المشرفة فدوى على كرسي الاعتراف

مشرفتنا الجميلة فوفة على كرسي الاعتراف

انتوا نسيتوا ولا ايه يا جماعة

[ندعوك للتسجيل في المنتدى أو التعريف بنفسك لمعاينة هذه الصورة]

انطلقوووووووووووووووووووووووووووووا
كل اللى عاوز يسأل فوفة على حاجة اى حاجة خدوا راحتكم على الاخر ههههههههه
ظبطوها

عدل سابقا من قبل safaa 3abbas في 07/03/09, 11:20 pm عدل 1 مرات

كده برضو يا صفاء

أنا قلت خلاص نسيتوني
كنت على وشك أفرح وقلت مش هقعد بقى على كرسي الاعتراف

كنت ههرب
هههههههههههههه


طيب خلاص بقى
شكله مفيش مفر

بس أنا مش عاجبني الكرسي ده يا صفاء
وبعدين عشان مبحبش أقعد لوحدي
قلت أجيب أنتريه لذيذ كده ونقعد سوا

هههههههههههههههه

وعشان كلكم طبعا عرفتوا إني بمووووووت في اللون البنفسجي
ايه رأيكم في ده

[ندعوك للتسجيل في المنتدى أو التعريف بنفسك لمعاينة هذه الصورة]
ويبقى أنتريه الإعتراف بقى بدل ما هو كرسي

أهلا وسهلا بيكي يا شيماء
دايما قايمة بالواجب

هحجزلك كرسي جمبي يا شيماء
أول ما تيجي اقعدي واسألي على طول

مع إني خايفة من أسئلتك
ربنا يستر

طيب يا جماعة بما إني خلاص بقيت على كرسي .. قصدي أنتريه الاعتراف

الشروط بقى عشان كله يكون فاهم اللي بيحصل هنا

كل عضو ليه 10 أسئلة فقط لا غير

ومعنديش مانع اللي عايز يسأل أكتر من عشرة
بس في شرط صغيووووووووووور جدا

أي سؤال بعد العشرة يتدفع تمنه مقدما
وكل سؤال على حسب بأى
ههههههههههه


وطبعا حبايب قلبي اللي هما دفعتي الغالية
مالهومش أسئلة أصلا
لما أنا موجودة معاكم طول اليوم اسألوني على اللي انتوا عايزينه وخلاص
مش لازم يعني في المنتدى وأدام الناس
ههههههههههههه


شروط بسيطة خالص مش كدة

_____________

لأ يا جماعة كنت بهزر

مستنية اسئلتكم
وان شاء الله هرد عليها كلها
وكل اللي عايز يسألني على حاجة يسأل على طول

بس لو لحقتوني قبل نهاية الأسبوع
ههههههههههههه

A.M كتب:

اممممممممم هنلحقك ونسألك
بس انا مستنيا الناس تسخن

جهزيلي كرسي جمبك ((( ومتخاااااااافيش ده انا طيبببببببببببه اووووييييييي)))


حبيت أقولك مبرووووووووك على النتيجه

هو أنا خايفة غير من كده
مينفعش يعني تسألي عالبارد
لازم تسخني الناس يا شيماء؟؟

طيب عموما حاجزالك كرسي جمبي
بس انتي متتأخريش عشان تلحقيه
هههههههههه

وعموما الله يبارك فيكي يا قمر
ومستنية أسئلتك

عندي كام سؤال للمشرفة فدوى

ايه رأيك في املنتدى ؟؟

احكي لنا ازاي عرفتيه ؟؟؟
ادينا رأيك في بعض الناس اللي في المنتدى من الكبير للصغير؟؟؟
مش أقل من خمسة
كام اخ واخت ليكي ؟؟؟وايه هو ترتيبك بينهم؟؟؟
مين مثلك الاعلى؟؟؟
مين اكتر حد بتحبيه ؟؟؟؟
ليه بتحبي اللون البنفسجي
انتي
متكبرة؟
مغرورة؟
شقية؟
هادية؟
بتحبي حياتك؟
نفسك تغيريها؟
امممممممممممممممم

كفايا كدا

Miro _cool كتب:

أنا اول مرة ادخل كرسى الأعتراف يا فدوى

وده على حظك

وياترى ده من حسن حظي ولا من سوءة؟؟

انا هجهزلك كام سؤال كدا صغيرين

ومبروووووووووووووك ع النتيجه يا بشمهندسه

عموما هستنى أسئلة حضرتك

بس لو لحقتني قبل نهاية الأسبوع
هههههههه

والله يبارك في حضرتك

أنا حاسة اتحطيت على الكرسي في وقت محدش بيدخل المنتدى أصلا
والأعضاء كلهم نايمين

bassem كتب:

عندي كام سؤال للمشرفة فدوى
اه طبعا

ايه رأيك في المنتدى ؟؟

صعب شوية السؤال ده
هو طبعا جميل جدا كفاية روح التعاون بيننا وكأننا عيلة واحدة
لواتكلمت على المنتدى مش هسكت

كفاية كدة

احكي لنا ازاي عرفتيه ؟؟؟

طيب نبدأ من الأول
مستعدين للقصة؟؟

عرفت المنتدى عن طريق حضرة المدير
كان عندنا محاضرة وبما إننا سنة أولى دخل مدير المنتدى يعمل دعاية ويدعينا للإشتراك في المنتدى وكده يعني
بصراحة عجبتني الفكرة بس اشتركت بعدها بفترة
لما لقيت الورقة اللي فيها العنوان بتاع المنتدى(أصلها ضاعت مني بعدين لقيتها )
المهم اشتركت وبعدين ........ نسيت بعدين حصل ايه

انتوا عايزين القصة كلها ولا يعني الملخص ولا ايه؟؟

المهم اني اشتركت وآدي النتيجة

إدمان 100%

ايه الأسئلة دي!!!

ادينا رأيك في بعض الناس اللي في المنتدى من الكبير للصغير؟؟؟
مش أقل من خمسة

رأيي إزاي يعني؟؟ في كلام بسيط ولا ايه؟؟
طيب نبدأ من الكبير
حضرة المدير طبعا..........بصراحة كده أكتر حد دبلوماسي عرفته في حياتي وبيعرف إزاي يخلص نفسه من أي موقف بدبلوماسية شديدة
وفي نفس الوقت إنسان محترم وذكي.......(حبة بكش بقى مش حضرة المدير)

2- المشرفة الكبيرة صفاء عباس.........بنوته زي العسل وبحمد ربنا إني اشتركت في المنتدى عشان اتعرفت عليها
بحترم رأيها جدا وبعتبرها زي أخت كبيرة ليا

3-توأمتي والمشرفة الجديدة والنشيطة الشيماء.........صحيح أوقات كتير بيكون لينا نفس التفكير بس شيماء شخصية جميلة جدا وأقتبس من كلامها لما أقول فعلا شخصيتها زي كتاب مفتوح ....... جدعه أوي فعلا وأعتز بصداقتها جدا وبعتبرها أخت عزيزة جدا عليا بحترم رأيها جدا

4-.............


مش عارفة أكتب دلوقت
لو عايز ممكن حضرتك تحددلي أعضاء أتكلم عنهم وأنا معنديش مانع
ولو عايزني أنا أختار معلش هتأخر شوية عشان أعرف ممكن أتكلم عن مين وأقول ايه

كام اخ واخت ليكي ؟؟؟وايه هو ترتيبك بينهم؟؟؟

ده سؤال سهل
ليا أختين وأخين
وأنا الكبيرة
العاقلة اللي فيهم يعني

مين مثلك الاعلى؟؟؟

مثلي الأعلى والإنسان اللي نفسي أكون زيه هو والدي طبعا

مين اكتر حد بتحبيه ؟؟؟؟

أكتر إنسانه بحبها جدا هي والدتي الغالية ربنا يخليها ليا

ليه بتحبي اللون البنفسجي

مين قال اني بحب اللون البنفسجي؟؟؟؟
احم احم
طيب أنا بحب اللون البنفسجي لأني.........

لآني.......
مش عارفة

بس بحسه لون قريب جدا مني ومن شخصيتي
لو عايز تعرف بداية القصة ممكن أقولك
بس هاخد وقت طويل وأنا بحكيها ومش هتفهم قصدي ايه في الآخر

انتي

متكبرة؟
مغرورة؟
شقية؟
هادية؟

متكبرة.....لأ أنا مش متكبرة نهائي بالعكس خالص
صحابي والقريبين مني يقدروا يأكدوا الكلام ده
مغرورة......مش هي هي متكبرة!!!!!!
عموما برضو لأ مش مغرورة نهائي بالعكس بكره الغرور جدا
شقية.......معرفش يمكن شقية بس مش لدرجة الشقاوة الأوفر يعني
هادية.........يعني إلى حد ما
يعني أقدر أقولك كان لقبي زمااااااان لما كنت لسة في إعدادي (مش قصدي إعدادي هندسة قصدي المدرسة الإعدادية والثانوي كمان إلى حد ما برضو)يعني كنت الطالبة المثالية في ثانوي
بس حاليا مش هادية أوي يعني لكن ممكن تعتبروني هادية

بتحبي حياتك؟
نفسك تغيريها؟

بحب حياتي جدا زي ماهي
صحيح ممكن أفكر أغير حاجات في حياتي بس مش كل حاجة ينفع تتغير
الخلاصة
أنا بحب جياتي جدا ومش نفسي أغيرها

امممممممممممممممم

كفايا كدا

كل ده وكفاية
ليه هو كان ممكن أتسئل أكتر من كده؟؟


عموما حضرتك نورت الموضوع
وبما ان حضرتك أول حد يسألني ممكن تسأل أكتر لو عايز

عدل سابقا من قبل F-A_3marah في 05/03/09, 02:15 am عدل 1 مرات

اولا شكرا ليكي يا فوفة يا قمر
انا اللى سعيدة بجد ان المنتدى عرفنى بيكوا
ويا رب نبقى اخوات مش اصحاب وبس




ايه ده والله والله والله ما قولت لفوفة كده
اكيد هى استنتجت لوحدها انك ديبلوماسي يا ديبلوماسي
ههههههههههههههههههههههههههههههههههه
هههههههههههههههههههههههه




طب معلش بقة يا فدوى اول سؤال انا هسألهولك

على اى اساس قولتى ان المدير شخصية ديبلوماسية ؟ اشرحى مع الذكر بالامثلة ههههههههه



تانى سؤال

نفسك لما تتخرجى باذن الله تشتغلى فى مجال ايه
يعنى انتى شايفة نفسك مثلا مهندسة تنفيذ ولا تخصص تانى


ثالث سؤال

ولا لا استنى اروح مشوار وارجع اكون فكرت بالمرة فى الباقى

AhMaD JaMaL كتب:

مين دا الديبلوماسي

انتي صدقتي صفاء

لالا والله مش حكاية صدقت صفاء
بس بجد حضرتك إجاباتك دايما دبلوماسية وبجد بتعرف تخلص نفسك من أي موقف
وأنا مقلتش إن دي حاجة وحشة بالعكس دي بعتبرها ميزة مش عيب
(حبة بكش برضو)

عموما مفيش اي مشكلة

وبما اني دخلت الكرسي

فهبدأ بشوية اسألة على خفيف

مفيش مشاكل

فدوى ممكن تقوليلنا بطاقتك الشخصية فيها ايه

لأ طبعا دي بيانات سرية
بس عادي عشان خاطرالمنتدى نفشيها
البطاقة فيها إسمي وسني (مش سني سني بس تاريخ الميلاد) وعنواني
هههههههههههه
وصورة طبعا
طالبة
كلية الهندسة -جامعة أسيوط
أنثى مسلمة آنسة
بس ده كل اللي في البطاقة
إلا بقى و كنتوا عايزين رقم البطاقة
لأن دي بجد بيانات سرية

ليه دخلتي قسم عمارة ؟مع ان فيه اقسام تانية احسن بالنسبة لك؟؟؟

أولا معرفش تقصد إيه بأقسام أحسن بالنسبالي
بس أنا حلمي من زمااااااااااااااان إني أدخل كلية هندسة قسم عمارة
واللي كان بيشجعي أكتر لما كان اللي حواليا يقولولي إني برسم كويس وإن القسم ده هيعجبني وكده
صحيح مكنتش أعرف حاجة عن شغل القسم غير من بعيد لبعيد قبل ما أدخل
بس فعلا أنا حاسة إني مش كنت هقدر أنجح في أي مكان تاني قد نجاحي في حاجة أنا بحبها

من من دكاترة القسم اللي تعرفيهم بتحبي تحضري محاضراته

أكتر دكتور فعلا أحب إني أحضر محاضراته د.خالد الليثي
ود.شوكت مع ان المحاضرات النظري بتنيمنا
بس بحب أحضر محاضراته برضو

مين هما اكتر اصحاب ليكي في القسم

السؤال ده صعب وأنا محبش أزعل حد
بس الحمد لله أصحابي كتير
وكلهم عندي زي بعض

اوصفي نفسك في كلمة

أوصف نفسي بكلمة واحدة بس؟؟؟؟؟
لأ دي محتاجة موضوع تعبير
بس خلاص أفكر في كلمة وأرد على السؤال ده

اكمل ولا كدا كفايا

لأ وكفاية ليه هو حضرتك لسة سألت

جاي لك في وقت تاني بس افضي شوية

أديني مستنية
لو لحقتني على الكرسي
هههههههههههههههههههه