رأيك في المنتدى

[center]السلام عليكم ورحمة اللله وبركاته

ازيكم يا اعضاء ويا مشرفين ويا زائرين ويا مش مهتمين بالمنتدى
عندي ليكم 4 اسئله وياريت تكون اجابات صريحة عشان دا اكيد هيكون في مصلحة المنتدى

1-رايك في المنتدى بشكل عام وبصراخه ؟

2-ايه الايجابيات اللي شيفها في المنتدى وبتحس انك بتستفيد ولا لا منه برده بصراحة؟

3-ايه السلبيات اللي شيفها في المنتدى وشايف ازاي ممكن نعالج السلبيات وبرده بصراحه؟

4- رايك في المشرفين والسؤال دا يجاوب عليه الكل طبعا ماعدا المشرفين؟




]color=blue]المنتدى هنا عشان نقول كل اللي نفسنا فيه وكل رأي اكيد هيكون مقبول[/color]

امممممممممممم ياريتيني كنت عضو ورديت على الاسئلة دي
الفكرة حلوة والتفاعل معاها ها يدي المنتدي تطور اكبر بعد مالواحد يعرف ايه المميزات عشان يحافظ عليها ويحسنها
وايه العيوب ويقدر يتلافاها
3

اي حد ممكن يرد يا احمد بس السؤال الرابع متردش عليه ولا المشرفين

1-رايك في المنتدى بشكل عام وبصراحه ؟
n]]المنتدى جميل جدا ومفيد وفيه موضوعات حلوة مفيدة من الاخر المادة جميلة جدا بس يمكن الديزاين بتاع المنتدى مش مخليه بالمستوى اللي احنا عاوزينه انا رأيي نغير بانر المنتدى والديزاين يكون احسن ، وكمان ناقص شوية اقسام كده يعني ممكن منتدى نواعم ده يتقسم تاني من جوه قسم للصحةوالجمال واخر تحضير الاكلات واخر تحضير المشروبات وممكن كمان المعجنات والمخبوزات ، الحاجة التانية نعمل منتدى جديد اسمه ازياء واكسسوارات بينقسم من الداخل لأزياء حريمي واخر رجالي ، وممكن كمان يبقى فيه منتدى الافلام الوثائقية ومن جوه الافلام الوثائقية المعمارية واخر العامة ، وممكن كمان نعمل منتدى لتحميل الافلام مثلا او المسلسلات او افلام الكارتون ،وممكن نعمل قسم الهندسة اللي بينقسم من جوه لبقية اقسام الكلية ولكل قسم مواضيعه الخاصة بيه بحيث اننا ممكن نستفيد من مدني مثلا وكده يعني وهما كمان يستفيدوا مننا .
مش عارفة الحاجات دي ممكن تتعمل وتشد الناس ولا لأ ، نسيت اقول ان احنا مانخليش الزوار يقدروا يشوفوا الروابط اللي في المواضيع او يحملوا حاجة في حالة منتدى لتحميل الافلام والمسلسلات الا مايسجلوا في المنتدى ودي حاجة ممكن تزود عدد الاعضاء .
2-ايه الايجابيات اللي شيفها في المنتدى وبتحس انك بتستفيد ولا لا منه برده بصراحة؟
الاقسام المعمارية جميلة جدا وفيها مادة برضو مفيدة ويعني مواضيع ثرية بالنسبة لباقي اقسام المنتدى .
3-ايه السلبيات اللي شيفها في المنتدى وشايف ازاي ممكن نعالج السلبيات وبرده بصراحه؟
]b]من وجهة نظري ان المنتدى مليان بالاقسام المعمارية ، انتو اكيد بتقولو ده الطبيعي عشان المنتدى معماري ، اوك ما اختلفتش معاكو بس برضو لازم يكون فيه حساب للعضو اللي مش معماري .[/b]
4- رايك في المشرفين والسؤال دا يجاوب عليه الكل طبعا ماعدا المشرفين؟
لا طبعا المشرفين بحس انهم بيبذلو مجهود عشان يحافظو على وجود المنتدى ومهتمين بيه فعلا ، لكن بعض المشرفين مش بنشوفهم خااااالص وده مش مفضل يعني ، المفروض ان المشرف يبقى متواجد باكبر قدر ممكن .
سواء كان دخولهم دائم او متقطع انا شايفة انهم مش ناسيين المسئولية وبيحاولو يحافظو على المنتدى ، ربنا معاهم هيا مسئولية فعلا .

ارجو ان تتقبلوا اجاباتي بصدر رحب وعذرا للاطالة الجامدة دي[/b]

شكرا على الردود
ويلا يا منتدى بلاش تنفيض يا اعضاء




:35fi_av_smiles

بالنسبة لديزاين المنتدي
هو في الفترة دي وعشان رمضان شغالين على الديزاين دا
لكن اوعدكم ان بعد العيد هتشوفوا حاجة تانية خالص وانا بتعلم برنامج جديد اسمه افترافكت مخصوص عشان هخلي المنتدي واستايله حاجة تانية خالص
بالنسبة للاقسام احنا بنحاول على اد ما نقدر اننا نظم الموضوع بطريقة افضل وبنتفق مع المشرفين على افضل الاساليب اللي نقدر نوصل المعلومة بطريقة سلسلة وسهلة

شكرا ليكي يا سالي على رأيك وهو رأي محترم ويحترم
ولي عودة اخري

يلا يا اعضاء يا بشر احنا 1004 عضو فين باقي الردود

يلا يلا يلا يلا يلا
يلا يلا يلا يلا يلا





يلا يلا يلا يلا يلا
يلا يلا يلا يلا يلا

بسم الله الرحمن الرحيم

طبعا ليا الشرف اني اقول رأيي في المنتدي
من باب الاستمرار علي الايجابيات وتعديل بعض السلبيات الخفيفه
1-رايك في المنتدى بشكل عام وبصراخه ؟
-منتدي معماري جيد ملم بجوانب كثيرة من الحياة
-يناقش مشاكل وقضايا مهمه وغير مقتصر بالعمارة فقط
-اما عن الجانب المعماري فيحتاج الي رتم اسرع من كده في تحديث المعلومات
-المنتدي كمنتدي جيد ولكن يحتاج لربط اقوي بمواقع اخري ومنتديات اخري
يعني يبقي في منتديات صديقه عشان يبقي في فايده اكبر ويبقي ليه اعلانات في مواقع تانية

2-ايه الايجابيات اللي شيفها في المنتدى وبتحس انك بتستفيد ولا لا منه برده بصراحة؟
-علي الرغم من قلة عدد الاعضاء(الفعاله) ولكن ده بيخلي للمنتدي روح جميله كأنه بيتك التاني
اللي مالقتهاش في اي منتدي اخر
-المنتديات الجاده من الحاجات الجميله جدا في المنتدي
انا لوقعدت اقراها بعد سنين برده هاستفيد
متابعة اخبار القسم ده بستفيد منه خالص انا وبعيده عن القسم
وقسم البرامج والديكور
والمسابقات جميله جدا مفيده سواء الاسلاميه او الهندسيه
ياريت تستمر بعد رمضان يبقي في اسئله عالطول واجاباتها
وياسلام لو الدكاترة تشاركنا بمعلوماتها ده يبقي ربنا يبارك فيهم احنا طبعا دايما تعبينهم
وكتيييييييييير طبعا بس دول اهم حاجه

3-ايه السلبيات اللي شيفها في المنتدى وشايف ازاي ممكن نعالج السلبيات وبرده بصراحه؟
مش لدرجه سلبيات يعني
-اكتر حاجه بتدايقني قسم الالعاب مابحسش له لازمه اواي فايده
رأيي كده اكيد الناس اللي بيشاركوا فيه شايفين له فايده ممكن يقولولنا رأيهم يمكن اقتنع بيه
-كنت هاقول عمل اقسام للبرامج الهندسيه والحمد لله اتعملت من قبل مايتقال وده شئ كويس جدا
-منتدي التخصصات يطلع فوق والباقي كله ينزل تحت
-الاهتمام بقسم التفاصيل التنفيذيه اكتر من كده وتدعيمه بالفيديوهات والصور
- ياريت العضو لما ييجي يحط مواضيع مايحطش كذا موضوع في قسم واحد عشان نلحق نقرا ونستفيد مش بكتر المواضيع وحتي عشان يلحق يتابعها
-عمل اقسام تانيه لباقي اقسام هندسه زي ماقالت سالي لاني كذا مرة بقول لزمايلي يشاركوا مش بيستمروا لما مش بيلاقوا اللي يخصهم
واهو علي الاقل يبقي في علاقه جيده مابين الاقسام وكل واحد يفهم التاني بيعمل ايه
اما عن الشكل فهو مش بيفرق معايا خلاص قد مايفرق المضمون
ولكن انا لو زائر جديد وشكل المنتدي ممل مش هادخله تاني مش مش هاسجل
انا عارفه ان الموضوع ده صعب انه عالطول يبقي في تغيير للشكل لكن ربنا يوفق الجميع


4- رايك في المشرفين والسؤال دا يجاوب عليه الكل طبعا ماعدا المشرفين؟
اممممممممم انا لحد هنا وهنجت
طب خلاص عشان خاطر المشرفين
طبعا المشرفين ماشاء الله عليهم هما اللي شغالين في المنتدي وكام عضو معاهم
بس ممكن اقول حاجه في حكاية الاشراف اقتراح كده مش عارفه ينفع ولا لأ
ياريت يبقي في تغيير في حكايه الاشراف يعني ممكن ابقي الشهر ده مشرف والشهر الجاي عضو عادي نظرا لتقصيري للمهام المطلوبه مني (اللي ياريت تكون واضحه للكل)
يعني ممكن يعمل تجديد لنشاط المشرفين والاعضاء
بسسسسسسسسس لحد هنا كفاية اوي لحسن نطرد من المنتدي
وطبعا شكرا جزيلا لل م/عمرو علي الموضوع الرائع ده

شكرا جدا يا بشمهندسة على الرد الجميل والراي المفيد وان شاء الله نحل كل المشاكل ونطور

السلام عليكم
يمكن لانى عضوة جديدة وممرش عليا اكتر من اسبوعين
صعب ادى نفسى الحق انى احكم على المنتدى من حيث أيجابياتة او سلبياتة او روؤساة
لان رأى مش هيكون على اساس اوى؟؟؟؟؟؟؟؟؟؟؟؟؟؟!!!!!!!!
بس حبا اقول انى فعلا استفت خلال الاسبوعين اللى فاتوا وتعلمت كتير من خلال المنتدى
يلاااااا الشدة ليكوا كلكم وانا ان شاء الله معاكم علشان نطور المنتدى
لان طبعا زى ما كلنا عرفين اصعب من النجاح استمرار النجاح
يلا اجمل واحلى سلام

ايه ياجماعة في باقي الردود الرد مش هياخد دقائق قليلة يلا عاوز اشوف نشاط

راي العضوه شيماء اسماعيل احمد


انا بجد سعيده ان البشمهندس سال السؤال ده وان شاء الله اكون صريحه معاكو ونستفاد من ردي ده من غير زعل مع اني الرد جه متاخر اوي
المنتدي بشكل عام رائع وممتاز وموضوعاته مفيده وشيقه مفهوش اي شي ممل ولكن...لما حد من الاعضاء بيدخل المنتدي بيكتب كل حاجه هو عيزها مره وحده يعني فلنفرض انا لقيت يوم الخميس فاضي وقلت والله فكره افتح المنتدي شويه اشوف ايه الموضوعات الجديده اول ما بفتح المنتدي وافتح قسم مثلا الصور افاجئ اني في شخص واحد عامل 5 او 6 موضوعات ورا بعض وكمان الوقت الزمني اللي كاتب فيه الموضوع في يوم واحد فبفضل اني اللي عايز يكتب موضوعاته يكتبها بس يسيب فاصل يوم او اتنين عشان القارئ يلحق يقرا اللي فاته من الموضوعات اما المشريفين فانا بحييهم علي مجهودهم العظيم ده وربنا يبارك فيهم ويحفظهم وعاوزه اقول اخر حاجه عاوزين اهتمام اكبر بقسم الكتب معلش طولت اوي ودا راي وانا اسفه اذا كنت مقصره والسلام عليكم

ههههههههههههه
عجبتنى اوى ازيكم يا اعضاء ويا زائرين ويا مش مهتمين بالمنتدى
بص انا مش هحدد انا مين فيهم ولو انها باينة اوى ههههههه بس عموما هرد واقول الحمد لله انا كويسة
بصراحة انا كنت عمالة ادور على موضوع زى ده والحمد لله انى لاقيته
1- المنتدى بقى فى تطورات كتير كويسة وبقى منظم اكتر و اضافت فيه اقسام جديدة ...... معرفش بالنسبالى جديدة ولا انا اللى قديمة هههههه
2- الايجابيات اللى شيفاها فيه كتير ما شاء الله
3- السلبيات لحد دلوقتى مش شايفة حاجة سلبية الحمد لله
4- كويس ان ممكن يجاوب علي السؤال ده مشرف سابق ... المشرفين كويسين جدا وخصوصا انهم من اللى مهتمين بالمنتدى ومتواجدين فيه دايما بس انا خايفة من حاجة ان الشخص الواحد المشرف على كذا قسم ده ممكن يعطله عن دراسته شوية
يعنى انا شايفة انه ممكن المشرف يمسكله قسم او اتنين يهتم بيهم افضل من انه يمسك كذا قسم ويحس انه وراه حاجات كتير ويتعطل وممكن تيجي عليه فترة ويكسل يتابع وكده