Department of Architecture Forum - Assiut University


 
بوابة المنتدىالرئيسيةمكتبة الصورس .و .جبحـثالتسجيلدخول

شاطر | 
 

 التحقيق فى سبب إنقطاع النت الأخير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Marc_Samir
.
.


ذكر
عدد المساهمات : 336
العمر : 32
بلدك : Luxor - Egypt
التخصص : طالب في قسم العمارة
المستوى التعليمي : دفعة 2009
جنيه مصري : 3116

مُساهمةموضوع: التحقيق فى سبب إنقطاع النت الأخير   31/12/08, 03:54 pm

[center] Wink Wink Wink Wink Wink
حبايبي الحلوين المستكنيسين . معلش انا حاسس بيكم وبالماساه اللي كنتوا بتمروا بيها
لاسيما ان النت اصبح في حياتنا زي العيش الفينو للاغنياء .. والعيش البلدي للفقراء .. والحشيش لاصحاب المزاج
طبعا كلنا مرينا بوقت عصيب جدا ً خالص اليومين دول لاننا كلنا عرفنا الماساه اللي مصرنا الحبيبة مرت بيها . وطبعا كلنا عرفنا السمكة اللي قطعت كابل النت . واللي حولوا يصوروها بالاشعه تحت الخضراء في 90 دقيقة
alien alien
مش فاهم دي سمكة من نوعه ايه دي ؟؟ هي دي سمكة قرش وللا حوت . ؟ ولا يمكن تطلع سمكة البالون اللي بتاكل الناس وهي نايمة .
Sleep Sleep Sleep
مرت مصر باسوأ 32 ساعة ونص في حياتها . اصعب من العدوان الثلاثي سنه 56 . واصعب من لحظة فك شفرة حجر رشيد ... لان الشباب كلهم افتقدوا الهواء والشات . والفيسبوك
بس بجد حاجة عظيمة جدا لما نلاقي ان النت قطع عن مصر كلها عشان الكابلات اتقطعت بين مصر وايطاليا .. وللا معرفش مصر وسنغافورا
study study
بس برده مصر هي امي نيلها هو عمي . وشمسها السماري وشكل امها في ملامحي .. حتي لوني امحي وهيسود قريب بسبب عمايلك السوده يا مصر
وبرد علي كل المرتزقه عديمي النظر ان مصر دي امنا والنيل روانا والخير جوانا ولازم نقف معاها شويه
ايه المشكلة يعني لما النت يفصل يومين تلاته عشره ؟ والكهربا تفصل كمان اسبوعين وللا اتنين . وتصحي من نومك متلاقيش اكل ؟
ايه المشكلة ؟ مصر ياما ادتنا كتير . فيها ايه لما يوم نديها ؟
farao farao
واحب اقول " ليا مين غيرك يا بلدي ليا مين .. يللي علمتيني ايه معني الحنين "
تقطعي عننا النت يوم ونص يا مفتريه ؟ وكل ده ليه !! عشان نطفش يعني ؟ طب مش طالعين منها برده
ويانا يا انتوا في البلد دي يا نجايحه . ومن النهارده مفيش حكومة .. احمد السقا هو الحكومة
afro afro
متعرفوش يا جماعة الفتره دي عدت عليا ازاي . حقيقي لا ماسنجر لا تصفح ولا منتديات لا فيس بوك .. فظيع فظيع فظيع
بقي بسبب حته سمكه ينقطع اتصالنا بالعالم الخارجي ؟ والفالحين سايبيلنا المواقع المحليه زي مصراوي ودي لنك .
دول هنعمل بيهم ايه دول ؟ هنفتيهم في الشاي وناكلهم ؟
احنا الحمد لله الكيميا بتاعتنا بتتظبط في موقع طرب او منتدى القسم او موقع من المواقع الثقافية ... زي كتاب ابله نظيره والكلام ده
دنا حتي كنت كاتب وصفه الملوخيه اللى معرفش أعملها علي الفيس بوك وبسبب النت معملتش ملوخيه .. اضطريت اعمل إندومى بالتونه
واتحرقت لان النور قطع كمان ومكونتش شايف .. حاجة تقرف
Mad Mad
ربنا يسامحك يا مصر . عايزه تموتيني ؟ مش عارفين تحافظو علي شويه كابلات ماشية في المية ؟ اسفوخس عليكم
بس انا عارف مين اللي ورا الحركة دي . دي اكيد حركة ارهابيه عشان كلنا نهاجر بره البلد ونروح شبرا . بس ابدا
وحياه ابوهم لقاعد لهم فيها باللابتوب بتاعي وهأعمل شات علي علبة الدردشة بتاعة المنتدى كمان ( بالحق هيا راحت فين يا مدير ؟) . وهستمر في كتابة التدوين لاخر قطرة في دم احمد صاحبي

يعني النت مش يفصل مثلا عن حته واحده ويسيبوا حته . لا دي مصر كلها اتقطع عنها النت ؟؟
طبعا اصحاب النفوس الضعيفه والشخصيات المهزوزه هيسالني ويقولي ليه ؟ ليه النت اتقطع عن مصر كلها ؟
االاجابه بسيطة . مصر دي عظيمة يا ولاد وكل حته في مصر ماسكة في الحته اللي جنبها . ولازم لما النت يقطع عن القاهرة لازم ياخد في ديله أسيوط لحد الأقصر .. ويا نعيش عيشه فل يا نموت احنا الكل
cheers cheers cheers
بس برده ارجع اقول مصر هي امي ونيلها هو عمي
وبخاطب جميع المسؤولين القائمين علي التحقيق والتفحيص والتمحيص والجري وراء السمكة ... شكرا يا بشر علي النت وعودا حميدا ً والحمد لله انكوا لحقتونا بدري بدري .. قبل ما كان يحصلنا حاجة
geek geek
ده احنا كنا ممكن ننقرض في الحركة الارهابية دي . بس الحمد لله جت سليمة
وعلي فكرة انا كمواطن مصري النيل رواه والخير جواه بيحب مصر انا ناوي اعمل عملية انتقامية الا وهي :
الوزير طلع وقال يا جماعة محدش يحمل حاجة - لا افلام ولا اغاني ولا .... - عشان النت بطئ وكله يساعد بعضه والاولوية للعواجيز والحوامل وذوي الاحتياجات الخاصة
فانا بحمد لله حصلت علي روابط مسلسل جرايز أناتومى وهحملها كلها من دلوقتي لحد ما الكابلات تتقطع تاني
مهو محدش ضامن عمره ولازم اامن مستقبل العيال بكام جيجا قبل ما اتنقط من البلد دي
وابقي قابلني يا وزيرنا لو حد عرف حتي يدخل علي حتى موقع مصراوي .
وبناشد كل الشباب وكل البنات .. محدش يقرب من الكومبيوتر . لانه دلوقتي تحت سيطرة من لا يرحم .
وهطالب المحكمة بتعويض لما حدث لي من ضرر نفسي وجسدي ومعنوي . وهطالب مبلغ كبير مصحوبا بطبق من الملوخيه وكيلو خيار
flower
وبالنسبة للعصابة بتاعة دكتور شهاب ومحاسن وابو علي وكل الناس الحلوة اللي مش فاكرها . بطمنكم وبقولكم مصر امانه في ايدينا . ولازم نحافظ علي السلك بتاع النت ويا ريت محدش يشرب سجاير جنب الكورنيش عشان ممكن السجارة تقع في المية فتلسع السلك اللي تحت المية ونمر بازمة عصبية تانيه . ومنقدرش نلم المشكلة . ومش كل مرة تسلم الجرة
ويا ريت نقف دقيقة حداد كلنا علي اللي حصل .. طبعا انتوا عارفين
علي المكرونة اللي اتحرقت !!!!!!!!!!!!
Crying or Very sad Crying or Very sad Crying or Very sad
وفي نهاية الحلقة بهديلكم الاغنيه دي عشان كلنا اصلنا علي نياتنا .. ومش فاهمين ايه اللي بيحصل في البلد
وسلام حار لكل الناس الحلوة اللي منفضالي


منقول مع بعض التعديلات
[/center]
الرجوع الى أعلى الصفحة اذهب الى الأسفل
AhMaD JaMaL
مدير المنتدى
مدير المنتدى


ذكر
عدد المساهمات : 3816
العمر : 29
بلدك : قنا
التخصص : مهندس معماري
المستوى التعليمي : دفعة 2009
جنيه مصري : 14146

مُساهمةموضوع: رد: التحقيق فى سبب إنقطاع النت الأخير   31/12/08, 08:22 pm

حلوة جدا يا مارك

ومين قالك علبة الدردشة اختفت

مهي موجودة ومنورة المنتدى

شكل النت موصلكش علبة الدردشة
ههههههههههههههههههههههههههههههههههههههههه
جرب مرة تانية

-------------------------------------------
<br>
الرجوع الى أعلى الصفحة اذهب الى الأسفل
http://3marh.mam9.com
archi
.
.


ذكر
عدد المساهمات : 318
العمر : 32
بلدك : الغردقة
المستوى التعليمي : متخرج
جنيه مصري : 2920

مُساهمةموضوع: رد: التحقيق فى سبب إنقطاع النت الأخير   31/12/08, 10:43 pm

ميا مياه ..
واحد سبقك .. وطلب تعويض .. المحكمة حكمت اني ياخد الملخيية والخرار.. كل الحكومة ايدتلو خيار ..
..اصل طلعت الحكومة مظلومة
الحكاية مطلعتش سمكة .. دا الراجل ابن صاحب النت الي مصر واخدة منه الوصلة ..كان بينزل فيلم بس كان كبير حبتين .. المهم قال لما افصل شوية عليهم .. الفيلم برضه اهم ...
المهم الحكومة برضه مسكتتش .. اتكونت لجنة لدراسة المشكلة .. انبثقت منها لجنة لدراسة الملابثات .. الي نبثقت مناه لجنة تانية لتحديد المسئولية .. المهم في الاخر طلع وفد من اللجنة وراح لابن صاحب الوصلة ..
علشان يشوفه ايه الموضوع .. قام قلهم احنى طفين الروتر بنريحه شوية ..
وطلبنا منه انه يريحه بسرعة .. شوفته الحكاية بقى
الرجوع الى أعلى الصفحة اذهب الى الأسفل
Marc_Samir
.
.


ذكر
عدد المساهمات : 336
العمر : 32
بلدك : Luxor - Egypt
التخصص : طالب في قسم العمارة
المستوى التعليمي : دفعة 2009
جنيه مصري : 3116

مُساهمةموضوع: رد: التحقيق فى سبب إنقطاع النت الأخير   01/01/09, 08:00 am

a7mad_jamal كتب:
حلوة جدا يا مارك

ومين قالك علبة الدردشة اختفت

مهي موجودة ومنورة المنتدى

شكل النت موصلكش علبة الدردشة
ههههههههههههههههههههههههههههههههههههههههه
جرب مرة تانية


يمكن بتوه فى السكة قبل ماتوصل و لا الرواتر قافش عليها و عايش رشوة
الرجوع الى أعلى الصفحة اذهب الى الأسفل
مكسل اكتب اسم
.
.


ذكر
عدد المساهمات : 1910
العمر : 31
بلدك : Riyadh, Saudi Arabia
التخصص : مهندس معماري
المستوى التعليمي : متخرج
جنيه مصري : 3782

مُساهمةموضوع: رد: التحقيق فى سبب إنقطاع النت الأخير   01/01/09, 08:04 am

يا عم الموضوع كله انى فى كايل جاية من ايطاليا
معدى فى البحر المتوسط
فى سمكة بقى عضة الكابل ده
دا كل الموضوع
الرجوع الى أعلى الصفحة اذهب الى الأسفل
http://www.flickr.com/photos/aboel7assan
Marc_Samir
.
.


ذكر
عدد المساهمات : 336
العمر : 32
بلدك : Luxor - Egypt
التخصص : طالب في قسم العمارة
المستوى التعليمي : دفعة 2009
جنيه مصري : 3116

مُساهمةموضوع: رد: التحقيق فى سبب إنقطاع النت الأخير   01/01/09, 08:05 am

archi كتب:
ميا مياه ..
واحد سبقك .. وطلب تعويض .. المحكمة حكمت اني ياخد الملخيية والخرار.. كل الحكومة ايدتلو خيار ..
..اصل طلعت الحكومة مظلومة
الحكاية مطلعتش سمكة .. دا الراجل ابن صاحب النت الي مصر واخدة منه الوصلة ..كان بينزل فيلم بس كان كبير حبتين .. المهم قال لما افصل شوية عليهم .. الفيلم برضه اهم ...
المهم الحكومة برضه مسكتتش .. اتكونت لجنة لدراسة المشكلة .. انبثقت منها لجنة لدراسة الملابثات .. الي نبثقت مناه لجنة تانية لتحديد المسئولية .. المهم في الاخر طلع وفد من اللجنة وراح لابن صاحب الوصلة ..
علشان يشوفه ايه الموضوع .. قام قلهم احنى طفين الروتر بنريحه شوية ..
وطلبنا منه انه يريحه بسرعة .. شوفته الحكاية بقى




يا راجل فكرك كده ؟ إذا كان الموضوع كده يبقى مش محتاج حكومة ولا لجنة الموضوع عايز برنامج نت كت هيخلص على الليلة
الرجوع الى أعلى الصفحة اذهب الى الأسفل
Marc_Samir
.
.


ذكر
عدد المساهمات : 336
العمر : 32
بلدك : Luxor - Egypt
التخصص : طالب في قسم العمارة
المستوى التعليمي : دفعة 2009
جنيه مصري : 3116

مُساهمةموضوع: رد: التحقيق فى سبب إنقطاع النت الأخير   01/01/09, 08:12 am

ABOEL7ASSAN كتب:
يا عم الموضوع كله انى فى كايل جاية من ايطاليا
معدى فى البحر المتوسط
فى سمكة بقى عضة الكابل ده
دا كل الموضوع


ماحنا عارفين يأبو الحسن أنها سمكة بنت تييت أكلته و هضمت بعددها هى أساساً سمكة قرش دكر و حب يتمنظر قدام المزة اللى بيلف حواليها و فكر يعمل أيه رح شرب بيريل علشان يسترجل المهم جرعة البيريل كانت زيادة شوية والرجولة طفحت منه و حب يعمل نفسه عنتر راح أكل السلك و قال للطلاينة : الجدع فيكم ينزلى و نزلوا اللطلاينة لأنهم كانوا ساربين الأقوى من البيريل و شافوا شغلهم مع القرش و وصلوا الكابل تانى
Laughing Laughing
الرجوع الى أعلى الصفحة اذهب الى الأسفل
 
التحقيق فى سبب إنقطاع النت الأخير
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» القرين ودوره في حياة الإنسان و الامراض النفسية و العضوية
» أهمية الرياضة فى حياتنا اليومية
» صور المظاهرات فى كل انحاء العالم تضامنا مع اسطول الحرية
» أسباب آلام الظهر وكيفية التعامل معها
» ماسبب الالام اسفل البطن والافرازات المهبلية الداكنة اللون في بداية الحمل ؟

صلاحيات هذا المنتدى:لاتستطيع الرد على المواضيع في هذا المنتدى
Department of Architecture Forum - Assiut University :: المنتدى العام :: قسم الترفية والمواضيع الخفيفة-
انتقل الى: