شاطر
استعرض الموضوع السابقاذهب الى الأسفلاستعرض الموضوع التالي
avatar
Gx-Joker
نائب مدير المنتدى
نائب مدير المنتدى
ذكر
عدد المساهمات : 2907
العمر : 31
بلدك : مصر
التخصص : مهندس معماري
المستوى التعليمي : دفعة 2009
. :
جنيه مصري : 7527

سلة الفحم!!!!!

في 11/09/10, 05:51 am
[ندعوك للتسجيل في المنتدى أو التعريف بنفسك لمعاينة هذه الصورة]





كان في رجل عجوز عايش مع حفيده في مزرعه ناحيه جبل كده



وكان الجد ده كل يوم يصحي الصبح بدري ويقعد علي ترابيزه في المطبخ يقرأ قرآن



وكان حفيده بيتمني يبقي زيه في كل حاجة .. عشان كده كان بيقلده في كل حاجة بيعملها.









وفي يوم من الايام الولد سأل جده قاله : يا جدي انا باحاول اقرأ قرآن زيك بس كل ما بحاول اقرأه في كلام كتير مش بفهمه



ولو فهمت منه حاجة بنساها بمجرد ما بقفل المصحف



ايه الفايده بقي من قرايه القرآن ؟!



ساعتها الجد كان بيحط فحم في الدفايه فبص لحفيده كده في هدوء وقاله : خد سله الفحم الفاضيه دي واملاها مايه من النهر وتعالي.



فعمل الولد زي ما طلب منه جده بس فوجئ ان المايه بتتسرب من السله قبل ما يوصل للبيت.



فابتسم الجد وقاله : المره الجايه خليك اسرع شوية وتعالي البيت قبل ما المايه تتسرب من السله.



حاول الولد مره تانيه انه يجري علي البيت بسرعه بس برضه المايه اتسربت من السله.



الولد اتضايق وقال لجده : مستحيل اجيبلك سله فيها مايه .. انا هاروح اجيب جردل احسن املالك فيه المايه.



رد جده وقاله : بس انا ماطلبتش منك جردل انا طلبت سله فيها مايه .. الظاهر انك مابذلتش جهد كفايه.









وخرج الجد مع الولد عشان يشرف بنفسه علي عمليه ملئ السله بالمايه،



الولد كان مقتنع تماما انها مهمه مستحيله .. بس كان عايز جده يشوف بنفسه.



وملئ السله مايه وجري بيها ناحيه البيت باقصي سرعه



وقال لجده : شوفت ؟! مافيش فايده.



رد عليه جده وقاله : انت شايف ان مافيش فايده من اللي عملته ؟!



تعالي بص كده في السله.









بص الولد في السله ولاحظ لاول مرة انها مختلفه تماما



السله بعد ما كانت مش نضيفه بسبب الفحم اللي كان فيها فجأه بقت نضيفه تماما من جوه ومن بره



قال الجد لحفيده : هو ده بالظبط اللي بيحصل لما تقرأ القرآن ..



ممكن ماتفهمش كلام منه وممكن تنسي اللي فهمته او حفظته من القرآن



لكنك لما بتقرأه بتتغير للافضل من جوه ومن بره.







[ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]







اللهم اجعل القرآن العظيم ربيع قلوبنا ونور صدورنا وجلاء همومنا وذهاب أحزاننا يارب العالمين


مما راق لى

-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]



يا ليتنا مثل الأسماء لا تغيرنا الحياة

اتمنى التوفيق لكل الأعضاء فى المنتدى
استعرض الموضوع السابقالرجوع الى أعلى الصفحةاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى