بست بست.... ارفع بنطلونك شوية

4 مشترك

Department of Architecture Forum - Assiut University :: المنتديات الجـــــــــــــــادة :: قسم المواضيع الجاده والعامة

ايه رأيك فى موضة البنطلونات الساقطة؟

مسخرة طبعا: 12
100%
ممكن تمشي: 0
0%
مفيش احلى من كده ولازم نساير الجو: 0
0%
مجموع عدد الأصوات:: 12

بست بست.... ارفع بنطلونك شوية30/10/08, 01:52 pm

[ندعوك للتسجيل في المنتدى أو التعريف بنفسك لمعاينة هذه الصورة]
[ندعوك للتسجيل في المنتدى أو التعريف بنفسك لمعاينة هذه الصورة]

هو موضة انك تلبس بنطلون وسطه ساقط علشان عايز ايه يبان ؟؟؟
**************************************************

بشوف شباب كتير لابسين بناطيل مهرهرة خالص وشوية وهتقع من على وسطه
وكل شوية يرفعها علشان يدارى لا مؤاخذه
ويفضل يشد فى البادى القصير برضوا يعنى بيشد من فوق ومن تحت علشان يدارى نفسه
طب وعليك بايه ياعم الهم ده كله

!!!!!!دى موضه دى

شووووووف الصورة عشان تفهم اكتر
[ندعوك للتسجيل في المنتدى أو التعريف بنفسك لمعاينة هذه الصورة]
ش عارف انا ليه حاسس انها موضة ناس مش تمام يعنى موضة منحرفة خلقياً

وأنت راجل وشاب محترم ملكش في الكلام ده ومش بتاع كده صح ؟

البس بنطلون محترم وشكله حلو والبس بادى طويل وشكله حلو برضوا
صدقنى مش حتستفيد حاجة ان اى حد يشوف جسمك ولا حد عاوز يشوفك اصلاااااااا

حتستفيد ايه لما تدخل تصلى لله عزوجل وتفضل طول الصلاة عمال تشد حبه فوق وحبه تحت وبدل ما تحط ايدك اليمنى فوق اليسرى على صدرك
تحط اليمنى واليسرى على البنطلون لا يقع ولا حاجة وتفضل مكسوف ان جسمك باين وتشك فى صلاتك صحيحة ولا غير صحيحة

طب وعليك بايه ياعم الهم ده كله
انا فاكر ان أول بنطلون شوفته فى حياتى كان مرفوع اوي بس حبه بحبه البناطيل بدأت تنزل لتحت

واحد صاحبى سأل أخوه (ثانوية عامة) هو بيشترى ملابس داخلية ملونة ليه قالوا علشان أجيب بنطلون من اياهم وابقى ع الموضة ......
ده بجد فعلااااااااا

طبعا انا بلبس على الموضه وكل الشباب والبنات كده
بس انا اعتقد ان الموضه دي بالذات مش بتاعتنا احنا في مصر او العرب عموما يعني
نلبش الحاجة المحترمة برده وتكون موضة وحلوة مقلناش حاجة

وسمعت مقوله جامده فعلا

بيقولك

ان كل حاجة الايام دي بتقصر وبتطلع لفوق مش عارفني رايحة على فين

البنات بتلبس لبس قصير وكل سنة بيقصر يجي 5 سم كده عن السنة اللي قبلها
والبديهات بتاعت البنات برده بتتطلع لفوق حبه بحبه

وكذلك الشباب بناطيلهم بتقع منهم الايام دي والتشيرتات بتطلع فوق وعليها ترتر وبربرق وخرز وحاجااااات عجيبة
والوانها شنيعة ايشي بمبى مسخسخ واشي برتقاني على اصفر على بنفسجي وروز وحاجات تحفة الصراحه

عموما انا بس حبيت اوضح الحكاية دي ومحدش يزعل مني وياريت يكون موضوع للمناقشة

تحياتى
[ندعوك للتسجيل في المنتدى أو التعريف بنفسك لمعاينة هذه الصورة]

عدل سابقا من قبل ABOEL7ASSAN في 08/11/08, 10:20 pm عدل 2 مرات

رد: بست بست.... ارفع بنطلونك شوية03/11/08, 06:41 pm

مش كل موضه تظهر نمشي وراها وخلاص عششان بس هي موضه لأن في حاجات ماتمشيش مع دينا ولا أخلاقنا ولا تقاليدنا .....وفي حاجات كتير طلعت وبتطلع ماتنفعش لينا أحنا كامسلمين ولا تنفع تقف بيها قدام ربنا ....
في بنات وولاد بيفكرو قبل مايلبسو الحاجات الهبلة دي وفي بنات وولاد ماعندهمش مخ أصلا للتفكير وماشيين كده على الحاجات الهبلة دي ربنا يهديهم ....

شكرا ياأبو الحسن على الموضوع وربنا يكرمك...

رد: بست بست.... ارفع بنطلونك شوية06/11/08, 08:44 pm

ميرسى يا سارة على المرور والمشاركة

والله يا جماعه بقيت بكره انزل اشتري هدوم

خاااااااااصة التشيرتات والقمصان

بقعد الف المحلات كلها عشان الاقي حاجة مفيهاش ترتر ولاخرز ملون ولا حاجة بتلمع او مقطعة

فعلا اللبس المحترم قل اوي وكل سنة بيقل اكتر

سواء ولاد او بنات

رد: بست بست.... ارفع بنطلونك شوية08/11/08, 04:27 pm

انا كنت بعمل بحث علشان اجيب صور للبنطلونات دى بس فوجئت بحاجة ان فى بلد فى احدى ولايات لويزيانا الامريكية
ايوة الامريكية
منعت البناطيل دى بقانون مش شفوى كمان
وادى نص الخبر
[b]وبدأت محاولات منع هذه البناطيل من الشوارع تجتاح عدداً من المدن، إلى حد أن إحدى البلدات في ولاية لويزيانا
قررت حبس من يرتدي "البنطلون الساحل"، الذي يظهر الملابس الداخلية التحتية، مدة ستة شهور وغرامة قدرها 500

دولار، وفقاً للأسوشيتد برس

وهناك محاولات لفرض مثل هذه العقوبات في مدن أخرى، ففي ترينتون بنيوجيرسي، فالقبض على من يرتدي
هذا النوع من الأزياء يعني دفع غرامة كبيرة إلى جانب القيام بأعمال لخدمة المجتمع، كمساعدة عمال الخدمات
ونقل القمامة

وقالت عضو المجلس البلدي في ترينتون، آنيت لارتيغ، متسائلة : "هل هم موظفون؟ هل يحملون شهادة الدبلوما؟
إن القرار طريقة رائعة لإعادة توجيههم إلى الطريق الصحيح.. والرسالة واضحة : نحن لا نريد رؤية خلفياتكم!"

يشار أن الاعتقاد السائد هو أن هذه الموضة بدأت في السجون، حيث لا يُسمح بإعطاء السجناء حزاماً مع البنطلون
الواسع والفضفاض لمنع السجناء من الانتحار أو ضرب زملائهم.
انتهى الخبر
واحنا فى بلاد عربية اسلامية محدش حاول يفتح فمه بكلمة عن هذه البناطيل القذرة
يعنى لو مكنش من ناحية الدين
يبقى على الاقل من ناحية الرجولة والاخلاق والحياء
وبعدين يقولوا النقاب مش من الدين ....... هههههههههههههههههههه
يعنى تستروا نفسكم مش هنسبكوا وهنفضل نهاجمكم ونتكلم عنكوا
اما لو تتعروا وتبينوا ملابسكم الداخلية وأشياء اخرى نسبكوا فى حالكوا ونغض الطرف عنكم
حكم

[ندعوك للتسجيل في المنتدى أو التعريف بنفسك لمعاينة هذه الصورة]</A>

[ندعوك للتسجيل في المنتدى أو التعريف بنفسك لمعاينة هذه الصورة]</A>

[/b]

رد: بست بست.... ارفع بنطلونك شوية08/11/08, 04:34 pm

[ندعوك للتسجيل في المنتدى أو التعريف بنفسك لمعاينة هذه الصورة]

رد: بست بست.... ارفع بنطلونك شوية08/11/08, 04:34 pm

[ندعوك للتسجيل في المنتدى أو التعريف بنفسك لمعاينة هذه الصورة]

رد: بست بست.... ارفع بنطلونك شوية12/11/08, 05:51 pm

عارف يا أبو الحسن أنا لما بأشوف حد من الشباب لابس البنطلونات دى بأبقى ماسك نفسى بالغافية أنى أروح و أشدله البنطلون

عايز أقولك كمان أنى من فترة كبيرة كان معايا مجلة فيها صور حفلة على شاطئ خاص فى مارينا و للأسف كان فيه صورة لبنتين مصريتين لابسين بنطلونات من النوع الساقط بس ضيق أكتر من بنطلونات الأولاد و طبعاً كان لنفس الغرض و هو إظهار الملابس الداخلية

المشكلة فينا أحنا العرب أن أحنا بنقلد أى حاجة بنشوفها بدون معرفة أصلها و فصلها

عايز أقولك أنزل لمحلات الملابس دلوقتى و حاول تدور على بنطلون جينز سادة بدون أى شغل فيه مش هتلاقى لأنك هتلاقى كل اللى فى السوق عليه كلام و رسومات غريبة مش مهم الكلام ده معتاه أيه المهم شكل البنطلون أيه

أستر علينا يا رب