Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 لعشاق احمد فؤاد نجم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: لعشاق احمد فؤاد نجم   25/12/08, 06:42 am


الملك .. السلطان .. القيصر .. الامبراطور .. الوزير
كلها القاب تطلق على الرجال .. لكن الرجال العظام ليسوا في حاجه الى القاب لكي تصفهم او تصف مكانتهم عند الناس و بالاخص ذلك الرجل .. فمكانته في قلوب الناس و الشعب المصري لا تحتاج الى لقب لكي تصفه
ابسط دليل على عشقه للشعب و عشق الشعب له
ادخل على اليوتيوب و اطبع اسمه و شاهده يتحدث
ستدهش من صراحته و بلاغته وعبقريته في استخدامن اللغة المصرية السهلة في التعبير عن مشاكلنا بكل صراحة
صراحته كانت سببا في دخوله السجن عدة مرات
فصراحته ستدهشك و تزهلك
انه العصفور الجميل .... احمد فؤاد نجم
حالة فريدة في بساطتها لا تتكرر بين المبدعين فهو على حسه المرهف صورة من رجل الشارع بكل تفاصيله اليومية وبحياته الساذجة الذي أكسبته الطبيعة تلقائيتها وبوعيه الكامل للحياة القاسية التي غلفته والذي عبر بالعامية عن كل أوجه الحياة .

ولد الفاجومى أحمد فؤاد نجم صاحب العينين الخضراوين في "عزبة نجم" بالزقازيق يوم 22/5/1929 توفى والده وهو في السادسة من عمره ، وعاش نجم مع أفقر فقراء مصر من الريف إلى العاصمة في "حوض آدم" بجوار الأزهر الشريف في حي الغورية وهو حي قديم تهدم تماما بفعل الزلزال وقد أعطته الحكومة شقة في منازل الإيواء التي تم توزيعها على المتضررين من الزلزال ، وقد عرف الحياة القاسية منذ صغره ولازمه الفقر حتى الآن بالرغم من شهرته .

وبدا حياته العملية كعاملاً في سكك الحديد في ( 1951-1956) ثم عمل طوافاً بريدياً واكتشف في طوافه حجم القهر الواقع على الفلاحين"، وفي عام 1959 انتقل من البريد إلى النقل الميكانيكي في حي العباسية .

وفى1962 خرج أحمد فؤاد نجم من سجنه ليلتقي بالشيخ أمام عيسى الملحن الفقير الضرير رفيق الطريق وقد عبرا سويا عن كل قوى التغيير في المجتمع في الشوارع في المصانع وبين الطلاب في الجامعات ، وتعاقد الثنائي نجم - إمام على أن يكتب أحدهما وأن يغني ثانيهما وهكذا كانا متلازمين في كل شئ وحتى في السجن اللذان كانا يدخلاه سويا ويخرجان معاً أو منفردين ليعاودا النضال ، وبدأت حياتهما معا في حوش آدم وقد نجحا في إثارة الشعب وحفز هممه قديما ضد الاستعمار ثم ضد الديكتاتورية الحاكمة ثم ضد غيبة الوعي الشعبي، ويقول نجم عن رفيق حياته انه(أول موسيقي تم حبسه في المعتقلات من أجل موسيقاه وإذا كان الشعر يمكن فهم معناه فهل اكتشف هؤلاء أن موسيقى إمام تسبهم وتفضحهم) وقد انفصل هذا الثنائي بعد فترة واتهم الشيخ إمام قرينه أحمد فؤاد بأنه كان يحب الزعامة وفرض الراى وانه حصد الشهرة بفضله ولولاه ما كان نجم ولكن هذا هو القدر أراد أن يحرمنا من ثنائية جميلة أمتعت الجمهور العربي استمرت طوال 35 عاماً قبل وفاة الشيخ إمام .

ويقول احمد فؤاد نجم عن نفسه أنا فلاح مصري مواطن عربي منتهك الأرض والعرض مكبل ومطارد ، أنا حفيد الفلاح الفصيح فلاح مصري فاهم كل حاجة ولا أستطيع أن أبلع لساني ، واحمد فؤاد نجم لا تسطيع فصله عن العالم المحيط وعن المجتمع البسيط وان تدرك مدى حب الناس له من أصدقاءه المحيطين به .

وأحمد فؤاد نجم الشاعر المنطلق المندفع كثيرا والذي لا يخشى القوانين ولا القيود في سبيل قول ما يراه ويعتقد فيه والذي تظاهر للمرة الأولى سنة (1946) وكان لا زال في السابعة عشر من عمره مع (90) ألف عامل مصري ، وقد سجن تقريبا طوال فترة رئاسة الرئيس السابق محمد أنور السادات يقول إن صحراء الوطن العربي انتقلت من الأرض إلى عقولنا فالإنسان العربي متصحر ولا يمكن الإبداع تحت كل هذه الضغوط وترسانة القوانين المقيدة للحريات في الوطن العربي وأنظمة الحكم الفاسدة ويقول عن نفسه انه مجنون لذلك أبدع ولكن ليس كل الناس مجانين و كل إنسان موهوب في اتجاه لكن الخوف والرعب قاتل الناس.
ويرى أحمد فؤاد نجم أن العامية أهم شعر عند المصريين لأنهم شعب متكلم فصيح وأن العامية المصرية أكبر من أن تكون لهجة وأكبر من أن تكون لغة فالعامية المصرية روح وهى من وجهة نظره أنها أهم إنجاز حضاري للشعب المصري واحمد فؤاد نجم شاعر متدفق الموهبة فقد ألف العيد من الاغانى والتي تعبر جميعها عن رفضه للظلم وحبه الفياض لمصر واستيعابه الكامل للواقع الأليم .

ويرى الفاجومى إن الثقافة الحقيقية تكون من الشارع والناس وليس من الكتب وبالرغم من ذلك كانت للشاعر المبدع قراءاته العديدة والتي بدأها بقراءة القران الكريم وحفظه وقرأ كتاب "الأمل لمكسيم غوركي" وقرأ معظم كتب المسرح العالمي وعشق المتنبى وببرم التونسي و ابن إياس والجبرتي كما قرأ العديد من الروايات المترجمة لديستوفسكى وتشيكوف ومبدعينا الكبار طه حسين وتوفيق الحكيم وغيرهم. وقال عن فؤاد حداد "لو أنه هناك أكاديمية لشعر العامية المصرية هيكون حداد عميد الأكاديمية" أما عن صلاح جاهين فيقول "أنا أسميه الطفل الإلهي هو مجمع عبقريات وبسيط بساطة الفلاح المصري ومجروح وطفل مثل أي مصري حقيقي وقال عن الابنودى انه يعرف طريقه جيدا وهو طريق السلطة .

وأحمد فؤاد نجم له خمس زيجات وقد سبق له الزواج من صافيناز كاظم وعزة بلبع وسونيا مكويو الجزائرية ويقول عن تعدد زواجاته أنا لم اندم على شئ كل منهن تجربة استفدت منها ، وقد بدأ في كتابة مذكراته والتي تحمل عنوان فاجومى الأول والثاني .
وقد فازت أول أعماله الشعرية والتي تحمل عنوان "صور من الحياة والسجن"بالجائزة الأولى في مسابقة نظمها العقاد وقد كتب فؤاد مسرحيات عجايب - شلتوت العظيم - لولي وغيرها ، وقد عشق فاجومى مصر كما عشقته وعشقه أهلها وقصيدته (يا مصر) التي كتبها من المعتقل في 1970 يظهر فيها هذا الحب والذي يقول فيها :
فلاحينك هما هما
فلاحين رمسيس وخوفو
جيش
لا عيش ولا زمزميه
في الهجيره تبل جوفه
المرض للموت يجرة
وهو ماشي
يجر خوفه
أعمي
سالك سكه عتمه
خطوته
على قد شوفه

الرجوع الى أعلى الصفحة اذهب الى الأسفل
http://www.flickr.com/photos/aboel7assan
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: قصيدة البتاع   25/12/08, 06:46 am


قصيدة البتاع



اكبر دليل على عبقريته اللغوية في استخدام العامية

و كلمة البتاع في القصيدة لها اكثر من معنى
فمن معانيها الضمير .. و الانفتاح .. و السجن .. وغيرها
و قد تنبأ في آخرها بمقتل الرئيس المصري محمد انور السادات


و هذا هو نص القصيدة:
يا للي فتحت البتاع
فتحك على مقفول
لأن أصل البتاع
واصل على موصول
فأى شئ في البتاع
الناس تشوف على طول
والناس تموت في البتاع
فيبقي مين مسؤول ؟
وإزاي حتفتح بتاع
في وسط ناس بتقول
بأن هذا البتاع
جاب الخراب مشمول
لأنه حتة بتاع
جاهل
غبي
مخبول
أمر بفتح البتاع
لأنه كان مسطول !
وبعد فتح البتاع
جابوا الهوا المنقول
نكس عشوش البتاع
وهد كل أصول
وفات في غيط البتاع
قام سمم المحصول
وخلا لون البتاع
أصفر
حزين
مهزول
وساد قانون البتاع
ولا عله ولا معلول
فالقاضي بتع البتاع
فالحق ع المقتول
والجهل زاد في البتاع
ولا مقري
ولا منقول
والخوف
سرح في البتاع
خلا الديابه تصول
ويبقي البتاع في البتاع
والناس صايبها ذهول
وأن حد قال دا البتاع
يقولوا له مش معقول
وناس تعيش بالبتاع
وناس تموت بالفول
وناس تنام ع البتاع
وناس تنام كشكول
آدي اللي جابه البتاع
جاب الخراب بالطول
لأنه حتة بتاع
مخلب لراس الغول
باع البتاع بالبتاع
وعشان يعيش على طول
عين حرس بالبتاع
وبرضه مات مقتول






[ندعوك للتسجيل في المنتدى أو التعريف بنفسك لمعاينة هذا الرابط]
الرجوع الى أعلى الصفحة اذهب الى الأسفل
http://www.flickr.com/photos/aboel7assan
m7moud
.
.


ذكر
عدد المساهمات : 56
العمر : 31
بلدك : quna
التخصص : مهندس كهربي
المستوى التعليمي : متخرج
جنيه مصري : 2922

مُساهمةموضوع: رد: لعشاق احمد فؤاد نجم   25/12/08, 09:17 am

والله الرجل ده بيقول كلام كويس ومعبر
بس علي كده هو يقصد الضمير ..او الانفتاح .. او السجن والله ده طلع راجل طيب دي هاله اللي مش كويسة
الرجوع الى أعلى الصفحة اذهب الى الأسفل
nada aly
مشرف سابق
مشرف سابق


انثى
عدد المساهمات : 1563
العمر : 27
بلدك : Egypt
التخصص : طالب في قسم العمارة
المستوى التعليمي : دفعة 2011
جنيه مصري : 5467

مُساهمةموضوع: رد: لعشاق احمد فؤاد نجم   25/12/08, 09:22 am

الراجل ده جامد جدا وليه قصيدة جامدة جدا وهي


ارحل بقى



أظن أفصح من كدة نصيحة يبقى عيب

بحبك يا ريس وحبك يا ريس معكنن عليـــــة

مقطعلى قلبى مطلع عنيــــة

سيبونى فى حالى وبيا اللى بيـــــــة

دا كل اللى لية محرم عليـــــة

عشان حاجة واحدة عشــــــانك يا ريس

*********

بحبــــــــــك يا ريس

دى كلمة قالوها زمان من ســـــــــنين

وكل اللى قالها مطـيـن بطـيـن


يا سارق فلوسنا يا كاتم نفوسنا


يا واكل عرقنا برجلك دايسنا

ولســـــه بحبك واحب اللى حبك

وباحلف هاحبك واحب اللى جابك

فى يوم اغبر علينا ريس

******

مبارك يا ريس عليــــك البــــلد

لابنـــك وابنــــه وولد الولد


سوزانك سوزانا جمالك جمالنا

علائك علائنا وبكرة وبعده وطول الامد

*********

غبــــاءك يا ريس ملوش حل خالص


وسايق ف الهبل وكلامك هجايص


ولولاك يا ريس مكنشى دا حالى

وحال كل مصري مدروخ ولايـص

***********

قالوا العيشة حرة وهي العيشة مرة ومش مـــر عادي


دا صبرك يا ريس ممرر بلادى

واسعار بترفع مأتنزلش مرة

وباين علينا هنطلع لبرة

رغيفك يا ريس بيصغر ما يكبر

وسعره يا ريس بيرفع ماينزل


سألنا دا ماله قالولنا الحديد

وايه العلاقة بسعره الجديد


تكونش يا ريس لغيت الدقيق

وبتطحن بداله برادة حديد؟

*********

مهو انت اللى عارف
وسامع وشايف

جمالك قشــطنا وعز اللى خاننا

وولـــع بلدنا برفع الحديد

**********


ماتصحى ياريس وصحى البلد

هنبقى يا ريس كمالة عدد

ف وسط العوالم وشعبى اللى هايم


وكبته اللى دايم وقرشه اللى عايم

هنبقى يا ريس كمالة عدد

واقولك واعيدلك لانى بحبك
نصيحة فصيحة
نصيحة مريحة

لبلدى وبلدك ماترحل يا ريس

ليه دايما متيس ودايما مهيس

مترحل بقى وخد لي ف وشك

جمالك .. مش باغشك
علائك .. سوزانك شريفك .. سرورك

نظيفك .. كمالك وعزك .. دا خانك

خدهم وانصرفوا أشـــتاتآ أشتوت

خدهم وانصرفوا لحسن حانموت

ارحل بقى
ارحل بقى
مترحل بقى


29/8/2008







شكرا يابشمهندس لموضوعك
الرجوع الى أعلى الصفحة اذهب الى الأسفل
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3784

مُساهمةموضوع: رد: لعشاق احمد فؤاد نجم   26/12/08, 05:54 am

وشكرا ليكم على مروركم
الراجل ده انا بحب اسمع له جدا
الرجوع الى أعلى الصفحة اذهب الى الأسفل
http://www.flickr.com/photos/aboel7assan
 
لعشاق احمد فؤاد نجم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتديات الجـــــــــــــــادة :: قسم المواضيع الجاده والعامة-
انتقل الى: