Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionما رأيكم في امتحان القوانين والتشريعات Emptyما رأيكم في امتحان القوانين والتشريعات

more_horiz
اخواني طلاب الفرقة الثالثة عمارة الأعزاء
ما رأيكم في امتحان نهاية الفصل الدراسي لمادة القوانين والتشريعات؟
كنت عايز أعرف رأيكم في الامتحان بصفتي كنت بأدرس لكم السكاشن

مع خالص تحياتي لكم بالتوفيق
المهندس/ عبد الرحمن

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
سمعت والله........... سمعت باللي حصل

ونفس اللي حصلنا امبارح في الاسكان امبارح

ونفس اللي هيحصل لنا في التخطيط الترم التاني

ههههههههههههههههههههههههههههههههههههههههه
ههههههههههههههههههههههههههههههههههههههههه

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم ورحمة الله وبركاته
شكرا يا باشمهندس على اهتمام حضرتك بالمادة والاطمئنان على الطلبة اللى حضرتك كنت بتدرسلهم فى السكاشن
انا اصلا سنة رابعة
بس بصراحة شوفت الامتحان
هو اه طويل و اغلبه نظرى
بس مش ده اللى مخليه صعب
لان لازم يكون فى سؤال او اتنين على الاقل بيقيس مستوى الطالب ويفرق بين الطالب المتميز والطالب العادى
فانا شايفة انه امتحان كويس بصراحة
و اغلب الطلبة جاوبت كويس وكويس جدا كمان بس مش الكل بيبين كده

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
 اسالوني انا علي اللي حصل في الامتحان ده انا كنت في اللجنه دي براقب الموقف من بعيد كان عندي امتحان سويل وبصراحه شوفت العجب العجاب اللي بيبكي واللي بيلطم واللي بيصوت بجد صعبوا عليا بس الموضوع ده جيه في مصلحتي هم يبكوا وانا اغش هم يصوتوا وانا اغش هم يلطموا وانا اغش 
مش عارف من غيرهم كنت هعمل ايه 

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
ماشي يا أحمد محرم
مصيري هاراقب عليك تاني
وساعتها مش هأثق فيك ببصلة
وساعتها هيبقي فيه تفتيش ذاتي
وهاخليك تحل علي البلاط في صالة رابعة لوحدك
وابقي قابلني لو عرفت تحل
Laughing Laughing Laughing

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
ههههههههههههههه
احسن احسن
.
.
.
طب يا باشمهندس ممكن حضرتك تقول رأيك فى الامتحان نيابة عن طلبة سنة تالتة الكتييييييييييييييييييييييير
اللى بتدخل المنتدى

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم ............
شكرا يا بشمهندس عبد الرحمن على الموضوع ده بس هما فين سنة تالتة شكلهم مافاقوش من الصدمة
أو مش لاقيين كلام يقولوه ع الامتحان شكله قضى عليهم
على حسب ما سمعت انهم كانو بيغمى عليهم ف الامتحان
وكويس ان حضرتك اخدت بالك من اعتراف الغش الى كان بسبب صعوبة الامتحان
(مصائب قوم عند قوم )LaughingLaughingLaughing
.................... عشان المراقبة بعدين

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
هههههههههههههههههههههههههههههه
ليه بس كده يا باشمهندس انا زعلتك في حاجه
وبعدين لو سيبتني علي البلاط هخرط بصل مش هحل 
ثم ياباشمهندس لازم تشجع المنتج المحلي والمنتج المحلي بينص ان الماده 8 من قانون التسهيلات بتقؤل يحق لكل طالب الشروع في الغش اذا وجد ان مراقب اللجنه وسيم الهيئه جميل الطله وله شأن عظيم شوفت بقي اني بطبق القانون اول ما شوفتك علطلول !!!!   حضرتك بس راقب عليا تاني وانا هطبق القانون تاني ومتشغلش بالك بقصه التفتيش دي مش هتلاقي معايا حاجه خالص 

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
انا ا قولك احنا وصلنا رابعه ازاي يا احمد مع ان انا لم اغش خالص لان اصلا مفبش حاجه تستاهل ان الواحد يغشش غشانها
اول حاجه الفكر المميز اللي ماشي بيه القسم ادى الى تطور الفصيص الايمن من الدماغ وقام بعمليه تنشيطه فتحولت من انسان فاهم الى بغبغان غبي بس اي دونت كار , لان مدام الهرم مقلوب اعتقد مش فارقه انك واقف في قمته او قاعه و او بمعنى اصح كانك واقف في دايره ومش عارف تقف في اي ركن , خلاصه الكلام التكرار بيعلم الحمار
تاني حاجه السكاشن الممتعه جدا ذات الاربع ساعات الممتعه جدا قامت بالقضاء على الفصيص الايسر تماما ونهائيا
المنهج العلمي الثابت من ايام جدو خفرع ومنقرع و مينا موحد القطرين
الدراسه باللغه العربيه اللي لها اكبر الاثر على تنميه المستوى العلمي
عدد الساعات العمليه اللى اكتر بكتير من النظريه و التي ادت الى بلوره الافكار والمنهج السليم
دي اسباب خلت الواحد يوصل لسنه رابعه وهو مطمن
على راي صاحبنا
اصحى ياهرم وفوق دنتا واقف ع بوزك
حاسب من الريشه تقف عليك وتنقطم رقبتك وينكسر بوزك
اصحى ياهرم و فوق و افردلنا بوزك
طلع خبايك متعنا بكنوزك
دا لولا العوزه مكنتش بصيت انا ف بوزك

نحن نتقدم بابداء الرأي الحر مع احترام الرأي الاخر

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
هههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههههههههههههههه


انا قؤلت الولد ده دماغه عاليه محدش صدقني

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
ههههههههههههههههههههههههههههههههههههههههههه هههههههههههههههههههههههههههههه لالالا تعلييق بس سمعت ان الامتحان صعب وفعلا اغمى على البعض منهم

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
ههههههههههههههههههههههههههههههههههههههههههههه
ايه الثقافة العليا دى
.
.
.
.
يا تغ هو صعب اه بس قلة قليلة اللى قالت كده والباقى حل كويس والله بس مش مبينين ده معرفش ليه
يمكن احتراما لظروف زمايلهم اللى محلوش كويس
وكمان شوفى الامتحان بجد واحكمى عليه انتى بنفسك
هتلاقيه بيقيس مستوى الطالب عموما
وبيفرق بين الطالب المتميز والطالب العادى
شوفيه وابقى قوليلي رأيك

descriptionما رأيكم في امتحان القوانين والتشريعات Emptyبالنسبة لرأيي

more_horiz
طبعا أنا باشكر كل اللي شارك برأيه في هذا الموضوع.
علي فكرة انا كنت باراقب علي هذا الامتحان بالصدفة.
وبالفعل كان في البعض شبه منهار.

أما بالنسبة لرأيي:
من وجهة نظري ان الامتحان كان كله تقريبا نظري ولا يوجد شئ تطبيقي (تمرين مثل اللي أخذوه الطلاب في السكشن) لكي يقيس مدى فهم الطالب للنظري من خلال التطبيق.
وبالتالي من الممكن أن يحصل طالب علي درجة كويسة جدا في الامتحان نتيجة لقدراته في الحفظ ولكن هذا لا يقيس مدي فهمه الجيد للمادة من خلال التطبيق.
وعلي فكرة معظم الطلاب حلوا كويس.

علي فكرة أحمد محرم كان بيمتحن مادة اساسات في نفس اللجنة
وكان عامل فيها الواد البريمو اللي مقطع الامتحان
وأدينا هنعرف من النتيجة مين اللي كان مقطع التاني - الامتحان ولا أحمد.

مع أطيب تحياتي لاخواني الطلاب

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
يانهار ازرق يا جدعان
علي فكره يا باشمهندس
انا لما احب انجح بنجح ولما احب اسقط بسقط
وحضرتك عارف عني ده كويس
انا بقي السنادي قررت اني انجح في الثلاثي المرح
الخرسانه - الاستيل - السويل
ومش مهم باقي الترم
وكمان حطيت في دماغي اجيب ماده امتياز
واجيب ماده جيد جدا
ونتيجتي تحمل الكثير من المفاجات وعلي فكره
نتجتي السنه اللي فاتت كانت
2 امتياز
3 جيد جدا
2 جيد
والباقي مقبول
ومعايا خرسانه

مش بقؤلك كله بمزاجي

ثم انا كنت متفائل بوجودك معايا في اللجنه بجد والله مش تثبيت

لان حضرتك تعتبر من المعيدين المقربين ليا واللي بعزهم معزه خاصه

واكن لهم كل التقدير والاحترام
[b]

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
صادووووووووووووووووووووووووووووووه

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
لكي يقيس مدى فهم الطالب للنظري من خلال التطبيق

وعلي فكرة معظم الطلاب حلوا كويس


اهه شوفتوا يا جماعة ان الامتحان اه صعب بس الطلبة حلت كويس
بجد شوفوا الامتحان واحكموا عليه محدش يبص للطلبة ورد فعلهم كان ايه لان ممكن يكون الطالب اصلا كان رايح مش مذاكر كويس او محلش سؤال واحد و هاتك يا بكى لما حسسونى انهم هيسقطوا فى المادة

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
إهدى يا أحمد يا محرم خربت بيتنا و سيحت لنا و مش هانعرف نعمل حاجة تانى و كله هايجى عليك فى الأخر .
سيبك منه يا باشمهندس عبد الرحمن ده من النوع اللى يلاقى هيصة يروح مهيص معاها .
مادة القوانين من أسهل المواد الموجودة فى القسم و حتى المشروع بتاعها سهل جداً بس عيبها إن نصوص القوانين و المواد فيها كتير أوى و بتلخبط فى أرقامها و نصوصها و بتسبب إرتباك للناس اللى ملهاش قدرة كبيرة على الحفظ لأن للأسف النظرى بتاعها ملهوش حل غير كده

و كون إن فى ناس خلصت بدرى و طلعت و ناس قعدت للأخر ده طبيعى أنا طلعت بدرى بعد نص الوقت بحاجة بسيطة بس محلصلش عندنا بكاء و لا لطم فى وقتنا
و بعد كده اللى أنا شوفته كانت باشمهندسة واحدة بس كانت قاعدة قدامى هى اللى بكت مش ناس كتير زى ماأننتوا كاتبين ده اللى شوفته على مستوى بصرى

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
تصدقو كنت فاكر نفسي دخلت هندسة اكتشفت بعد الامتحان ده اني دخلت حقوق او تجارة مش متأكد بس اكيد بعد الامتحان الجاي هعرف انا دخلت انهو واحده فيهم اصل الواركنج كان رسم فمتأكدش بردو

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
وادى مارك اهه كمان كان شاهد على الامتحان وشاف ان الدفعة حلت كويس الحمد لله
مش عشان طالب او طالبة او عدد قليل اللى محلش يبقى الامتحان صعب و تعملوا كده
ده امتحان بيقيس مستوي الطالب عموما
حتى لو كان فى الحفظ
ده لازم دى قوانين لازم اى طالب فى قسم عمارة يبقى عارفها وحافظها زى اسمه
عشان لما هنتخرج من هشنروح ندور على منهج القوانين والتشريعات اه والله دانا اصلى نسيت ابعاد المنور المفروض نسبته تبقى كام بالنسبة للارتفاع
لازم تتحفظ
نفس الحكاية فى باقى اجزاء المادة
انا عن نفسي بكرة الحفظ جدا جدا
بس دى حاجات اساسية
وعموما اهى مادة وعدت على خير الحمد لله
يا ريت يركزوا فى باقى المواد اللى جاية وميفكروش فى اللى فات

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
لا للقوانين والتشريعات

معا ننظم حملة للاعتراض علي القوانين والتشريعات

معا نحو حياه افضل

بتطوير سياسه التعليم

والغاء المقررات التاليه

ومنها

الوريكنج - التصميم - القوانين والتشريعات - البيئه والمناخ - كل مواد مدني

نظرا لانها تضر بصحة الطالب

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
mohaamed zaki كتب:
انا ا قولك احنا وصلنا رابعه ازاي يا احمد مع ان انا لم اغش خالص لان اصلا مفبش حاجه تستاهل ان الواحد يغشش غشانها
اول حاجه الفكر المميز اللي ماشي بيه القسم ادى الى تطور الفصيص الايمن من الدماغ وقام بعمليه تنشيطه فتحولت من انسان فاهم الى بغبغان غبي بس اي دونت كار , لان مدام الهرم مقلوب اعتقد مش فارقه انك واقف في قمته او قاعه و او بمعنى اصح كانك واقف في دايره ومش عارف تقف في اي ركن , خلاصه الكلام التكرار بيعلم الحمار
تاني حاجه السكاشن الممتعه جدا ذات الاربع ساعات الممتعه جدا قامت بالقضاء على الفصيص الايسر تماما ونهائيا
المنهج العلمي الثابت من ايام جدو خفرع ومنقرع و مينا موحد القطرين
الدراسه باللغه العربيه اللي لها اكبر الاثر على تنميه المستوى العلمي
عدد الساعات العمليه اللى اكتر بكتير من النظريه و التي ادت الى بلوره الافكار والمنهج السليم
دي اسباب خلت الواحد يوصل لسنه رابعه وهو مطمن
على راي صاحبنا
اصحى ياهرم وفوق دنتا واقف ع بوزك
حاسب من الريشه تقف عليك وتنقطم رقبتك وينكسر بوزك
اصحى ياهرم و فوق و افردلنا بوزك
طلع خبايك متعنا بكنوزك
دا لولا العوزه مكنتش بصيت انا ف بوزك

نحن نتقدم بابداء الرأي الحر مع احترام الرأي الاخر


السلام عليكم
باشمهندس محمد
انا عاجبني انك ابديت رايك بصراحة ... ده شيئ جميل ... لكن مش موافقك في كتير جدا من رايك
بالنسبة لجملة (فتحولت من انسان فاهم الى بغبغان غبي بس اي دونت كار) بالتاكيد انت لو حاولت تفهم ها تفهم واللي بيدرس لك لابد هايقوم بمساعدتك على الفهم
بص يا محمد ... من وجهة نظر اعضاء هيئة التدريس ... او من وجهة نظري على الاقل ... انتم بتكتفوا بالقاء اللوم على الاخرين (القائمين بالتدريس) مع ان اغلب ردود افعالكم على طلبات القائمين بالتدريس معناها شيئ واحد : احنا عايزين ناخد درجات ونتخرج ... نبقى نفهم بعدين
محمد ... انا (عشت) في قسم عمارة في الجاممعة اللي كنت فيها في امريكا ايام الدكتوراه ... وكان معانا طلبة الماجستير وطلبة البكالريوس وشايفينهم بيشتغلوا ازاي
الفرق بين طالب العمارة في مصر وطالب العمارة في امريكا ان عندهم الطالب بياخد المشروع المطلوب منه في اي مادة سواء تصميم او تخطيط او تخطيط حضري او رسومات تنفيذية بجد ... بيدرس المشروع من جميع جوانبه ... لو بيعمل بحث بيكون بحث بجد عن المشروع ... ممكن يكون البحث شكله وحجمه اقل من البحث اللي بيعمله طالب عمارة هنا ... لكن بيستفاد من كل كلمة كتبها في البحث ... على عكس هنا الطالب كل اللي يهمه ان البحث يكون (مبهر) و (كبير) و(شكله يخض) ... لكن ساعة تفكيره في حل المشروع بينسى تماما انه يبص في البحث قبل التفكير
طالب العمارة هناك بيفكر بالاسابيع في مشروعه وبيسأل طوب الأرض في الشيئ اللي عايز يعرفه ... وبيفكر في المشاكل اللي في مشروعه بجدية ويضع لها حلول ... وفي نهاية الامر يقوم بـ (تبييض) المشروع في اربعة او خمسة ايام على اقصى تقدير ... ربما الاخراج بسيط في شكله لكن المضمون عميق في مستواه الفكري
انا حضرت بنفسي مناقشات الطلاب اثناء تقييم مشاريعهم ... كان الطالب بيعرض مشروعه بثقة كامله كانه مهندس كبير لانه فعلا فاهم كل شيئ عمله في المشروع ... ودرس فعلا جميع عناصرالمشروع ووصل فعلا لحلول لجميع المشاكل او المتطلبات المعمارية للمشروع
أما هنا في مصر ... الطالب بيفكر في مشاكل المشروع وبيضع فكرته للحل في يوم او يومين ... وربما في جلسة واحدة وعلى اقصى تقدير في اسبوع ويستغرق شهر في التبييض
هناك الطالب لما بيعمل فكرة (ابداعية) عبقرية في حل مشروعه ... بيكون درس انعكاس هذه الفكرة على مستعملى المبني ... اقصد بيكون درس بشكل محايد وبدون تحيز لفكرته انها فكرته ... بيدرس المتطلبات التقليدية الكلاسيكية للانسان داخل الفراغ اللي نتج من فكرته الابداعية ... اقصد انه مش بيكتفي ان الفكرة المعمارية تكون (مبهرة) في شكلها حتى لو كانت (فارغة) في مضمونها ومليئة بالسلبيات ... بالعكس ... بيحاول يخلق ايجابيات للفكرة في داخل هذا الفراغ اللي صممه ويعظم قيمة الايجابيات ومايجعلش (الشكل المبهر) مرتبط بـ (تنازل) عن احتياجات اساسية في المضمون
هنا ... اهم شيئ ان الفكرة تكون (مبهرة في شكلها) مش تكون (مبهرة شكلا ومضمونا) ولو ناقشت الطالب او لفتت نظره للسلبيات داخل هذه الفكرة كنوع من التوجيه في الاتجاه الصحيح وهو عدم الاكتفاء بالابهار بل يضاف للابهار ان يتوافق المبنى مع الاحتياجات الانسانية لمستعمليه وتادية الجانب الوظيفي والانشائي والمناخي ... الخ بشكل سليم بالاضافة إلى (الإبهار الشكلي) الطالب هنا يظن انك بتحارب الابداع


أما بالنسبة لكلمة ( التعليم بالعربي)... بص يا محمد .... انا عشت في جامعة روما في ايطاليا وكان معانا في نفس قسم العمارة طبعا طلبة مرحلة البكالريوس
كل الكتب عندهم بالايطالي ... كل المواد تدرس لهم بالايطالية ... وبالرغم من ذلك هم ليسوا متخلفين ... مستواهم العلمي والتحصيلي ليس منحدرا
ونفس الشيئ بالتاكيد هاتلقاه في المانيا وفرنسا و.... و..... وحتى دول اوروبا الشرقية
الفرق بيننا وبينهم ان مستوى الطالب هناك في اللغة الانجليزية اعلى من مستوى الطالب هنا ... ففي قراءة الكتب بالانجليزية الغير مترجمة الى لغة بلده مثل تايم سيفر مثلا الطالب هناك افضل من الطالب في مصر ... وهذا ليسابدا تقصيرا من القائمين بالتدريس في الجامعة هنا بل اظنه في مستوى اللغة عند الطالب ... لانه درس اللغة الانجليزية في ثانوي بنفس فلسفة : اخد درجات في المادة وبعدين اتعلم

محمد ....خليني اسالك سؤال
انا لو قلت لك معلومة علمية ... لاول مرة تعرفها ... بس قلتها لك بالعربي ،،،، ولو قلت لك نفس المعلومة بس باللغة الانجليزية .... ايه الفرق بين الاتنين في حصيلة المعلومات اللي في دماغك؟؟؟
يعني لو قلت لك مثلا : درجة غليان الماء 100 درجة مئوية
أو قلت لك
The water poils at 100 centigrade degrees
ايه الجديد في المعلومة التانية عن المعلومة الاولى؟؟؟
هل فيه فرق في حصيلة معلوماتك العلمية في الحالتين؟؟؟؟
أما عن فكرة زيادة عدد الساعات العملية عن النظرية ... فدي بالذات اكتر شيئ مرفوض من الطالب هنا انك تعطى له ساعات نظري ... اقصد محاضرات في مادة التصميم المعماري مثلا ... أو في مادة التصميمات التنفيذية على سبيل المثال
اسأل طلبة 3 السنة دي عن درجة تقبلهم لتلقي معلومات نظرية عن المادة قبل البدء في (الرسم المباشر) واعرف رايهم

عموما ... اتمنى ان الاحوال تنصلح للاحسن
وتمنياتي لك وللجميع بالتوفيق

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم ورحمة الله وبركاته
د / هشام انا بشكر حضرتك على مشاركتك معانا المنتدى و مناقشة حضرتك فى رأى الطلاب

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
انا متفق جدا مع راي حضرتك مع العلم ان في نقطه تتاخد ضدي انا وهي ان انا ( مش هاوي عماره ) وفاقد الشيء لا يعطيه طبعا, اه الواحد اكيد لو كان جاه على نفسه وحاول يفهم كنت خلصت من زمان , بس انا بتكلم ع الطلبه اللي بتحب قسم عماره وهوا دا املهم وحلمهم , مش عارف ليه بحس انهم نسخ من بعض كله زي ما حضرتك بتقول بيفكر يا خد درجات لا اكتر ودي لواحدها كفيله بالقضاء ع عمليه الابداع لان هدفه الاول هنا تحصيل الدرجات مش تحصيل المعلومات لكن زي مافي مشاكل من الطلبه في مشاكل برضه من طريقه التدريس اللي بتعود الطالب ع الحفظ مش ع الفهم واللي بتبان من اسئله الامتحان
مثلا ماده زي الوركينج الامتحان بتاعها بيعتمد ع السرعه فقط طيب فين الفهم , هو مش من المفروض ابقى انا فاهم الوركينج كويس عشان اقدر انفذ اي حاجه انا اقدر اصممها يعني لو جاه في الامتحان اي رسمه لمثلا انشاءات خاصه او مبنى فيه مشكله تنفيذيه وانا من فهمي للوركينج احاول اطبقها برسم اسكتشات موضحه للحل مش يبقى الامتحان 6 ساعات ومعتمد على السرعه في عصر برامج الارشيكاد و الاوتوكاد

مثلا ف التصميم لما يجي ف الامتحان ارسم مشروع ايا كان نوعه هل من المنطقي ان اخلص كافه المطاليب ف الامتحان اكيد لو عملت كده هيطلع مشرووع اي كلام وعشان كده اللي بيحصل ان الطلبه بترسم نفس مشروعها هوا هوا ف الامتحان طيب ايه الفايده او تحفظ كام مشروع ترسمه ف الامتحان, يعني بدل ما بتفكر بتحفظ واللي بيحفظ بيجيب درجات اكتر
و انا لما اتكلمت عن النواحي العمليه فعلا انا شايف دي مهمه اوي بمعنى مينفعش ان اقعد اشرح الخطه للاعب كره القدم من غير ما امرنه التمرين اليومي والا مفيش فايده لان هنا انا بتحول من ممارس فعلي لهاوي ودي مشكه بتقابل كل الخريجين

اما اللغه الانجليزيه اه القسم مش مطالب بتعليم اللغه للطلبه مع انه لو المواد والدراسه بالانجليزي مدارك وا فق الطالب هتزيد لان ساعتها هيقدر يقرأ ابحاث اجنبيه وهيكون ع اتصال مباشر بكل ماهوا جديد وانا شايف ان النقطه دي مش محتاجه واحد كويس ف الانجليزي ولا حاجه دي عمليه تعود لان مواد مدني القوانين والرموز بالانجليزي والطلبه بتذاكرها برضه

المشكله اللي انا شايفها رئيسيه ان الواحد بعد ما قضى الوقت دا كله في قسم العماره هل هوا كفء للسوق الخارجي , هل الكليه فعلا قادره ع تأهيل طلبه عاليه المستوى, وليه الدراسه متكونش كورسات حره ع مدار السنه
عموما انا شايف المشكله مشكله بلد قبل ماتكون مشكله قسم
مشكله قوانين ونظم

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم
محمد ... ممكن تصحصح معايا شوية؟
:)
انا هاتكلم معاك المرة دي في نقطة واحدة بس هي
(طريقه التدريس اللي بتعود الطالب ع الحفظ مش ع الفهم واللي بتبان من اسئله الامتحان )

المشكلة الكبرى ان فيه خلط للمفاهيم
أولا ... الحفظ في حد ذاته مش شيئ عيب ... اقصد مهارة تذكر الاشياء ... ولابد ان يدخل دماغك كم من المعلومات المجردة والتي لابد ان تتذكرها طوال عمرك طالما انك مهندس معماري وده مش عيب ابدا بل العيب انك ماتكونش عارف هذه المعلومات بشكل يجعلك تتذكرها كلما احتجت لها

محمد ... فيه سته مستويات للتفكير المطلوب عند التعلم ولا غنى عن واحد منها
المستويات دي لو رتبناها بشكل هرمي (غير الهرم اللي في قصيدتك طبعا) تبدا من قاعدة الهرم اقل المستويات وتنتهي بقمة الهرم اعلى مستويات التفكير
الهرم ده اسمه هرم بلوم
BLOOM'S PYRAMID FOR LEARNING LEVELS
1) المعرفة ( التذكر)
يقصد بها قدرة المتعلم على الملاحظة واسترجاع أو تذكر مادة سبق تعلمها
2) الفهم والاستيعاب
وتعني قدرة المتعلم على فهم معنى المادة، واستيعاب المعلومات وإدراك الحقائق.
3) التطبيق
وتعني قدرة المتعلم على استخدام المواد المتعلمة في مواقف جديدة. توظيف المعلومات والبيانات بصورة فاعلة؛
4) التحليل
قدرة المتعلم على تحليل المادة إلى عناصرها من أجل فهم بنائها التنظيمي
5) التركيب
قدرة المتعلم على تجميع الأجزاء لتكوين بناء أو نمط جديد وتعني اشتقاق العلاقات والتعميمات، اقتراح الأهداف والوسائل، تصميم الخطط والعمليات، تنظيم المفاهيم والنظريات والمشاريع، تأليف وإعطاء نواتج، توظيف ما تم تعليمه من أفكار في توليد أفكار جديدة.
(وهو ما نسميه مجازا في قسم العمارة بالابداع حيث انه هناك فرصة في هذا المستوى للتفريق بين طالب وآخر من الناحية الفكرية ... ولكن الابداع فعلا سياتي فيما بعد... وهناك خلط شديد بين الابداع المطلوب في هذا المستوى وما سياتي فيما بعد)
6) التقويم
وتعني قدرة المتعلم على إصدار حكم على قيمة المادة بالنسبة لهدف معين.
فهو يقيم الأخطاء والمغالطات والتنبؤات والوسائل والنهايات. ويختبر قيمة الفرضيات أو النظريات ويحدّد قيمة دليل ما؛ ويفرق بين البدائل. وهذا المستوى من التعليم يتاح له الفرصة في الدراسات العليا في المرحلة بعد الجامعية.
إلى هنا تنتهي مهارات التفكير المرتبطة بالعملية التعليمية طبقا لهرم بلوم لمستويات مهارات التعليمواللي تم وضعها عام 1956 وكان والابداع حتى وقت قريب هو شيئ لن يقدر عليه او متوقع الا من شخص واحد او اتنين في المليون كل عدد من السنين وتعني التوصل إلى حلول جديدة لم تكن معروفة من قبل ، أو استحداث شيئ لم يكن له وجود أو نظير وهو يعتمد أساسا على الموهبة أو العبقرية (أنظر موضوع وادي عبقر في المنتدى )بشرط تخطي المستوى الفكري لدرجتي التركيب والتقويم (5 و 6) في هرم بلوم (ولزيادة المعلومات زور الموقع ده):

[ندعوك للتسجيل في المنتدى أو التعريف بنفسك لمعاينة هذا الرابط]
أو
[ندعوك للتسجيل في المنتدى أو التعريف بنفسك لمعاينة هذا الرابط]
---------------------------------------------------------------------

7) الإبداع
وهو يعني خلق شيئ جديد ولكن ليس فوق مستوى البشر .
وقد تم تعديل كلام مستر بلوم حديثا وملخص التعدل ان التركيب اتلغى من الهرم وطلع فوق التقويم وبقا اسمه الابداع

وبكده اصبح مطلوب من الطالب انه يقيم النظريات السابقة وبعدين يبدع شيئ جديد ، وده ملخص التعديل في هرم مستويات التفكير
للفهم اكتر زور الموقع ده
[ندعوك للتسجيل في المنتدى أو التعريف بنفسك لمعاينة هذا الرابط]
أو
[ندعوك للتسجيل في المنتدى أو التعريف بنفسك لمعاينة هذا الرابط]
=======================================================
وواضح طبعا انه طبقا لهرم بلوم ان المتوقع ان التعليم يكون في المرحلة الابتدائية يتعامل مع المستويات الأولى من مهارات التفكير ، وفي اعدادي وثانوي يزيد المستوى حتى يصل لاقصاه في المرحلة الجامعية.
بالرغم من كده من النادر ان مادة دراسية واحدة تعتمد على مهارة واحدة من مهارات التفكير .. ممكن يكون فيها اكتر من مهارة.
كذلك لابد حتى في اعلى سنوات التعليم الجامعي ان تكون هناك مواد دراسية تعتمد على مهارات التفكير الأولى (قاعدة هرم بلوم). ..... فكر كويس وبحياد يا محمد في الأمر ... هاتلقى ان فيه مواد يستحيل يكون فيها مستويات عليا ... مثلا ... مادة كميات ومواصفات ... المواصفات مثلا ... لازم تتحفظ يعني المستوى 1 اهم شيئ فيها وممكن تعتمد على المستوى 2 أو 3 على اقصى تقدير. لكن مادة زي التصميم المعماري مثلا ... هاتعتمد غالبا على المستوى 4 والمستوى 5 .


للموضوع بقية
.

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
تابع
اتفقنا ان مهارات التعلم هي بالترتيب من الادنى للاعلى كالتالي
التذكر، الفهم ، التطبيق ، التحليل ، التركيب ، التقييم ، الابداع
بالتاكيد ليست كل مادة دراسية المطلوب فيها جميع المستويات ... لكن فيه مواد تقف حدودها نظرا لطبيعة محتواها عند المستوى الاول ... ومواد للمستوى الثاني .. ومواد للثالث وهكذا
وبالتالي الاختبار او الامتحان لابد انه يقيس مهارة التعلم في نفس المستوى المطلوب للمادة
بالله عليك .. قل لي كيف اقيس مهارة التحليل في مادة مثل القوانين والتشريعات؟ اقصى ما هو مطلوب من الطالب هو المستوى الثالث وهو التطبيق ... ودراسته للمادة استهدفت هذا المستوى ... فبالتأكيد الامتحان فيها لا يتجاوز هذا المستوى
مادة مثل الثصميمات التنفيذية (في اولى وثانية كانت هي الانشاء المعماري وكان المستوى المستهدف فيها هو المستوى الثاني وبالتالي امتحان اولى وثانية لا يتجاوز المستوى الثاني ) ولكن في سنة ثالثة يتخطى المطلوب فيها الى المستوى الثالث وهو التطبيق ، وفي سنة رابعة يصل الامر بالطالب المتميز إلى المستوى الخامس وهو التركيب لكن مع اغلب الطلاب مطلوب المستوى الثالث وهو التطبيق .... بالتالي اختبار ماة التصميمات التنفيذية في سنة ثالثة يجب ألا يتجاوز المستوى الثالث وهو التطبيق ... طيب ... كل الطلبة في سنة ثالثة تمكنوا من معطيات المادة في المستويين الاول والثاني (التذكر والفهم) ولكن بدرجات متفاوتة . اذا الاختبار يقيس قدرة الطالب على التطبيق ... والفرق بين طالب وأخر في التطبيق اذا كان مدة الامتحان مفتوحة لن يظهر فالكل سيحصل على الدرجة النهائية ، اذا لا مفر من قياس سرعة الطالب في تطبيق ما تعلمه حيث انه كلما كان متمكنا من معطيات المادة من ناحية التذكر والفهم كلما امكنه التطبيق في وقت اقل ...وكلما احتاج وقت اكبر للتطبيق كان معناه عدم تمكنه من مهارات التذكر والفهم
بالنسبة لاقتراح ان الامتحان يشتمل على تفاصيل معمارية غير تقليدية ويكون هو ده الامتحان ... بالاضافة لإن الامتحان كده هايتجاوز المستوى المطلوب وصول طالب سنة ثالثة إليه ، اقول لك شيئ واحد بس : ان لما جربنا ان الامتحان يكون مطلوب فيه تفاصيل ... تفاصيل تقليدية ... كانت النتائج سيئة جدا ونسبة كبيرة من الطلاب كانوا يتجنبون اجابة هذه الجزئية (ومش عايز اشرح بالتفصيل ايه اللي كنا بنشوفه في ورق الاجابة)... فما بالك لو كان الامتحان كله تفاصيل ؟ و غير تقليدية كمان؟؟ النتيجة هتكون مأساة (من وجهة نظر الطلاب ونسبة النجاح) وتأكد ان الامتحان بالشكل الحالي ده شيئ في منتهى الرحمة بالطالب ودرجاته
للموضوع بقية

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
تابع
بالنسبة لعبارة (يعني لو جاه في الامتحان اي رسمه لمثلا انشاءات خاصه او مبنى فيه مشكله تنفيذيه وانا من فهمي للوركينج احاول اطبقها برسم اسكتشات موضحه للحل مش يبقى الامتحان 6 ساعات ومعتمد على السرعه في عصر برامج الارشيكاد و الاوتوكاد)ـ
اولا: الارشيكاد والاوتوكاد أدوات رسم وليست أدوات تفكير ، اتفقنا ان هناك معلومات اساسية لازم تكون عارفها ولا تغيب ابدا عن ذهنك من ناحية التذكر وهناك مبادئ اساسية لايجب عدم فهمها وبعد كده يجيئ دور ادوات الرسم للتعبير عن المشروع بلغة المهندس وهي الرسم وباي ادوات سواء بالبرامج أو بالرسم اليدوي لايهم
ثانيا : ان الامتحان يكون عبارة عن انشاءات خاصه او مبنى فيه مشكله تنفيذيه والطالب من فهمه للوركينج يحاول تطبيقها برسم اسكتشات موضحه للحل ، ده فعلا اللي بيحصل في مادة التصميمات التنفيذية لكن لطالب الدراسات العليا ... بعد التخرج باذن الله ممكن الواحد يكمل في الدراسات العليا وفيها كورسات لمواد مختلفة منها التصميمات التنفيذية وبيكون فيها فعلا قياس مقدرة طالب الدراسات العليا على التحليل والتركيب وحل المشكلات بشكل أعمق
هي دي طبيعة الحياة يا محمد ... نفس المادة لما تتعرض لها لاول مرة بيكون المطلوب من دراستها انك توصل لمستوى معين من مهارات التعلم ... وبعدين لما تتعرض تاني لنفس المادة الدراسية بيكون المطلوب مستوى أعلى .. وبعدها مستوى أعلى ... وهكذا
=====================================
بالنسبة للجزء من كلامك (مثلا ف التصميم لما يجي ف الامتحان ارسم مشروع ايا كان نوعه هل من المنطقي ان اخلص كافه المطاليب ف الامتحان اكيد لو عملت كده هيطلع مشرووع اي كلام وعشان كده اللي بيحصل ان الطلبه بترسم نفس مشروعها هوا هوا ف الامتحان طيب ايه الفايده او تحفظ كام مشروع ترسمه ف الامتحان, يعني بدل ما بتفكر بتحفظ واللي بيحفظ بيجيب درجات اكتر)ـ انا ما اعرفش ايه اللي بيحصل في مادة التصميم المعماري لكني متأكدان الامتحان فيها بيكون عبارة عن مبنى من نفس نوعية المباني اللي عملت لها مشاريع خلال السنة لكن مش نفس المشروع بنفس الحجم بنفس المتطلبات
====================================
أما بالنسبة لـ (الواحد بعد ما قضى الوقت دا كله في قسم العماره هل هوا كفء للسوق الخارجي , هل الكليه فعلا قادره ع تأهيل طلبه عاليه المستوى, وليه الدراسه متكونش كورسات حره ع مدار السنه)ـ
كفاءة الطالب للسوق الخارجي بالشكل اللي انت متخيله لن تتم الا بعدة اشياء: كالتالي
زيادة عدد الكورسات التي تدرس للطالب (على سبيل المثال لطالب هندسة عمارة تدريس مادة تكنولوجيا بناء او اشراف على التنفيذ وهي تدرس ثلاث سنوات على الاقل في كليات التكنولوجيا مع عدد كبير من الساعات العملية، تدريس مواد خاصة بالاستثمار العقاري، تدريس مواد خاصة بادارة المشروعات ونظم ادارة المشروعات المتقدمة على الاقل ثلاثة او اربعة كورسات، تدريس مواد خاصة بنظم الانشاءات الغير تقليدية من الناحية التنفيذية وفي جميع ماذكر تكون ساعات دراسة نظرية محاضرات وساعات تدريب عملي في ارض الواقع، تدريس مواد خاصة بالاظهار المعماري على هيئة كورسات في سنوات الدراسة مثل الفوتوشوب والثري دي واي برامج اخرى)ـ
تدريس مواد دراسية غير تقليدية تهتم بقدرات المهندس على التعامل مع الواقع مثل: مهارات الاتصال والعلاقات العامة ، مهارات التسويق... الخ
النتيجة النهائية ان عدد سنوات الدراسة للحصول على بكالريوس العمارة سيزيد إلى سبع سنوات بدلا من خمسة ... ونصبح مثل جامعات اوروبا التي تعطي البكالريوس بعد سبعة سنوات ويدرس فيها ما سبق ذكره
=============================
أما بالنسبة لكون الدراسة عبارة عن كورسات حرة فهي تحدث في التعليم الامريكي كالتالي:
لكي تتخرج مهندس معماري لابد من ان تدرس عدد معين من الكورسات طوال سنوات الدراسة (هانقول ستين كورس مثلا لتقريب المعنى)ـ
يعطى للطالب حرية الاختيار مابين عدد اكبر من الكورسات (خمسة وسبعين كورس مثلا كل طالب يحدد من البداية هو هيدرس اي ستين كورس من الخمسة وسبعين) بشرط ان هناك اربعين كوس مثلا اجباريين وثلاثين كورس اختياري الطالب يختار منهم خمستاشر بشروط معينة)ـ
الستين كورس موزعين على عدة فصول دراسية (سيمستر) لكن بشروط اهمها ان فيه مواد معينة لابد من مراعاة التسلسل في دراستها فهناك كورسات لابد ان تدرس بعد كورسات اخرى
هناك حد اقصى لعدد الكورسات في السيمستر الواحد ... يعني مينفعش ان واحد يقول انا هاخد اتناشر كورس في السيمستر الواحد يعني بعد خمسة سيمسترات هاكون اتخرجت (خمسة سيمستر يعني من سنتين لسنتين ونص لأن السنة الدراسية هناك مش اتنين سيمستر زينا لكن تلاتة سيمستر باضافة سيمستر الصيف اللي احنا هنا بناخه اجازة اجباري هناك الاجازة فيه اختيارية يعني الطلبة المستعجلين على التخرج بس هما اللي بيختارو الدراسة في السمـــر سيمستر) ـ
النظام ده اسمه نظام الساعات المعتمدة
credit hours
وفعلا الجامعات المصرية في طريقها لتطبيق نظام الساعات المعتمدة ... يعني مشروع تطوير التطوير الجامعي اللي ماعرفش ان كان سمعتوا عنه ولا لا ... بيهدف لتطبيق شيئ زي كده والجامعات المصرية مشغولة في الاعداد له بشكل كبير بس للاسف يامحمد يمكن ينطبق على الجيل اللي بعدكم ... يمكن بخمس سنوات مثلا ... الله اعلم ... لكن ان شاء الله هايحصل
مع تحياتي


عدل سابقا من قبل Dr. Hesham في 26/01/09, 12:47 pm عدل 2 مرات

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
واضح ان لايحه 97 هتطول السنادي واضح ان لايحه 97 هتدخل دور نوفمبرواضح ان لايحه 97  هيكونوا المغضوب عليهمواضح ان لايحه 97 مش هياخدوا لقب مهندسيارب لايحه 97 ترسي علي كده ومياخدوش مجلس تاديب اون لاين 

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم ورحمه الله وبركاته اما بعدانا سعيد جدا بالحوار القائم خصوصا ان الدكتور هشام معانا النهارده انا بصراحه كنت متابع الموضوع من اوله لحد ما زكي دخل كتب الرد ده وكان رد صريح شويه واعتقد انه لازك يكون في توخي للحذر بعد كده في الرود بالنسبه للاعضاء الصغيرين بالذاتاما بالنسبه للدكتور هشام فانا قريت كلام سيادتك كله يا دكتور بصراحه والكلام جميل جدا وانا مقتنع بيه بشده بس انا هستاذن سيادتك في شئ صغير جدا  وهو اني عايز اثبت لحضرتك شئ بس والاثبات فعلي  مش نظري فياريت سيادتك تديني  فرصه بس وانا هجيب لحضرتك مفاجاه جميله جدا هتدعم كلام سيادتك كمان 

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
وعليكم السلام ورحمة الله وبركاته يا باشمهندس احمد محرم

انا واخد الموضوع بدون اي حساسية بالعكس انا لو غير كده كنت كلمت محمد زكي شخصيا ... وعلى فكرة انا ابتديت كلامي مع محمد زكي باني سعيد اني شفت واحد بيقول رأيه بصراحة ... ده منتداكم يا باشمهندسين واتكلموا قولوا اللي عايزين تقولوه بصراحة
ثانيا .. انا متشوق للمفاجأة اللي انت محضرها ... واكيد هاتكون حلوة طبعا
في الانتظار

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
شكرا ع المعلومات القيمه والفكر المتفتح من الدكتور هشام ويارب دايما الى الافضل
لان فعلا الدكتور هشام شخصيه مميزه و انا لما احتكيت به فتره لمست ذلك عن قرب
وعلى فكره انا كان نفسي اطبق حاجات كتير من الكلام اللي حضرتك قولته
لان لو الكلام اللي حضرتك قولته اتنفذ هيفرق كتير مع الواحد
بس اساسا المشكله اللي وقعنا فيها جيل او وقعت انا فيها شخصيا
1- سوء الاختيار ودي مشكله جيل بحاله متعودش انه يختار من وهو طفل صغير يعني انا لم اكن اتمنى ان اكون مهندسا لكن المجموع ايام الثاويه العامه هوا اللي دخلني
2- القدره على تغير الاختيار ( القدره ع اتخاذ قرار مصيري) ودا من اكتر الاسباب اللي الواحد عانا منها خصوصا انا انا كنت هسيب القسم فعليا اكتر من مره لكن طبعا رأي البيت بطرقه المختلفه بيخلي الواحد يجي ع نفسه ,وطبعا من وجهه نظرهم عندهم حق لان حاله البلد كلنا عارفينها واللي في ايده عصفور احسن من عشره ع الشجره
3 - عدم تحديد هدف و الاصرار عليه مهما كان حلمك , لو عندك اراده كل حاجه بتهون , انا كنت بقرا كتاب اسمه (the secret) وهوا بيتكلم عن قانون الجذب وعن كيفيه تحكمك بافكارك وان افكارك هي الي هتحققلك كل الي بتحلم بيه وازاي تقدر تغير افكارك السلبيه الى ايجابيه وفي ناس جربوا وطبقوا الكلام دا واتحقق اللي بيحلموا بيه ,بس الفكره هنا انك تصر ع الهدف اللي انت عايزه ومتقنعش نفسك انك وحش او سيء لان كل ما بتفكر كده بتزداد سوءا لا اراديا و دي نقطه مهمه, مثال على الكلام دا ان كان فيه موظف( ودي قصه حقيقيه ) وهوا ف طريقه للعمل يلاقي ناس بتضايقه ف الشارع , لما يكون ف الشغل دايما زمايله مش حبينه ومش متفاعلين معاه و على مشاكل دائمه مع رئيس العمل والمشكله هنا ان الموظف كان بيفكر تفكير سلبي من ناحيه كيف يراه المجتمع وكيف يراه زملاءه ف العمل ودايما كان بيشوف الجانب السلبي فقط وفعلا الراجل ده حاول يغير من نفسه وبالفعل بدأ يشوف الجوان بالايجابيه بس ويفكر تفكير ايجابي وكانت المفاجاه ان لما ينزل الشارع لا يتعرض لاي مضايقات وان علاقته بزمايله ف الشغل اتحسنت وعلاقته كمان مع رئيس العمل اتحسنت . ودي نقطه اتعرضت انا ليها شخصيا .

كفايه كده انا طولت عليكم

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
حصل خير يابوحميد
ورايي فعلا اني لو كنت مكانك اعمل بالمثل اللي بيقول
اذا لم تجد ما تحب ... فحب ماتجد

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم
احب ارحب مره اخري بالدكتور العزيز علينا كلنا الدكتور هشام
واحب اقؤل لسيادتك ان المفاجاه
هتلاقيها علي الرابط ده
[ندعوك للتسجيل في المنتدى أو التعريف بنفسك لمعاينة هذا الرابط]
وهو استفتاء جميل جدا مستنين كلنا نتيجته في بعض الطلبه اللي دخلت وادلت بالاستفتاء وادنيا مستنين الباقي ان شاء الله
عن مهارات التعليم الاساسيه

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم
اولا احب اشكر م. عبد الرحمن على هذا السؤال لاني بجد متدايقة فعلا من هذا الامتحان
اولا : الامنتحان نظري جدا لايوجد اي مساحة للفهم وهذا ينفع لطلبة حقوق اوتجارة انا معنديش مشكلة ان يكون نظري بس بالمعقول مش كل الاسئلة (ما هى واذكر)في حين ان احنا متفقين مع الدكتور بعدم التركيز علي هذا النوع من الاسئلة
ثانيا : شكل الامتحان ونوعية الاسئلة صعبة بمعني انه لونسيت اوضاعت منك اى ورقة يبقى بالسلامة علي السؤال (ودا فعلا حصل معايا للاسف ضاعت مني ورقة واحدة فقط فضاع منى سؤال بالكامل (10 درجات)ودا حرام
ويجب ملاحظة ان ورق المحاضرات اخدناة متأخر قوي يعنى الي ذاكر المنهج ثلاث مرات يبقى شاطر قوي وفي الاخر عايزنا نحل امتحان كلة حفظ هههههههها
في النهاية الامتحان طبعا صعب صعب صعب..... السلام عليكم

descriptionما رأيكم في امتحان القوانين والتشريعات Emptyرد: ما رأيكم في امتحان القوانين والتشريعات

more_horiz
السلام عليكم و رحمة الله و بركاته
أخواتي المعماريين
أرجو منكم كتاب القوانين و التشريعات e book
عاجل عاجل عاجل
للضرورة
و شكرا جزيلا

,و بالمناسبة المادة دي كانت ظريفة أوي

descriptionما رأيكم في امتحان القوانين والتشريعات Emptyالرد على امتحان مادة القوانين والتشريعات

more_horiz
السلام عليكم ورحمة الله وبركاته وكل عام وانتم بخير بمناسبة بدء الترم الثاني وفقكم فيه الله سبحانه وتعالى لكل ماتحبون اما بعد:
انا اخوكم في الله محمود احمد عبد الحكيم بالفرقة الثالثة عمارة
اود ان اتحدث عن الامتحان لمادة القوانين والتشريعات ولكن قبل ان اتحدث فلدي حقيقة اود ان انقلها لسيادتكم وهي الاعتراف بكل الشكر والعرفان والتقدير والاحترام لكل القائمين على تدريس مادة القوانين والتشريعات وبالاخص المعيدين المهندس عبدالرحمن حسين واحمد حسني ومحمد نبيل وايمن سيـــــــــــد على المجهود الجبار الذي بذلوه ببراعة فائقه في استخدام الحنكة المثاليه في وصول المعلومات للطلاب بكفاءة عالية فجزاهم الله خير الجزاء وجعلهم زخرا للعلم والعطاء اما بالنسبة للامتحان فانا لا استطيع ان اقول ان الامتحان كان صعب ولكن الامتحان كان مفاجاة للجميع عن غير المتوقع عن باقي امتحانات الاعوام السابقة واختلاف الدكتور ايمن هاشم180 درجةفي وضعية الامتحان وارى من وجهة نظري ان زملائي وزميلاتي في الدفعه لا يبحثون الا عن التقدير في المادة فقط ولكن ليس للشعولر بالاستفادة منها في سوق العمل الجاد وهذا ما يجعلنا في تخلف مستمر ومن جيل العالم الثالث ومن ظل يمضي ليسكب في بوتقه الوهم ستسكب عليه في يوم من الايام ولن نرقى الى المستوى الذي يبحث عن الفكر الجاد فانا اقول بصراحة انني لم اجيب في تلك الامتحان بكفاءة عاليه وكله نصيب مقدر والحمد لله على كل
شئ مع انني راجعت المادة حفظ وتكنيك كامل ست مرات قبل الامتحان ولكن لتصادم المعلومات حدث ما حدث والحمد لله ولكني بصراحة استفدت استفادة شسقة من تلك الماده وبرغم فشلي داخل القسم وعدم تحقيق المطلوب ولكني اقول الحمد لله على كل شئ واعلم بان الله لن يترك عبده وانه يتظرني مستقبل حافل بالخيرات باذن الله وبما ينفع امه محمد بالخير واليمن بلذن الله تعالى
لكم مني جزيل الشكر والعرفان
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد