Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionالتركيــــــــــــــــــــــــــــــز ... شيئ مهم فعلا Emptyالتركيــــــــــــــــــــــــــــــز ... شيئ مهم فعلا

more_horiz




السلام عليكم
على فكرة

التركيز مهم جدا للمهندس المعماري
مش بس اثناء إعداد الرسومات لازم المعماري يكون مركز كويس
لأ ... كمان اثناء التنفيذ
لابد من التركيز
التركيز
التركيــــــــــــــــــــــــــــــــــــز!!!

تأملوا الصور دي وشوفوا أخرة السرحان وعدم التركيز


مين يقدر يطلع السلم؟؟؟

[ندعوك للتسجيل في المنتدى أو التعريف بنفسك لمعاينة هذه الصورة]



اللي مستغني عن عمره يطلع السلم ده

[ندعوك للتسجيل في المنتدى أو التعريف بنفسك لمعاينة هذه الصورة]


متهيألي اللي بنى الشباك كان شارب حاجة؟؟

[ندعوك للتسجيل في المنتدى أو التعريف بنفسك لمعاينة هذه الصورة]


اللي مستغني عن دماغه يطلع الاسكالاتور ده

[ندعوك للتسجيل في المنتدى أو التعريف بنفسك لمعاينة هذه الصورة]


اللي يقدر يدخل البلكونة اللي تحت له جائزة من المنتدى

[ندعوك للتسجيل في المنتدى أو التعريف بنفسك لمعاينة هذه الصورة]


في انتظار مرور أول قطار

[ندعوك للتسجيل في المنتدى أو التعريف بنفسك لمعاينة هذه الصورة]


عامود نور خصوصي داخل البلكونة

[ندعوك للتسجيل في المنتدى أو التعريف بنفسك لمعاينة هذه الصورة]



متهيألي اللي نفذ الشيئ ده انسان طويل شوية وفاكر كل الناس زيه

[ندعوك للتسجيل في المنتدى أو التعريف بنفسك لمعاينة هذه الصورة]


اللي يقول لي السلم ده بيطلعوه ازاي له الف جنيه

[ندعوك للتسجيل في المنتدى أو التعريف بنفسك لمعاينة هذه الصورة]





صدقتم؟؟؟؟

شفتم التركيز مهم ازاي؟؟؟

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
صدقنا يادكتور هشام.
بجد
مش عارفه اضحك ولا يكون رد فعلى ايه
دى حاجات تعمل كوارث
بس يادكتور بعد اذن حضرتك عندى سؤال
هو اللى بينفذ مش المفروض انه
يعقل انه فيه حاجه مش منطقيه
ف الرسم
شكرا يادكتور لحضرتك على الموضوع

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
أكييييييييييييييد اللي عمل الحاجات دي مش معماري

على الأقل مش خريج هندسة أسيوط

شكرا يا دكتور على الموضوع

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
asma كتب:
صدقنا يادكتور هشام.
بجد
مش عارفه اضحك ولا يكون رد فعلى ايه
دى حاجات تعمل كوارث
بس يادكتور بعد اذن حضرتك عندى سؤال
هو اللى بينفذ مش المفروض انه
يعقل انه فيه حاجه مش منطقيه
ف الرسم
شكرا يادكتور لحضرتك على الموضوع


اولا شكرا ياباشمهندسة اسماء على المرور والتعليق
ثانيا
الصور دي وصلتني في ايميل من يومين وواضح فيها انها شغل فوتوشوب معمول باتقان شديد ... ماعدا الصورة اللي فيها عامود نور ... دي الوحيدة اللي اظنها حقيقية ولو طلعت حقيقية فهي أكيد أكيد في مصر

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
F-A_3marah كتب:
أكييييييييييييييد اللي عمل الحاجات دي مش معماري

على الأقل مش خريج هندسة أسيوط

شكرا يا دكتور على الموضوع


أولا شكرا يا باشمهندسة فدوى على المرور والتعليق
ثانيا
اطمئني ... بالتأكيد اللي يعمل حاجة بالمنظر ده اكيد مش خريج هندسة أساسا ... واطمئني اكتر ... الصور دي أساسا عبارة عن خدع تم تنفيذها بالفوتوشوب بشكل متقن مش ممكن ابدا تكون حقيقية

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
Dr. Hesham كتب:
[
اطمئني ... بالتأكيد اللي يعمل حاجة بالمنظر ده اكيد مش خريج هندسة أساسا ... واطمئني اكتر ... الصور دي أساسا عبارة عن خدع تم تنفيذها بالفوتوشوب بشكل متقن مش ممكن ابدا تكون حقيقية


شكرا يا دكتور هشام على الموضوع الجميل وانا متأكد ان اللى بيعمل كده أكيد مش معمارى
أما بالنسبة ان الصور دى معمولة فوتوشوب فأنا شفت حاجة واقعية زى كده زى عمود الكهرباء اللى داخل البلكونة أنا شفته غى ملوى فى المنيا
وكان الدكتور حازم مرة قلنا انه شاف سلم زى اللى فيه القلتبين فوق بعض فى القاهرة

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
الموضوع جميل جدا يا دكتور واكيد اللى عملوا الحاجات دى مش معماريين اما بالنسبة للبلكونة
اللي يقدر يدخل البلكونة اللي تحت له جائزة من المنتدى
كنا مرة بنعمل اسكتش سكنى وواحدة زميلتنا عملت نفس البلكونة بدون باب والبشمهندس عبد الرحمن ربنا يرجعه بالسلامة حل المشكله قلها هندخل البلكونة بمهبط هيلكوبتر
انا عاوزة الجائزة بقا

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
saad كتب:
Dr. Hesham كتب:
[
اطمئني ... بالتأكيد اللي يعمل حاجة بالمنظر ده اكيد مش خريج هندسة أساسا ... واطمئني اكتر ... الصور دي أساسا عبارة عن خدع تم تنفيذها بالفوتوشوب بشكل متقن مش ممكن ابدا تكون حقيقية


شكرا يا دكتور هشام على الموضوع الجميل وانا متأكد ان اللى بيعمل كده أكيد مش معمارى
أما بالنسبة ان الصور دى معمولة فوتوشوب فأنا شفت حاجة واقعية زى كده زى عمود الكهرباء اللى داخل البلكونة أنا شفته غى ملوى فى المنيا
وكان الدكتور حازم مرة قلنا انه شاف سلم زى اللى فيه القلتبين فوق بعض فى القاهرة





أولا ياباشمهندس سعد ألف شكر على المرور والتعليق

ثانيا
مش ممكن!!!
انا الصورة الوحيدة اللي ممكن اصدق انها تحصل هي صورة عمود النور... وأصدق انها تحصل في مصر ... لكن كنت أظن الباقيين خدع فوتوشوب
أما السلم اللي بيتكلم عنه الدكتور حازم فأنا موافق خلاص انه ممكن يكون حقيقي
لكن باقي الصور؟؟؟ ده لو كان حقيقي فعلا فلازم المهندس اللي أشرف على تنفيذ المباني اللي فيها اللقطات دي يدخل السجن .... أويتمنع من ممارسة مهنة الهندسة مدى الحياة .... الا لو معاه ولي أمره يضمنه ان مش هايكرر نفس الكوارث وان باقي شغله هايكون تحت إشراف الضامن اللي هو ولي الأمر

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
سارة حمدى كتب:
الموضوع جميل جدا يا دكتور واكيد اللى عملوا الحاجات دى مش معماريين اما بالنسبة للبلكونة
اللي يقدر يدخل البلكونة اللي تحت له جائزة من المنتدى
كنا مرة بنعمل اسكتش سكنى وواحدة زميلتنا عملت نفس البلكونة بدون باب والبشمهندس عبد الرحمن ربنا يرجعه بالسلامة حل المشكله قلها هندخل البلكونة بمهبط هيلكوبتر
انا عاوزة الجائزة بقا


Laughing
أولا ألف شكر ياباشمهندسة سارة على المعلومة الجميلة دي
باحاول اتخيل الباشمهندس عبد الرحمن وباضحك بجد
وبالمرة ... حصل في دفعتنا نفس الشيئ لكن بالعكس
واحنا طلبة في أولى عمارة بعد تسليم مشروع التصميم ومناقشته علنيا في صالة الرسم أمام الدفعة كلها ... كان واحد من زملاءنا راسم مسقط الدور الأول علوي في مشروع فيلا ... ورسم في حائط خارجي باب البلكونة من ضلفتين محترمين مرسومين بإتقان شديد لكنه نسي يرسم حاجة بسيطة خالص ... نسي يرسم البلكونة نفسها (اسقاط حوائط دروة البلكونة)
فما كان من دكتور المادة وقتها (الدكتور ماهر شوقي ابوسيف) إلا أن كتب على اللوحة تعليق بالانجليزي .. كتب له
Jump for your life
أي : إقفز للنجاة بحياتك (وسيبك من العيشة في هذه الفيلا الكئيبة)
وده كان درس لدفعتنا ان التركيز شيئ مهم جدا

شفتم؟؟؟
التركيز
التركييييييز
التركيـــــييييييييييييييييييـز
الــــــــ ....... هه؟ انا كنت باقول ايه؟؟؟؟
Laughing



أما بالنسبة للجائزة
فهي مقدمة لكي ولكل من بالقسم (من طلبة جميع الدفعات وهيئة تدريس) للاستعمال مستقبلا في دخول مثل هذه البلكونة


أو في طلوع السلم اللي جايزته ألف جنيه


[ندعوك للتسجيل في المنتدى أو التعريف بنفسك لمعاينة هذه الصورة]


عدل سابقا من قبل Dr. Hesham في 20/05/09, 04:00 am عدل 2 مرات

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
بارك الله فيك يا دكتور هشام
اما الطائرة الهيلكوبيتر جميلة فعلا يعيشوا وينزلوا بيها وكدة اتحلت كل مشاكل المعماريين اللى معندهمشى ابواب للبلكونات

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
صور جميلة فعلا

والحمد لله انها جات علي كده

داحنا دفعتنا عملت العجايب

اعتقد لو فاضيين شوية كنا نفذنا الاسكتشات دي علشان تشوفوها

ميرسي يا د/ هشام موضوع جميل جدا

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
انا فعلا شفت بعيني حكاية عمود النور اللي داخل في البلكون في احدي القرى في ملوي في المنيا

زي ما قال سعد

لما كنا نازلين تخطيط في المنيا في سنة أولى

شكرا دكتور هشام على الموضوع الجميل دا

ومتأسف على التأخير في الرد

تحياتي

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
هههههههههههههههههه
جمييييل اوي يا دكتور هشااام تسلم ايدك
وتسلم ايدك اكتر في دي
على فكرة

التركيز مهم جدا للمهندس المعماري
مش بس اثناء إعداد الرسومات لازم المعماري يكون مركز كويس
لأ ... كمان اثناء التنفيذ

عارف ليه

علشان حضرتك شيلت المصيبه من علي المهندس المدني وكدا هيلبس فيها المعماري

descriptionالتركيــــــــــــــــــــــــــــــز ... شيئ مهم فعلا Emptyرد: التركيــــــــــــــــــــــــــــــز ... شيئ مهم فعلا

more_horiz
[ندعوك للتسجيل في المنتدى أو التعريف بنفسك لمعاينة هذه الصورة]

الصورة دي شفتها النهارده في صفحة في الفيس بوك اسمها (Only in Egypt)... أكيد في مصر طبعا

الصفحة هنا ... فيها صور خيالية ... بس للاسف حقيقية ... وللاسف اكتر ... في مصر

https://www.facebook.com/group.php?gid=2415213229
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد