Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionلحظة صدق ... أغرب موقف حصل لى.... Emptyلحظة صدق ... أغرب موقف حصل لى....

more_horiz

ايه هو اغرب موقف حصل لك فى حياتك؟
ده عنوان الموضوع
ياريت كل واحد يقول لنا ايه اغرب موقف حصل له فى حياته
الموقف ممكن يكون مضحك أو محزن أو غريب
ياريت الكل يشارك

مستنر مشاركتكم وردودكم


عدل سابقا من قبل ABOEL7ASSAN في 08/11/08, 03:59 pm عدل 2 مرات

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
والله مش عارف يا ابو الحسن بس انا استغليت ان الموضوع محدش رد عليه علشان ارحب انا بيك فينك وفين اراضيك ليك وحشه ياعم وشكرا علي ردودك الكتيره جدا في كل الاقسام وبالتوفيق اما بالنسبه للمواقف فهسيب باقي الاعضاء يحكوا عن مواقفهم هم كفايه عليا الترحيب

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
الفكرة حلوة يا بشمهندس
طيب ابدأ انت وقولنا ايع اغرب موقف حصل لك

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
متشكر يا محرم على المرور الكريك
وياباشا انا موجود بس انت اللى مبتسألش
وشكرا ليك يا شيرين على المرور الكريم والمشاركة
وماشى يا شتى انا ح ابدأ بنفسي
[ندعوك للتسجيل في المنتدى أو التعريف بنفسك لمعاينة هذه الصورة]

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
بصراحة انا حصلتلى مواقف غريبة كتيرجدا فى حياتى منها اللى يفطس من الضحك ومن اللى يفرس من الحزن


وفى موقف بصراحة طلع من نفوخي

ايام سنة رابعة عمارة وبالتحديد ايام المشروع
يعنى الكلام ده من سنة ونص تقريبا
كان فى نظام فى الكلية ان الدفعة تشتغل فى القسم
يعنى كل واحد يجيب الجهاز بتاعه ويشتغل فى القسم
وبعد مرور اسبوعين من المشروع لقيت نفسى مش بتقدم كتير وباقى اسبوعين ع التسليم
فقلت فى نفسى "ياد فكك من القسم وسافر وأروح اقعد حنب امى تظبطنى فى الاكل وابقى على راحتى ع الاخر
بس يا ريتنى ما عملت كده
الحمد لله
المهم فى يوم قررت السفر رحت حجزت فى قطر بيطلع من اسيوط الساعة 3 الفجر
وفى اليوم ده كنت راجع من الكلية تعبان جدا ونمت حوالى الساعة 12 بالليل وصحيت الساعة 2 بضرب الشبشب وخصوصا انا نومى تقيل جدا
ومانساش لما عنيا كانت حمرة جدا من التعب
نزلت من الشقة واخدت الشنطة والكيسة
حطيت الشنط فوق التاكس والكيسة فى الكرسى الخلفى
وصلت المحطة حاسبت التاكس ونزلت ونزلت الشنطة من فوق والتاكس مشي
وبعد ما مشى بحوالى دقيقة ببص على الشنطة
"ايه ده دا انا نسيت الكيسة فى التاكس يا لهوى"
ووقفت مش عارف اعمل ايه وطبعا دار فى دماغى مواضيع وحوارات كتير
أولها
المشروع اللى ع الجهاز معنى كده مفيش مشروع
يعنى تعب السنة كله راح بلاش
يعنى ممكن اعيد السنة
(2)
الكيسة اللى كانت بالنسبة لى أعز اصداقئى
الكيسة اللى كانت اول حاجة اشتريها من فلوسى الخاصة
يعنى حاجة عزيزة ع الاخر باللإضافة ان كنت مهتم بيها جدا ومحدثها ع الاخر
(3)
انا دلوقتى هاسافر ولا ح اقعد فى اسيوط
ولو سافرت هل هاشتغل على الجهاز المتواضع بتاع اخوي اللى موجود فى البيت
طيب هاشتغل ايه اذا كان الشغل راح
ولو قعدت فى اسيوط
معنديش جهاز تانى فى اسيوط اشتغل عليه
كل الكلام ده دار فى دماغى ومبقش عارف اعمل ايه
لكن بعد خمس دقائق هديت شوية وقلت فى نفسى استني يمكن يكون صاحب التاكس عنده ضمير ويرجع تانى
لكن هيهات هيهات لما توعدون
وبدأت افكر بجد
اه صحيح ان كنت عامل" بك اب"على سي دى بس من 5 ايام
طيب الحمد لله المشروع كله مرحش اه ضاع مجهود خمس ايام بس مع ان ال5 ايام دول حصلت بلاوى فيهم لكن مش مهم يتعوضوا
وسعتها قلت الحمد لله قدر الله وما شاء فعل
وسافرت
واتصلت بواحد صاحبى بعت لى الشغل على النت
وبدأت اشتغل بنفسية تكاد تكون محطمة لأنى ان بعمل شغل عملته قبل كده
والحمد لله المشروع عدي والسنة عدت بخير
بس لما اصحابي عرفوا كلهك مبقوش عارفين يعزونى ولا يضخكوا على غبائى
بصراحة انا كل ما افتكر الموقف اضحك على نفسى قوى

اسف للاطالة

[ندعوك للتسجيل في المنتدى أو التعريف بنفسك لمعاينة هذه الصورة]

تحياتى


عدل سابقا من قبل ABOEL7ASSAN في 11/11/08, 01:37 pm عدل 1 مرات

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
يا خبر ابيض فى حد ينسى كمبيوتر يا بشمهندس
انا لو منك ممكن يحصلى حاجة

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz

انا ح احكيلكم موقف غريب حصل معايا
الكلام ده كان فى شهر 8 اللى فات
مرة كنت زهقانة فاتصلت بهاجر "صاحبتى الانتيم"
وقررنا ان نروح سيتى ستارز
واحنا بنتفرج فى محل من المحلات
شفت واحدة من طهرها وشبهت عليها
وغمزت لصحبتى مش دى "غادة عادل "
فقالت صحبنتى اه صح دى غادة عادل
فراحت غادل عادل بصت لنا وابتسمت ابتسامتها العسل وسلمت علينا
ومن حسن حظنا انها كانت لوحدها
خدت رأينا ى كم حاجة ح تشتريهم
وبعد ما اشتريت خرجنا قعدنا فى كافتريا ويصراحة هى اللى عزمتنا
وطبعا اتصورنا بالموبايلات
وطلبنا منها ان ناخد رقمها بس اعتزرت بشياكة
وخدت هى رقمنا
طبعا قلت فى نفسى دى ولا ح تعبرنا
يلا مش مهم قضينا وقت حلو وخلاص
وبعد اسبوع لقيت الموبايل بيرن رقم بريفت
ولما ردت قالت لى ازيك يا شيرى
انا بصراحة ما صدقتش ودانى
وطلب منى انها عايوة تشوفنا انا وهاجر
وخرجنا مع بعض اتعشينا فى "مؤمن" اللى فى شارع جامعة الدول
وبعد كده قعدنا على كافتيربا فى ميدان لبنان
وبعا كل الناس كانت بتبص علينا
واتصلت بينا كمان فى العيد وعيدت علينا
ده بصراحة اغرب موقف حصلى

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
هاهاها
فى الاول انا بحييك على الموضوع الرائع
وده مش غريب عليك يا صدبقى
وطبعا انا مانساش يوم ما نسيت الجهاز
طبعا كان يوم مالوش معالم
تعيش وتاخد غيرها

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
اما بالنسبة لشيرين
بصراحة انا بحسدك
جميل أوى ان الواحد يقابل حد مشهور
وبالذات غادة عادل لانها محترمة شوية عن باقى الممثلات اللى فى جيلها
وان شاء الله ان ح احكلكم موقف غريب حصلى بس مش دلوقتى
وشكرا يا حسن على الموضوع الرائع

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz

فى الاول ان بشكرك يا خالد على المرور والمشاركة الجميلة
وبقول لشيرين هو فعلا موقف غريب مايتصدقش
وزى ما قابلتى غادة عادل يارب تقابلى نور وساعته تبقى مكتوبالك
وبشكرك على المرور والمشاركة


[ندعوك للتسجيل في المنتدى أو التعريف بنفسك لمعاينة هذه الصورة]

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
على العموم قدر الله وما شاء فعل
بس انا متاكد انك سافرت علشان ما تضيعش منك التذكره
ولا ايه
هههههههههههههههههههههههههههههه

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
هاهاها
شكرا يا بلسم على المرور
بس لو انت فى المكان دة هل ح تفكر فى تذكرة والمشروع اللى تعبت فيه سنة كاملة بيضيع قدامك وانت مش قادر تعمل حاجة

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
ههههههههههههههه
بص يا حسن ده طبعا نصيب
وقدر الله وماشاء فعل والمؤمن دايما مصاب
وانا بقولك كمان عشان انت ح تسافر الايام دت
اوعى تنسى جواز السفر فى التاكس
وساعتها مش ح تسافر اصلا

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
ربنا يستر يا ميدو
والله الواحد شكله عند الزهايمر ولا ايه

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
- انا كل يوم بيحصلي موقف غريب اقربها دخلت سكشن التصميم اللي اول مره احضره في حياتي كان امبارح علي ما اعتقد او تالت مره مش فاكر بقي وبعد ما سلمت البلانات اكتشفت اني المفروض تبقي معايا نسخه تانيه نزلت علشان اطبع من الفلاشه نسخه تانيه اكتشفت ان مش معايا نسخه تانيه علي الفلاشه قؤلت خلاص روحت للمعيد خدت اللوح وروحت اصورها في الكافتيريا وبعد ما صورتهم معرفتش الزقهم في بعض المهم قعدت الزقهم الزقهم طلعلي شكل عجيب غير مشروعي خالص روحت لاغي فكرة مشروعي القديم وبدات في الجديد

- مره بردو ركبت انا وصحابي لا داعي لذكر اساميهم بس هم اكيد فاكرين الموقف كويس لو قرأوا الموضوع ده واول ما ركبت واحد اداني باقي الاجره علشان اديها لحد روحت حطيتها في جيبي وانا نازل اديتهاله تاني كده انا حاسبته وفي نفس الوقت مسرقتش حاجه من حد

descriptionلحظة صدق ... أغرب موقف حصل لى.... Emptyرد: لحظة صدق ... أغرب موقف حصل لى....

more_horiz
ده عشان انت مش فى دماغك الدراسة اصلا يا باشا
يعنى من الاخر مش فارق معاك ولا ايه
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد