بخصوص تسليم مشروع بكالوريوس

سيتم إستلام مشروع بكالوريوس إن شاء الله يوم الثلاثاء القادم من الساعة 5 -8 م

النسخ المطبوعة سيتم تسليمها في غرفة المعيدين
الإسطوانة المدمجة وحدها سيتم تسليمها في المعمل

علي الطلاب عدم تسليمها في أي مكان أخر أو لأي أحد خوفا عليها من الضياع أو نسيانها قبل وقت المناقشة

برجاء الإلتزام بالموعد وعدم التسليم قبل أو بعد الموعد المحدد

تم تعليق هذا الإعلان اليوم (الأحد) بالقسم و سيتم إعلان أماكن المناقشة والمواعيد يوم المناقشه إن شاء الله (الخميس القادم)

برجاء إبلاغ جميع من تعرف

بالتوفيق للجميع وكل عام وأنتم بخير

شكرا يا بشمهندس عمرو على تعبك

وربنا يسهل لنا طريقنا

مهم للغاااااااااااااااية
إتصل بيا د/مجدي الأن وأخبرني أنه قد تم تأجيل التسليم ليوم الأربعاء الساعة 9 ص نظرا لإنقطاع الكهرباء في عد أماكن بالمدينة أهمها المدينة الجامعية (بنات)
لا أجد طريقة لتبليغ الجميع سوي المنتدي وقد قمت بالإتصال بمن أعرف فرجاء إخبار الجميع وذلك للأهمية وشكرااااااااااااااااا

المناقشه بكرة إن شاء الله (الخميس) الساعة 9ص (د.عزت)
سيتم تقسيم الدفعة إلي 7 أقسام علي 7 لجان كل مجموعة في اللجنة المخصصة
ياريت ماحدش يتأخر
وخصووووووووووصا الناس اللي ما سلمتش علشان الشغل ينزل علي الأجهزة
شدوا حيلكم وبالتوفيق للجميع

الناس اللي بتسأل عن المناقشه .... صعبة/سهلة ...... نعمل إيه بالضبط
(نصيحة جانبية متواضعة من تجارب سابقة)
- دول 200 درجة بتحصل عليهم في يوم واحد يعني زي مادتين بتذاكرهم الترم كله (إذن الموضوع مش بسيط)
- ياريت كل واحد يبقي محضر طريقة الشرح أو مجهز نفسه ومحضر هو هيبدأ بـ A3 ولا العرض الضوئي ولا هيشرح من الشاسية علي طول وهيقول إيه بالضبط
- ياريت الفايلات تبقي خفيفه علشان ماتخدش الوقت بتاعك نصه في تحميل الصور وفتحها ده طبعا ضدك
- أهم حاجة إنت إبتديت تفكر إزاي في المشروع والمحددات اللي أدت للتصميم الحالي
- بالتالي هتبدأ بالفكرة الأساسية وتوابعها
- ثم الموقع العام والمداخل والمحددات والمشاكل الواجب حلها
- بعدها (تم حل المساقط علي هذا الأساس كذا ..كذا) ثم إفراد للمساقط المختلفة وتشرح الأفكار الرئيسية في المساقط
- من الخطأ أن تبدأ شرح المشروع بمكوناته أو مكونات المساقط (صالة مدخل - إستعلامات - ....)
- لكل طالب حوالي ثلث ساعة .... نصهم هتشرح إنت ونصهم يسألوا وتجاوب ..... وبالتالي تقول الأهم فالأقل أهمية وتخلص كل اللي نفسك تقوله في 10 دقايق وتحاول تجاوب بدبلوماسيه شديده خصوصا مع الضيوف من الخارج إن وجدوا
- اللي مش عارفه قول مش عارف واللي إنت غلطان فيه ما تصرش علي الغلط لأن ده بيدي إنطباع سيئ جدا لشخصية الطالب
- الخوف من الضيوف اللي من برا اللي بيشوفوا المشروع لأول مرة لازم تقنعهم بيه وإلا ...
- أخر حاجه بلاش يا جماعه إستخدام الكلمات الأتية (هي جت كده - يعني التصميم كده ما ينفعش - يعني أعملها إزاي - أصلي شفتها في كتاب - أنا نسيت - ما لحقتش - التأليف في المعدلات والأبعاد)
بالتوفيق للجميع وكل عام وأنتم بخير

شكرا يا بشمهندس على الحاجات الحلوة دي

وجار تجهيز البروفا