Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

description مواليد الثمانينـــات Empty مواليد الثمانينـــات

more_horiz
سلام عليكم
اذيكم يا احلى اعضاء في احلى منتدى

الموضوع دا انا شفته في جروب ع الفيس بوك وعجبني جدا
وبما الاعلبية العظمة هنا من مواليد التمانينات قلت انزلهولكم بس بعد التعديل
هو الموضوع طويل حبتين تلاته بس بردوا عجبني



جيلنا العزيز( مواليدالثمانينات ) ؟

اذا كنت عشت الحاجات دي كلها او جزء منها تأكد انك من الجيل

راجع معانا شريط حياتك:


1.اذا كان لبسك الصيفي في يوم من الايام مكون من مجموعة تيشرتات (كيلفن كلاين) مضروبة وبناطيل تلجي شارل ستون (يا حبذا لو كانت ماركة انتربول التركية كنت تبقى ملك).
الولاد ادرى

2.اذا كان لبسك الشتوي في يوم من الايام مكون من مجموعة مختلفة من (الهاي كول) ترتدي فوقها قميص كاروهات أو جاكيت هافان.

3.اذا كنت تعشق مسرحيتي (العيال كبرت) و (مدرسة المشاغبين) وحفظت كل كلمة فيهما ثم فوجئت عند مشاهدهما على الفضائيات ان التليفزيون المصري كان يخدعك طوال هذه السنوات ويعرض لك (ربع المسرحية).
انا حفطاهم ومفيش فايدة كل ما ييجوا لازم اسمعهم
بس انا متخدعتش كان عندنا المسرحية كاملة فيديو
ياااااااااه فين ايام الفيديو


4.اذا كانت الخيارات المتاحة امامك لمشاهدة فيلم في السينما هي فيلم نادية الجندى (نجمة الجماهير) وفيلم نبيلة عبيد (نجمة مصر الأولى) وفيلم عادل امام (مكانش بقى زعيم لسه).
دي الناس اللي كانت بتروح السينيما!!!

5.اذا كانت الخيارات المتاحة امامك لمشاهدة مسلسل في التليفزيون هي مسلسل أحمد عبد العزيز التاريخي أو مسلسل أحمد عبد العزيز الرومانسي أو مسلسل أحمد عبد العزيز الصعيدي.
ههههههههههههههه اه دا احنا اتظلمنا كتير

6.إذا كانت كل البنات من حولك معجبين بأحمد عبد العزيز ويرينه فارس أحلامهن (رغم قصر قامته وشنبه ).
لا الحمد لله كنت بحب المسلسل بس

7.اذا كنت متابعا جيدا لسهرات التليفزيون الممتعة (اخترنا لك - تاكسي السهرة - بانوراما فرنسية)
وفي حاجة تاني كانت بتجيب افلام اجنبية يوم الاحد
كانت برامج عقيمة ومذيعات رخميييييييين

8.اذا كنت شاهدت اثنين او اكثر من حفلات ليالي التليفزيون والتي كان الاعلان عنها يصحبه رقم الليلة (ليالي التليفزيون..الليلة السادسة والعشرين)..حتى جاء الاختراع اللى اسمه مارينا وقرروا ينقلوا الحفلات فيه لتقضى نحبها وتدفن بمقابر الساحل الشمالي.
دول كانوا بينقطونا بالاعلانات عنها

9.اذا كنت تشاهد عند عودتك من المدرسة أو الجامعة برنامج (أماني وأغاني) لتشاهد أحدث الكليبات المكررة يوميا متحملا في سبيلها سماجة مذيع البرنامج (احمد مختار).

مكنش ليا في الجو دا خالص بس يعني ايه سماجة دي؟؟
10.اذا كنت تنتظر بلهفة برنامج (كلام من دهب) رغم مذيعه الأكثر سماجة طارق علام.


11.اذا كنت عاصرت مشكلة ادمان الهيروين وحاصرتك تماما في الافلام والمسلسلات والاعلانات والصحف (جميع نجومنا ونجماتنا تقريبا لعبوا دور المدمن وتألموا وهم يطلبون "شمة واحدة" رغم ان المتعاطي لا تصبح حالته بهذا السوء إلا بعد أن يتعدى مرحلة الشم لمرحلة الحقن!).
والله مجربتش موضوع الهريون دا قبل كدا

12.اذا تكون عاصرت انحسار مشكلة ادمان الهيروين بعد ادراك الشباب لاخطاره واتجاه العاقلين منهم للحل السحري الأكثر أمانا ومتعة (الحشيش)!!!
يااااه هو الحشيش كان حل ينهار ابيض!!!

13.اذا تكون شاهدت على الحجار مرتين في يوم واحد على نفس القناة...مرة العصر مرتديا التيشرت والشورت والنضارة الشمس وهو يغنى (يا اسكندرية يا مدوبانى) ومرة الفجر مرتديا الجلباب والجبة وهو يغني (صلينا الفجر فين).

14.اذا كنت اعتدت ارتداء الكاسكيت بشكل مقلوب حاميا قفاك من الشمس ولم يكن شكلك (بتاع انابيب)!
هههههههههههههههههههههههههههههههه

15.اذا كنت تمتلك مجموعة من روايات رجل المستحيل وملف المستقبل وتعتبرها قمة فى الادب..وكنت تقوم باستبدالها من المكتبة باعطاءه العدد وربع جنيه لتحصل على عدد آخر.
طبعا دي عاملة ذي الاكل والشرب كدا

16.اذا كنت قد عاصرت الصراع على قمة مبيعات الكاسيت بين عمرو دياب يتجه ومحمد فؤاد
هي فين ايام فؤاد ولا لما الكبار بتريقوا على عمرو دياب عشان مش عاجبهم ....ييجوا يشوفوا دلوقتي

17.اذا كنت تترقب بشدة أى حفلة بها فقرة (عزب شو) وتستمتع بحمود عزب وهو يقلد محمد منير ومحمد نوح!


18.اذا كنت شاهدت فيلم (جحيم تحت الماء) أكثر من عشر مرات واستمتعت برائعة سمير صبري الكارثية (اضحك يابو علي يا خفيف الدم)!!!!
والله انا مش فاكرة الفيلم دا اصلا

19.إذا كان قمة الثقافة والعلم في رأيك ان تشاهد بانتظام حلقات برنامج د.مصطفى محمود (العلم والايمان).
انا بعشق الراجل دا بغض النظر انه كان في حاجات مرعبة بالنسبة لوحدة في ابتدائي

20.اذا كنت قد مشيت في الشوارع لتجدها كلها تستمع لأغنية (عبد القادر) للشاب خالد أو (حوا) لمجدي خوري أو شريط (سحراني) لايهاب توفيق.
عبد القادر دي بالذات الناس كلها مانت ماشية تغنيها في فرح في اي مناسبة

21.اذا كنت قد حضرت فرحا او اكثر اسمتعت فيه لاغنية (بدنا نتجوز عالعيد).
ولا اعرفها

22.أن تكون قد عاصرت قنبلة (كابوريا) التي جعلت كل الشباب يزيل الشعر من جانبي رأسه ليبدو مثل (حسن هدهد) .
كان شكلهم بيئة جداااااااا

23.ان تكون (امعانا فى الثقافة الموسيقية) قد اشتريت اصدار او اكثر من شريط الكوكتيل الغربي (واتس ناو).
مكنش عندي اي ثقافة موسيقية لا اجنبية ولا عربية
كنت جاهلة يعني



26.اذا كنت تمتلك البومين أو أكثر لتجميع الستيكرز (صور لاعبين كرة أو شخصيات كارتون حسب ميولك وقتها).

27.اذا تكون قد منعت لعدة أيام من اللعب في الشارع بسبب خوف أهلك عليك من (السلعوة)!

28.إذا كنت قد تابعت بشغف واحد على الاقل من مسلسلات (ذئاب الجبل - المال والبنون - ليالي الحلمية - من الذي لا يحب فاطمة)
كلهم والله .............

29.اذا تكون قد شربت أكثر من مائتي زجاجة كوكاكولا في شهرين من أجل رحلة (البحث عن الجادون).

او تقعد تشتري في ايس كريم عشان بس تكسب وتوصل لدرجة تسحب العصاية وتشفها كسبانة ولا لاء ومش مهم الايس كريم يترمي في اي زباله


32.اذا كنت قد لعبت في طفولتك باحدى اشكال لعبة (الميكانو).
احدى؟؟؟؟؟؟؟؟؟

33.اذا كنت قد حضرت امتازت فيه أسماء الشهرة للسيارات الفاخرة بالرومانسية الشديدة (الخنزيرة - التمساحة - البودرة - الشبح).

34.اذا كنت قد اشتريت (بلوفر تملى معالك) بالوانه الشهيرة الابيض والاسود والاخضر.

35.اذا شاهدت يوميا بعد الافطار في رمضان برنامج (بدون كلام) الذي يقدمه الممثل حسن مصطفى والذى اعتاد ان يستضيف زوجته ميمي جمال في أحد الفريقين وان يتحيز للفريق الذي تشارك فيه ويقوم بتغشيشهم.

41.اذا كان المسلسل الكوميدي المفضل لك في الابتدائية هو (بكيزة وزغلول) وفي الأعدادية هو (وانت عامل ايه) وفي الثانوية (يارجال العالم اتحدوا).

42.اذا طاردتك ايمان الطوخي لفترة من حياتك..تجدها صباحا بطلة لمسلسل الأطفال (كوكي كاك) وعصرا مغنية تقول (انا من النظرة الأولى شفت الدنيا بلون الورد) ومساءا ممثلة تلعب دور استر بولونسكى فى رأفت الهجان.
والله كانت مسليانا بكوكي اوووي وكانت تحفى في رافت الهجان

43.اذا كانت الألعاب الألكترونية المتاحة لك تتراوح بين الاتاري الاسود (ابو دراعين كبار) او كومبيوتر صخر التعليمي (صاحب الالعاب السخيفة) أو الاتارى الفاميلى (سوبر ماريو وكابتن ماجد طبعا) أو الأميجا أبو ديسكات (ولعبته الشهيرة سينس بول).
ييييه دا انا عاصرت الكومبيوتر اللي عامل ذي الكبة دا والديسك بتاعه
اللي كان اكبر من الكشكول وكان من غير ماوس


45.اذا سهرت لنهاية الارسال في التليفزيون المصري واستمعت الى اوتار الليل بصوت عادل هاشم أو مدحت مرسي.


47.اذا كان مسلسل الأطفال المفضل لديك في رمضان يتراوح بين (سلاحف النينجا) و (باور رينجرز)..

49.اذا كرهت الشخصية التي لعبتها تيسير فهمي في مسلسل (أبناء ولكن) والتي تسببت في تحويل حياة جميع الشخصيات الأخرى إلى جحيم..وفوجئت بها في الحلقة الأخيرة تندم على افعالها وتتحول لحمل وديع ويتصالح الجميع ولا عزاء لمرارتك المفقوعة.
كان مسلسل جرعات من حرق الدم وكرهت تيسير فهمي بسببه ومش عارفة احبها لحد دلوفتي

50.اذا كنت قضيت ايام و ليالي بتسمع اغنيه "دي دي" بتاعه الشاب خالد الي كانت مكسره الدنيا و لما كانت تخلص تجيبها تاني من الاول


53.اذا كنت بتبقي قاعد مستني حلقه مازنجر و بمنتهي البساطه و انت مندمج في الاحداث يقطعوها عشان يجيبوا مجلس الشعب
وانا صغيرة كنت بكره مجلس الشعب دا خااااالص عامل ذي مفرق الجماعات وهادم اللذات بالنسبالي



يارب الموضوع يكون عجبكم

description مواليد الثمانينـــات Emptyرد: مواليد الثمانينـــات

more_horiz
هههههههههههههههههههههه
جامدة جدا

بجد حكاية
وفكرتيني بايام الطفولة لما كنت في اجازة الصيف اتفرج على توم وجيري
والمذيعة المتخلفة تقعد تحكيلك هما بيعملوا ايه
وياريت على كدا وبس
وفي قمة الاثارة
يقطعوا الكارتون

بتصعب عليا نفسي دلوقتي [ندعوك للتسجيل في المنتدى أو التعريف بنفسك لمعاينة هذه الصورة]

عدل سابقا من قبل AhMaD JaMaL في 28/09/10, 08:08 pm عدل 1 مرات

description مواليد الثمانينـــات Emptyرد: مواليد الثمانينـــات

more_horiz
هههههههههههههههه
فعلا كل الكلام دا مظبوووط
ياااااه كانت ايام

description مواليد الثمانينـــات Emptyرد: مواليد الثمانينـــات

more_horiz
AhMaD JaMaL كتب:
هههههههههههههههههههههه
جامدة جدا

بجد حكاية
وفكرتيني بايام الطفولة لما كنت في اجازة الصيف اتفرج على توم وجيري
والمذيعة المتخلفة تقعد تحكيلك هما بيعملوا ايه
وياريت على كدا وبس
وفي قمة الاثارة
يقطعوا الكارتون

بتصعب عليا نفسي دلوقتي [ندعوك للتسجيل في المنتدى أو التعريف بنفسك لمعاينة هذه الصورة]


انا مش فاكرة حاجة عن توم جيري اللي بتحكيه المذيعة المتخلفة دا خااااالص Rolling Eyes Rolling Eyes Rolling Eyes

بس لو كنت مكانك اصلا كانت هتصعب عليا نفسي أووووي وخصوصا دا توم اند جيري مش اي حاجة يعني
نصيحة
MBC3
بتجيب توم اند جيري مكنش بيجي زمان خااااااااالص وكمان من غير متخلفين

description مواليد الثمانينـــات Emptyرد: مواليد الثمانينـــات

more_horiz
eng sara كتب:
هههههههههههههههه
فعلا كل الكلام دا مظبوووط
ياااااه كانت ايام


كانت ايام جميلة مش كدا؟؟؟؟
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد