وداعا 2008

وداعا 2008

ازيك ياندي
جميلة اوي الفكرة دي

احسن حاجة حصلتلي السنة دي اتعرفت علي ناس كويسين خالص

اسوأ حاجة
بلاش علشان منكدش عليكم

الحاجة اللي كنت اتمني تحصل ولسه محصلتش

اني احضر حفلة خطوبة واحدة من اصحابي

بس ممكن يحصل لسه في شوية ايام من 2008 ههههههههه

شكرا لتفاعلكم الجميل ده
وبقول لسمسم يارب تحضري خطوبة اي حد من اصحابك وكمان نحضرلك انتي ان شاءالله
اما انك تعرفتي على ناس كويسيين فده فعلا احسن حاجة في الدنيا
وانسي بقى اي حاجة وحشة وابتدي السنة الجديدة بفرحة وربنا يكرمك
اما بالنسبة للبشمهندس حسن مبروك عليك الاعفاء وسفرك للسعودية ويمكن سفرك للسعودية يقربك من ربنا
ان شاءالله انك تعمل عمرة وكمان حج ربنا يكرمك
اما الحاجة اللي اتمنيتها وما تحققتش يارب لو كان فيها الخير تتحققلك ولو فيها الشر تبعدها عنك

عايزة تفاعل باقي الاعضاء

مستنية ردوووووووووووووووووودكم

بجد فكرتك جميلة يا ندا ودايما كل افكارك حلوة
احلى حاجة بقى حصلتلى انى الحمدلله دخلت عمارة واتعرفت على ناس جميلة زيك انتى يا ندا وباقى الاعضاء اللى فى المنتدى حتى لو كنت مشفتكمش
واسوأحاجة فده بقى مش عارفاها ممكن يكون فى حاجة حصلت بس مش فاكراها
واتمنيت حاجه بس متضحكيش عليا
اتمنيت اشوف ابن او بنت اخويا السنة دى هو اتجوز 1/1
بس كل تاخيرة وفيها خيره زى مابيقولوا وربنا يكرمهم ببيبى قريبا ان شاء الله

ربنا يكرمك لردك الجميل ده
وانا على فكرة عرفت ايه اوحش حاجة حصلتلك انك دخلتي قسم عمارة ههههههههههههههه
اكيد انا بهزر ربنا يكرمك في القسم ده وتحققي كل حاجة بتتمنيها
اما بالنسبة لاخوكي ربنا يكرمه بالذرية الصالحة ويقولك يا عمتي

ربنا يخليكى ياحبيبتى ويكرمك ان شاء الله

موضوع جامد ياندى ......

احسن حاجه حصلتله في 2008
حضرت فرح لإتنين من أعز أصحابي...
اسؤء حاجه في 2008
وفاة عمي...
ايه الي تتمناه وماتحققش ف2008
(لا تعلـــــيق) أصلها حاجات كتيير بس الحمد لله على كل حال

الف مبروك لاصحابك وعبالك ان شاءالله
وربنا يرحم عمك ويدخله الجنة آمين
وعادي يا سارة اللي ما تحققش انهاردة يتحقق بكرة والحياة ماشية وربنا يحققلك كل حاجة حلوة في حياتك
وتسلمي لردك ياسارة

ان شاء الله ربنا يرحم أموات المسلمين كلهم ويسكنهم فسيح جناته .....


وصح اللي ماتحققش النهاردة يتحقق بكرة ....أهم حاجة ان 2009 أكون خرجت من القسم ده وأخد افراج بقى وان شاء الله احنا السابقون وأنتم اللاحقون هههه

ربنا يستر علينا والله وياااااااااااااااااااابختكوا

اولا صباح الخير يا ندا
ازيك و كول سنه و انتى طيبه مع انها متاخره حبتين
المهم يا ستى اجمد و اوحش حاجه حصلتلى السنه دى هى حاجه واحده انى كنت الاولى على الدفعه هو اه احساس جميل عشان كدا دى اجمد حاجه لكن بيخيى عليكى مسئوليه كبييييييييييييييييييييره و دى اوحش حاجه بس
و الحاجه اللى موش اتحققت بقى انى كنت هسافر حته جامده بس موش روحت
يللا بقى عشان ماطولش على الناس
و السلاااااااااااااام ختام

صباح الجمال ياسموورة
الحمدلله تمام طول ما انتي تمام وانتي طيبة يا قمر
يارب دايما موفقة وتطلعي الاولى وما تفكريش ابدا انها حاجة وحشة بالعكس استمري على كده دايما وايه يعني مسئولية ما انتي قدها وقدود وربنا معاكي يارب
مش مشكلة يمكن ما كانش فيها الخير ليكي وان شاء الله تطلعي مكان حلو قريب
وانتي نورتيني ياسمورة شكرا لردك

شكرا للادارة للتثبيت
وعايزييييييييييييييين تفاعل باقي الاعضاء

موضوع جميل جدا ياندا زى ماعودتينا
الحاجات الحلوة اللى حصلتلى فى 2008
انى اتعرفت على ناس جديدة رحلة الغردقة اللى اقربت فيها لزمايلى اكتر واتعرفت عليهم أكتر
وانى اشتغلت فى الاجازة وقربت من سوق العمل مع ان دى مش اول مرة بس ده كان بطريقة أخرى
وانا مستنى موضوع امر أخر ربنى يوفقنى فيه وده لو قدره الله هيكون أجمل حاجة فى 2008

أما الاشياءاللى زعلتنى فى 2008 كنت ناوى أسافر مكان تقريبا نفس المكان اللى كانت هتسافره سامورة
لكن انا مقتنع ان الخير فى اللى قدره ربنا

شكرا لردك الكريم يا بشمهندس
فعلا زي ما قولت قبل كده احسن حاجة في الدنيا معرفة الناس الكويسيين ربنا يبارك في معرفتك بيهم
والف مبروك لدخولك بالسوق العمل ده مهم جدا عشان ماتتصدمش بيه بعد كده
ويارب يوفقك لموضوعك اللي هيكون احلى حاجة في2008 ومبروك يا بشمهندس مقدما
اكيد طبعا الخير في اللي قدمه ربنا ويعوضك قريب ان شاءالله

موضوع جميل يا ندا

انا بقى اكتر حاجة حلوة حصلت لى السنة دى

ان اختى اتجوزت الانسان اللى بتحبه وعايشين مع بعض دلوقتى فى سعادة وكمان منتظرة المولود الاول
واخيرا هبقى خالة

اما بقى الحاجة الوحشة
انا والد اعز صديقة لى توفى
بجد انا زعلت عليه اوى
لانه كان فى مكانة بابا بالنسبة لى
الله يرحمه ويغفر له ماتقدم من ذنبه ويدخله الجنه

اما بقى الحاجة اللى اتمنيتها وما اتحققتش
تمنيت انى اروح عمرة فى رمضان اللى فات بس جات ظروف منعتنى من كده
وان شاء الله ربنا يكتبلى العمرة السنة اللى جاية

<P><STRONG><FONT color=indigo>موضوع جميل جدا يا ندى</FONT></STRONG></P>
<P><STRONG><FONT color=#4b0082>بصراحة أحسن حاجة حصلتلي: اني دخلت قسم عمارة&nbsp;<IMG src="https://2img.net/i/fa/i/smiles/icon_cheers.png" border=0 smilieid="36">&nbsp; لأن ده حلمي من زمان</FONT></STRONG></P>
<P><STRONG><FONT color=#4b0082>أسوأ حاجة : اني اتفرقت عن أصحابي اللي دخلو أقسام تانيه&nbsp;<IMG src="https://2img.net/i/fa/i/smiles/kopfschuettel.gif" border=0 smilieid="19">&nbsp;</FONT></STRONG></P>
<P><STRONG><FONT color=#4b0082>أما بقى بتمنى ايه&nbsp;: </FONT></STRONG></P>
<P><STRONG>نفسي ربنا يوفقني عشان أشرف أهلي وأرفع راسهم</STRONG></P>

تعرفوا اكتر حاجة حصلت فى 2008
ان البطل الصحفى الشجاع
منتصر الزبدى رمى رئيس اكبر دولة فى العالم بالجزمةة

دى بقى قبلى الوداع لبوش ولفترة حكمه
بس قبلة بمقاس 44


وعلى فكرة المدير الفنى لمنتخب العراق عرضة فى الجزمة دى 100 الف دولار ويشتريها
وكمان فيه امير سعودى عرض مش عارف كام مليون ويشتريها

واحتمال الجزمة دى تنزل موضة 2009

جدع والله اللي عملها .......طبعا دي أحلى حاجة في 2008


طب والرال هيرجع من غير جزمة ههههههههههه دا اذا سابوه في حاله ....أنا صعبان عليا لتحصله حاجة!!!!!

ههههههههههههههه
وانا برضه مش عارف الراجل كده بقى حافى

بس الجزمة دى دخلت هى وصاحبها التاريخ

أنا حابه أغير شوية (أصله للأسف كل يوم حاجة بتتغير )

أحلى حاجة حصلت :زواج أصحابي وخطوبة أحلى صديقة فالدنيا ليا أول امبارح....
أسوأ اجة : وفاة عمي وحاجة حصلت ضايقتني (لا تعليق) ومرض بابا حبيبي ( ربنا يشفيه ان شاء الله)
واللي أتمناه وماتحققش : حاجة وراحت وهي أكتر حاجة كنت أتمناها مع حاجات كتييييير ( أنا طماعه هههههههه)

موضوع جميل اوى يا ندى شكرا ليكي
انا احسن حاجة حصلتلى فى 2008..........اخدت حقى ومحدش يسألنى عن اى تفاصيل
اسوأ حاجة حصلتلى................انخدعت من ناس كتير اوى كنت فاهماها حاجة وطلعت حاجة تانية للاسف
الحاجة اللى اتمنيتها و محصلتش فى 2008.....لما تتحق ان شاء الله باذن الله الاول هبقى اقولكم عليها

احسن حاجه حصلتلي في 2008 اني وصلت بكالورويوس اسوأ حاجه حصلتلي في 2008 اني مش عارف اطلع من بكالوريوس ايه اللي اتمنيته ومتحققش في  2008اني هسقط السنادي في بكالوريوس  

اسوأ حاجة حصلتلي في 2008
ان ضاعت مني احللللللللللللللللي حاجة في حياتي
واحسن حاجة حصلت في السنة دي
اني بقيت ولتاني مرة خاله لاجمل بنوتة في الدنيا
رببنا يخليهالي ويخليها لباباها ومامتها
اما بئي الحاجة اللي اتمنتها تحصل وما حصلتش
ان الحاجة اللي ضاعت مني ترجعلي
بس الظاهر مفيش نصيب ....يلا الحمد لله الذي لا
يحمد علي مكروه سواه

ازيك يا ندى
دايما كده بنشوف مواضيع منك جامده
ومعلشى على تأخير ردى
اولا أحسن حاجه حصلت لى فى 2008
ثانيا اسوأ حاجه حصلت لى هما حاجتين
ان عمى دخل المستشفى مرتين ومر بظروف صعبه وعلشان هو غالى عليا فطبعا دى حاجه أثرت فيا جدا بس الحمد لله هو بقى كويس
تانى حاجه انى كنت هافقد أمل غالى عليا جدا جدا جدا بس الحمدلله ربنا ستر وإلى حد ما لحد دلوقتى مش فقدته
ثالثا اللى كنت اتمنى انه يتحقق ومش اتحقق فى 2008 ان حلم من احلامى كان نفسى يقرب منى ويتحقق لكن هوا ابتعد حبتين ومستنيا فى السنه الجديده انه يتحقق
وتحياتى ليكى يا ندى

موضوع جميل يا ندى تسلم ايدك ..
احسن حاجة . . اني ربنا كرمني بعمرة السنة دي ..
اوحش حاجة ... ضرب غزة والفيلم المسئ لزوجات النبي
الحاجة الي كان نفسي فيها ومحصلتش
الجزمة بتاعة متظر الزيات تيجي في مكانها الصحيح
كان نفسي اطلع الحج السنة دي بس على العموم لسة باقي شوية ايام في السنة تفتكرو الحق .. ولا حلاقي الحج زحمة علشان موسم رأس السنة!!!

غزة احتفلت ها كذا في 2009 ببداية العام الجديد

حسبي الله ونعم الوكيل ... ربنا يرحمهم ويغفر لموتاهم ان شاء الله ....

ويبعد عنهم اصحاب الأيدي الملوثة إللي ربنا يشلها ان شاء الله.....

اولاا ياندى الموضوع جامد اخر حاجه
[color:18cd=darkred]ثانيا انتى ما قلتيش اهه هى الحاجات الحلوه والوحشه اللى حصلت و امنياتك اللى ما اتحققتش
ثالثابالنسبه ليا
الحاجه الحلوه هى الرميه الموفقه للبطل منتصر
الحاجه الوحشه المصايب الكتيره فى غزه
الامنيه اللى ما اتحققتش ان يعدى اسبوع من غير ما الواحد يسمع حاجه تزعله
او يعدى اسبوع من غير تسليمات فى القسم هههههههههههه ودى اكيد امنيه صعبه[i][strike]