في البدايه احب اشكر الباشمهندسه فدوي علي ترحيبها بيا وبقولها الف الف الف شكر وميرسي جدا ياباشمهندسه فدوي علي طرحك للموضوع ودي مبادره جميله جدا منك وانا في انتظار اسئلتكم ياجماعه ومحدش يتكسف يا جماعه ومحدش يخاف ياجماعه اي حد يحب يسالني اي سوال انا تحت امره واي حد زعلان مني يقولي علشان اعتذرله واصالحه قدام الكل واي حد عايز يحب يعلق باي شي يقولي واي حد يحب يقول اي حاجه انا كلي اذان صاغيه واي حد عايزني اولع فيه يكتب سؤال واحد بس وانا لما اشوفه هتصرف !! وبالنسبه للاسئله كل عضو متاح ليه عدد لانهائي من الاسئله بمعني ادق اللي نفسك فيه قؤله كله يخبط في الحلل وانا هجاوب بمزاجي او علي رأي الامبراطوره يوتا " انتو لسه عندكم امل انا هشيلهولكم خالص ! " كان معكم الكاتب الصحفي محرمنتو
طيب لو سألتك يا بشمهندس كام سؤال هترد ولا كدا حضرتك انسحبت فمش هترد؟؟
طيب عموما انا هسأل ولو حضرتك تحب ترد اوكى ولو لأ فمفيش اى مشكله..تمام؟
1-هل فى حد خدعك او جرحك فى يوم من الايام لو فى مين هو وكان ردك ايه عليه؟
2-ايه اللى خلاك تستنى لدلوقتى فى القسم؟ هل صعوبه من المواد؟ او عدم تقبلك ليها؟ او لظروف مش هتقدر تقولها؟؟
3-ايه اول حاجه ناوى تعملها ان شاء الله بعد ما ربنا يكرمك وتتخرج؟؟
4-لو جاتلك الفرصه انك تشتغل بره مصر ايا كانت البلد تسافر ولا لأ؟؟
5-هل حاولت قبل كدا تستغل موهبتك فى الكتابه فى غير المنتدى؟
6-هتقول لمين الكلام دا -انت اصيل -انت صديق عمرى -انت جرحتنى -انت زى والدى -انت اكتر واحد فاهمنى - انت افضل شخص شفته فى القسم من يوم ما دخلته -انت افضل شخص شفته فى المنتدى من يوم ما فتح -سامحنى
