Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 مذكرات شاب في أيام التجنيد(1)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: مذكرات شاب في أيام التجنيد(1)   30/10/08, 01:06 am


دي مذكرات شاب لسه بيقدم في التجنيد

طبعا المذاكرت بتبدأ بالقسم
طبعا انتوا عارفين القسم طبعا
قسم البوليس
طبعا على الأقل تصحى تصلي الفجر وتستنا شوية وتلحق مكان في الطابور
ولما بتروح تلاقي ناس كتير
دول إيه دول يا عم نايمين قدام القسم دول ولا إيه؟
المهم تلحق ليك مكان
وفي يوم وأنا واقف في الطابور لقينا عربيتين لنقل المسجونين ( ربنا يعافينا )
ونزل المسجونين من القسم وركبوا في العربية
واحد قدامي بيقول لصاحبه
افرض بقا إن كام مسجون هربوا وهما بيتنقلوا، هيجروا وراهم ويجيبوهم؟
الظاهر صاحبه كان مفرفش شوية ضحك وقال
ويجروا ليه ..... هياخدوا كام واحد من الطابور الكبير ده بدل ميتعبوا نفسهم
هههههههههه
ضحكت وقلتله
حلوة أوي دي يا كابتن .. نكتة عسل
ضحك ومد إيده ليا عشان نسلم على بعض
ومين اللي قالك إن دي نكتة ... دي ممكن تحصل
توقفت عن الضحك وبصيت له في ارتياع
تنحنحت حسيت الكلام مش عاوز يطلع
بصيت للعربية والمسجونين بيطلعوا من العربية
والتفت للشخص اللي كان بيتكلم
الظاهر الشمس حامية النهاردة أنا هاجى بكرة أحسن
اتسعت عينا الشاب اللي بيضحك وقال لزميلة
إزاي حامية والنهاردة اليوم مغيم والشمس مطلعتش
هرش في راسه وقال
الظاهر إن فيه ناس مبيحبوش الهزار
وجريت أخرج من القسم
هيه ناقصة جيش لما أدخل سجن كمان
أشوفكم بكرة
تاني قلت أروح بدري شوية
روحت وأنا بقول أنا بقا أول واحد
طبعا للأسف مكنتش أول واحد
بس حلو كنت في العشرة الأوائل
وللأسف تاني العسكري مرضاش يدخلنا
لأن
لأن
لأن العسكري بتاع التجنيد نايم
ومرة تانية زحمة تاني بس بقا إيه
قدام القسم مش جوه
شكلنا بقا فل أوي
ومصادفة عجيبة أوي
إن فيه ناس مش بتحب القسم لو شافونا لقالوا إحنا بنحب حاجة اسمها القسم
الحمد لله دخلنا
وخلصت بعد معاناة
أول ورقة
كانت متعبة صحيح بس خلصتها
وقبل ما أخرج بسأل واحد
يا كابتن هو فيه ورق تاني غير دي
بص للورقة كده وبصلي
وقعد يضحك يضحك
وقالي
إنت لسه خلصت حاجة
بصيت له كده
قولت في نفسي
هيه الناس كئيبة أوي هنا كده ليه دا إحنا لسه على أعتاب الجيش أومال لو دخلنا بقا هنعمل إيه
أكيد هنرقع بالصوت
بس
جينا للفيش الجنائي
طبعا الفيش الجنائي ده عشان يعرفوا إنت عندك سوابق ولا لا
وعلى ما أعتقد الحمد لله مالياش سوابق
لغاية دلوقتي
هحكيلك إزاي اتبصملي على الفيش
طبعا فيه واحد دخل قبلي
عم صبحى هو اللى بيبصم
عم صبحى بيقوله
أي خدمة يا باشا ( يعنى من الآخر طلع إكرامية )
الشاب قاله
مالكش إنت دعوة يا عم صبى ظبطنى وأنا لما أجي أستلم الفيش هظبطك
عم صبحى
طيب ماشى
دخلت أنا وكنت محضر الإكرامية بيقولوا خير البر عاجله
أصلك لو مدفعتش الإكرامية
ممكن للحظ التعس إن بصماتك متظهرش كويس ويرجع الفيش تاني
دا للحظ الوحش أو
لأن عم صبحي مضغطش على إيدك كويس
فخليك حلو وادفع أحسنلك
تاني يوم جيت أستلم الفيش
لقيت الشاب بتاع إمبارح قبلي برضه هيستلم الفيش
عم صبحي بيسلمه الفيش وبيقول
أي خدمة يا باشا
بصله الشاب كده باستغراب وقال
إيه يا عم صبحي إنت مش فاكرني ولا إيه منا مظبطك إمبارح شكلك كده مش فاكر
عم صبحي
يعني إنت ظبطني إمبارح
الشاب
أيوا
عم صبحي
طيب اتفضل الفيش
وسلمه الفيش
ضحك الشاب وهو خارج مستلم الفيش وأنا بضحك معاه
وخلصنا حكاية الفيش
ناقص قصة الفيش الثلاثي
الفيش الثلاثي بقا ...............
لكن دي قصة أخرى
الفيش الثلاثي
والفيش الثلاثي لمن لا يعرفه
برضه بيتعمل في القسم
وبرضه رحنا لعم صبحي تاني
وظبطناه تاني
وأخدنا ميعاد
لليلة الكبيرة
قصدي اليوم الكبير
اليوم ده هيحصل فيه كل حاجة
هتتصور
وهيتكشف عليك
المهم خرج الشاب بدري جدا اليوم ده عشان يلحق يخلص بسرعة
راح هناك لاقى جموع حاشدة من الشباب
ياه كل دول هيدخلوا الجيش
المهم دخلنا وقعدنا على سلالم كبيرة بالعرض
بس
مرة يجيبونا يمين ومرة شمال
أنا حاسس إن المشرفين نفسهم مش عارفين حاجة
المهم جه مدير المنطقة
الرجل كان زي العسل
الناس طبعا اتكتمت
فضل يقول تعليمات وبكل تفصيل ربنا يكرمه والله
راح واحد طلع كده ما بين الناس وساله سؤال غبي
راح بصله المدير كده وقال
اقعد يا بنى خلي اللى جانبك يفهمك ولو اللى جانبك مش فاهم تعالولي بالليل أفهمكم
الناس ضحكت
واحد جانبى هرش في راسه وقال
هو احنا هنقعد هنا لبليل
بصيت ليه وقلت
يا رب ميطلعش علينا الصبح بس
بصلي الشاب اللى جانبي في ذهول حسيت شكله هيضربني
قمت من جانبه أحسن مش عاوزين من أولها خناق
نادوا بعد كده اللى معاهم 6 جند هيدخلوا بسرعة
أما اللى معاهم 7 جند لسه هيقعدوا شوية
انا بقا كنت من المحظوظين اللى معاهم
7 جند .... يعني شكلنا كده بكرة الصبح هنخلص
بس قعدنا على جنب وإحنا بننظر للناس اللى معاهم 6 جند نظرات حسد
ساعة
اتنين
ثلاثة
إيه يا جدعان هما بيعملوا إيه كل ده بيعملوا لينا 6 جند
قعدنا بقا على راحتنا
اللى نام على الارض
واللى رايح يستكشف منطقة التجنيد يمكن يلاقى حمامات ولا ماء
شكلنا كده عامل زى الأسرى
أربع ساعات
خمسة
ستة
المهم
قولنا لا مش هينفع كده
لازم نشوف إيه التأخير
واحد قام مننا وقال لازم نشوف هنعمل إيه
قام وراه جمع مننا وقالوا كلنا وراك
راح كلم العسكرى المخصص
قاله العسكرى
إنت هتعمل مظاهرة تعالى معايا على الأمن
طبعا الشباب اللى وراه كانوا هيبيعوه
لا إحنا مش معاه الكابتن ده
بس الحمد لله ربنا ثبتهم
واحد قال عاوز تاخده خدنا معاه
وكلهم بقوا صف واحد
الحمد لله الواد كان هيروح في دهية
فسابه العسكرى ومشي
كان هيبقا شكله فل خالص في الامن
المهم جه الفرج بعد جوالات
ودخلنا صالة العرض رتبنا ورقنا...

انتظرونا في الجزء الثاني


عدل سابقا من قبل ABOEL7ASSAN في 08/11/08, 03:02 am عدل 1 مرات
الرجوع الى أعلى الصفحة اذهب الى الأسفل
http://www.flickr.com/photos/aboel7assan
r.sh.a
.
.


انثى
عدد المساهمات : 1443
العمر : 28
بلدك : مصر حبيبتي
التخصص : مهندس معماري
المستوى التعليمي : دفعة 2009
جنيه مصري : 7095

مُساهمةموضوع: رد: مذكرات شاب في أيام التجنيد(1)   31/10/08, 10:42 am

ايه ده .
انا تعبتلكم والله
الرجوع الى أعلى الصفحة اذهب الى الأسفل
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: رد: مذكرات شاب في أيام التجنيد(1)   01/11/08, 08:50 am

صدقينى يا r.sh.a دى ما يجيش 10 % من الحقيقة
الرجوع الى أعلى الصفحة اذهب الى الأسفل
http://www.flickr.com/photos/aboel7assan
Sara.A.S.M
مدير المنتدى
مدير المنتدى


انثى
عدد المساهمات : 1795
العمر : 30
بلدك : مصـــــــــــر
التخصص : مهندس معماري
المستوى التعليمي : دفعة 2009
جنيه مصري : 4583

مُساهمةموضوع: رد: مذكرات شاب في أيام التجنيد(1)   03/11/08, 05:34 am

ياعيني ده ايه ده !!!!!!!!!!!! ربنا يكون في عون الأولاد اللي بيدخلو الجيش....
الرجوع الى أعلى الصفحة اذهب الى الأسفل
A.A
.
.


انثى
عدد المساهمات : 63
العمر : 29
بلدك : مصر
جنيه مصري : 3180

مُساهمةموضوع: رد: مذكرات شاب في أيام التجنيد(1)   03/11/08, 08:28 am

هو الكلام ده بيحصل بجد والله ولاده هزار
الرجوع الى أعلى الصفحة اذهب الى الأسفل
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: رد: مذكرات شاب في أيام التجنيد(1)   06/11/08, 07:49 am

يا جماعة والله دى جزء من مائة جزء من اللى بيحصل فى الجيش
ان اخوى فى الجيش وبيحكيلى حاجات محدش ممكن يصدقها
وليا اصحاب ضباط فى الجيش بيعملوا عمايل مش ممكن بصراحة
الحمد لله انى مادخلتش جيش
الرجوع الى أعلى الصفحة اذهب الى الأسفل
http://www.flickr.com/photos/aboel7assan
 
مذكرات شاب في أيام التجنيد(1)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتدى العام :: قسم الترفية والمواضيع الخفيفة-
انتقل الى: