ديكورات اوربيه ...........في قمه الجمال

جزاكى الله خيرا يا ندى
وكتر خيرك على التجميع ده كله لتصميمات مختلفه
حتى غرفة الاطفال الصوغنتتين مش سيبتيها
تسلم اياديكى يا قمر وانا هاعلق على حبه حاجات

eng_nada1990 كتب:

السلام عليكم و رحمة الله و بركاته أجمل ما عجبنى هنا هو البساطة الغرفه بعيده خالص عن اى تكلف او بهرجه عجبتنى اوى الارضيه بس للاسف مش عارفه هيا نوعها ايه .. دى كمان عجبتنى اوى رغم انا قاتمه شويه بس زوقها حلو وجوها رومانسى جدا بس بصراحه الاحساس القاتم للغرفه هايحكم بان مفارش السرير دايما تبقى فاتحه وكمان الشباك البيضاوى اللى فوق السرير ده هايبقى مزعج اوى لو حد نايم وكمان مفيش عليه ستاره .. بصراحه حاسه ان الغرفه دى للفرجه بس بس عجبتنى الترابيزه الزجاج اللى فى الركن اليمين تحت .. الغرفه دى معقوله مش وحشه بس اكمل ما فيها انه ربط بين اجزاها بدرجة لون واحده اللى هو درجة الكنبه دى حطها فى البراويز اللى فوق وكمان فى لون مخدتين من المخدات .. بسيطه برده الغرفه دى واللون الزتونى بتاع الحيطان حلو برده بس مش عاجبنى انه الكومودينو اللى جنب السرير على اليمين يغيره ويحط حاجه تانيه على الشمال طول عمرنا بنشوف انه الاتنين بيبقى نفس الكومودينو بس برده انا شايفه ان الشباكين اللى فى الجنب دول هايبقى مزعجين اوى لو حد نايم الصبح .. اجمل ما عجبنى هو هو التشكيل فى السقف وفى ألوانه وكمان سبوتات الاضاءه برده فكره حلوه بس برده كل ده مش خرج عن إطار البساطة .. ألوانها هاديه ومريحه وجديده فكره السقف المايل على السرير دى تخيلى واحد اول يوم ينام فى الاوضه دى وميكونشى متعود يصحى من النوم منعوس ومش فايق يفتكر ان السقف بيقع عليه .. الاستايل الكلاسيك للغرفه بيديها احساس بالفخامه بس بالرغم انه كلاسيك بس حاساه بسيط مش متكلف .. التصميم جرافيك بس كان محتاج تفاصيل اكتر وكمان بالرغم من ان اللون المسيطر هو لون من الالوان الناريه هايبقى كويس اوى فى الشتا هايدى احساس بالدفء بس لو فى الصيف هايبقى العكس هايدى احساس بالحر ويمكن اللى مدى شويه شغل للتصميم هو الجزء اللى ورا السرير وكمان فى الحيطه التانيه مش عارفه ان كان ده نقش فى الحيطه ولا ستاير ولا ايه ؟؟ .. عجبنى اوى التصميم ده بسيط خالص رغم انه يبان من انظره الاولى انه زحمه وفى تفاصيل كتير بس حتى تفاصيله بسيطه هو استخدم هنا درجات لون متقاربه علشان يريح العنين وغريبه اوى سلة البيض اللى فوق دى كانت هاتبقى احلى لو اى نجفه او وحده إضاءه تانيه .. هنا برده بالرغم من الحيطه السوده اللى ورا السرير بس شكلها حلو وكان الاحسن انه السرير مش يبقى بنى يمكن لو كان رصاصى او أحمر حتى او نبيتى كان يبقى احلى احلى ما فى الموضوع كله الحاجات الحمرا اللى على السرير دى .. هنا كمان الغرفه بسيطه ألوانها هاديه وبسيطه لولا بس انه فى الفرش أخد لون غامق وكان هايبقى السرير احلى لو كان فى مبرر للعموايد دى يمكن لو حط ستاره او زى ما بيقولو ناموسيه لو حتى لمجرد المنظر كان هايبقى اجمل .. هنا كغرفه أطفال كويسه مع ا نهم بيميلو للألوان اللى تجذب العينين بمعنى أصح الألوان الصريحه أحمر وأصفر وأزرق بس هيا هاديه خالص ورقيقه ممكن لو الطفل عصبى يبقى الاحسن لو تبقى غرفته تساعده انه يبقى هادى شويه لو ألوانها هاديه .. بسييييييييطه خالص شكلها كده للأطفال ما دون السنة الثانيه .. هيا غرفه بنوته حلوه وكمان السرير والشغل فى الستاره اللى وراه دى جميل بالرغم من انها عاوزه شويه حركه لان دى غرفه لطفله مش لآنسه .. دى تبقى غرفه ولد .. دى برده غرفه بنوته وهاديه برده ورقيقه .. المطآبخ .. .. حلو المبطخ ده بالرغم من بساطته وخصوصا الكراسى وطقم التوابل .. وهنا كمان اللى بيميزه هيا البساطه .. وهنا رغم انه التصمي مودرن وجميله حكايه ملمس الحيطه دى والألوان حلوه وجريئة بس حاسه انه فاضى او مفيهوش اىحاجه من حاجات المطبغ اللى متعودينها .. هنا المطبخ كويس برده بس ليا تعليق على الضلف اللى فوق اوى دى يعنى كل ما ربة البيت تحتاج حاجه تجيب كرسى وتقف عليه دى شغلانة .. هنا كمان المطبخ بيتسم بالبساطه ولو ان لو كانت لون الرخامه بيج كانت هاتبقى احلى وجديده حرجه الاسبوتات بتاعت الاضاءه دى تحت قطعه المطبخ العلويه .. .. عجبنى اوى المطبخ ده كل حاجه ماشيه مع بعضها ومنسقه .. [size=16] فى المطبخ ده حاسه فيه بترابط الألوان مع بعضها وكمان نقشه الأرضيه مه الكراسى اتمنى ان تنال أعجابكم

معلشى يا ندى
ان شاء الله هابقى اكمل تعليق لما ادخل تانى
ولتانى مره تسلمى يا جميله

مرسي ياشوشو علي مرورك
وعلي تعليقاتك الجميله اللي استفدت منها كتير
ومستنيه باقي التعليقات

اولا شكرا ياندى على الحاجات الكتيررررررررررررر اوي دي
وطبعا تعليقات شيماء الرائعة
وانا حبيت اريحك شوية واكمل من وراكي ياشيماء طبعا
من بعد اذنك ياقمر

eng_nada1990 كتب:

السلام عليكم و رحمة الله و بركاته [/size] .. هو بسيط زيادة عن اللزوم مع اني عجبني اللون اللي بدل الرخامة والكسرة اللي جوة اللي عند الشباك بجد جميلة واستغلها صح لما حط الحوض هناك والارفف الرقيقة اللي ع الجنب بس الحوائط عنده فقيرة جدا .. مش عارفة ليه فكرني بفرح ابن العمدة اولا اللون الاخضر لو المطبخ فيه كورنر لسفرة صغيرة مينفعش خالص لانه بيسد النفس والمراية العجيبة اللي عند البوتجاز دي لمين بالظبط؟؟؟؟؟ بلس انها هتزيت وهتبقى مقرفة وطبعا النجفة دي اكيد بتاعة الصالون مش هعلق اكتر من كدة عشان حرام شحورته اه .... عجبتني المقابض بتاعة الادراج .. احلى حاجة في التصميم دا اللون الابيض عمل روح تانية خالص للمطبخ بس المطبخ محتار بين المودرن ( في الرخامة البيضا والارضية والحوضاللي مينفعش خوض مطبخ ) ومابين باقي التشكيل الكلاسيك يعني المشربيات مثلا والحوائط بتفكرني بستايل المنتدى في رمضان .. هنا رغم انه كورنر صغير الا انه استغله حلو أوي وحط كل الحاجات اللي هو محتاجها وطبعا فكرة الربط بين اجزاء المطبخ والسقف جميلة والاضاءة اللي فيه كمان بس متهيألي لو نزل بالجزء ده شوية هيبقى احسن حتى عشان ادراك المطبخ وكدة ولا كدة الجزء العالي أوي في المطبخ محدش بيستخدمه .. راااايق جدا ويبفع أوي في الشقق الصغيرة والوانه مريحة اللون الاخضر الفاتح مع البني الفاتح حلوين قوي رغم ان الاخضر مش موجود غير في الحتة اللي عند الحوض بس هو ركز عليه باضاءة بينته وطبعا كمله بفوط السفرة بس هي الحاجة الغريبة الي نازلة من السقف دي مينفعش تبقى نحفة ممكن لعبة .. هو نفس التصميم بس لقطة مختلفة بينتلنا الفازة الجميلة بلونها الجميل تحسها مستنية حد يلمسها عشان تقع هو هنا المطبخ اوكي حلو بس اول ماشفته حسيت انه في حاجة غلط يمكن الكورنر مش معمول صح او الارش ملهوش علاقة بالموضوع كمان لون الرخامة مش نافع هيبقى احسن لو فاتح والارضية كان ممكن يمشيها ذي باقي الغرف وخصوصا انها مش باركيه دا شكل الباركيه .. هنا نحس ان المطبخ في بيت معمول عا=لى النظام العربي ميزته طبعا انه كبير لونه هادي بس يمكن لو الارضية كانت لون واحد مش كذا لون كان هيبقى احسن وكمان الرخامة لو كانت غامقة شوية .. طبعا هو الابيض لما بيبقى في اي مكان بيخليه تحفة بس مش عارفة اعلق على المطبخ لان اللقطة جاية ديقة أوي مش مخلية المطبخ يتشاف .. الواحد مسعرفش دي اوضة السفرة ولا المطبخ!!!!!! كلاسيك أوي- السقف جميل- وحدات الاضاءة متوزعة على المطبخ الارضيه كمان جميلة ومتحدده حلو أوي يعني التصميم شامل اتعمل مع بعضوا متعملتش حاجة قبل حاجة الستارة كمان ماشية مع الديكور .. الحمامات.. .. حلو أوي- كلاسيك -سيمتريك بس متهيألي النسبة طويلة حبتين وكمان محتاج درجتين سلم عشان البانيو .. جامد جدا واتوقع انه فيه كمان بانيو مكشوف بس مش باين المراية اللي عند الاحواض بسيطة جدا وراكبة أوي على الاحواض والسجادة عسوووووووولة بس لون الارضية مدي على غرف التوم اكتر لو كان ابيض او زيتوني فاتح هيبقى احلى .. ياسلام على الروقان اولا متهيالي انه في جزء في السقف مايل فكان هيبقى احسن لو خلى البانيو عند الشباك القسم اللي في الحايطة كمان مش لذيذ هو برضوا باقي الحمام مش باين عشان منظلمهوش .. اهو دا احلاهم متقسم صح حتى البارتيشن ممرش مرور الكرام لاء دا بقى عنصر مهم في التشكيل وكمان البانيو جاي مايل والحوض معاه فكرة حلوة طبعا الالوان كمان متناسبة أوي مع بعضها ومريحة لاء جاااااااااااااامد اتمنى ان تنال أعجابكم

تسلم ايديكي ياقمر بجد حلوين ولذاذ أوي

مرسي ياريهام علي مرورك
وتعليلقاتكم الجميله
انتي وشيموا تسلمي ياقمر