وصـاح
ماما حصـلت علـى عشـر درجـات ,
قـالت فـى سـرور , انت ممتاز , وحصـلت عليهـا فـى اى مادة ,
رد نبيل : 2 فـى الحسـاب ,
4 فـى الامـلاء ,
و 3 فــى العلــوم ,
ودرجــة واحدة فــى التاريــخ .



بيسـآلوا واحد بلدياتنا:
بيقـولوا لـه : المصـرى بنــى الاهرامــات واليابــانــى بــنـى ايــه ؟
قــال لهــم : بـنــى سـونـيـك .



واحد حب يوصـل بلده بســرعـة ركـب القـطر وقعـد يجرى فـيـه .



اتنين ذهقـوا من التآليــس عليـهم فسافروا الهنـد, اول مانزلـوا من الـطائـرة ,
شـافـوا الهنـود بينـحنوا عـشان يحيوهـم , فواحـد منهـم سآل التانـى :
هما بيحترمونـا كـده ليـه ؟
قـال لـه : اصـلهـم هنـا بيعبـدوا البٌــــقـر .



واحـدة بتقـول لزوجهـا : ياريتـنـى جريـدة علشـان اكـون فـى ايدك كـل يـوم ,
قال لـها : ياريتك نتيـجة اغيـرك كـل ســنــة .



إذاعـة الـراديـو : واللاعـب بيـشـوط بمـشط رجـله يااااه بتيجـى فـى المقـص ,
صـبـى الحـلاق : إلحـق يا معلـم بيلعبـوا فـى العـدة .

مره واحد مسطول بيقول لواحد صاحبه اقولك سر قاله

فى بير قاله سلفنى 10جنيه قاله ولا اكنى سمعت حاجه .






اتنين بيحبوا بعـض وبعض ما بيحبهومش .



سألو واحد بخيل طحن: تعمل ايه لو الدنيا برد؟ قال:

أروح جنب الدفاية. قالو: ولو الدنيا بردت أكتر؟
قال:أقرب من الدفاية. قالو: ولو بردت أكتر؟
قال: ألزق في الدفاية. قالو: طب ولو نزل تلج؟
قال: أشغل الدفاية بقى وأمري لله .

مره واحد أمريكي نزل القاهره وركب تاكـسي
كانت فيه اشارة حمراء وقطعها سواق التاكـسي بعد اما خرج من المطار
.... قال له الإمريكي هيه انتبه انت مجنون اشارة حمراء وتقطعها
قال له سائق التاكـسي ... ماتخافشي ياخواجه انا بروفيشينال - حريف -
الإشارة الثانية كانت حمراء وقطعها صاحب التاكـسي
قال الإمريكي ... اكيد انت مجنون ماتخاف على نفسك وعلى اللي معاك
قال له سائق التاكـسي ماتخافشي ياخواجه... انا بروفيشينال
الإشارة الثالثة كانت خضراء
وقف صاحب التاكـسي عند الإشارة
اتجنن الإمريكي من هذا التصرف
وقال الإمريكي ... اكيد انت مجنون كيف إشارة خضراء وانت واقف
قال له صاحب التاكـسي ...
ماتبئاش غبي يا خواجه
يمكن حد بروفيشنال جاي من هنا وإلا هنا !!!





بيقولك مرة واحد بلدياتنا اشتري كوتش أديداس لقاه تلات شرط ... قام حطه عالشاحن



اتنين مساطيل طينة طلبت معاهم ان اول واحد هيعدى من الشارع



يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها



ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه






مرة واحد جعان اوى ومعهوش فلوش نزل فى الشارع يدور على عيش ياكله المهم شاف مصباح واقع على الارض دعكه طلعله العفريت قاله شبيك لبيك تطلب ايه قاله انا عايز عيش ومعيش فلوس ساعة مجاش ساعتين ثلاث ساعات راح الراجل مسك المصباح ودعكه راح العفريت قاله طلعتنى من الطبور ليه يا غبى





مره اثنين بلدياتنا راحوا امريكا لقوا أتوبيس بدورين فقال الاول للثانى .. نركب فوق يا ولد فقال له الثانى يا غبى فوق ما فيش سواق

مرة واحد مسئول بيفتتح حمام سباحة (للصعايده) فالمدير قال له "ده المنط يا فندم 30متر، قوم نط يا مرزوق" فنط مرزوق . "وده يا فندم منط 50 متر قوم ياعوض نط" فنط عوض ."وده يا فندم منط 80 متر قوم يا نجيب نط" فنط نجيب، فقال المسئول "هايل ..هايل .." قام المدير قال "ولسه يا فندم لما نملى الحمام ميه.



واحد مسطول بيقول لصاحبه مش عارف يأ أخي عود الكبريت ده ما بيولعش ليه مع إنه لسه مولع من شوية.



صومالى ركبه عفريت العفريت مات من الجوع .



واحد ندل اشتغل في المطافى عبا حنفيات الحريق بنزين .



مسـطــول بيتصل بالمطافى: إيه يا جماعة؟ إذا ماكانش فى حريقة ماحدش يشوفكوا.



مره اتنين داخلين محل جزم هو ومراته فقال لصاحب المحل هتلها جزمه زحافي قالتله لا بكعب قالها لا زحافي قالتله لا بكعب فصاحب المحل زهق منهم قال للراجل ياعم هاتلها بكعب هو انت اللي بتلبس قالوا ياعم انت مالك هوانت اللي بتنضرب .



ديك و فرخه معديين من قدام محل شاورما ..الديك بيقولها شوفى اللى بيحصل للى مبتسمعش كلام جوزها.




واحد مسطول بيسأل مراته هو لما بنفتح باب الحمام النور بينور قالت له لا قالها يبقى أنا عملتها فى الثلاجة .



واحدة رايحه تخطب لابنها، سألتها العروسة "ابنك بيدخن" ؟ قالت" ... .والله ما أظنش بس يمكن لما بيكون سكران يدخن .



واحد أحول رمى يمين الطلاق على مراته ما جاش فيها .




واحد بيقول لمراتة :
مش قولتلك تصحينى الساعة 6 قالتلة:
معلش ياحبيبى اصل جيت اصحيك لقيتك نايم .



واحد سأل مسطــول ، قال : أمك حيه ؟ قال : لا عقرب .. قال : أقصد عايشة ؟ قال : لا خديجة ! .




مســطــول بيحل الكلمات المتقاطعة:
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س





واحد يشتكي لصاحبته:
قال لها : يمكن مكنش غني .. ولا عندي عربية ولا فيلا ولا مزرعة ولا شركه ولا فلوس زي محسن صاحبي ولكني أعشقك واحبك .. فضمته ودمعت عيناها وقالت : إن كنت بتحبني بجد .....عرفني على محسن




مــرة واحد حب يسكر فقرر الذها إلي اقرب بار و في البار حدث ما لم يكن في الحسبان
جلس صاحبنا علي البار و أستمع إلي حوار يدور بين أثنين سكرانين تعالوا نشوف ايه اللي سمعه
1: مساء الخير
2: مساء النووور
1: هو الأستاذ منين ؟
2: انا من القاهرة
1: يا محاسن الصدف اصل انا كمان من القاهرة
2: هو حضرتك منين من القاهرة
1: انا من المطرية
2: يا محاسن الصدف اصل انا كمان من المطرية
1: هو حضرتك منين من المطرية
2: ش التحرير
1: معقولة ؟ اصل انا كمان من ش التحرير
2: يااه مش ممكن
1: ليه ؟
2: مش عارف
1: ان شاء الله

طبعا ً صاحبنا استهتر بالحوار و قال عادي اي اتنين سكرانين ممكن يقولوا اي كلام لكن تعالوا نشوف بقية الحوار

1: هو حضرتك منين من ش التحرير
2: انا من عمارة رقم 40
1: مش ممكن اصل انا كمان من نفس العمارة
2: هو حضرتك ساكن في الدور الكام
1: انا في الدور الثالث
2: مستحيل دا انا كمان في الدور الثالث
1: يااااااااااااااه شوف الصدف يا اخي تبقي ساكن في نفس المنطقة و الشارع و كمان نفس الدور في العمارة و مانعرفش بعض
2: اه والله حاجة غريبة فعلا
1: هو حضرتك في اي شقة بالظبط
2: اللي جنب السلم
1: مستحيل دانا كمان ساكن في نفس الشقة

و طبعا صاحبنا في اللحظة دي كان هايتجنن
جه صاحب البار و قال له :
ياعم ماتخدش في بالك ده واحد و ابوه بيجوا يسكروا هنا كل يوم .




مره واحد بارد اوى ركب اوتوبيس لاقى واحدة حلوة اوى قاعدة فى الاوتوبيس غمزلها غمزيلتو ضحكلها ضحكتلو قالها انزلى المحطة اللى جاية نزلت راح قاعد مكانها.



مرة واحد اقرع خلف ولد سماه شعراوى .

غبي دافن نصه في الارض ليه

يصور فيديوكليب انا عايش ومش عايش




واحد غبــــى حب يقتل سمكة قام غرقها.



مرة واحد راح يخطب واحده، باباها قال له بس البنت لسة بتدرس، قال له خلاص اجلها في الفسحه .




نكته ماشيه فى الشارع بتعيط ليه؟
واحد ضحك عليها. , ,




نكته محكوم عليها بالاعدام ليه؟
موتت واحد من الضحك . , ,




نكته بتمشى لوحدها ومحدش بيكلمها او يسلم عليها ليه؟
نكته بايخة . , ,




نكته ضربت واحد قاعد على القهوه ليه؟
بيقول على نفسه ابن نكته ، ولا هى امه ولا تعرفه .

مرة واحد ماشى ورا واحدة فى الشارع بيعاكسها وبيقول لها :

الحلو وراه مشوار , قالت له : لا وراه حمار .

الزوجة لزوجها : مبروك هنبقي ثلاثة فى البيت ... الزوج بسعادة : حاجة جاية فى
السكة؟؟؟ قالت له : لأ ماما هتعيش معانا



مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين



مدرس حساب سأل طالب لو كان علي أبوك دين 1000جنيه و مطلوب انه يسدده علي 10 أقساط ها يدفع كام في كل قسط؟ رد الولد مش هايدفع ولا مليم ... فقال المدرس : اقعد يابني ده انت مش فاهم الدرس كويس... فرد الولد : ده انت إللي مش فاهم بابا كويس يا أستاذ



واحد كسلان اتحكم عليه بالإعدام بدفنه في حفره فقالوا له نفسك في أيه قبل الموت قال نفسي أشرب قالوا له قوم أشرب قال لسه حقوم اردم ياجدع



واحد يهودي قام من النوم الصبح وطلب من مراته تحضر الفطار، فقالتله عايز تفطر إيه يا أبو كوهين، قالها هما بيضتين مسلوقين، واحد ليكي والتانية ليا، وإعمليهم لغاية ما أطلع على السطوح أظبط الإيريال.... وإوعي تنسي هما بيضتين ، المهم طلع على السطوح إتزحلق ، وقع من عاشر دور، وهو بيقع زعق بعلو صوته " بيضة واحدة بس يا أم كوهيييييييييييييين "



الابن:بتعمل اية يا بابا؟؟ الاب:بكتب جواب لعمك...... الابن:هو انت بتعرف تكتب؟؟!!! الاب:يعني هو عمك اللي بيعرف يقرا



محشش راح للدكتور قاله الدكتور أنت لازم تعمل إشاعة..... خرج من الأوضة وقال الهرم وقععععع .. الهرم وقعععععععع




سالوة جحاا:عندك كام سنه؟ قالهم:40. سالوة بعد10سنين :عندك كام سنه ؟ قالهم:40.سالوه اذاى بتقول ان عندك 40سنه وانت قلت كدة من عشر سنين؟ قالهم:اصل كلمة الراجل واحدة



واحدة حامل فى ثلاث توائم يوم الولادة الدكتور بيطلع العيل الأول لقاه نايم وساكت قعد يضريه على وشه حتى صرخ الطفل ركنه على جنب وطلع الطفل الثانى لقاح زى أخوه قعد يضربه لما فاق وركنه ..... جه الدكتور يدور على الطفل الثالث مش لاقيه راح ماشى وقال للممرضة كملى لأنهم اثنين بس ...... الممرضة جت تكمل لقت الطفل الثالث طالع براسه بالراحة وبيسألها ... هو الراجل اللى بيضرب العيال مشى ولا لسة

مره واحد مسطول لقى اخوه نايم قطع دماغه وقال ( هيتجنن لما يصحى وميلقيش دماغه )



واحد ندل الدوله خصمت نص مرتبه علشان الانتفاضه , راح اتبرع بلنص التانى لاسرائيل .



واحد ندل ابوه طرده من البيت , كتب على باب البيت ( مقر تنظيم القاعده )



واحد ندل فضل يتحايل على حبيبته سنتين عشان تخرج معاه ولما خرجت راح قال لابوها








كان معكم محرمنتو
من اذاعة
خمسه فرفشة
الرجوع الى أعلى الصفحة اذهب الى الأسفل
مسلمه
.
.


انثى
عدد المساهمات : 1006
العمر : 25
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 9321

مُساهمةموضوع: رد: برنامج خمسة فرفشة   28/01/10, 11:14 pm

ههههههههههههههههههه
ههههههههههههههههههههههههههه
لا بجد كلهم تحفه

ربنا يكرمك
ولى مداخله فى المشاركه اللى جايه
الرجوع الى أعلى الصفحة اذهب الى الأسفل
مسلمه
.
.


انثى
عدد المساهمات : 1006
العمر : 25
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 9321

مُساهمةموضوع: رد: برنامج خمسة فرفشة   28/01/10, 11:26 pm

شرطي صعيدي في الخدمة لقى قرد في الشارع وداه للضابط المسؤول عنه وقاله : يا باشا انا لقيت قرد أوديه على فين ؟
قال الضابط : على حديقة الحيوانات
غاب الشرطي الصعيدي ساعتين ورجع هو والقرد ، الضابط بيسأله ايه الي رجعك ؟
قاله يا باشا وديته على حديقة الحيوانات ، تحب أخده دلوقتي أفسحه في الملاهي؟

مرة واحد اطرش وقف سواق تاكسي اطرش برده وقاله مصر الجديدة ؟
رد السواق وقال لا والله انا رايح مصر الجديدة
رد الراجل وقال معلش انا كنت فاكراك رايح مصر الجديدة
......................


واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة اخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له اتفضل إنت الأول .
........................


مرة مدير شركة مارلبورو قابل مدير شركة كليوباترا فقاله أنا مرة لقيت في السجارة بتاعتكم خشبة ! إنتم بتستوردوا التبغ منين؟ فرد عليه مدير شركة كليوباترا : يعني إيه تبغ .
.........................


مرة واحد بلديتنا راح يشترى قفل فالبيّاع جابلوا قفل كبير فقاله بلديتنا يا بووووى !!
قاك جايبلوا قفل صغير فقال بلديتنا يا خوووووى
..........................


مره دكتور عظام مشى بليل الكلاب طلعت تجرى وراه
........................


ثلاثة مجانين طالعين فوق الشجرة ، جالهم الطبيب النفساني وقالهم انزلوا من فوق الشجرة
نزلوا اثنين وبقا واحد قاله انته ياللي فوق مانزلتش ليه ؟
صحابه المجانين قال لو : سيبوا ، ده ليسة ماستواش
......................


ابو العربي راح ع القهوة
قال لهم مش تباركوا لي مش انا خطبت البت سعااااااااااد
واحدرد علية وقال له يا راجل سيبك منها دي ماشية مع نص شباب بورسعيد
ابو العربي قال له يا راجل وهيا بورسعيد كلها أد ايه


يارب يكونوا عجبوكم
الرجوع الى أعلى الصفحة اذهب الى الأسفل
آيه نائل
.
.


انثى
عدد المساهمات : 633
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3203

مُساهمةموضوع: رد: برنامج خمسة فرفشة   01/02/10, 01:28 am

ههههههههههه جمال بس لسه مخلصتهمش
تسلم الايادى
[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
Eng yota.E
.
.


انثى
عدد المساهمات : 1126
العمر : 26
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 4114

مُساهمةموضوع: رد: برنامج خمسة فرفشة   01/02/10, 07:30 am

ههههههههههه جامدين
وجم في وقتهم والله
الرجوع الى أعلى الصفحة اذهب الى الأسفل
zahraa.3mara
.
.


انثى
عدد المساهمات : 399
العمر : 28
بلدك : مصر
التخصص : طالب في قسم العمارة
المستوى التعليمي : دفعة 2011
جنيه مصري : 3530

مُساهمةموضوع: رد: برنامج خمسة فرفشة   01/02/10, 09:59 am

خاجة خلو ة خالص
جمال جدا
ولنا مشاركة الترم التاني
الرجوع الى أعلى الصفحة اذهب الى الأسفل
http://www.3marh.mam9.com
سالي
.
.


انثى
عدد المساهمات : 135
العمر : 27
بلدك : اسيوط
التخصص : طالب في قسم العمارة
المستوى التعليمي : دفعة 2011
جنيه مصري : 3069

مُساهمةموضوع: رد: برنامج خمسة فرفشة   07/02/10, 11:50 pm

لا بجد تحفة
تسلم الايادي [ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
 
برنامج خمسة فرفشة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتدى العام :: قسم الترفية والمواضيع الخفيفة-
انتقل الى: