صباح الخير
علي فكره الموضوع حاجه والعنوان حاجه انا بس مش عارف ايه اللي خلاني مخليش الموضوع زي العنوان المهم مش داه عنوانا المهم في الموضوع
النهارده قررت قرار عجيب انا زمان لما كنت صغير كنت امتلك قدره ادبيه عاليه جدا بجد والله مش هزار ولما دخلت الجامعه لحد سنه اولي اخدت تالت جامعه في الشعر واخدت جائزه حلوه في كتابه قصه قصيره لكن بعد كده شيلت الموضوع ده كله من دماغي مع بدايه مراحل الاحباط اللي بدات اعيش فيها
وفاجاه لقيت نفسي عايز اكتب لاني سمعت لحن جميل جديد اول مره اسمعه في حياتي اللحن بصراحه اثر فيا كتير جدا فلقيت نفسي عايز اكتب
بس المشكله اول ما بدات اكتب معرفتش اكتب ايه لقيت نفسي بكتب حاجات وحشه وكلها اكتئاب وطبعا لو حطيت الكلام ده هنا اعتقد اني هاخد حكم اعدام فوري
من الاعضاء كلهم بلا استثناءات ( يا فرحه البنات فيا هيستمتعوا باعدام اول ولد في القسم ) لكن قررت اني اغير الفكره مع ثبات الهدف الهدف ثابت وهو الكتابه لكن اللي هيتغير نوع القصه اللي هكتبها هخليها كوميديه لان اغلبنا بيحب الاطار الكوميدي بالذات بس هقدمم فيها فكره وان شاء الله الفكره تعجبكم
اما اول القصص اللي هكتبها لسه معرفهاش انا عمال ادور علي فكره الاول وبعد كده ابطال وممكن متكونش قصه فيها ابطال ممكن تكون ادب عام بس بردو كوميدي وبطريقه جميله ومضحكه وفيها مغزى
انتظرووووووووووووووووووووووووووووووووووووووووووووووووووووووووني
فلطالما اشتقت الي الكتابه كيفما اشتاق الي الحديث
اخوكم الصغير / احمد محرم