Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionحد فاكر أول  يوم ليه في القسم Emptyحد فاكر أول يوم ليه في القسم

more_horiz
كل واحد في موجود معانا يفتكر معانا اول يوم دخل فيه القسم واتعرف على مين

دا لو هوا فاكر

مين قابله كانت محاضرة ايه

حصل له موقف معين

وسلامي ليكم كلكم

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
ابتدي باول يوم في القسم

في البداية خالص عرفت اني دخلت قسم عمارة من زميل ليا في الاجازة

ولما جيت اتوقعت الدراسة هتبدأ بعد أسبوع مثلا

المهم مش عارف ايه اللي خلاني رحت تاني يوم وكان يوم أحد

والحمد لله محضرتش أول يوم لانها كانت ايام الترهيب من القسم

الدكاترة بيستعملو كل وسائل الضغط عشان الكل يطفش من القسم

وبتنجح في اوقات كتير وبتوصل الدفعة لعدد صغير جدا زي دفعتنا

ماعدا دفعة اولى عمارة 2009

المهم رحت اليوم دا القسم الساعة 8 الا عشرة ودخلت الصالة واتعرفت على زميل ليا حاليا في تالتة

فبساله قالي عندنا رسم قلت له كدا على طول من اول يوم

فقلت اخطف رجلي لحد البيت اجيب ادواتي وارجع

المهم رجعت بعد نص ساعة
ودخلت السيكشن

واول واحد قابلني قدامي
كان الدكتور خالد الليثي -ربنا يمسيه بالخير - المهم قالي ايوه يا بشمهندس رايح فين
قلته داخل السكشن
قالي انتا عارف الساعة كام
قلت له 8 ونص
قالي ادخل ونص سكشن غياب

قلت من اولها كدا نص سكشن غياب

وبعدين ايه القسم الغريب اللي بياخد نص سكشن غياب

بصيت باستغراب ودخلت وابتديت حياتي في القسم

دا كان اول يوم في القسم

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
انا في الاول كنت فاكره ان المجموع هيدخلني مدني
ونفس الحكايه محضرتش اول يومين على اساس اول اسبوع مفيش شغل
وتالت يوم قعدة في الساحه مع اصحابي
وبنات تانيه عماره معديين بيقولو فينيك عمارة مينفعش فيها الكلام ده
Neutral
وانا بقول عماره ايه انا مالي ومال عمارة
اتاريني حسبت الدرجه غلط وانا قبلت عمارة
دخلت القسم و قريت الكشف
وبعدين قلولي دفعتك عندها سكشن
ادخلي معاهم بعد الرست
المهم جبت ادوات من اصحابنا في مدني وميكانيكا ودخلنا
Suspect
واتاخدنا نص سكشن وكلمتين حلوين
,,,,,,,,,,,,,,المرادي بس المره الجايه السكشن كله غياب ,,,,,,,,,,,,,,,
كان بشمهندس مصطفى وبشمهندس حازم عز الدين,,,,,,,,,,,,,حسب مانا فكرة
وسعتها برضو استغربنا نص سكشن دي اوي
confused
واسفه على الاطاله

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
اول يوم ليا فى عماره كان يوم مش تمام بالمره
كنت حاسه فيه باحباط مش ممكن

طبعا انا فى اعدادى كنت غاويه جدا عماره بس لما جت الاجازه بقى كلمه من هنا على كلمه من هنا وهتتعبى وتسهرى وتتأخرى فى القسم و و و
نفسى اتسدت من القسم وقررت ان لو قبلت عماره هحول مدنى
مع ان ابن عمى كان فى بكالريوس وحذرنى من مدنى وقالى افضلك بكتير بس مسمعتش كلامه
وفعلا قبلت عماره ومن الاجازه كنت عايزه احول قالولى فى اول الدراسه حولت اول يوم فى الدراسه وحضرت فى مدنى مع انى كان المفروض احضر مع عماره بس كنت بقنع نفسى انى خلاص اتحولت لمدنى

وكانت الصدمه بعد اسبوع كامل فى مدنى فوجئت وبالصدفه من صاحبتى انى مقبلتش يعنى انا حتى مفكرتش انى اشوف اذا كان التحويل اتقبل ولا لأ
طبعا انهارت فى البكاء مش اعتراض ابدا والله بس فى لحظه حسيت ان مستقبلى بيتغير أدامى واللى كنت شايفه مبقيتش شايفاه
واتصلت بالبيت وقعدت ابكى ويهدونى ويقولولى متعرفيش الخير متشالك فين
وبعد ما هديت كلمت فدوى
وعرفت مواعيد السكاشن يومها
كان سكشن مساحه فى مدنى ومخدناهوش تقريبا وبعده سكشن رسم نظرى ود/خالد صلاح وقتها قالنا معلش احنا ضغطنا عليكم اول اسبوع علشان نعرف مين اللى ممكن يستحمل وكمان علشان نطلع مواهبكم وكدا يعنى
قلت كويس انى محضرتش اول اسبوع والا كنت اتعقدت
وحمدت ربنا على كل اللى يديهونى وقلت عمرى مهعترض على حاجه ابدا
والحمدلله انا حاليا حابه القسم جدا مهما كان الضغط فيه
ومش عارفه كنت هفضل فى مدنى ازاى

بس مخدتش نص السكشن غياب زيكم Laughing Laughing Laughing
بس خدته الترم التانى فى سكشن تصميم وانا اللى طلبته من د/حنان عشان أحضر تخرج أخويا

سبحان الله اللى يمشى ورا كلام الناس عمره مايرتاح

والحمدلله يوم وعدا

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
انا بقي بنت ملتزمه بتعفرت لو فتني سكشن ولا محاضره حتي لو كانت مقرر
اول يوم في الدراسه متهيالي انا اللي فتحت القسم كانت اول محاضره مساحه كان د/عبدالعال
بس في المحاضره دي ضحكت اد كده Laughing مش تريقه عليه ولا حاجه بس علي اسلوب التدريس
بعد كده دخلنا لدكتور شوكت وطبعا بدا اسلوب التطفيش بعد المحاضره علي طول قررت احول مدني وفعلا مدفعتش المصريف بس عرفت ان التحولات مرفوضه وقعدت وقت كبير خايفه ان اختياري يكون غلط بس الموضوع مشي وحبيت القسم جدا I love you

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
اول يوم ؟؟؟؟؟؟؟
انا مش عايزة افتكر اى يوم ليا فى القسم
وشكرا على كده كفاية اللى شوفناه

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
ايوة طبعا فاكرة
هو ده يوم يتنسى

ه كان يوم مالهوش معالم
دخل علينا د ................
وقالنا شوبة طلبات بحسبة 700 جنيه فى يومها
المسطرة ال 120 الروترنج
التربيزة طبعا
طقم التحبير
الوان مياه نوع مش عارف ايه
والوان جواش
وشوية اقلام مش عارف ايه
ومثلثات وطقم براجل
والاقلام الاسكرو
واستمبات الفرش
1/20
1/50
1/100
وشوية حاجات مش فاكرها
وطبعا قلت فى نفسى اشطة يا معلم
والكلام ده كان من 5 سنين
والحاجات طبعا بتغلى
ودخل علينا فى اليوم اللى بعده
د * ............. وكان بيدينا نظريات عمارة
وساعتها كانت المحاضرة بتتكلم عن المسكن وبالتحديد "المطبخ"
وقالنا حاجة غريبة قوى
لسه بترن فى ودانى
قالنا المهندس يا جماعة
لازم يعرف فين بتتحط
انبوبة البوتجاز
فى المطبخ
وعلب الملح والشطة
وقلت فى نفسى حسرة على
هو انا سايب بلدنا ومتشحطط
عشان اعرف الانبوبة بتتحط فى المطبخ فين

وبردة ما حرمتش واستمريت فى القسم
والمكتوب ع الجبين لازم تشوفة العين

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
امممممممممممممممم
كانت ذكريات أليمه
دانا حكايتى حكايه مع الكليه دى ومع القسم
اولا انا كتبت اول رغبه عماره
مع انى كنت هموت وادخل ميكانيكا
وحضرت اول اسبوع ف مدنى
مش عارفه انا كنت بعمل ف نفسى كده ليه
وصليت خمسميت صلاة استخارة على مدنى
طبعا كالعاده منفعش التحويل لمدنى

وكنت مش طايقه عماره لله فلله
طبعا من الاشاعات اللى بتحوم حوالين القسم
يااااااااااه وعياط بقى اول معرفت انى هدخل القسم الكئيب ده(ده التصور الاول
(طبعا

وكل فترة اول اسبوع وانا بقنع العائله الكريمه بقسم ميكانيكا
لغاية ما اقتنعوا ف اخر يوم للتحويل

يوميها سبحان الله مش عارفه ايه اللى خلانى ما اروحش احول ميكانيكا مع
ان كان التحويل ليها مضمون جدا غير مدنى ومع انى كنت
هتحصلى حاجه لو مدخلتهاش رغم التريقه اللى كنت بخدها

وحضرت اول محاضره كانت مساحه
وكانت ممله لانى حضرتها ف مدنى
اما اول سيكشن كان رسم نظرى
والى حد ما عجبنى صحيح د|خالد قالنا عيدوا اللوحات بس انا ساعتها كالعاده قلت والله مانا عايداها
ومن يومها اكتشفت ان القسم مش كئيب ولا مخيف ولا حاجه
وان دى كلها كانت اشاعات مغرضه

كان معكم
خميس أبو العافيه
قطاع الأخبار

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
أيه القصص الحلوة دي

شكرا لكل من شارك في الموضوع
سالي وأبو الحسن وفاطمة أحمد وأسماءوألاء وصفاء

ومستينين الباقي

descriptionحد فاكر أول  يوم ليه في القسم Emptyرد: حد فاكر أول يوم ليه في القسم

more_horiz
موضوووع رائع....بجد موضوع بياخد العقل

بس بصراحة انا مش فاكره اليوم ده خالص

ولو افتكرت هابلغكم
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد