اولا السلام عليكم جميعا
مشكلة الطلبه او الخرجين لما حد بيسألهم عن رأيك في القسم بيفتكر الايام الصعبه والضغوط والتسليمات
وبيبني رأيه وفق هذه الافكار متناسي حجات كتير جدا او غافل عنها
اهمها انت اكيد كنت داخل الكليه او القسم وليك اسلوب تفكير بس اكيد هتاخد بالك ان بعد ما هتخلص او بعد مرور سنه او اتنين داخل القسم
ان اسلوب تفكيرك اتغير واكيد للاحسن اسلوب تعاملك مع الغير قراراتك اللى بتاخدها كلها حجات هتلاقيها اكيد اتغيرت للاحسن
انا مش بجامل ولا داخله اكتب شعر في القسم بس الحق يتقال برضه
وانا عن نفسي افضل الضغط والعمل الجاد والتسليمات والشغل الكتير احسن من الرفاهيه والعمل الفاضي وفي الاخر تخرج مهندس دماغك مجوفه وفارغه
حتى انك تفكر مش عارف وان كان هناك اي صعوبات في التعامل مع الدكاتره من انهم بيشدوا علينا احيانا فده بيعلمك الصح وبيعلمك الالتزام والجديه واكيد عملنا احنا اساس نجاحه التعليم الجيد والدقه والالتزام والجديه
واللى مش قادر على الاساسيات ده فللأسف هضطر اني اقوله يبحث عن مهنه غير الهندسه
وزي ما قولنا كلام حلو في حق القسم نيجي للكلام الجد بقى
اعتقد ان اهم المشاكل في القسم هو عدم التفرغ الكامل لاعضاء هيئة التدريس للقسم حيث مسند لهم اعمال سواء من قبل الكليه او اعمال خارجيه خاصه بهم
وهو مايجعل الوقت اللى فاضي فيه عضو التدريس هو وقت السكشن فقط وساعه او اتنين باقي الاسبوع ده ان عرفت تلاقيه
انا متأكده ان ده مش بأرادتهم انما اعمال بتفرض عليهم من قبل الكليه والمفروض بقى الكليه هي التي تراعي ذلك ومحاولة تأجيل اي اعمال خارج نطاق الدراسه والتدريس الى وقت اخر او ان كانت اعمال هامه هامه يعفى القائمين عليها من التدريس وهذا ما احيي عليه د/خالد صلاح لاعتذاره عن اي تدريس لاي فرقه لانشغاله مع توكيد الجوده واتمنى ان الكل لو كانوا في نفس الموقف يكون نفس التصرف
كل ما اتمناه من تغيير في القسم هو التزام كل شخص في القسم بمواعيده سواء طلبه (ده شئ بديهي طباعا)او معيدين (بيحولوا الصراحه)او اعضاء هيئة التدريس(البعض ملتزم)وبالتوفيق دائما
أأسف على الاطاله
والى الامام دائما ان شاء الله
