Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

description&&شويه نكت جديده بس جاااااااااااااااااااااااامده موووت&& Empty&&شويه نكت جديده بس جاااااااااااااااااااااااامده موووت&&

more_horiz

كل سنه وانتو طيبيبن انا جبتلكم شويه نكت كدا صيامى ههههههههههه

يارب تعجبكم




اولا: محششييييييييييين
-----------------------------

تاجر بانجو اتقدم لى بنت اهلها سألوه شغال ايه قالهم فنى تكييف
============

محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا
بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام
===============
محشش بيقولوا له .... مراتك ماشيه مع كهربائي المنطقه .... قاللهم ده ولا كهربائي ولا بيفهم حاجه في الكهربه !!!
==============
محشش بنته إتأخرت بره سألها كنت فين؟ قالتله شباب خطفونى وإغتصبونى قالها الإغتصاب كله نص ساعة رحتى فين بعد كده؟ََ
=================
محشش جاب ولد بعد سبع بنات راح سماه بدري
=================
محشش بيحل الكلمات المتقاطعة
مثنى صخرة : ح ج ر ي ن
من اجزاء الجسم : د م ا غ
رتّب : ر ص
من ابراج الحظ : ا ل ج و ز ة
يجيدها الترزى : غ ر ز ة
لمعس مبعثرة : م ع س ل
اداة استفهام : ك ي ف
تجدها فى سمبوكسة : ك ب س ة
ملقاط كبير : م ا ش ة
من اوصاف الدنيا : غ ا ب ة
يجذب : ي ش د
جمع شهيق : ا ن ف ا س
===================
اثنين محششين .. قال الأول : بالي مشغول من امبارح.. فأجابه الثاني : يمكن حد رافع السماعة
=================
تلاته محششين قاعدين على القهوة بالليل و جامبيهم متحف جت عليهم كبسة فاستخبوا فى المتحف و وقفوا زى التماثيل راح الظابط لأول واحد و أداله على قفاه فقال آآآآآآي والثانى زيه راح عند الثالث اداله علي قفاه فقال تتنننننننن
=================

مدرسين
-----------------
مدرس كل مايقول للولد قول "دجاجة"، يقول "دداده"، فزهق المدرس، وقال قل لأبوك يجي بكرة، فجه الأب فقال له المدرس اللي حصل، فقال الأب : ماهو ده اللي مدنني

=============
كان فيه بنت مشاغبه جدا في المدرسه راح الاستاذ وداها للناظر فالناظر بيقولها انت عملتي ايه قالتلو انا بس رميت ورده من الشباك قالها بس كده؟ خلاص روحي على صفك بعد شويه جت بنت متكسره ومتعوره الناظر بيقولها انت مين قالتلو اناورده اللي اتراميت من الشباك
=============
مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكونت"، الأستاذ قال له "حطها ف جملة مفيدة" قال له "كوكونت من الشباك"
========
المدرس ما معنى كلمة "سبيل" الطالب:طريق المعلم: ممتاز اذا ما معنى كلمة سلسبيل الطالب:طرطريق!
===========
التلميذ : بحبك يا أبله و عاوز أجوزك... المدرسه: بس أنا مبحبش الأولاد الصغيرين... التلميذ: وأنا مش مستعجل على الأولاد
=============
دكاتره
---------
دكتور عظام نزل الشارع الكلاب جريت وراه.
===========
واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة
=============
مكانيكيه
-------------
ميكانيكي فتح ورشة وكتب يافطه علي الباب الصبر مفتاح 14
============
ميكانيكي فتح مصنع شيكولاتة سماه كالاكسى
============
ميكانيكى سألوه مين مطربك المفضل قالهم:هامردياب ودودج وسوف

=================

رخاااااااااااااااااااااامة
----------------------
طب ايه الحيوان اللي بياكل ويشرب بديله؟
كل الحيوانات بتاكل وتشرب بدلها .. عمرك شفت حيوان ساب ديلو وراح ياكل؟
===============
ليه الضفادع البشريه لما بتيجى تنزل المياه بتنزل بضهرها
عشان لو نزلت بوشها مش هتنزل فى المياه (هتقع فالمركب)
==============
دكتور اتجوز محامية خلفوا ولد يسموه ايه؟
احمد على اسم جده
===============
مرة واحد فك مفترس معرفش يركبه تاني
==================
ايه الفرق بين القلة والزير
فى فوازير ومافيش فوا قلة
=================
ايه الحاجة اللى بنام عليها ونقعد عليها ونغسل بيها سنانا
السرير والكرسي وفرشاةالاسنان
===============

ايه اللى ليه راسان و8 رجول؟
كلبان
================
رخاااااااااااااااااامة اوى والجدع يستحمل
---------------------------------------------
حاجه طايراه فى السما وبتقول نياو ايه هى؟؟؟
قطه بيضاء مضروبه بالشلوت
================
طب حاجه سوده طايره فى السما وبتقول نياو ايه هى؟؟؟
غراب بيستهبل
===============

طب حاجه بنى طايراه فى السما وما بتقولش حاجه ايه هى؟؟؟
فرده الجزمه بتاعه الراجل الى ضرب القطه البيضاء
====================

طب حاجه سوده طايراه فى السما وما بتقولش حاجه ايه هى؟؟؟
غراب عاقل وما بيحبش يستهبل
=====================
حاجه رفيعه وطويله ولونها ابيض ايه هى؟؟؟
فتله بيضاء
================
طب حاجه رفيعه وطويله ولونها اسود ايه هى ؟؟؟
خيال الفتله البيضاء
================

ازاي نحط فيل في ازازة؟
نزقه فيها وهو بيشرب
=============
ازاي نحط فيلين فازازة من غير ما يلمسوا بعض؟
نحط بينهم فيل تالت
=============
طب عايزين نركب اربع فيله على عجلة
فيل يسوق ويشيل الازازة
=============
لو كل الرجال اصبحو رجلا واحدا
وكل الاشجار اصبحت شجرة واحده
وكل البحيرات اصبحت بحيرة واحده
وكل الفؤوس اصبحت فأسا واحده

ثم جاء الرجل الواحد وامسك بالفأس الواحده
فضرب الشجرة الواحدة ضربة واحده
فوقعت الشجرة الواحده في البحيرة الواحدة

أكييييييييييييييييييد
هيحصل طرطشه كبييييروة أوي
===================


صعاااااااااااااايده: من غييييييييييييير زعل يا جماعه ها
----------------------
صعيدى كسب 65مليون دولار اشترى بيهم رونالدو
==========
صعيدي اتخنق من النكت اللي بتطلع على الصعايدة، راح مسك النكت كلها حطها ف كيس و رماها ف البحر، السمك طلع يضحك
==============
قام وزير التعليم بزيارة منطقة في الصعيد دبحولو مدرسة
============
مرة خمسة صعايدة سموا نفسهم الشجعان التلاتة
============
هريدي وقناوي راحوا السينما فهريدي بيقول لقناوى الحصان ده حيجع فى الحفرة دلوقتى فقناوى راح اقايله لامش حيقع راح اقايله لاهيقع اتفقوا لو الحصان وقع في الحفره هريدي هيدي لقناوى 10 جنيه ولو موقعش قناوى هيدى لهريدى 10 جنيه فا الحصان وقع فى الحفرة فجناوى اعطى لهريدى 10 جنيه فلما طلعوا من السينما هريدى قال لجناوى انا سمعت الفيلم ده كتير جبل كده فجناوى قاله وانا كمان بس انا قولت ان الحصان هياخد باله المرة دى ومش هيجع فى الحفرة
=================



غبااااااااااااء
----------------------
في إثنين راحو مع بعض، رجع بعض وسابهم لوحدهم
==============
واحد كتب علي نمرة عربيته "أبوأحمد" ، فوقفته لجنة المرور، فقال: أبو ظبي مش احسن مني
===============
واحد سمع عن الدورة الدموية راح يسجل فيها
===============
رفيع بيبص من العين السحرية بعنيه الاتنين
=============

واحد بيقول لمراته اقولك نكته قالتله قول
قالها النكته
فقالتله هههههه بااايخه
قالها ههههه طالق
============
مرة واحد احول سالوه ايه امنيتك في الحياه
قالهم اني اشوف واحد ماشي لوحده
=============
مرة واحد رجع فى كلامه داس اللي وراه!
==============
مرة واحد وقف تاكسى
قاله : حدايق القبة
قاله حتضايقها ليه يا عم
=============

بخيل بيقول لعيالة أوعدكم إذا نجحتوا في الامتحان هاوديكم تشوفوا أولاد بياكلوا في كنتاكي.
=============
صعيدي أول مرة يشوف ياباني، قال يا حظه ده شبعان نوم
============

مرة واحد بلع فوطة ريقه نشف
============
مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين قالوه الارنوب :عملنا عثير وثربناه
============

مرة جماعة راكبين عربية أجرة و مسافرين و السواق عمال يجري بسرعة قوي
واحد قاله ياعم هدي شوية
السواق قاله: بتفهم في البيجو
قاله: لا
قاله: طب اخرس
سرعة العربية عمالة تزيد فواحد تاني
ياعم هدي شوية حتموتنا معاك الله يحرقك
السواق زعق: بتفهم في البيجو
قاله: لا
قاله: طب اخرس
السواق عمال يجري فواحد تاني
ياعم أنت حتموتنا
قاله بتفهم في البيجو
قاله أيوة بفهم في البيجو
قاله طب تعالى وقفها عشان أنا مش عارف
===================
واحد كان عنده كتكوت مفترس ، كل ما يدخله قفص الفراخ يقوم الكتكوت ياكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد 3 أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوظت الكمين
============
واحد قاعد مع صاحبه صوته وحش قوي، قعد يغني وبعدين قال لصاحبه: صوتي هو الثروة الوحيدة إللي اداها لي ربنا! فقال له صاحبه: والله الفقر مش عيب
===========
مرة واحد مستعجل اتجوز واحدة مستعجلة خلفوا ولد مش فاضيلهم
============
نداله
-------------
واحد ندل عينوه مدير المطافي غير النمرة من 123 عملها 567309261046574852 .
============
عيل ندل ابوه طرده من البيت جاب ورقه حطها على باب الشقة
وكتب عليها مقر تنظيم القاعدة
==============
ندل قعد لمده سنه يتحايل على حبيبته علشان تخرج معاه
ولما وافقت راح قال لأبوها
============
ندل فتح مصنع بيبسي وكتب على كل زجاجة الرجاء رج الزجاجة جيداً قبل فتحها
============
ندل عرف أن الأموات بيحسوا ويسمعوا . وقف على المقابر وشغل
أغنية الحياة حلوة
===========
ندل جاب كاسيت ووقف قدام ملجأ أيتام وشغل أغنية بابا فين
=========
ندل اشتغل في المطافى عبا حنفيات الحريق بنزين

===========
ندله بتقول لجارتها الحقيني يا أم محمد بعت جوزي
يجيبلي ملوخية راح مخبوط بأتوبيس ... يالهوي وعملتي إيه .... عملت
بامية وأمري لله
===========
ندل- جورج قرداحي اتصل بيه وقال له معنا صديقك وصل نصف
مليون ريال محتاج مساعدتك
قال: قل له نايم
==========

يارب تعجبكم عجبتنى وقولت اشوف رأيكم

بس ما تنسونيش فى الردود

description&&شويه نكت جديده بس جاااااااااااااااااااااااامده موووت&& Emptyرد: &&شويه نكت جديده بس جاااااااااااااااااااااااامده موووت&&

more_horiz
مرة واحد صاحب مزرعة جزر وكان بجانبه واحد صاحب مزرعة ارانب كان كل يوم يجى صاحب مزرعة الجزر
يلاقى الارانب اكلوه الجزر بتاعوه كل يوم كل يوم لحد مازهق وقرر ان هوه يروح عند مزرعة الارانب وبعد كده راح عند الارانب وجاب شاكوش وكسرلهوم كل اسنانهم جاه تانى يوم الصبح لقى الجزر بتاعوه بردوه حد اكلوه راح عند الارانب ومسك واحد فيهم وقالوه :واديتوه الجزر فين قالوه الارنوب :عملنا عثير وثربناه

دي اكتر حاجة ضحكتني

زائد ايه كمية الرخاااااااااااااااااامة والغباااااااااااااااااااااااااااااااااء
دي هية ناقصة
عموما تسلم ايدك يا بشمهندس

description&&شويه نكت جديده بس جاااااااااااااااااااااااامده موووت&& Emptyرد: &&شويه نكت جديده بس جاااااااااااااااااااااااامده موووت&&

more_horiz
ميرسى يا ريهام على مرروك

وبعدين انا النكت دى مش ناا اللى مألفها

انا نقلتها زى ماهى

فأكيد مش كلها هيبقى حلو

نورتى التوبيك يا بشمهندسه
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد