Department of Architecture Forum - Assiut Universityدخول

شاطر

descriptionأصعب لحظه في حياتك

more_horiz
من منا لم يمر بلحظه أعتقد أنها أصعب لحظات حياته؟

لحظه يتمنى أن يعود الزمن للوراء قليلا حتى يغير مايستطيع ...

كي لا تمر عليه هذه اللحظه

هذه بعض اللحظات التي غالبا ماتكون من أصعب لحظات حياتنا


أصعب لحظات حياتك
عندما تبكي وتبكي وتمر الساعات ومازلت تبكي

وفي النهاية...لايشعر بك أحد


أصعب لحظات حياتك
عندما ترى بعينيك مالايصدقه قلبك ولاعقلك


أصعب لحظات حياتك
عندما تفقد من تحبه دون أن تقول له ... أنك تحبه


أصعب لحظات حياتك
عندما ترى دمعة من تحب ، فتقف عاجزا عن ازالتها


أصعب لحظات حياتك
عندما يتهمك أغلى الناس بأشياء ليست فيك أصلا


أصعب لحظات حياتك
عندما تبتسم للحياة،وتقول أن التعاسة قد فارقتك أخيرا

فتفاجأ بأنك قد خسرت أعز الناس اليك


أصعب لحظات حياتك
عندما تحب بصدق وباخلاص...لتفاجأ بمن أحببته يبيعك ويتركك ويقسو عليك


أصعب لحظات حياتك
عندما تفتح عينيك باحثا عن النور الذي يحول

حياتك ، فتجده بين أنامل من يكرهك


أصعب لحظات حياتك
عندما تملأ الدنيا سعادة وفرحة،لتفاجأ بطعنة في

الظهر ممن كان سبب هذه السعاده


أصعب لحظات حياتك
عندما يتركك من تحب ولامبرر لذلك سوى أنك أحببته بصدق


وأنت ماهي أصعب لحظة في حياتك...؟

descriptionرد: أصعب لحظه في حياتك

more_horiz
أصعب لحظات حياتك
عندما تحب بصدق وباخلاص...لتفاجأ بمن أحببته يبيعك ويتركك ويقسو عليك

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أصعب لحظات حياتك
عندما تملأ الدنيا سعادة وفرحة،لتفاجأ بطعنة في

الظهر ممن كان سبب هذه السعاده

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
أصعب لحظات حياتك
عندما يتركك من تحب ولامبرر لذلك سوى أنك أحببته بصدق


..................................................................
كلمات جامده جدا جدا جدا يا الشيماء
صعبه بجد وجايز تكون من أصعب اللحظات اللى ممكن تمر بيا
بس أصعب حاجه مرت عليا قبل الجمل اللى فوق دى
هى وفاة والدى
وياريت كنت اقدر اوقف الزمن وارجعه للوراء بس للأسف مكنتش هاقدر امنع قضاء الله

descriptionرد: أصعب لحظه في حياتك

more_horiz
البقيه في حياتك يا شيماء
مش قدرا اعلق بس دي سنة الحياه
ويارب تبقى كل لحظاتك الجايه سعاده
شدي حيلك في رابعه ( انتو قدوتنا ) ورنا يوفقك وشكرا على مرورك

descriptionرد: أصعب لحظه في حياتك

more_horiz
ربنا يخليكى ليا يا الشيماء
هو الموضوع ده بقاله حوالى 3 سنين
كان فى اول سنه دخلت فيها القسم العزيز ده
كان وش القسم حلو عليا جدا No
والحمد لله على قضاء ربنا وقدره
ربنا يرحمه ويرحم كل أموات المسلمين ويعوض البنات عن أى حد غالى بيفقدوه
وميرسى يا قمرة

descriptionرد: أصعب لحظه في حياتك

more_horiz
ربنا يجعلها اخ الاحزان
وبالنسبه للي كاتبه الموضوع ده
ياريت تعمل مقابله للموضوع بموضوع تاني تسميه اسعد لحظ في حياتك علشان انا مابحبش شغل الزعل ده
دا انتي قربتي تنصبي صوان وتجيبي مقرأواحنا نيجي نعزي

descriptionرد: أصعب لحظه في حياتك

more_horiz
اقصد اخر الاحزان

descriptionرد: أصعب لحظه في حياتك

more_horiz
هههههههههههههههههههههههههه
الحكايه مش زى مانت متخيل يا محمد
كل الحكايه اننا نفتكر اللحظات الصعبه فى حياتنا علشان نحس بطعم الايام الحلوة ولا ايه ؟ scratch

descriptionرد: أصعب لحظه في حياتك

more_horiz
عندك حق يا شيماء
وشيماء التانية كمان
والله ملخبطيني دايما
scratch
ما علينا
نرجع لموضوعنا

موضوع رائع يا شيماء
وبجد ربنا يوفقك وتزودي مشاركاتك في المنتدى
أما بقى اصعب لحظات حياتي

عندما يتهمك أغلى الناس بأشياء ليست فيك أصلا

وشكرا مرة تانية عالموضوع الجميل ده

descriptionرد: أصعب لحظه في حياتك

more_horiz
ايه ده يا فدوى كنت هكتب ان اصعب لحظه في حياتي لما حد يفهمك غلط او يفكر انك شخص غلط وهوا لسه ميعرفش انت مين اصلا

متشابهه نوعا ما

شكرا على مروركم ويارب كل لحظاتكم الجايه تبقى سعاده

descriptionرد: أصعب لحظه في حياتك

more_horiz
عارفة بجد بدأت افكر ان الناس الي بيكونوا ليهم نفس تاريخ الميلاد بيكونوا متشابهين
يعني انتي وانا لينا افكار متشابهة كتير
مش عارفة لاحظتي ولا لأ
مع اني كنت اعرف واحدة قبل كده ليها نفس تاريخ ميلادي ونفس السنة بس كان بيننا اختلافات كتير
مش عارفة

انتي ايه رأيك في الموضوع ده؟

descriptionرد: أصعب لحظه في حياتك

more_horiz
اه انا بحس كده كتير في كلامك و مشاركاتك اوقات اشوف موضوع آجي رد الاقيكي كاتبه نفس ارد اقوم كاتبه شكرا على الموضوع الجميل واسكت

بس بجد دي حاجه حلوه اوي بس مكن مفيش بينا اختلاف عشان فيه فرق بينا سنه مثلا مش اصدي ان الي اكبر سناا عقله اكبر ( عشان لو هنتكلم على العقل يبقى اسكت انا احسن) بس انا بقول ممكن سبب بشكل عام
او ممكن صدفه
عموما لو صدفه فدي اسعد صدفه في حياتي ان يبقى ليا اخت زييك يا فدوى ودي مش مجامله

descriptionرد: أصعب لحظه في حياتك

more_horiz
مرسي بجد ليكي يا شيماء
وكلامك الذوق ده
وفعلا لو صدفة أو غيره أنا ليا الشرف ان أنا وانتي لينا نفس تاريخ الميلاد
(مع ان انتي اكبر مني بسنة)
وبجد ربنا يوفقك
مواضيعك جامدة جدا
وكلها اجمل من بعض

descriptionرد: أصعب لحظه في حياتك

more_horiz
شكرا ليكى يا شوشو على الموضوع الجامد ده وربنا يخلى حياتك كلها فرح cheers
اما انا فاصعب لحظه عندى study
هى
.
.
.
الفراق مع من أحب Crying or Very sad
الظلم
الاحراج
يعنى هى مش لاحظه واحده scratch
اكيد لحظات كتيره بس هو الواحد مش بيحب يفتكر الحاجه السبئه
وبجد مواضيعك جامده اوى

descriptionرد: أصعب لحظه في حياتك

more_horiz
شكرا يا آيه على تشجيعك
فعلا الواحد مش بيحب يفتكر اللحظات دي مابيسدق ينساها

ربنا يوفقك في حياتك يا ايوتا وتقضي اجازه سعيده cheers

descriptionرد: أصعب لحظه في حياتك

more_horiz
اشكرك يا قمر
cheers

descriptionرد: أصعب لحظه في حياتك

more_horiz
كلمات في منتهى الروعة وموضوع جامد
تسلمي على موضوعك
وتقريبا لحظاتنا كلها صعبة الله المستعان

descriptionرد: أصعب لحظه في حياتك

more_horiz
ايه الاكتئاب ده يا ندى
يا جماعه تفائلوا والدنيا لحظه كده ولحظه كده مش بتثبت على حااااااااال
ولو ثبتت متبقاش الدنيا

descriptionرد: أصعب لحظه في حياتك

more_horiz
شكرا يا ايه على مرورك

ايه يا ندى ماالك فكي شويا وربنا يسهلها ويفتحها عليكي
وربنا يكرمك ان شاء الله

شوفيهم يا شيماء مالهم الموضوع مش بهدف الاكتئاب بس بنقولكم ايه اصعب لحظه عشان تاخده بالكم ومتوقعوش فيها تاني

مش بنقلب المواجع

descriptionرد: أصعب لحظه في حياتك

more_horiz
لازم نفتكر اصعب لحظاتنا عشان نعرف نعيش اجمل اللحظات

descriptionرد: أصعب لحظه في حياتك

more_horiz
بجد انا كده هعيط Crying or Very sad
علشان فعلا كلهم صعبين اوي ومش اقدر استحمل ولا واحده منهم
لكن يمكن اصعبهم
عندما تملأ الدنيا سعادة وفرحة،لتفاجأ بطعنة في
الظهر ممن كان سبب هذه السعاده
عندما تبكي وتبكي وتمر الساعات ومازلت تبكي
وفي النهاية...لايشعر بك أحد
عندما تفقد من تحبه دون أن تقول له ... أنك تحبه
براصحه انتي جبتي الخلاصه
يارب محد يتعرض للمواقف دي ابدا وتبقي حياتنا كلها سعاده
موضوع اكتر من رائع يا شوشو

descriptionرد: أصعب لحظه في حياتك

more_horiz
يارب يا آيه ما تمرش عليكي ولا لحظه صعبه وشكرا على مرورك

descriptionرد: أصعب لحظه في حياتك

more_horiz
ميرسى ع التوبيك الرااااااااااااااااااائع جداااااااا والمحزن جداااااااااااااااااااا

بجد انا مش عارف اقتبس ايه ولا ايه

التوبيك كله عاجبنى

تسلم الأيادى

اتمنالك مزيد من التوفيق

تقبلى مرورى
[b]

-------------------------------------------
[ندعوك للتسجيل في المنتدى أو التعريف بنفسك لمعاينة هذه الصورة]



يا ليتنا مثل الأسماء لا تغيرنا الحياة

اتمنى التوفيق لكل الأعضاء فى المنتدى

descriptionرد: أصعب لحظه في حياتك

more_horiz
شكرا لمرورك يا باش مهندس عمرو
مواضيعك هيا الي اجمل _- ده من بعض ما عندكم-_ــ

الموضوع مش مقصود منه اننا نحزن المقصود اننا نحال منوقعش في الحجات دي تاني

descriptionرد: أصعب لحظه في حياتك

more_horiz
أى لحظة بتواجه فيها مشكلة أو حدث صعب و تستلم للقدر و مش بتحاول تبذل أى جهد للتخفيف من صعوبتها أو مواجهتها بشجاعة
فى رأيى هتبقى اللحظات دى أصعب اللحظات فى الحياة

descriptionرد: أصعب لحظه في حياتك

more_horiz
شكرا ياباشمهندس مارك على مرورك

معاك حق في الكلام الي قولته بس في لحظات الواحد مبيبقاش بإيده يعمل حاجه غير انه يعد يستنى مصيره او انه يستسلم للقدر

descriptionرد: أصعب لحظه في حياتك

more_horiz
A.M كتب:

معاك حق في الكلام الي قولته بس في لحظات الواحد مبيبقاش بإيده يعمل حاجه غير انه يعد يستنى مصيره او انه يستسلم للقدر


ربنا أدانا نعمة العقل و التفكيرعلشان نستغلها فى المواقف الصعبة و حتى لو الفرد قرر إنه يستسلم للقدر لازم ده يكون قرار بشجاعة مش إستسلام علشان يبقى فيه إستعداد لتقبل رد القدر

descriptionرد: أصعب لحظه في حياتك

more_horiz
فعلا معاك حق في كل الكلام الي قولته ( حتى لو الواحد مستسلم لازم يقطنع)
بجد شكرا على الكلام ده افدتني ويارب كل الناس تستفيد وتقطنع بيه

شكرا على مرورك نورت الموضوع
صلاحيات هذا المنتدى:
لاتستطيع الرد على المواضيع في هذا المنتدى