مين يخش البيت

مش انا
انا شبعانه
وبطلوا دوشه عاوزه ازاكر

ما تذاكري في اوضتك حد جيه جمبك وبعدين مش انتي اللي بتعملي الاكل اروح فين انا دلؤقتي

زهقت من أوضتى
وكمان انا مش لواحدى فى البيت عندك البنات كتير
نادى لأى واحده تعملك الاكل
هو مفيش الا انا ولا ايه
وبطل دوشه بقى خلينى أزاااااااااااااااااااااااااااكر

برافو عليكى
سيبك منه وتعالى هنا يا حبيبتى جنبى كملى شغلك
على رايك هو ده وقت حد يأكل فيه


.....
تاخدى سندويتش؟؟؟

خطفته ..
عملين علينا روباطية .. وقال مفيش اكل قال ..
ورينا بقى حتاكله ازي .. انتي وهيا ...
استلقى ياد ياحمد الحتة دي ..
بالهنا..!!!!

نسيت اقولكم .. تكون في بقوكم وتقسم لغيركم

لا يا أرشى متفرحشى اوى كده
انت ناسى اننا بنات ولا ايه
معانا التموين بتاعنا أكل وشرب وكل حاجه
بس مخبينه منكم لاننا عارفين اننا مش هنلاقى اللى يساعدنا لما نبقى مشغولين
ويلا روح دورلك على كتاب زاكره ولا لوحه ارسمها
ولا نضف البيت
ولا اى حاجه

يانهار ازرق يجي عليا اليوم اللي يبقي فيه بنتين في البيت وولا واحده فيهم تقوم تعمل الاكل امال انا جيت الدنيا ليه يانهار اسود الطم ؟ الطم ؟ ارشي انت فين يا ارشي الحته اللي ادتهاني مش مكفيه

ثم انتوا قاعدين في البيت لا شغله ولا مشلغه مذاكره ايه انتي يا بنتي انتي مش امبارح كنتي ماسكه التليفون لحد الفجر لوك لوك لوك لوك

هو انت جيت الدنيا بس علشان البنات اللى فى البيت يخدموك ولا ايه؟
لولا بس ان البنات مش فاضيين وانت بتصعب عليهم وبيعملوا لك طلباتك شفقه
كانوا علموك كويس نظام
help your self
وبعدين آرشى ايه اللى انتى جاى تقول عليه
ده أخد السندويتش وخلع منك
دور على حد يأكلك بقى
ولا أقولك
اطلب ديلفيرى

وبلاش انت بالذات
فاهم انت بالذات
تجيب سيره التليفون دى
فاهم قصدى ولا .............

بقولكم ايه .. انا راجل البيت هنا ..
محبش حد يعلي صوته ..
والا حمنع عنكم المصروف .. وابقوا وروني حتجيبه التموين ازاي
.. يلا حد يعملي اكل .. عايز اكل وانزل عندي مشور ..
وعايز ارجع الاقي الكل نايم ..

.. ابو محرم .. عجبتك في البوقين دول ؟؟
اه كل يوم من داه !!
( اخيرا عرف ارفع صوتي في البيت)

كل يوم من ايه يا ارشى
انت شربت كوبايتين ينسون وجاى تسمعنا صوتك؟
فينك يا صفاء عباس
كانت زمانها بتحمينا دلوقتى
اهبط بقى كده وروح شوف انت رايح فين

ومفيش أكل غير للبنات
والناس الكويسين
يلا بقى

ههههه..
مفيش مصروف بيت للبنات
.. وللاخوة الولاد ..متقلقوش حنقضيها كوك دور
وجيب السبع ما يخلاش!!

يابو الحقني .. اخوك حيضرب !!
ان كيدهن عظيم !!
ارشي انضرب يا منز!!

وكمان معندكشى لغه
اسكت بقى
خلينا نعرف نزاكر عندنا امتحانات ياساتر

شوفت شردتك ازاي 

ايوه صح تعالي ننزل نلعب بلاستيشن حد ينزل معانا يابنات حد فيكم عايزه حاجه من تحت احنا نازلين نلعب

نلعب ؟؟؟
مش عيب عليكم تبقوا كبار كده وتقولو نازلين نلعب
سيبتوا ايه للاطفال الصوغنتتين
ولا أقولكم
يلا شوفوا انتوا رايحين فين
على الاقل تروقونا شويه من الصداع ونعرف نزاكر كلمتين

طيب عايزه ايه من تحت وانا جاي بعد ما نخلص لعب ؟

فين باقي الناس علشان تخش البيت

الظاهر في الشقة الي جنبينا!!
انا رايح اندهلهم..

اه وانت فى جاى ابقى عدى على السوبر ماركت هات عشا
واستنى هاكتبلك ليستة الطلبات
وابقى هاتها كلها متعملشى زى المره اللى فاتت

شوف يا سيدى
هات بيض .......قد 200 بيضه كده ..أصل فى اعضاء مش بيحبوا البيض
الجبنه ..هتلاقى فى السوبر ماركت تشكيله جبن حلوه..هات من كل نوع قد 5 كيلو كده اه 5 من كل نوع هايكفوا
والزبادى هات 300 علبه زبادى اه ومتنساش 50 واحده من اللى بالفاكهه البنات بتحبها
وعندك يا سيدى اللبن
هات قد 10 كيلو واتأكد انه كويس وهاته من اللى جاى النهارده
وهتلافى فى السوبر ماركت جزء للخضار
هات 7 كيلو طماطم
و 5 كيلو خيار
و4 كيلو فلفل
و3 كيلو باذنجان
والبطاطس نسيتها
هات 10 كيلو بطاطس البنات بيحبوا البطاطس المحمره
وابقى هات 6 زجاجات زيت عباد الشمس
وعندك 5 زيت دره
وابقى هات علبتين شاى من اللى هو كيلو ده
و3 برطمانات نسكافيه علشان البنات
و 3 كيلو بن
والكوفى ميكس متنساهوش
السكر ....... لا فى هنا سكر
انا مش فاكره الا دول دلوقتى
لو افتكرت حاجه تانيه هابقى اقولك
يا بنااااااااااااااااات محدش عاوز حاجه قبل ما الولاد ينزلوا ؟؟؟

شوفت كنت نسيت العيش
هات عيش بلدى وعيش فينو
والكيزر متنساهوش علشان البنات يعملوا سندويتشات وهما بيزاكروا
وابقى هات طحينه
ومخللات بقى هات تشكيله على زوقك
....
....
....
....
....
يووووووووه كان فى دماغى حاجات كتير مش فاكره حاجه
بطل دوشه يا آرشى خلينى افتكر
يا بنات حد يفكرنى الله يكرمكم كنا بنقول عاوزين ايه تانى ؟؟

هو انتي بعد كل ده كنتي لسه عايزه حاجات تاني ؟ اجيبلك السوبر ماركت في البيت احسن ؟ ولا اجيبلك عريس شغال في سوبر ماركت وتريحيني انا من العذاب ده ثم انا لو نزلت اجيب الطلبات دي كلها لوحدي مش هرجع غير اخر القرن الحالي يعني علي القرن الجديد نزلي حد معايا من الاولاد مش هعرف انزل لوحدي اجيب كل ده وهي فين البنات اللي هتاكل كل الاكل ده لما محدش جوه الموضوع اساسا ابعتي لنكات للناس خلي الناس تدخل 

وانت عاوز البنات والاعضاء لما يدخلوا مش يلاقوا عشا يتعشوا بيه
وبعدين مين قالك انك هاتنزل واحدك
خد أرشى الغلباوى معاك
ومارك اللى طول الوقت يا اما بيتفرج على
art sport
يا اما بيلعب بلاى ستيشن ونيد فور سبيد خليه يعمل حاجه مفيده
وبعدين عذاب ايه اللى بتقول عليه ده
ده انا قولتلك تروح مكان واحد السوبر ماركت امال لو قولتلك انزل السوق بقى هاتقولى ايه
فى السوق هاتقعد تنقى الخضار واحده واحده
الطماطم هتنقيها طمطمايا طمطمايا
والبطاطس هكذا
انا رحمتك لما قولتلك على السوبر ماركت
....
....
....
بس انا فى حاجه ناسياهااااااااااااااااا
مش عارفه افتكرها

وبعدين انا لو بعت اللنك لحد
هايبقى علشان يدخل يتعشى

انا مش حتعتع قبل ما تعشي العربية متروحشي البنزينة وهي جعانة!!
انا جعاااااااااااااان

انزل يا آرشى مع اخوك محرم ومارك هاتوا الطلبات

طاب حتتة لحمة في نص رغيف..
ايه داه ..
انت مش كتبين لحمة ...في الطلبات ليه ؟؟
امال انا حفطر واتعشى ايه!!

لحمه ايه
مش هاتبطل ......بقى
اللحمه دى بيتغدوا بيها
بلاش تتقل فى العشا علشان مش يكبس على نفسك وانت نايم
ويلا استعجلوا وانزلوا هاتوا الطلبات
البنات جاعت

حاضر حاضر انا نازل اجيب الطلبات امري لله تعالي يا عم ارشي معايا انزل وخلاص

حنزل بس ناكل برة ونسيبهم .. حتروح مؤمن ولا كوك دور..

بقى كده وتسيب اخواتك البنات يناموا من غير عشا وهما يا حبايبى تعبانين فى المزاكره والتسليمات
حسبى الله ونعم الوكيل
تصدق عندنا حق لما نقول هانعمل لنا طلباتنا ونسيبكم كده
متسمعشى كلامه يا محرم
انزل انت وخد مارك معاك هات الطلبات وارشى مالوش عشى عندنا

خلى مؤمن ولا كوك دور ينفعوه
وبكره يجيله يوم

ولا انتي رايك ايه يا شيماء يا اختي يا عسل

ويلا ياد انت وهو انا نازل اجيب العشي لوحدي طالما مش عايزين تنزلوا معايا واحد
ارشي راح كوك دور ياكل لوحده
ومارك نزل يلعب بليستيشن

اعمل ايه ياربي اطلع من هدومي
امري لله
هو مفيش راجل هنا في البيت ده ولا ايه
انزل انا اجيب الاكل وامري للله

شيماء ابعتي اللينك بجد لاي حد في المنتدي من البنات خلي الناس تدخل مش هينفع كده الموضوع حلو ولذيذ بس بيت مفهوش غير 4 بس ده البيت الفاضي ده