Department of Architecture Forum - Assiut Universityدخول

شاطر

descriptionسنه أولى ..........الكل يدخل

more_horiz
كل طلبة سنة أولى عمارة
عايزة رأيكم بصراحة
ايه رأيكم في امتحان الإنشا النهاردة؟؟؟؟؟؟ confused
بصراحة ده سؤال مش لاقياله رد

descriptionرد: سنه أولى ..........الكل يدخل

more_horiz
ارد بايه وارد ليه يا فدوى
مش عارفه بس هو ممكن يكون عجب ناس فى الدفعة وانتى عارفه طبعا دفعتنا
بس فى حاجه محيرانى هو انا ليه مع انى ذاكرت النظرى كويس جدا الا انى فى بعض نقاط فى كل سؤال مكنتش بعرفها
بس بقول لنفسى يمكن ده من توتر اول امتحان انشاء بس عموما النظرى كان كويس
واتمنى تكون معظم الدفعة حلت كويس فيه وربنا يكرم الجميع

descriptionرد: سنه أولى ..........الكل يدخل

more_horiz
ايه يا فدوى ايه الخوف دا كله؟؟؟؟؟

لسا بدري على القلق دا

وبيني وبينك هتعدي عليكي امتحانات هتلقي فيها الكويس وهتلقي فيا الطوووووووووويل جدا جدا جدا

بس خليكي متفائلة وهتلقي الحياه حلوة

وبعدين افتكرت حاجة المفروض الناس الي من سنة اولى الموجودين معانا هنا يعملو دعاية للمنتدى وسط زمايلهم عشان يبقى فيه فعلا ناس من سنة اولى كتير ودفعتكم نشيطة وهتحب تشارك بس عايزة اللي يدلها على الطريق

تحياتي

-------------------------------------------
<br>

descriptionرد: سنه أولى ..........الكل يدخل

more_horiz

  • بخصوص امتحان الانشاء .....هو تقريبا الدكتور مسبش حاجة فى المنهج الا و جاب منها والامتحان عموما كان عايز حد مدوب المحضرات كلها فى ميه قبل ما يدخل الامتحان ويشربهم
    كان ممكن بالطريقة دى يجاوب ع الامتحان

descriptionرد: سنه أولى ..........الكل يدخل

more_horiz
شكرا ليكي يا فاطمة
بس عالأقل انتي كنتي مذاكرة وفلت منك بعض نقاط في كل سؤال
بس تقريبا ده حال الكل
يعني لو شفتي شكل الدفعة بعد ما سلمنا الورق
confused ده كان شكلنا تقريبا scratch
عموما ربنا يوفق الجميع

descriptionرد: سنه أولى ..........الكل يدخل

more_horiz
شكرا يا بشمهندس أحمد
وأكيد لازم نكون متفائلين
ده الي كنت بقوله للناس واحنا داخلين الامتحان "تفاءلوا بالخير تجدوه"...
المشكلة اني كنت متفاءلة تقريبا كده زياده عن اللزوم
عموما ربنا يستر

وبالنسبة للدعاية عن المنتدى ,أنا قلت لكل أصحابي يدخلوا ويشاركوا
ودايما بتكلم عن المنتدى مع الدفعة كلها

عموما شكرا تاني ويارب باقي الامتحانات تكون أحلى

descriptionرد: سنه أولى ..........الكل يدخل

more_horiz
بالنسبة لvabo
طبعا كلامك صح
الدكتور جاب من كل حاجة في المنهج
وبصراحة لو ينفع كنت دوبت الماده زي ما قلتي بس قدر الله وما شاء فعل
شكرا لمرورك

descriptionرد: سنه أولى ..........الكل يدخل

more_horiz
يا حدعان فكوا شوبة مش كده
ايه يعنى لما الامتحان يكون صعب
وايه يعنى لما مفيش حد يحل
دى مش النهاية
ولازم يبقى نفسكم طويل عن كده

descriptionرد: سنه أولى ..........الكل يدخل

more_horiz
احنا بقى فينا نفس أصلا
أنا نفسي في أجازة بصراحة

descriptionرد: سنه أولى ..........الكل يدخل

more_horiz
على فكره يا بشمهندس ابو الحسن احنا مكبرين على الاخر بس ربنا يستر


وزى ما قالت فدوى يا بشمهندس احمد احنا كل ما نشوف او نقف نتكلم مع حد من البنات بنقوله على المنتدى ولو حد حصلت معاه مشكلة فى الدخول بنحاول نحلهاله لو نعرف علشان يدخل ويشترك ويمكن فدوى تأيدنى فى كده

descriptionرد: سنه أولى ..........الكل يدخل

more_horiz
ودا من حسن ظننا فيكم

وفي سنة اولى
ومستنين باقي دفعتكم
اي نعم انتي وفدوى كفاية بس ميمنعش ان غيركم يشرفنا وينورنا زيكم


تحياتي

-------------------------------------------
<br>

descriptionرد: سنه أولى ..........الكل يدخل

more_horiz
جميل والله يا فاطمة الكلام ده

ياريت كل الدفعات تعمل زيكم

descriptionرد: سنه أولى ..........الكل يدخل

more_horiz
معلش سيب سنة اولى في حالهم اليومين دول

بجد كتر خيرهم

وكفاية علب الكنزات الفاضية اللي ملولنا بيها القسم

تخيل يا ابو الحسن القسم فيه 10000 علبه كنز فاضيه وبيعملو بيها ماكيتات!!!!!!!!!!!

ربنا معاكم والله

-------------------------------------------
<br>

descriptionرد: سنه أولى ..........الكل يدخل

more_horiz
كويس انكم حاسين بفايدتها
أنا كنت حاسة الناس كلها بتتريق علينا
المهم في الآخر يطلع شكلها حلو

descriptionرد: سنه أولى ..........الكل يدخل

more_horiz
اه والله ده حكايه وخصوصا اننا اول مره نعمل مشروع جماعى كده
مره نلاقى الشاسيهات مش مظبوطة مع بعضها ومره المسدس الشمع يبوظ ويعمل قفله فى وش الواحد ومره د/خالد الليثى يعدى ويقولنا كلمتين حلوين وخصوصا ان احنا ما شاء الله قاعدين فىموقع متميز الخ الخ
عموما ادعولنا ربنا يسهلهالنا

descriptionرد: سنه أولى ..........الكل يدخل

more_horiz
ههههههههههههههههههههههههه

اللي يحب يضحي

واللي دخل عمارة يستحمل

ربنا يكون في عونكم

بس بجد بعد التعب دا كله هتكتشفو انكم احسن بكتير من ناس تانيه في كل حاجة واحسن من جامعات تانيه كتير

وربنا يوفقنا ويوفقكم

اه على فكرة انا شربت علبة كانز امبارح ابقو فكروني بيها اجيبهالكم

-------------------------------------------
<br>

descriptionرد: سنه أولى ..........الكل يدخل

more_horiz
آخر التطورات:

التلفزيون جه وصورنا واحنا بنشتغل
كان شكلنا تحفة
وشركة بيبسي عايزة تقدملنا 5000 علبة كانز
بس بعد ايه؟
احنا خلاص مش عايزين

عموما لما أعرف البرنامج هيتذاع امتى هقولكم

ملاحظة:أنا مش هطلع معاهم لأني متصورتش

descriptionرد: سنه أولى ..........الكل يدخل

more_horiz
سنة اولى كانزاااااااااااااااااااااااااااات


شعارنا ...............
القسم .................الوطن .....................علب الكانز



بس ياترى علب الكانز اللي هتجيبها شركة بيبيسي فاضيه ولا مليانه؟؟؟؟؟؟؟؟؟؟؟؟؟

-------------------------------------------
<br>

descriptionرد: سنه أولى ..........الكل يدخل

more_horiz
تخيل يا بشمهندس
سألناهم نفس السؤال
بس محدش رد علينا
متهيئلي الاجابة واضحة
هههههههههههههههههههه

descriptionرد: سنه أولى ..........الكل يدخل

more_horiz
هههه
100100
علب كانز
احنا على ايامنا كنا بنعمل بالمكرونة والرز
واخر صيحة قشر البيض

لكن بتعلموا بيها ايه علب الكانزات دى

descriptionرد: سنه أولى ..........الكل يدخل

more_horiz
معقولة لسة لحد دلوقت فى ناس لسة مش عارفة بنعمل بيها ايه بعلب الكانزات دى؟؟؟؟؟؟؟؟؟؟؟؟؟؟؟؟؟؟؟
ده القسم كله اشتكى وبيصرخ من سنة اولى Mad والدوشه الى احنا عملنها بسبب علب كانزات فاضية حتى ياريت مليانة مثلا

descriptionرد: سنه أولى ..........الكل يدخل

more_horiz
معلش يا حابو مش كل اللي هنا موجودين في القسم

فيه ناس كتير متخرجين وموجودين معانا

فمش عارفين المشروع العالمي لعلب الكانزات الفاضية

بس بجد شغل جامد جدا وربنا يوفقكم

-------------------------------------------
<br>

descriptionرد: سنه أولى ..........الكل يدخل

more_horiz
قوله يا عم
بس قولى يا ابو جمال ايه موضوع الكانزات دى

descriptionرد: سنه أولى ..........الكل يدخل

more_horiz
اسمحلى ارد عليك يابشمهندس لحد ما البشمهندس احمد يرد عليك
كان الفروض ان كل فرد يلم ما يقارب من 100 علبه كانز فاكثر
يعنى كل مجموعه يبقى معاها فى حدود 1000 واحنا 8 مجموعات
يعنى فى دلوقت فى مدخل القسم اكتر من8000 واحدة ده طبعا لان الشغل فى المدخل والمفروض ان كل مجموعة بتفكر اى تصميم اى حاجه تعجبها وتنفذها بالكانزات
ففى مثلا اللى عاملين برج ايفل وفى اللى عاملشعار الكليه وفى اللى عامل جسر وهكذا
وتسليم المشروع النهارده ان شاء الله
وعلى فكره انا تقريبا الكلام اللى يحبط سمعته اكتر من اللى يشجع وطبعا ده من باقى الاقسام
يعنى مره كنت داخلة القسم وفى اتنين شباب خارجين منه سمعت واحد قال للتانى "شوف يا عم الهبل اللى بيعملوه بتوع عماره" بنفس اللفظ
عموما مش احنا اللى اخترنا ان احنا نعمله


اسفه للاطاله

descriptionرد: سنه أولى ..........الكل يدخل

more_horiz
كن كالنخيل عن الاحقاد مرتفعا كلما قذفت بالحجر ألقت أطيب الثمر

وايه المشكلة ان حد يتكلم ويقول كدا

بصي يا فاطمة اي حد يشوف شغل طلبة عمارة والشغل لسا في أوله هيقولو

"ايه الهبل دا" "ايه الهيافه اللي هما فيها" "دول ناس فاضيه"0

بس بصي على نفس الناس لما المشروع يخلص

اول كلمة بيقولها

"الله" " والله شغل جامد" " ياريتني كنت في عمارة عشان أعمل حاجة زي دي"0

فدي حاجة متزعلش بالعكس اعتبريها تشجيع ليكم

كمان فيه طلب تاني

بعد ما تخلصوا المشروع تصوره وترفعو الصور على المنتدى في موضوع جديد

تحياتي

-------------------------------------------
<br>

descriptionرد: سنه أولى ..........الكل يدخل

more_horiz
ان شاء الله اول ما تخلص المشاريع كلها هصورها وارفعها على المنتدى
وشكرا جزيلا يا بشمهندس على الكلام ده

descriptionرد: سنه أولى ..........الكل يدخل

more_horiz
ردا على فاطمة
ماهو بصراحة دا هبل فعلا
مش اى حاجة تتقال تنفذوها علطول

descriptionرد: سنه أولى ..........الكل يدخل

more_horiz
انت شايف كده يا بشمهندس
انا فعلا متضايقة من كلامك
ولو مكنش المشروع خلص مكنتش كملته معاهم
بس فعلا كل واحد ورأيه فى الموضوع ده
واهو اسمه مشروع وعدى

descriptionرد: سنه أولى ..........الكل يدخل

more_horiz
على فكرة يا جماعة
الموضوع مش هبل ولا مشروع وعدى
صحيح كان متعب بس بصراحة كان ممتع ومفيد في نفس الوقت
ومعتقدش في حد من الناس الي اشتغلت بجد هتقول عليه هبل

احنا فعلا اتعلمنا من المشروع ده ازاي نتعاون مع بعض ونطلع شغل مفيد

الحقيقة أنا كنت ناوية انزل الصور عالمنتدى بس كنت هخليها مفاجأة
بس فاطمة سبقتني

عموما تتعوض في حاجة تاني

descriptionرد: سنه أولى ..........الكل يدخل

more_horiz
واحنا مستنين المفاجأة دى
ولو الصور حلوة
هنشرها ع الفيس بوك
وفى خلال اسبوع بالكتير
اوعدك ان ملايين الناس من كل العالم تشوفها وتقول رأيها وتعليقاتها كمان

descriptionرد: سنه أولى ..........الكل يدخل

more_horiz
انتى عارفه يا فدوى انى انا وانتى واحد ومش هتفرق
المهم ان المشاريع تعجبهم
وانا اتمنى كده

descriptionرد: سنه أولى ..........الكل يدخل

more_horiz
أكيد يا فاطمة
أنا بس كان نفسي تبقى مفتجأة للناس الي مش موجودة في القسم

عموما لما نعرف معاد البرنامج هنقولكم عليه
وتقدروا تشوفونا واحنا بنشتغل وتشوفوا الشغل بعد ما خلص كمان

وياريت الكل يدعيلنا
احنا في مرحلة علينا ضغط كبير الفترة دي

descriptionرد: سنه أولى ..........الكل يدخل

more_horiz
برنامج بتاع القناة السابعة

Razz Razz Razz

بلاش تطلعو فيه من اساسه

ولا بلاش اتكلم

عموما انا صورت المشاريع بتاعتكم

بس مستنيها منكم انكم تحطوها في المنتدي

بس في موضوع جديد مش هنا

تحياتي

-------------------------------------------
<br>

descriptionرد: سنه أولى ..........الكل يدخل

more_horiz
على فكرة البرنامج على قناة الحياة الفضائية

descriptionرد: سنه أولى ..........الكل يدخل

more_horiz
اه لو كدا ماشي

ونستناه كمان

انما على القناة السابعة

فاكرم لنا ولكم انه ميتزاعش

ومستنين نخلي الناس تشوف مشاريعكم

-------------------------------------------
<br>

descriptionرد: سنه أولى ..........الكل يدخل

more_horiz
طبعا قناة فضائية
أمال ايه ,هو احنا شوية
دي كلية هندسة-قسم عمارة
حاجة تشرف طبعا

أما القناة السابعة لو جت محدش هيتصور معاها أصلا
احنا مش هبل يا بشمهندس

descriptionرد: سنه أولى ..........الكل يدخل

more_horiz
طيب يا عم الناس اللي كبرت وبقيت بتطلع في الفضائيات

بس ابقى افتكرونا

-------------------------------------------
<br>

descriptionرد: سنه أولى ..........الكل يدخل

more_horiz
على فكره انا كمان صورتها يا بشمهندس بس فى مشاريع اصحابها قالولى انها مكملتش
عموما بكره انسب معاد ان شاء الله ....

descriptionرد: سنه أولى ..........الكل يدخل

more_horiz
اهوه يا جماعه آدى مشاركه جديده منى
بس بالنسبه للمشروع فهو فعلا تجربه جديده واكيد استفدنا فيها

بس هو الواحد عشان تحت ضغط وعايز يسلم المشروع فى وقت معين Mad
بس برضو كنا محتاجين امكنيات وخبره اكتر من كده
عموما ادى الواحد بيجرب شىء جديد Basketball
وربنا يستر على باقى السنين Rolling Eyes
هو احنا ممكن ننجح Question
affraid رب يا ريت يا سنه رابعه تشجعونا كده دائما lol!
ومتخفوش والله ان شاء الله هنفتكركم بالدعوات cheers
ويارب تتخرج على خير وتبقوا نمازج معماريين مشرفين فى المجتمع

وشكرا cheers

descriptionرد: سنه أولى ..........الكل يدخل

more_horiz
انا شايفه انه تجربة كويسة بالنسبه لسنة اولي
وان كانت هبله و ملهاش لزمة,لكن اكيد اتعلموا منها حجات كتير,خصوصا انهم محدش ساعدهم في عمل الحاجات دي,استمروا يا سنه أولي و ربنا يوفأكم
صلاحيات هذا المنتدى:
لاتستطيع الرد على المواضيع في هذا المنتدى