Department of Architecture Forum - Assiut University
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

Department of Architecture Forum - Assiut Universityدخول

descriptionأشهر جمل بيقولوها الأب و الأم في مصر Emptyأشهر جمل بيقولوها الأب و الأم في مصر

more_horiz


أشهر جمل بيقولوها الأب و الأم


...*...*...*...* ...*...*...*...*...*...*...*...*...*...

*ذاكر سعتنين بتركيز كأنك ذكرت اليوم كلو (الغريب اما تقعد تذكر سعتين يقولو و هي دي مذكره.


*مذاكرة ايه دا اللى على السرير.


*بتذاكر ايه اللى ذاكر ذاكر بدري


*يا ابني تعالي اقعد معانا ولا انت ماجر اوضه جوه البيت ......


* ابقي نشف الحمام بعد ما تخرج منه.


* يا خويا ياراتك حافظ الدروس اللى عندك زى ما انت حافظ الاغانى كده .


* اعملى حسابك اول م الدراسه تيجى الرسيفر هيتشال هو
والتليفزيون.


*قبل الفجر: ارجع بات في المكان اللي انت جاي منه.


* لو كانت اللي علي التليفون طنط سلوي قوليلها ماما نايمة .


* ابقى قابلني بكرة تاخد بالجزمة وتاكل كل حاجة غصب عنك.



* عيشه تقصر العمر والواحد هيلاقيها منين ولا منين وانا خلاص زهقت وجبت اخري وانا عارفه مش هترتاحو غير لما اموت.


يابنى حرام عليك هات قناة الناس الشياطين ماليه البيت.


* امشى جاتك مشش فى ركبك .


* جتها نيلة الى عايزة خلف تيجى تتفرج .


* متحطيش الموبيل جنبك و انت نايمه هيجبلك تخلف عقلي .


*ذاكر ياموكووووس مش فالح غير فى الهيافه والكلام الفاضى.


* متتأخرش وهات عيش وانت جاى .


* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .


* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.


* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).


*أوعا حد يضحك عليك ويقولك جرب السيجارة دي.


*ابقى ورينى مين حينفعك فى الاخر من شوية الصيع الى انت مشيلى وراهم .


* قوم اقرا لك كلمتين ينفعوك .


* وطي المدعوق ده شويه .


* مش ملاحقه علي التليفون ولا الموبيل عملالي فيها الست المهمه.


*برة البيت بتضحكوا وجوة البيت لاوى لنا بوزك ............ خلي شوية اصحابك الصيع ينفعوك.


*لما ما ترضاش تاكل في البيت:طبعا مانت اتعودت علي اكل بره .


* عيـــب ... لازم تحترم اللي أكبر منك .


* لو شفت خناقه ما لكش دعوة بيها .


* كريم دا عيل بايظ وماتمشيش معاه تاني .


* مين منى دي انتى كل يوم تصاحبي واحدة جديدة ؟.


* هياا الوزيرة معندهاش وزاره النهارده قومى يا حبيبتى الساعه10 .


* انته مبتكلش جزر ليه .. اجيبلك برتقانه. طب كل سلطه .


* يبني بأسلوبك ده مش هتعيش معاك واحده .


* قومي ساعدي امك ده اللي هيتجوزك أمه داعية عليه.


* اوعى حد غريب يديلك حاجه تاكلها و تشربها و تاخدها منه .


* يا ابني حرام عليك الى بتعمله فينا ده.


* انا سايبالكوا البيت وماشية ومش حتشوفوا وشي تاني .


* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.


* وانت فاكر احنا مستنيين منك حاجه .


* انتا لو فلحت تبئى تيجى (احم احم ) متهيئلى معروفة على ئبرى .


* ابقي قبليني لو فلحتي ...بس ديما مش بيقلوا نقبلهم فينّ!!! غربيه .


*مين اللي ساب باب التلاجة مفتوح.


* كفايه رغي في التليفونات .


*لما الولد او البنت ماتاكلش تقعد الام تقول وشك بقى عامل زى اللقمة المقمرة هتتعبى ومش هتقدرى تروحى الكلية و هلف بيكى على الداكترة.


* اطفي التلفزيون وقوم ذاكر ولا و خش اوضتك .


* بلاش تمشى حافى البس شبشب وانته داخل الحمام .


* ما فيش مذاكرة على المزيكا .. وازاى بتذاكر و البتاع ده شغال جنبك .


*فلوسك بتروح فين يا هبله انتي بتصرفي على الصبيان؟؟.


*مع ان الواحد كل سنة بينجح و رغم كدة يقولولك ابقى تف على وشى لو نجحت كل سنة الكلام دة :D:D .


* ماتتأخرش علشان عندك كلية بكرة بدرى.


* انا عارفة ازاى المك .


* انا : ياماما بقه ايه ده ؟؟؟
ماما:مووو لمـا يــــــخدك .


* ادلعى ياهبة فى ايامك المهببه .


* ده منظر اودة بني آدم ، انت عايش فيها ازاي؟.


* هو انا الخدامه الى ابوكم جبهلكم .


* الى يطلع من الاوضه يطفى النور وراه .


*أبوك عندك أهو اتصرف معاه .


* اللي بيشيل قربه مخرومة بتخر عليه لوحده ..


* لو مش فاهم حاجه ارفع ايدك و قول للأستاذ مش فاهم .. متتكسفش .


* يأبنى المذاكره مابتخلص .... نفسى اشوفك مره ماسك كتاب.


* اعمل حسابك مش حندخلك جامعه خاصه.


* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .


* مالكش دعوة بالسياسة .. وماتمشيش في مظاهرات .و امشي جوا الحيط :D:D .


* احمد ربنا الاكل الى مش عجبك ده فى ناس مش لقينه .


*والله لو منضفتيش الشقه ومسحتيها ما في نزول النهرده .


* قومي سخني الأكل لأخوكي.


* ابوكم كان دايم بيطلع الاول على الفصل... " لما كلهم كده امال مين الى بيطلع الاخير .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* ( حضرتك راجع البيت متأخر و عاوز تتوه الموضوع وانت بتكلم مامتك )
انت : ماما عاملة ايه مش عارف ليه حاسس انك وحشتيني يا ست الحبايب
مامتك : وحش اما يلهفك كنت فين ياد يا صايع انت ؟ ايه اللى رجعك متأخر امبارح ؟؟


مستنى منكم اقتراحات
و جمل جديده
نضيفها فى الموضوع


**ملحوظة هامة ومش لازم ننساها **

طبعا كلنا قرينا الكلام دة وطبعا كل اللي يقراه بيقعد يضحك لما يفتكر مواقف الجمل دي
بس طبعا أهم حاجة مش لازم ننساها فضل الناس دي علينا ولولاهم ما كنا وصلنا للي احنا فيه
تحية خاصة لكل الأمهات والأباء تحية شكر وتقدير

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
الجمل دى بتتقالى فعلا
بس جامدة موت يا حسن

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
طبعا احنا بنحبهم وهم اغلى حاجة عندنا
بس بتحسهم بيدوهم دروس خصوصية قبل ما يخلفو عشان يحفظوها صم وخصوصا الامهات لكن الابهات دي ناس رايقة وبتظبطنا بجد

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
طبعا مفيش حد ما بيحبش والديه
بس الموضوع للهزار بس

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
موضوع يجنن

ربنا يديهم الصحة وطولة العمر دول اغلى ناس عندنا ومن غيرهم ما نسواش حاجة ابدا
شكرا يا بشمهندس لموضوعك

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
وشكرا ليك يا ندا على المرور والتعليق
على فكرة انا طبعا مهما قولت مش حوصف انا بحب ابوى وامى اد ايه
وهما بحبونى اد ايه

وطبعا الموضوع للهزار بس

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
اكيد طبعا للهزار يابشمهندس ما احنا عارفين

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
أشهر جمل بيقولوها الأب و الأم

الجزء التانى



...*...*...*...*
...*...*...*...*...*...*...*...*...

*...


*اوعى خيالك المريض يهيالك انك ممكن تاخد
منى فلوس تانى.


* انتا مالك من ساعت ما دخلت البيت و انتا فرحان انتا
جاي من انهي غرزة.


*ذاكر ياموكوس مش فالح غير فى الهيافه والكلام
الفاضى.


* خلصي اكلك وناميلك شويه عشان تقومي تزكريلك
شويه.



* ابقي نشف الحمام بعد ما تخرج منه.

الجملة دى بتتقالى كتيييييييير




* كل يوم هات هات لمة ربيتلى الهتهات
(الحاج طبعا)
مع انى مش عارف اية الهتهات ده بس ماشية مع الجملة.


*
هتذااااااااكر هتاخد عنية مش هتذااااااااااكر هتاخد بالجزمة
(هو فى غيرة طبعا الحاج).


*أوعا حد يضحك عليك ويقولك جرب السيجارة دي.


*ابقى
ورينى مين حينفعك فى الاخر
من شوية الصيع الى انت مشيلى وراهم .


* قوم
اقرا لك كلمتين ينفعوك .
اتقالت لى كتيييييييييير

* وطي المدعوق ده شويه .


* مش
ملاحقه علي التليفون ولا الموبيل عملالي فيها الست المهمه.


*برة البيت
بتضحكوا وجوة البيت لاوى لنا بوزك ............ خلي شوية اصحابك الصيع
ينفعوك.


*لما ما ترضاش تاكل في البيت:طبعا مانت اتعودت علي اكل بره
.



* كريم دا عيل
بايظ وماتمشيش معاه تاني .



قومي ساعدي امك ده اللي هيتجوزك أمه داعية عليه.


* يا ابني حرام عليك الى بتعمله
فينا ده.


* انا سايبالكوا البيت وماشية ومش حتشوفوا وشي تاني
.



* وانت فاكر احنا مستنيين منك حاجه .



*مين اللي ساب باب التلاجة
مفتوح.


* كفايه رغي في التليفونات .


*لما الولد او البنت
ماتاكلش تقعد الام تقول وشك بقى عامل زى اللقمة المقمرة هتتعبى ومش هتقدرى تروحى
الكلية و هلف بيكى على الداكترة.


* اطفي التلفزيون وقوم ذاكر ولا و خش
اوضتك .


* بلاش تمشى حافى البس شبشب وانته داخل الحمام .





* انا : ياماما بقه ايه ده ؟؟؟
ماما:مووو لمـا
يــــــخدك .

* الى يطلع من الاوضه يطفى النور وراه .


*أبوك عندك أهو
اتصرف معاه .


* اللي بيشيل قربه مخرومة بتخر عليه لوحده ..


* ومن اشهر الجمل الى بتتقال كل
يوم بعد الاكل :

انا مش الخدامه اللي اشترهاكوا ابوكوا اللي ياكل في طبق او يشرب
في كباية يغسلها ما يركنهاش في الحوض.

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
اغلبه بيتقالي زي ما تكون كنت معانا عندي اضافه بسيطه
ربنا يكون في عون اللي هيخدك لو سألت حد علي حاجه في التليفون يقولو
ما انت كنت مش مركز نايم في المحاضره طبعا
بس بجد ربنا يديهم الصحه ويخليهم لينا همه اغلي حاجه في الدنيا

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
شكرا على اضافتك الجميلة
ربنا يديهم الصحة ويطول فى عمرهم
على اد ما بيستحملونا

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
ربنا يخليهوم لينا بجد دول أحلى حاجة في الدنيا.....
والجملة دي بتتقالي كتييييييييييييييييييييييييييير
*مذاكرة ايه دا اللى على السرير.

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
معاهم حق يا سارة
مذاكرة ايه اللى ع السرير دى

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
هههههههههههههههههه

بجد معظم الجمل دي بتتقالنا
وخصوصا
قوم اقرا لك كلمتين ينفعوك

و قومي ساعدي امك ده اللي هيتجوزك أمه داعية عليه

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
شكرا يا سمسم على مرورك

يلا يا جماعة عايزين نعرف ايه الجمل اللى بتتقال لكل واحد فى البيت

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
جتها نيلة الى عايزة خلف تيجى تتفرج .
الجملة دى بتتقالى كتيييير

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
وياترى مين خلف ده يا باسم

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
موضوع حلو والله
انا بقى الجملة دى بتتقالى كتير
يابنتى حرام عليك هات قناة الناس الشياطين ماليه البيت.

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
انا بقى الحمد لله ما احبش اتفرج على التلفزيون اصلا
عشان كده مش ممكن تتقالى الكلمة دى

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
انا بقي الجمله اللي بتتقلي
مش عاجبك الاكل في ناس في افغانستان مش لاقية العيش الحاف
مش عارفه يعني ليه افغانستان .......؟
ماهي كل بلد فيها اللي مش لاقيين العيش الحاف

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
هاها
بس يا مها ماما عندها حق
وانتى كمان يا مها كلى اى حاجة وخلاص
اهم حاجة تشبعى

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz

( الأسئلة الرخمة اللى مببحبش حد يسألها )



***********

إنت في أوضتك .. على السرير وطافي النور ومتغطي
ييجي أخوك الظريف ويفتح الباب عليك ويقول : ايه ده انت هتنام ولاّ ايه ؟

(( أظن ده مش وضع الرقص !!! واضح ان انا هنام ))

***********

انتم معزومين عند ناس ورحتو لبيتهم وأول ما فتحولكوا الباب

يقول ابنهم الصغير: انتوا جيتــواااااااااااااااا ؟

(( لا لسه ))

***********

والعكس
: انت لابس هدومك و متأنتك و
على سنجة عشرة وريحة البارفان واصله لاخر
الشارع ..
وخلاص بتفتح باب الشقة,,
يجي حد من أهلك وينادي بصوت عالي : انت
خااااارج ولاّ اييييييييييه

(( !!! لاء دانا لسه راجع ))

***********

أو مثلا راكب العربية ودوّرتها وخلاص هتطلع ...
يجيلك لك البواب ويخبطلك على الزجاج,,
انت بكل ذوق تفتح الزجاج وتقوله : خير في حاجة؟
يقولك : انت رايح الشغل يابيه ؟

(( لا.. العربية واحشاني ))

***********

مثلا ماسك سماعة التلفون وقاعد تضغط الارقام

يجي حد من أهلك ويقولك: انت هتتكلم في التليفون ؟


(( لا.. بتفرّج عليه ))

***********

مثلا : ماسك مذكرة أو كتاب وقاعد تحفظ ومتحمس (أول مره بقى) ..
جه حد وقالك: هاه.. قاعد تذاكر ؟

(( تقوم رامي الكتاب و تقوله لااااااااء ))


***********

ربنا هاديك كده ...
ماسك سبحة و عمال تسبّح ،
يجي حد من البيت يعدي عليك ويقول: هوّه انت بتسبح ؟

(( لاء.. هفرطها و أسلقها ))

***********

ولاّ تعالــو شوفو قنواتنا واسئلتهم البديهية البايخة
برنامج اهداءات يتصل واحد يطلب أغنيه
ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟

(( لاء.. طالبها اخنق على نفسي ))

***********

أو مثلا في العيد

المذيع : هههههه هههههههه هههههه نتعرّف بيك
المواطن : فلان الفلاني
المذيع :هههههه هههههه هههههه بتقول ايه للأهل ههه و صحابك ههه وقرابيك هههه و للناس اللي انت مخاصمهم كمان ؟ هههههه هههههه ههههههه
المواطن : أقولهم كل عام وأنتم بخير

(( أكيد يعني مش هيقولهم البقاء لله ))

***********

,,,المذيعة الظريفـة : وياترى بقى هتعملوا ايه العيد ده هتقضوه ازاي ؟
أكيد
بيبقى زيارات الأهل و الصحاب و تخرجوا تشوفوا مظاهر العيد في الشوارع
و
تفسحوا أولادكم ونتصل بالمعارف نعيّد عليهم و نقولهم كل سنة و انتو طيبين

(( سبتيله ايه يقوله يارخمة ؟ ))

***********

والأسخف بقى ... الشلل الكبير.. لما المذيعين يكلّموا الاطفال
يقول المذيع للطفل : إنت بتحب ماما وبابا ؟

(( يعني أساسي الواد لسه ما طلعلوش عرق الندالة علشان يقول لأ ))

***********
وياريت الى عنده اسئله زى دى يكتبها ويكتب التعليق
مستنى تعليقاتكم

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
اكتر حاجة تخنق
لما حد يخبط علي الباب وتؤله مييين؟؟؟؟؟؟
يرد بكل ثقة انــــــــا
علي اساس ان انا حاجة معروفه
واني مليش حق اسال سؤال زي كده وكأني انا اللي غلطانة

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
والله يا مها معاكى حق
دى فعلا كلمة مستفزة ع الاخر

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
هههههههههههههههههههههههههههههههههههههههههه<br><br>موضوع جامد جدا يا أبو الحسن<br>وخصوصا دول<br>
<span style="font-size: 24px; line-height: normal;"><font color="orange">انتم معزومين عند ناس ورحتو لبيتهم وأول ما فتحولكوا الباب <br><br>يقول ابنهم الصغير: انتوا جيتــواااااااااااااااا ؟<br><br>(( لا لسه ))</font></span>
<br><br><br>
<span style="font-size: 24px; line-height: normal;"><font color="orange">ولاّ تعالــو شوفو قنواتنا واسئلتهم البديهية البايخة<br>برنامج اهداءات يتصل واحد يطلب أغنيه<br>ترد عليه ست الكوتكوته (المذيعة) بكل خفه ورشاقة : إنتا بتحب الاغنيّة ديه ولا ايه ؟<br><br>(( لاء.. طالبها اخنق على نفسي ))</font></span>
<br><br><b><br><font color="green">ومن الحاجات اللي تخنق برضو <br>تكون عايز تقفل الشباك<br>وتقول لواحد تقدر تقفل الشبااااك؟؟؟؟<br><br>يرد عليك ويقولك أيوا أقدر</font><br>طب منا عارف انك تقدر</b><br>

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
ايه يا ابو دحنا كلامنا كله مسموع عندكم .. انا كنت فاكر الاتاري بس الي بيلقط
فاكر الاتاري .. نفسي في دور ماريوا يامعلم .. بس يكون حديدي

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
اه والله يا ارشى

فين ايام زمان

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
معظم الجمل اللى بيقولها الاب والام اللى قلتها يا بشمهندس بتتقالى انا واخويا وخصوصا خصوصا
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
* متحطيش الموبيل جنبك و انت نايمه هيجبلك تخلف عقلي .
بس طبعا مش بنفس الكلام
اما ايام ثانوى كنت لما اخرج الصاله اريح معاهم من المذاكره شويه الاقى ماما بعد 5 دقايق تقلى يا بنتى ادخلى ذاكرى دى الامتحانات قربت"طيب يا ماما يعنى انا كنت بعمل ايه من شويه"
وحاجات كتير تانيه الواحد مش عارف يفتكرها مره واحده

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
لا انا بقى موضوع المذاكرة ايام الثانوى ده ما تحكيش فيه
كلنا عانينه منه
بس انا طبعا كنت بستهبل كتير
يعنى اخرج قبل الدرس بساعة واجى بعده بساعة
وكنت مقضيها بقى
بينج بونج
وضمنة ع القهوة

يااااه ايام

descriptionأشهر جمل بيقولوها الأب و الأم في مصر Emptyرد: أشهر جمل بيقولوها الأب و الأم في مصر

more_horiz
هههههههه
ما شاء الله ايه الروقان ده كله
privacy_tip صلاحيات هذا المنتدى:
لاتستطيع الرد على المواضيع في هذا المنتدى
power_settings_newقم بتسجيل الدخول للرد