أخيرا ................ شيماء على كرسي الاعترااااااف

F-A_3marah كتب:

شيماء يا حياتي
يا قلبي


اتأخرت عليكي بالأسئة معلش
متقوليش كده انا الي اتأخرت عليكي بالأجوبه


نبدأ أسئلة بقى ،، تماااام وهقتلك بعد ما اخلص

السؤال الأول :
ليه دخلتي هندسة وليه اخترتي قسم عمارة؟
جاوبي بصراحة (( على اساس اني مش هجاوب بصراحه،،، انا الكلام الي هييجي في دماغي هكتبه من غير ما اقراه تاني))
هقولك حاجه الاول ،، بابا كان نفسه ادخل طب او اسنان زي اخواتي بس انا كان نفسي احققله امنيته رغم اني كنت عايزه هندسه من الاساس ، بس لما ظهرت النتيجه وجه وقت النسيق خلاني اكتب رغباتي انا

بصي بقى يا ستي، دخلت هندسه الاول عشان انا ميولي لمواد الرياضه اكتر من مواد العلوم ،ودخلت هندسه عشان انا كنت عايزه اتخصص عماره
اتخصصت عماره ليه،، بصي زمان كنت بتفرج كده على برنامج اجنبي مش فاكره اسمه عموما هوا بيجيب ناس بتبني بيوت وبتعمل ديكور ليها وكده بس كان بيتكلم في الاغلب عن الديكور الداخلي ده كان اول بدايتي للتفكير في القسم بعدين اخت صاحبتي خريجت عماره فكانت بتقولي القسم بيتكلم عن ايه بالضبط ولما هتتخرجي هتكوني ايه فانا حبيته وداخله هندسه على اساسه ((و رغم اني مش فالحه فيه اوي ،،بس انا مش هلاقي نفسي في اي قسم غيره ولا هعرف ارضي ميولي في اي قسم تاني عشان بحب القسم ده اوي))

السؤال التاني :
ايه سر ارتباطك بالمنتدى؟
اول حاجه انا سمعت بالمنتدى زيكم لما وقف اتنين من طلبه سنه رابعه وقاله عليه وساعتها مش كنت اعرف مين دولا، المهم عادي يعني قولت هدخله وطنشت او نسيت وظروف اني جيت متـأخر من الاجازه كانت خنقاني تقريبا الترم الاول كنت نفسيا منهاره ((( ملوووش علاقه بالسؤال )))
المهم المهم ففدوى ( الي هوا انتي) قالتلي عليه ، بعدين اشتركت فيه واول اسبوعين كده مكنش ليا فيه خالص عشان اناملياش في جو المنتديات كنت بس بدخل اقرا المواضيع اقفل وبعدين شدني المواضيع الي بتتكتب وبعدينالناس الي فيه وعلاقتهم مع بعض في المنتدى لحد لما وصلت للادمان زي ما انتي شايفه (( انا رغايه اوي اقري المفيد بس))


السؤال التالت :
انتي بتعتبري نفسك شخصية عصبية ولا شخصية هادية وياريت موقف يوضح الموضوع ده الموقف الي هعمله فيكي بعد الأسئله دي هيوضحلك كل حاجه
جدااااااااااااا بس الناس مش بتشوفني وانا متعصبه اني مش بتعصب غير مع الناس القريبين مني اوي يعني في البيت مع اصحابي الانتيم
اما مع باقي الناس لا عادي بيبان اني هاديه ( بس في الواقع لا) يعني لو حصل موضوع ينرفزني ببقى بتحرق من جوايا وبحاول امسك نفسي بالعافيه ده لو مع الناس عموما اما لو مع حد قريب مني مش بمس نفسي
بس مش بمسك نفسي لو اتظلمت او حد ظلمني وبتعصب جامد

موقف امممممممممممم مش فاكره حاجه معينه ،، بس الي اقدر اقولهملك ان تليفونات البيت كلها بايظه بسببي عشان لما بتعصب برميها

السؤال الرابع :
موقف حصللك مكنتيش تتمني تتحطي فيه ايه هو الموقف ده وليه مكنتيش تتمنيه واتصرفتي ازاي؟
ممكن يكون في حجات كتير اتمنيت اني مكنتش اتحط فيها
بس اقرب موقف حصلي ومدايقني عشان حسيت اني اتفهمت غلط

مره في الترم الاول كا عندنا سكشن تصميم وانا جيت بدري قبل ما السكشن يبدأ وطلبت قهوه من تحت وطلعت فوق والراجل اتأخر وانا نسيت اصلا اني طلبت قهوه ،، انا كنت قيلاله يطلعهالي على اساس اني كنت جايه بدري مكنتش اعرف انه هيتأخر (( طبعا عرفتي باقي الموقف)) المهم السكشن بدأ وانا استأذنت اجيب لوحه فقابلني الراجل وهوا طالع ، انا مركزتش قالي ايه ونسيت اصلا ان دي القهوه ، فكرته بيسأني احنا اعدين فين فشاورت جوه ونزلت
وانا طالعه القسم لقيت الراجل آعد على السلم ومدايق خالص ومتعصب بيقولي انتي مقولتيش ان عندك سكشن وانا كل ده مش مستوعببه هوا بيتكلم فيه ايه ، المهم اتعصب ودايقني خالص بالكلام بس عادي زي والدي مش مشكله،، المهم انا طلعت السكشن وانا مدايقه بسبب انه دخل القهوه السكشن وبسب كلامه معايا وكنت متوقعه الي مستنيني فوق
دخلت الصاله والباشمهندس سألني انتي الي طلبتي قولتله اه وفهمت الباشمهندس انه كان من بدري ( بس انا كنت مدايقه عشان انا مش من طبعي اني اعمل كده او اني اخلي حد يدخلي قهوه السكشن او اني اقلل من احترام المعيدين بأي شكل،، وكنت برد على الباشمهندس وافهمه اني طلباها من بدري ،،بس مش قصدي خالص اني اقلل من احترامي للباشمهندس ) المهم سمعت الكلام وقولتله حصل خير ورحت اعدت مكاني ومن يومها وانا حسه اني اتفهمت غلط او اني لما رديت وانا مدايقه اتفهت اني بقلل من احترام............... بس ده الموقف


السؤال الخامس :
بكلمات بسييطة ماذا تعني لكي كل كلمة (( اصدك ايه بكلمات بسيطه )) اصدك اني رغااااايه هااااااااااا
قمة الفرح لما بشوف وبحضن بابا وماما،، لما بكون في ديق وبدعي ربنا وربنا يفرجها عليا،، لما بحل لحد مشكلته و اساعد حد، لما العب مع اطفال واندمج معاهم واعيش في العالم البريء بتاعم
قمة الخيال السماا، النجوم ، القمر، البحر ،،،، لما ببص على السما بليل بحس اني في عالم تاني بعد افتكر واتخيل حجاات كتير حصلتلي او كان نفسي تحصلي
قمة الهدوء ( انتي عايزه ايه بالضبط امته بحس بكده ولا ايه الي بيفكرني بكده وانا هقول الي يعجبني وبراحتي) بما انني شقيه او ومش هاديه خاالص
قمة الهدوء لما ببقى في الاوضه لوحدي وبسمع قرآن خصوصا وقت الفجر ،، لما بكون في المسجد خصوصا لما بروح المسجد عشان اصلي صلاة التهجد في رمضان
قمة الرومانسية لما بشوف او اكون مع ناس بحبهم سواء اهلي اخواتي اصحابي ،،،
البحر الراحه ، الهدوء
الأصدقاء حجاااات كتير السعاده الفرح الجنون ،، كل حاجه المهم اني ببقى مبسوطه مرتاحه حتى لو كنا متخانقين

السؤال السادس:
ما هي مواصفات فارس أحلامك؟!! يكون زي بابا،، مع كل الحجات الي هقولها لازم يبقى بيحبني اوي
اول واهم حاجه انه يكون متدين عرف ربنا كويس ( عشان الانسان الي مش يكون مدي ربنا حقه وربنا مديه كل حاجه وهوا مش قادر يديه ربع وابسط حقه انااخاف اعيش معاه)
يكون اخلاقه طيبه شخصيته كويسه ، مبيكدبش( عشان الكدب الحاجه الوحيده الي عمري ما بغفرلها) ، مبيغشش يبقى محل لثقة الناس مش اناني
اجتماعي ، مش بخييل
راجل واثق من نفسه وقت الجد جد وقت الهزار هزار دمه خفيف مش رخم ،،، يبقى طيوب اوييييييييييييي
مثقف ناجح ، بيحب يطور من نفسه من مستواه ( مش قصدي ماديا) اقصد علمياا يعني يبقى مثقف فاهم، ديما بيطور من مستواه العلمي
الناس كلها بتحبه ، يعني يبقى كرييييييييييييييييييييييم وبيساعد الناس يبقى على طول بيتنا مفتوح للناس
يبقى بيحترم بابا وماما بيحبهم يعني مش يمنعني اني ازورهم او يزروني او اني اصرف عليهم في اي وقت (( اصلا انا مش بفكر في موضوع الجواز عشان هيبعدني عن اهلي))
ميكونش بيشرب سجاير خاااالص (( عشان السجاير دي نهايتها هدمر صحته معنى انه بيشربها انه خلاص بقى بايع ومش عايز يعيش معايا ،، لو بيحبني بجد مش يشربها))

يحس بياا ، يساعدني في البيت حتى لو معنويا بس

لو كملت مش هسكت بس ده الي قادره اجمع


كفاية كدة تعبت لا يا شيخه ده انتي هتشوفي اياام
بس هرجع أسألك تاني متخافيش
مش هتلحقي هقتلك بايدي
هو أنا كدة باقيلي كام سؤال؟؟ للأسف حتى لو بقيلك مش هتلحقي

نورتيني يا فدوى بجد ،، بس بردو هتشوفي ايام زي الفل