شاطر
استعرض الموضوع السابقاذهب الى الأسفلاستعرض الموضوع التالي
samoura
.
.
انثى
عدد المساهمات : 217
العمر : 28
بلدك : egypt
التخصص : طالب في قسم العمارة
المستوى التعليمي : دفعة 2010
جنيه مصري : 3539

الحلقه الاولى من اليوميات وصلت يا شبااااااااااااااااب و ياريت كل حد يقللى رايه و على الاساس دا هانشوف هنكمل ولا لا

في 23/10/08, 11:41 am
الحلقه الاولى

طبعا احنا موش هاندخل ف التقيل اننا ف قسم عماره و حياتنا و اللى جرالنا فيه قبل ما نجيب كدا شريط حياتنا و الذكريات المؤلمه من ايام ما دخلنا كليه هندسه و كمان موش عاوزه افكركو بالمواد اللى اعتقد ان اغلب الناس اللى ف عماره موش كانت بتحبها و هى مواد كليه الهموم من رياضه و فيزيا الخ

طبعا الواحد مننا كان داخل كليه الهندسه و مليان امل و فشخره كمان و حصلت المعجزه و دخل ف اول السنه كده كام محاضره على كام سكشن و اكتشف الحقيقه المره ان هندسه موش بطلع وزرا ولا حاجه زى ما فهمونا اول ما دخلنا الكليه

و دا اول مقلب يا معلم اتعمل فينا وحنا موش عارفين يا رجاله لا و كمان ساكتين

المهم خلصت اعدادى و ببلاويها و سلاطاتها و باباغنوجها و جات ساعه الصفر بالنسبه للاقسام

طبعا فى مننا اللى كان ناوى على روحه من زماااااااااااااااااان و ناوى على عماره و فى اللى كان عماره دا موش ف باله اصلا و انا منهم على فكره و ياريتنى ما كنت اتخبط ف نافوخى و دخلته

المهم جينا اول يوم ف الدراسه و حصل اللى مكانش على البال ابداااااااااااااااااااااااااااااااااا





استنونا ف الحلقه الجايه
مكسل اكتب اسم
.
.
ذكر
عدد المساهمات : 1910
العمر : 32
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 4131
http://www.flickr.com/photos/aboel7assan

رد: الحلقه الاولى من اليوميات وصلت يا شبااااااااااااااااب و ياريت كل حد يقللى رايه و على الاساس دا هانشوف هنكمل ولا لا

في 23/10/08, 11:48 am
اممم

الذكريات المؤلمة
ايام الشقاء والبؤس
بس ح نعمل ايه
المكتوب على الجبين لازم تشوفه العين
كملى يا samoura
بس فى طلب رفيع
خطك فى الكتابة جميل بس يا ريت تكبرى الخط شوية وتغيرى اللون ده
انا عنيه تعبت
تحياتى



[ندعوك للتسجيل في المنتدى أو التعريف بنفسك لمعاينة هذه الصورة]
samoura
.
.
انثى
عدد المساهمات : 217
العمر : 28
بلدك : egypt
التخصص : طالب في قسم العمارة
المستوى التعليمي : دفعة 2010
جنيه مصري : 3539

رد: الحلقه الاولى من اليوميات وصلت يا شبااااااااااااااااب و ياريت كل حد يقللى رايه و على الاساس دا هانشوف هنكمل ولا لا

في 24/10/08, 10:48 pm
بجد ميرسي جدا على الرد الجميل دا
مكسل اكتب اسم
.
.
ذكر
عدد المساهمات : 1910
العمر : 32
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 4131
http://www.flickr.com/photos/aboel7assan

اول يوم فى الكلية؟؟؟

في 25/10/08, 01:26 pm
أول يوم إعداداي هندسه يعني صدمه من أكبر صدمات حياتي
أنا كنت في ثانوي مقضيها مذاكره و تمويس و مفيش خروج و مفيش لعب و مفيش بنات و قلت لنفسي هما سنتين و بعدين نخش الجامعه و نزيط و رحت أول يوم الكليه و أنا لابس الحته اللي على الحبل و بدور على مدرج أعدادي و اتفاجيئت يومها بالمنظر اللي مش هنساه أبدا
المدرج بتاع اعدادى بيبفضل مقفول لحد ما ييجي العامل يفتحه أول ما الدكتور يوصل أو قبلها بشويه
انا بقى لقيت ايه لقيت حبه بنات كتار أعوذ بالله من البوز و التكشير بتاعهم واقفين قدام الباب و لازقين فيه و ملموموين عليه كأنهم في خناقه و طبعا لأنهم بنات فطبعا عيب ان حد من الولاد يروح يقف في وسطهم و أول لما الباب اتفتح لقيتهم هجمو عليه و كلو طالع يجري يلحق مكان قدام و قعدو في أول صف و طلعو الكشاكيل و الأقلام و استعدو للمعركه قصدي أول محاضره في اعدادي هندسه اللي كانت محاضره رياضة وساعتها الدكتور مجاش ودخلنا بعدها بساعتين سكشن رسم هندسي وطبعا الراجل "رحب بينا ع الاخر" و باركلنا على هندسه و بعدين راح قالنا على الادوات اللي لازم نشتريها عشان الرسم و هي المسطره التي

وظيفتها رسم خطوط موازيه لبعضها و المثلثات و البرجل و الاقلام الخمسه و السبعه و الاستيكه اللي لازم تكون من نوع نضيف عشان متبهدلش الرسمه و الفوطه الصفره اللي بننضف بيها اللوحه

يومها ضاعت كل تخيلاتي عن الجامعه و المزز و ما شابه ذلك من الكائنات الحيه اللي عرفت بعد كده انها تعيش و تتعايش و تتواجد في مكان خيالي اسمه كليه تجاره أو صيدلة
avatar
AhMaD JaMaL
مدير المنتدى
مدير المنتدى
ذكر
عدد المساهمات : 3816
العمر : 30
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14495
http://3marh.mam9.com

رد: الحلقه الاولى من اليوميات وصلت يا شبااااااااااااااااب و ياريت كل حد يقللى رايه و على الاساس دا هانشوف هنكمل ولا لا

في 26/10/08, 11:57 am
انتي مشكلة يا سمر

كملي باقي يومياتك واحنا في انتظارك

-------------------------------------------
<br>
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى