Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionحوار بين عاشقين لحظة فراق يهز القلوب Emptyحوار بين عاشقين لحظة فراق يهز القلوب

more_horiz

هي :
غداً زفافك إلى أخرى . .

فيلماذا أصررت على رؤيتي اليوم ؟



هو : كي أودعك قبل الرحيل .



هي :ماأرحم الرحيل بلا وداع .


هو : أردت أن أراك للمرة الأخيرة قبل أن . .



هي : قبل أن تعقد قرانك على إمرأة اخترتها

بعقلك ..


هو : أنتي تعلمين أني لم اخترها بإرداتي ..



هي : حديث عقيم اعتاد العشاق على ترديده عند

المحطة الأخيرة من الحكايه . .

فترفع عنه حفاظا على صورة جميله لك في

قلبي . .


هو : تصرين على ذبحي بسخريتك .



هي : ذبحك ؟ ومَن أنا كي أذبحك يا سيدي؟ أنا مجرد بطلة . .

أدت دورها في حكايتك بكل صدق وغباء ..



هو :أنتي كل شي ..



هي : أنا بقايا حكاية فاشلة . .

ختمتها بقانون العقل . . ثم جئت الآن كي


تتلاعب بالبقايا ..


هو : أتلاعب ؟ تدركين جيدا أن إحساسي نحوك كان صادقا ..



هي : كان صادقا . . وكذب !



هو : افهميني أرجوك . .

يمر الانسان بظروف تجبره على التخلي عن أشياء يؤلمه التنازل عنها . .




هي : لم يُبق لي الحزن مساحه لفهم أشياء لم تعد تجدي ..



هو : أنا أحببتك جداً . . كنت عمري كله..



هي : لم أكن عمرك كله . . كنت مرحلة من

عمرك وانتهت ..



هو : كنت أجمل مراحل العمر . .

إنك تلك المرحلة من العمر التي لاتطفئ

السنوات أنوارها أبدا . . ولاتغلق الأيام أبوابها .


هي : . . . . .



هو : لماذا أنتِ صامته ؟ نظراتك الدامعه تكاد تقضي على آخر خيوط المقاومه داخلي.



هي : غدا زفافك . . فماذا يجب أن أقول ؟

هل أتظاهر بالفرح ؟ هل أغني لك أغنيه الزفاف

التي يصرخ بها قلبي الآن ؟



هو : أعلم أن لحظات الفراق مؤلمة ..



هي : ليس دائما سيدي . . فأحيانا لاتكون مؤلمة . .

أحيانا تكون قاتله . . كالجلطه الدماغية . . تدمر

كل خلايانا ولايتبقى الا الصمت . .



هو : يؤلمك فراقي ؟



هي : فراقك يقتلني . . يرفعني من فوق هذه

الارض . .

يأخذني الى اعلى ارتفاع فوق الكره الارضيه .

. ويلقي بي بلا انتهاء.



هو : ماذا تتمنين الآن ؟



هي : أتمنى أن أفقد ذاكرتي ..



هو : كي تمسحي تفاصيلي معك و منك ؟



هي : كي أنسى موعد إعدامي غدا . .

كي لاتلمحك عيناي وأنت تتقدم في اتجاه أخرى . .

حاملا بيديك عمري كله كي تنثره تحت قدميها ..



هو : لاتُحملي قلبي فوق طاقته . . فبي الحزن الكثير ..


هي : بل أنا يا سيدي من يتحمل الآن فوق طاقته . .

فلا أحد يعلم مرارة إحساس إمراة عاشقه ليله


زفاف فارسها إلى أخرى .



هو : لكن قلبي سيبقى معك ..



هي : وماينفعني قلب رجل مضى كي يمنح


جسده وحياته وعمره سواي . .


تاركا خلفه هذا الكم المخيف من الحزن و


الذكرى والعذاب والحنين . .


وبقايا امرأة ؟


ترى. . هل ستمنحها أطفالي ؟


هل تذكر أطفال أحلامنا ؟ أطلقنا عليهم أسماء


ذات مساء دافئ بالحب ..



هو : بكائك يمزقني .



هي : لايجب أن تتمزق أو تحزن . .


يجب أن تكون في قمة فرحك وقمة أناقتك وقمة


قسوتك . . فغدا ليلة عمرك ..



هو : ليالي عمري أنتي . . وأعلم اني ضيعتها ..



هي : وليالي عذابي أنت . . وأعلم أنها

ستضيعني ..



هو : لا أستحق منك كل هذا الحزن ..



هي : وأنا لا أستحق منك كل هذا الخذلان ..



هو : خذلتني الظروف فخذلتك . .

سامحيني . .

اغفري لقلبي الذي أحبك . . اغفري لظروفي

التي خذلتك . .



هي : قد أغفر يوما . . لكن هل سأنساك ؟



هو : قد ياتي النسيان يوما . . فيسقطني من أجندة ذاكرتك .




هي : أخشى أن يأتي بعد أن أفقد القدرة على البدء من جديد ..




هو : سأرحل الآن . . شكرا على أجمل عمر و أغلى إحساس ..

ويرحل تاركا خلفه أنثى في حالة بكاء


ربنا مايجعل ابدا حد يفارق حبيبه ويجمع بينهم فى الخير والحلال

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
الموضوووووووووووع قطع قلبي أو بمعنى أدق دبح قلبي ..... موضوع جاااااااااااااااااااااامد ومحزن جداااااااااااااااااااااااااااااااااااااااا......


بالمناسبة ..... هو في ولد يتجبر انه يسيب إللي بيحبها ....؟؟؟؟؟؟ أنا أعرف ان البنات ممكن لكن ولد حد يجبره ايه الحكاية دي بالضبط؟؟؟؟؟ مش المفروض دا راجل وليه كلمة في حياته ؟؟؟ معقولة يعيش عمره مع واحده مش بيحبها لمجرد انه أجبر عليها ؟؟؟؟؟ ازاي يعني الكلام دا ؟؟؟؟؟؟؟غريبه والله....

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
روعه روعه يا عمرو بجد كلام قطع القلبب

مش عارف اقول ايه

بس في الغالب بيحصل العكس

ولو ان الموقف دا بيحصل فعلا

بجد موضوع جميل

ونصيحة مني اعكسه خلي بدل هو هيا
وبدل هيا هو

وشوف الفرق

تحياتي ليك يا عمورة

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
فعلا كلام مؤثر جدا جدااا يا بشمهندس
بس زى ما فالت ساره وبشمهندس احمد لو اتعكس هيبقى واقعى اكتر
بس هو فى منتهى الجمال

شكرا جدا ليك يا بشمهندس عمرو

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
ايه ده انا كنت هعيط بجد والله
كلام يموت القلب ويوقف العقل عن التفكير
موضوع اكتر من رائع
مش المفروض تتعكس ولا حاجه
المفروض ميسبوش بعض اصلا Crying or Very sad

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
بصو يا جماعه

انا والله فاهم قصدكم

انا هرد عليكم واحد واحد بس اما ارجع انا مضطر اخرج ناو

بس احب اوضح حاجه

ان اوقات الأب بيفرد على ابنه انه يتجوز من بنت عمه مثلا او اى حد من قاريبه

وساعاتها بيكون الموقف ده

وبيبقى الراجل زى ما موجود فى التوبيك

لانه بيبقى قدام حلين اما يستمر حبه ويعصى اوامر والده

او انه ينفذ كلام والده ويضحى بحبه زى الحاله اللى موجوده فى التوبيك ده

واعتقد ان الكلام ده موجود كتير فى مصر

وخصوصا فى الصعيد.........

يارب اكون قدرت اوصلكم المعنى اللى انا اقصد انى اوصله ........

وهرد عليكم بالتفصيل اما ارجع

ان شاء الله

ده بس مجرد تعقيب وتوضيح .............

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
Crying or Very sad Crying or Very sad

ليه الحزن ده كله
بجد كلام يقطع القلب

بس أنا معاك في كلامك يا بشمهندس
أحيانا الولد بيكون مضطر فعلا انه هو اللي يسيب البنت اللي حبها لظروف خارجة عن إرادته
يعني مش شرط البنت هي اللي دايما تكون مجبرة تسيب الإنسان اللي بتحبه
رغم إن يمكن من النادر إننا نسمع عن حاجة زي كدة

بس المهم ان الموضوع ده فيه حزن شديد جدا
أنا بجد هبكي خلاص
Crying or Very sad


descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
توبيك جميل يا بشمهندس عمرو

بس زي ما قالو البشمهندسين

اعمل نفس الموضوع بنفس الحوار

بس اعكس بدل هوا هيا

هتلقى فرق كبير وهتكون واقعية اكتر

ومستنين مواضيعك الجامدة يا بشمهندسنا

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
لا ياجماعة انتو فهمتوني غلط ....


أولا أها ممكن البنت تجبر انها تسيب إللي بتحبه عشان أهلها عايزيين كده بس مش قصدي تقلبو الحوار لأن فيه بنات كتييييييييييييير بتتمسك باإللي بتحبه وبتحاول تقنع أهلها مش بتستلم للأمر الواقع وخلاص تقول مش هينفع وهي ماحاولتش .... لكن الولد لو هو زي التوبيك يبقى دا ماحاولش لازم يحاول مرة واتنين وميه ....
أنا حاسه انك تسيب حد انت عايزه بسهولة دي حاجة صعبة موووووووووووت المفروض تحاول مية مرة ولما في الآخر ماينفعش تبقى على الأقل حاولت .... مش تقول مش بإيدي...

ولو بتتكلمو ان البنات بتسيب أه هي بتسيب بس بتكون مجبره والبنت مش ليها كلمة أحيانا زي الولد .... لكن الولد ممكن يقنعهم بس هما الولاد في أغلب الأحيان بيستسهلو لأنهم بيحكمو في الآخر بعقلهم من تفكير ولا حساب لقلبهم خاااااااااااااااااااااااااااااااااااالص ودي حاجة صعبه .... ومع كل ده في إلى حد ما ولاد بتتمسك بالبنت إللي بتحلم بيها أووووووووي وبيتحدو الدنيا عشانها بس دووول عمله نادرررررة جدا دلوقت....وإللي تلاقي حد زي كده المفروض تتمسك بيه وتشيله جوه عنيها بس ما أعتقدش ان فيه كده كتييير ...

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
eng.sarah-3bdul3aleem كتب:
الموضوووووووووووع قطع قلبي أو بمعنى أدق دبح قلبي ..... موضوع جاااااااااااااااااااااامد ومحزن جداااااااااااااااااااااااااااااااااااااااا......


بالمناسبة ..... هو في ولد يتجبر انه يسيب إللي بيحبها ....؟؟؟؟؟؟ أنا أعرف ان البنات ممكن لكن ولد حد يجبره ايه الحكاية دي بالضبط؟؟؟؟؟ مش المفروض دا راجل وليه كلمة في حياته ؟؟؟ معقولة يعيش عمره مع واحده مش بيحبها لمجرد انه أجبر عليها ؟؟؟؟؟ ازاي يعني الكلام دا ؟؟؟؟؟؟؟غريبه والله....


لا ياجماعة انتو فهمتوني غلط ....


أولا أها ممكن البنت تجبر انها تسيب إللي بتحبه عشان أهلها عايزيين كده بس مش قصدي تقلبو الحوار لأن فيه بنات كتييييييييييييير بتتمسك باإللي بتحبه وبتحاول تقنع أهلها مش بتستلم للأمر الواقع وخلاص تقول مش هينفع وهي ماحاولتش .... لكن الولد لو هو زي التوبيك يبقى دا ماحاولش لازم يحاول مرة واتنين وميه ....
أنا حاسه انك تسيب حد انت عايزه بسهولة دي حاجة صعبة موووووووووووت المفروض تحاول مية مرة ولما في الآخر ماينفعش تبقى على الأقل حاولت .... مش تقول مش بإيدي...

ولو بتتكلمو ان البنات بتسيب أه هي بتسيب بس بتكون مجبره والبنت مش ليها كلمة أحيانا زي الولد .... لكن الولد ممكن يقنعهم بس هما الولاد في أغلب الأحيان بيستسهلو لأنهم بيحكمو في الآخر بعقلهم من تفكير ولا حساب لقلبهم خاااااااااااااااااااااااااااااااااااالص ودي حاجة صعبه .... ومع كل ده في إلى حد ما ولاد بتتمسك بالبنت إللي بتحلم بيها أووووووووي وبيتحدو الدنيا عشانها بس دووول عمله نادرررررة جدا دلوقت....وإللي تلاقي حد زي كده المفروض تتمسك بيه وتشيله جوه عنيها بس ما أعتقدش ان فيه كده كتييير ...





بصى يا سارة

انا اقصد ان الواحد ممكن يجبر على حاجه

بس اكيد مش هيتخلى عن حبيبته بسهوله

وعلى فكرة انا والله معاكى فى كلامك بس انا اقصد حاله معينه

وبتحصل فى المجتمع المصرى كتييييييييييييير

زى ما انا قولت

بس انا عن نفسى مع كلامك

يعنى لو اتعرضت للموقف زى ده

عمرى ما هتخلى عن الأنسانه اللى انا بحبها

وهحاول مليون مرة مش ميه

والا ابقى مش استاهل حتى لحظة مش ثانيه حلوة قضيتها معاها

وابقى ما استحقش حبها

وساعتها المفروض يبقى رحيلى غير مأسوف عليه

اكيد العمله دى مش نادرة ولا حاجه فى كتيييييييييير بيحبو ويخلصو فى الحب

انا شخصيا الأنسانه اللى انا هحبها اوارتبط بيها

هخليها تبقى اميرة فى جنتى

وعمرى ما هزعلها مش هسيبها

عارفه ليه ياساره

عشان انا وقت ما هحبها هكون فعلا بحبها مش بتسلى زى معظم الشباب

ومش هعمل كدا غير اما اتأكد من حبها ليا وصدق مشاعرها ليا

وقتها لازم اضحى علشانها

وعمرى ما هتخلى عنها بسهوله لانى لو اتخليت عنها هبقى اتخليت عن حياتى معاها

وحكمت على نفسى بالموت وانا حى


يا ريت تكونى فهمتينى يا سارة

اكيد زى ما فى غدر فى حب وصدق ووفاء

وعلى رأى محمد فؤاد

الحب الحقيقى بيعيش يا حبيبى

اغنيه فعلا كلماتاه واقعيه جدااااااااااا

اااااااااسف لو طولت عليكى بس انا حاولت افسر المعنى بردو شويه


ونورتينى يا سااااااااااااااااااااااااااااااارة كالعادة

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
AhMaD JaMaL كتب:
روعه روعه يا عمرو بجد كلام قطع القلبب



مش عارف اقول ايه



بس في الغالب بيحصل العكس



ولو ان الموقف دا بيحصل فعلا



بجد موضوع جميل



ونصيحة مني اعكسه خلي بدل هو هيا

وبدل هيا هو



وشوف الفرق



تحياتي ليك يا عمورة




ميرسى يا احمد على مرورك

نورتنى يا جميل

وان شاء الله انا ممكن اعكسها

بس انا وضحت وجهة نظرى ايه


نورتنى يا احمد بمرورك

lol!: lol! lol!

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
فاطمة أحمد جابر كتب:
فعلا كلام مؤثر جدا جدااا يا بشمهندس
بس زى ما فالت ساره وبشمهندس احمد لو اتعكس هيبقى واقعى اكتر
بس هو فى منتهى الجمال

شكرا جدا ليك يا بشمهندس عمرو



ميرسى جداااااااااااااااااااا يا فاطمه على مرورك

وان شاء الله هحاول ابقى اعكسه

ويارت تكونى عرفتى وجهة نظرى فى التوبيك

نورتييييييييييييييييييييييييييييييييييينى يا بشمهندسه فاطمه

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
Eng yota.E كتب:
ايه ده انا كنت هعيط بجد والله
كلام يموت القلب ويوقف العقل عن التفكير
موضوع اكتر من رائع
مش المفروض تتعكس ولا حاجه
المفروض ميسبوش بعض اصلا Crying or Very sad


سلامه عقلك يا يوته

بس ده واقع فعلا وبيحصل

والله اتمنى ان كل اتنين بيحبوا بعض ربنا يجمعهم على خير

ومش يسيبوا بعض ابدا

ميرسى على مرورك يا يوته

نووووووورتى التوبيك يا بشمهندسه..........

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
F-A_3marah كتب:
Crying or Very sad Crying or Very sad

ليه الحزن ده كله
بجد كلام يقطع القلب

بس أنا معاك في كلامك يا بشمهندس
أحيانا الولد بيكون مضطر فعلا انه هو اللي يسيب البنت اللي حبها لظروف خارجة عن إرادته
يعني مش شرط البنت هي اللي دايما تكون مجبرة تسيب الإنسان اللي بتحبه
رغم إن يمكن من النادر إننا نسمع عن حاجة زي كدة

بس المهم ان الموضوع ده فيه حزن شديد جدا
أنا بجد هبكي خلاص
Crying or Very sad







الحمد لله انك معايا فى كلامى يا فدوى

بجد والله انا مش قصدى انى زعلكو

بس ده امر واقع وبيحصل

وكنت عايز اعرف ارئكم فيه

ميييييييرسى يا فدوى على مرروك

نورتى التوبيك يا بشمهندسه

وااااااااااااااااسف لو كنت ضايقتك بسب التوبيك ده

عشان محزن شويه

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
bassem كتب:
توبيك جميل يا بشمهندس عمرو

بس زي ما قالو البشمهندسين

اعمل نفس الموضوع بنفس الحوار

بس اعكس بدل هوا هيا

هتلقى فرق كبير وهتكون واقعية اكتر

ومستنين مواضيعك الجامدة يا بشمهندسنا


ان شاء الله يا بشمهندس هحاول انى اغيرها

وميرسى على مرورك وكلامك الجميييييييييييييييل

نورت التوبيك ....................

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
انا قريت الموضوع والردود ولسه مش عارفه اقول ايه Crying or Very sad
ربنا معاهم هما الاتنين..........

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
سوووووووووورى يا ريهام لو كان التوبيك محزن

بس انا عايز اسمع ردك

مستنى تعقيبك

نورتينى يا بشمهندسه ريهام

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
هوالموضوع صعب اكتر منه محزن
بس انا شايفة لوهو اضطر يعمل كدة غصب عنه تحت اي ضغط واي ظرف
المهم انه قبل في الاخر وهيتجوز
فلازم يتق الله في مراته او خطيبته ويحاول ميكلمش حبيبته علشان هي كمان تحاول تصلح حياتها
وكمان خطيبته ملهاش ذنب واي حاجة هيعملها وهو خاطب واحد او متجوزها ههتردله في مراته او اخته
انا مبقلش ينساها بس يتقي الله ويحاول يحب مراته دي ويبعد عن حبيبته علشان ميدمرهاش وهو مش اخد باله

ملحوظة:- مع اعتراضي التام لاي علاقة حب قبل الجواز سواء شرعا او عرفا او لو مش عشان ده كله يبقى علشان ميحصلش فيهم حاجة ذي كدة
يعني البنت دي اذاي هتتخطب لواحد تاني وهي بتحب اساسا او حتى لو نسيته بعد ماقالت لواحد غير جوزها اللي ربنا كتبهولها الكلام دة.............انا لو اتفتحت في الموضوع محدش هيعرف يسكتني
علشان تحرم تقولي عايز اعرف رايك

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
كلام منطقى يا ريهام من الناحيه الدينيه والأخلاقيه

وميرسى على ردك

ولكيد مش هحرم اقولك انا عايز رأيك

وافتحى براحتك فى الكلام

وانا هرد عليكى

نوووووووووووووووورتى التوبيك مرة تانيه يا بشمهندسه....

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
موضوع جميل
انا اثر فيا الحوار جدا
بس الصبر ف المواقف دى بيكون افضل وانا معاكم انه صعب وساعات بيكون مميت
لكن فيه مثل بيقول محدش بياخد غير نصيبه
وفيه حديث بيقول <من احب فكتم فمات دون هواه فهو شهيد>
وصدقونى اعجب القصص دى قصص العرب

قال عاشق:أيامعشر العشاق بالله خبروا0000000000إذاحل عشق بالفتى كيق يصنع
قيل له:يدارى هواه ثم يكتم سره000000000000ويخشع فى كل الامور ويخضع
فقال:فكيف يدارى والهوى قاتل الفتى00000000وفى كل يوم قلبه يتقطع
فردوا عليه:إذا لم يجد صبرا لكتمان سره000000000فليس له شئ سوى الموت ينفع
فقال:سمعنا أطعنا ثم متنا فبلغوا00000000000سلامى على من كان للوصل يمنع

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
Miro _cool كتب:
كلام منطقى يا ريهام من الناحيه الدينيه والأخلاقيه

وميرسى على ردك

ولكيد مش هحرم اقولك انا عايز رأيك

وافتحى براحتك فى الكلام

وانا هرد عليكى

نوووووووووووووووورتى التوبيك مرة تانيه يا بشمهندسه....


شكرا على زوقك يابشمهتدس

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
صح يا اسماء دى حقيقة مش مثل

كل واحد بياخد نصيبه

وحلو اوى الأبيات اللى انتى ختمتى بيها ردك



ميرسى على مرورك يا أسماء
نورتى التوبيك يا بشمهندسه

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
ميرسى يا بشمهندسه ريهام على ردك وزؤك

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
على فكره القصيده دى فعلا قصه حقيقيه حصلت
بين الاصمعى وشاب
ولقاه ميت بعد ما كتب اخر جمله
<كتاب المستطرف فى كل فن مستظرف<للأبشيهى>>
ولو عجبيتك جبتلك واحده كمان

يقولون لى ان بحت قد غرك الهوى00000000000وإن لم أبح بالحب قالوا تصبرا
فما لامرئ يهوى ويكتم أمره0000000000000000من الحب إلا أن يموت فيعذرا

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
طبعا يا اسماء عجبتنى جدااااااااااااا

انتى شكلك بتحبى الشعر

وخصوصا الغزل والرثاء

نورتينى يا بشمهندسه اسماء

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
انا فعلا بعشق كل انواع الادب والشعر وخصوصا الشعر الجاهلى


والمنتدى منور بمواضيعك يابشمهندس

descriptionحوار بين عاشقين لحظة فراق يهز القلوب Emptyرد: حوار بين عاشقين لحظة فراق يهز القلوب

more_horiz
ميرسى على زوؤك يا اسماء

ومواضيعى منورة بردودك

انتى وكل الأعضاء اللى بيشرفوها

نورتينى يا بشمهندسه.......
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد