Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 شريط ذكريات

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Gx-Joker
نائب مدير المنتدى
نائب مدير المنتدى


ذكر
عدد المساهمات : 2907
العمر : 30
بلدك : مصر
التخصص : مهندس معماري
المستوى التعليمي : دفعة 2009
. :
جنيه مصري : 7298

مُساهمةموضوع: شريط ذكريات   02/09/09, 05:46 pm



بسم الله الرحمن الرحيم

.....

ازيكم احلي اصحاب واخوات في الدنيا
بجد وحشني قووووي خاااالث خاااالث
بس اعمل ايه مشغوليات والله اللي شغلانى عن المنتدي

بصوا من كام يوم كده كنت فاضي شوية فقعدت الف في المنتديات والمواقع ... يعني بشوف الدنيا ماشية ازاي

المهم انا جايبلكم حااااااجة جميلة قووووي هتعجبكم كلكم

بس بعد ما هتقروها هتقولوا ياااااه هي الدنيا جري فيها

الدنيا اتغيرت ولا احنا اللي اتغيرنا ... هي بقت السعادة فين

وتعاااااالوااااا يلالالالا نشوف شريط ذكرياتنا سوااااا

حد يجماعه فاكر واحنا صغيريين لما كنا بناخد مصروف نص جنيه و كنا نروح المدرسه نجيب بيه ازازه حاجه ساقعه و كيس شيبسى



طب حد فاكر لبان على بابا لما كنا كلنا جايبين الالبوم و بنشترى اللبان و نقعد نجمع صور الحراميه الى دماغتها طالعه من الزير و نبدل الصور مع بعض عشان نكمل الالبوم وكان الواحد بيبقى نفسه يكسب اوى وكانت الجوايز طقم كوبيات شاى او كوره كفر او شطرنج او مكاوه


طب حد فاكر لما كنا بنرجع من المدرسه بسرعه عشان نلحق الفيلم الابيض و الاسود الى كان بيجى الساعه 1على القناه الاولى و نبقى قرفانين يوم الاربع عشان مش هيجيبوا فيلم و هيجيبوا الحلقه الاخيره من مسلسل


طب حد فاكر يوم الجمعه لما كنا بنصحى من صباحيه ربنا قبل اى حد فى البيت ونفتح التليفزيون ونقعد نستنى برنامج سينما الاطفال ونبقى منشكحين موت واحنا قاعدين بنتفرج


طب حد فاكر لما كنا بنرجع من المدرسه و نبقى عايزين نخلص الواجب بسرررعه اوى عشان محدش يغلس علينا و يسبونا نتفرج على مسلسل 7 و ربع بتاع القناه الاولى ومكنش حد فينا بيتفرج على المسلسل بتاع الساعه 6 الى بيجى عالقناه التانيه


طب حد فاكر كابتن ماجد لما كان بيقعد يشوط الكوره فاربع خمس حلقات و احنا قاعدين منشكحين اوى ومستنين الى هيحصل ولا حد فاكر مازنجر وفاتن و ابو الغضب


طب حد فاكر قبل رمضان لما كنا نقعد نعمل زينه رمضان مش الجلاد و الدباسه لا لا لا ورق الكراريس الى كنا بنظبطوا بالمقص و نلزقه على الحبل بعجينه نشا وميه ويسلام على اول يوم رمضان لما نخرب الشارع بمب وحد فاكر الصواريخ مش الصفره لا لا لا الى كانت طويله و معموله من ورق كراريس برضه


طب حد فاكر ساعة الفطار فرمضان لما كنا نبقى قاعدين نفطر ومش مركزين مع حد عشان مشغلين القناة الاولى و مبسوطين اوى عشان هنتفرج على سلاحف النينجا وفرام و شنخر ومنخر وتخلص نئوم نقلب بسرعه على القناه التانيه ليييييييييه بئه ؟؟؟ عشان مسلسل البورنجر وريتا الشريره و كنا كلنا بنحب الواد الاحمر قوى


طب بوجى وطمطم قبل الفطار فرمضان بعد ما بنكون جايين من المدرسه ولا حد فاكر ماما نجوى وبؤلز ولا حد فاكر كارتون كعبول وفوازير نيللى ولا فوازير فطوطه الى كنا كلنا مدميننها ولا مسلسل الف ليله وليله بتاع رمضان


طب حد فاكر ليله العيد لما يوم الوقفه نخش نستحمى ونضرب الترنج الجديد بتاع الوقفه و نيجى بليل نطلع اللبس الجديد ونحطه جنبنا عالسرير ونبقى مستنيين الصبح يطلع بفارغ الصبر عشان نقوم نلبس اللبس الجديد و ناخد العيديه من قرايبنا وكل متاخد العيديه من حد تقعد كل شويه تطلع العيديه وتشوف المبلغ كله وصل كام


طب حد فاكر بستك بستك بستك نو شوكلاته جيرسى هناكلوا الجو ولا حد فاكر اللبان السحرى دوق دوق دوق الضنضورمه ا لا لا لا له طب حد فاكر بسكوت بمبو المدور الى عليه شكولاته ولا البوذو الى كان ببريزه وكنا بنشتريه عشان نكسب جواه بلونه ولا دراكولا وهيلا هوب ولا حد فاكر بسكوت الشمعدان و المسابقات بتاعته لما كنا نجيب الالبوم ونقعد نشترى ونجمع ونلزق ونبقى مهتميين بالموضوع اااخر حاجه وواثقين اننا هنكسب


طب حد فاكر الكازوز بتاع الحاجه الساقعه والمسابقات بتاعت العجله ومكنش حد بيلاقى الجدون و كان فى تكسب واحده حاجه ساقعه تانيه وكنا مقضينها كازوز وواثقين اننا لازم نكسب وكنا نخليهم فى البيت يجيبوا الجبنه النستو الى بتكسب مش فارقه سينا من سونيا المهم الى عامله مسابقه وجواها استيكرات وكانت الاكتر بتبقى طعمه


طب حد فاكر لما كنا نروح المدرسه و نفتح كيسة السندوتشات نتكدر اووووى لو لقينا ساندوتشات جبنه نستو ولا جبنه بيضه ونفرح اووى لو لقينا معانا سندوتشات لانشون


طب حد فاكر اول يوم لما نرجع من المدرسه وننزل نجيب الكراريس و الجلاد مش البلاستك الى بيدخل بسهوله لا لا لا الفرخ الكبير الى بيتقطع و يتلزق بسلوتب وبعد ما نخلص نقعد نعمل الواجب فى كراريس الواجب عشان فى كراريس تانيه بتاعت الحصه و ماده العربى كان بيبقى ليها بتاع عشرتاشر كشكول مش عارف واحد للتعبير وواحد للاملاء و واحد للقراءه

طب حد فاكر اخر يوم فى الامتحانات كنا بنرجع البيت عاملين ازاى و يدوب نحط المقلمه و نسرح فى الشوارع نديها كوره وبلى و استغمايه وسبع طوبات وطير وعنكب شد واركب و ميلموناش من الشارع الا بليل

طب حد فاكر الناس الرخمه الى كنا كل ما نلعب كوره يطلع يقولك لو جت هنا هقطعلكوا الكوره ديه ولا اللعب عند بيتك يا بنى منك له بدل ما ارش ميه

طب حد فاكر لما كان حد يجى يصحيك للمدرسه الصبح كنا بنبقى متكدرين اد ايه ونفسنا ننام اوى خصوصا فى الشتا وبعد ما نصحى نبقى نفسنا فعشر دقايق نوم كمان قال يعنى دول الى هيظبوظلنا بقيت اليوم


طب حد فاكر طبور المدرسه لما محدش فينا بيبقى واقف مركز ولا فاهم حاجه اساسا بس واقفين غصم واقتدار وخلاص و ساعة تحيه العلم لازم حد يستظرف فى النشيد ويقعد يقول زبادى زبادى او حماتى حماتى بدل بلادى بلادى


طب حد فاكر برامج تاكسى السهرة و بانوراما فرنسيه ومسلسل هرقليز وزينا الى كانوا بيجوا عالقناه التانيه الساعه9 و كنا بنعشقهم بالرغم من الهجايس الجامده الى فيهم وكنا منفوتش ولا حلقه


طب حد فاكر لما كنت تخلص السنه وتدى الكتب بتاعتك وسلاح التلميذ لابن الجران او حد من قرايبك الى اصغر منك بسنه

طب حد فاكر المسطره المشرشره الى فيها سمك وميه و الاستكيرات الى كنا بنلزقها عالكشاكيل و القلم الرصاص الى بيتبرى لما يدوخنا وكنا بنزقطط اد ايه لما يتعملنا نجمه فى الكراسه ونمشى نتعايق بيها فى الفصل وسط العيال ولما يجى يعاقبونا يقولك اعمل الواجب الى مكنش حد فينا بيحبه اساسا 5 مرات و 7 مرات

ذكرياااااات حلووووة قووووي

مش بقينا نشوفها الايام دي

بجد كانت احلى ايااااام

بجد كانت الحياة هادية وحلوة وبسيطة

قبل ما الناس تتشغل كده بالمال وبتجميعه

انا عن نفسي عايز اكون بسيط في حياتي

وعااااايز اعيش مع اولادي الحياة البسيطة دي

واكون معاهم في ذكرياااتهم

بـــــــس


بصوا بقى يا جماعه عاوزكم تجاوبوا ع الأسئله دى

اييه اللى انتو فكرينه من الحاجات دى ؟؟؟؟؟

اييييه الحاجه اللى نفسكو ترجعوا تعملوها تانى؟؟؟؟؟؟؟؟

ايييه اللى ممكن نستفيده من الذكريات دى؟؟؟؟









-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]



يا ليتنا مثل الأسماء لا تغيرنا الحياة

اتمنى التوفيق لكل الأعضاء فى المنتدى
الرجوع الى أعلى الصفحة اذهب الى الأسفل
SEHAM MOHAMED
.
.


انثى
عدد المساهمات : 161
العمر : 28
بلدك : مصر
التخصص : طالب في قسم العمارة
المستوى التعليمي : دفعة 2010
جنيه مصري : 3223

مُساهمةموضوع: رد: شريط ذكريات   03/09/09, 03:15 am

ييييييييييييييييييييييييياه فكرتنا بايام زمان
بس والله انا فاكرة دا كله وخصوصا مسابقات اللبان والالبومات
بجد نفسى ارجع لاوقات اللعب مع الجيران والاصحاب
واكتر حاجة نفسى ارجعلها (السعادة باى حاجة وكل حاجة واكترها مثلا الفرحة بالعيد وبرمضان )واتحدى اى واحد يقول انه بيفرح بيهم دلوقتى زى زمان
عن نفسى دلوقتى فى العيد يدوب اسمع الاذان واعيد على ماما وبابا واخواتى واخد العدية وطبعا مش زى فرحة زمان وبعد كدة ارجع انام تانى لحد الظهر
استفيد من الذكريات دى ان الواحد كل ما يكبر مسئولياته بتكتر ومش اى حاجة تخلية سعيد
وان المفروض دلوقتى افرح واستفيد من مرحلة الشباب لان اكيد المرحلة الجاية مش هكون سعيدة زى دلوقتى
وعلى العموم ربنا يكرمك يا بشمهندس انك رجعتنا لحظات لايام زمان...........
الرجوع الى أعلى الصفحة اذهب الى الأسفل
eng_nada1990
مشرفة قسم كلام نواعم
مشرفة قسم كلام نواعم


انثى
عدد المساهمات : 2306
العمر : 26
بلدك : اسيوط
التخصص : طالب في قسم الهندسة الميكانيكية
المستوى التعليمي : دفعة 2011
جنيه مصري : 13373

مُساهمةموضوع: رد: شريط ذكريات   03/09/09, 03:37 am

بجد يابشمهندس موضوع راااااااااااااااااااااااااااااااائع جدا
بجد فكرتنا بالايام الحلوه دي واللي خالص مابقاش في زيها بقت الحياه معقده ومكلكعه
دا حتي الاطفال دلوقتي بقي بيجلهم اكتئاب علي طول زهقانين بجد كانت ايام جميله اوي اما بالنسبه للاسئله
بصوا بقى يا جماعه عاوزكم تجاوبوا ع الأسئله دى

اييه اللى انتو فكرينه من الحاجات دى ؟؟؟؟؟
كل الحاجات دي كلها علي بعضها كنت فاكرها وفي حاجات حضرتك فكرتنا بيها
اييييه الحاجه اللى نفسكو ترجعوا تعملوها تانى؟؟؟؟؟؟؟؟
بصراحه مش عارفه نفسي ارجع لاايه ولا ايه لكن بجد نفسي ارجع لكل حاجه
ايييه اللى ممكن نستفيده من الذكريات دى؟؟؟؟
البساطه بجد كل ماكان الانسان بسيط كل ماكان سعيد اكتر
انا بحب البساطه في كل حاجه

شكرا يبشمهندس للموضوع

-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
r.sh.a
.
.


انثى
عدد المساهمات : 1443
العمر : 28
بلدك : مصر حبيبتي
التخصص : مهندس معماري
المستوى التعليمي : دفعة 2009
جنيه مصري : 7093

مُساهمةموضوع: رد: شريط ذكريات   03/09/09, 12:50 pm

يااااااااااااااااااااه
والله من اول الموضوع وانا عماله اضحك كل ما افتكر
حاجة من الحاجات دي كانت مهمه وطقوس
ودايما اقول ان احنا عشنا ايام جميله ومهما عملنا وحاولنا نرجع للاماكن اللي بنحبها
الاحساس القديم مبيرجعش
بس احلى حاجة لما نقعد مع بعض دلوقتي وكل حد فينا يفتكر حاجة التاني مش فاكرها
وهاتك ياتريقه للصبح
المهم هجاوب على الاسئلة عشان انا كدة طولت

اييه اللى انتو فكرينه من الحاجات دى ؟؟؟؟؟
كلها طبعا بس في حاجات قبل ما احنا نتولد يعني اساسا معدتش عليا

اييييه الحاجه اللى نفسكو ترجعوا تعملوها تانى؟؟؟؟؟؟؟؟
هي حاجة كنا بنعملها ...كانت خاصة بينا ...بس لازم نبقى في البيت الكبير اللي هدوه عشان يبنوه من اول وجديد ...مكنتش عايزة كدة خالص
كنا نعمل كل بلوة وبلوة ونطلع منها بمعجزة

ايييه اللى ممكن نستفيده من الذكريات دى؟؟؟؟
لما بشوف العيال الصغيرة مبحسش انهم عايشين طفولة دول عايشين في شيخوخة مبكرة
نفسي ان شاء الله اعيش عيالي احلى واجمل والذ طفولة عشان هي اهم مرحلة ومنها بتتبني شخصية
البني ادم وتفكيره وعقده الملكلة جواه

شكرا خالص خالص خالص على التوبيك التحفة ده
رجعتنا لكااااااااااااام سنة ورا
الرجوع الى أعلى الصفحة اذهب الى الأسفل
Gx-Joker
نائب مدير المنتدى
نائب مدير المنتدى


ذكر
عدد المساهمات : 2907
العمر : 30
بلدك : مصر
التخصص : مهندس معماري
المستوى التعليمي : دفعة 2009
. :
جنيه مصري : 7298

مُساهمةموضوع: رد: شريط ذكريات   06/09/09, 01:10 pm

ميرسى يا سيهام على مرورك

نورتى التوبيك يا بشمهندسه

وربنا يكرك انتى كمان

وياريت نقدر نعيش ببساطه زمان دو تقيد

-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]



يا ليتنا مثل الأسماء لا تغيرنا الحياة

اتمنى التوفيق لكل الأعضاء فى المنتدى
الرجوع الى أعلى الصفحة اذهب الى الأسفل
Gx-Joker
نائب مدير المنتدى
نائب مدير المنتدى


ذكر
عدد المساهمات : 2907
العمر : 30
بلدك : مصر
التخصص : مهندس معماري
المستوى التعليمي : دفعة 2009
. :
جنيه مصري : 7298

مُساهمةموضوع: رد: شريط ذكريات   06/09/09, 01:14 pm

ميرسى يا ندى على مرورك

فعلا الأطفال بيجيلهم اكتئاب من الملل اللى نتج من التطور التنطور التكنولوجى الأيام دى الأيام دى

نورتى التوبيك يا بشمهندسه

ربنا يوفقك

-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]



يا ليتنا مثل الأسماء لا تغيرنا الحياة

اتمنى التوفيق لكل الأعضاء فى المنتدى
الرجوع الى أعلى الصفحة اذهب الى الأسفل
الاء ابو الفتوح محمد
مشرفة منتدي التخصصات
مشرفة منتدي التخصصات


انثى
عدد المساهمات : 1025
العمر : 26
بلدك : سوهاج
التخصص : مهندس معماري
المستوى التعليمي : دفعة 2011
جنيه مصري : 6749

مُساهمةموضوع: رد: شريط ذكريات   06/09/09, 01:25 pm

يااااااااااااااااااااااااااااه
قول للزمان ارجع يازمان
كل الحاجات دي انا فكراها كويس زي ماتكون امبارح بس في شويه حاجات وقعت مني
والله حال الدنيا بقي يحزن ياعيني الاطفال مابقوش اطفال متهيالي بيتولدو عندهم 25 سنه
الناس كانت راضيه بقليلها انما دلوقتي كلوا بقي بيجري وري الفلوس كلوا بقي مادي
مافيش كلام تاني يتقال
ربنا يصلح الاحوال
lol!
الرجوع الى أعلى الصفحة اذهب الى الأسفل
Gx-Joker
نائب مدير المنتدى
نائب مدير المنتدى


ذكر
عدد المساهمات : 2907
العمر : 30
بلدك : مصر
التخصص : مهندس معماري
المستوى التعليمي : دفعة 2009
. :
جنيه مصري : 7298

مُساهمةموضوع: رد: شريط ذكريات   06/09/09, 01:27 pm

كلامك مقنع جدا يا ريهام

وربنا يكرمك وتعيشى اولادك طفوله جميله

نورتى التوبيك يا بشمهندسه

-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]



يا ليتنا مثل الأسماء لا تغيرنا الحياة

اتمنى التوفيق لكل الأعضاء فى المنتدى
الرجوع الى أعلى الصفحة اذهب الى الأسفل
Gx-Joker
نائب مدير المنتدى
نائب مدير المنتدى


ذكر
عدد المساهمات : 2907
العمر : 30
بلدك : مصر
التخصص : مهندس معماري
المستوى التعليمي : دفعة 2009
. :
جنيه مصري : 7298

مُساهمةموضوع: رد: شريط ذكريات   06/09/09, 01:44 pm

ان شاء الله يا الاء ربنا يصلح الأحوال

ونعيش ايام سعيده تانى زى ايام الطفوله

نورتى التوبيك يا بشمهندسه

-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]



يا ليتنا مثل الأسماء لا تغيرنا الحياة

اتمنى التوفيق لكل الأعضاء فى المنتدى
الرجوع الى أعلى الصفحة اذهب الى الأسفل
 
شريط ذكريات
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتديات الجـــــــــــــــادة :: قسم المواضيع الجاده والعامة-
انتقل الى: