أحلى أيام زمان .....

AhMaD JaMaL كتب:

يااااااااااااااااااااااااااااااااااااه

لسا فاكرة الحاجات دي

اصبروا عليا شوية وهرجع لكم بحاجات كتيرة زي كدا

شكرا يا فدوى على الموضوع الجميل دا

آيه نائل كتب:

يا يا فودى لا
لا
فكرتينى انا الحجات دى بحبها اوىىىىىىىىىىىىىىىىى
وحتى الآن بحب أغنيها فاكره اللبان السحرى
ههههههههه
واغنيه الارقام ......1 هوه ربى
2 بابا وماما
هههههه
وألس فى بلاد العجائب
بجد حجات كلاها بريئه ومفهاش ذنوب وتحسى ان سعتها كنا اطفال
اما دلوقتى مش بحس بصراحه ان الاطفال اطفال فى زمنا ده
فى كل حاجه فى اللبس والموبيلات والاغانى والسجاير شافو ايه دول من الدنيا
موضوع لذيذ اوى يا فودى واكيد فى ناس كتير هتدخله بس الايام دى كل واحد مشغول
تقبلى مرورى يا قمر

[b]هههههههه
بجد عندك حق يا آية أطفال اليومين دول مش أطفال
متعرفيش تضحكي عليهم بكلمة ولا تحايليهم بشوكلاته
هههههههههههه
شكرا لمرورك الجميل أوي ده يا قمر

AhMaD JaMaL كتب:

يا سلام عى دنيا الاطفال وغلاسته

مفيش حاجة كرهتني في التليفزيون المصري الا هو

كان الواحد هوا وصغير ويجيبو مقطع لتوم وجيري وفي عز ذروة الاحداث تطلع المذيعة المستفزة

تقولك ونكمل الحلقة اللي جاية

وياريت حتى الحلقة الجاية بيكملوها

كما اللي كانت مستفزة اكتر اللي مذيعة برضو كانت متعملش حاجة غير انها تقعد توصف الاحداث

هوا اساس الفيلم صامت مش محتاج تحكي وتدخل صوتها الرخم في النص

مش ناقصاها

محمد أحمد يوسف كتب:

فكرتونا بالذي مضى

انا كنت بحب طبعا توم اند جيري وكنت اتنرفز جدا لما يقطعوه بالاخبار اللي بيعيدوها هي هي كل ساعه

وفي رمضان كنت بحب زي كل الاطفال بوجي وطمطم

وفوازير عمو فؤاد

عمو فؤاد في اجازه ما تدوروش عليه

وما تقولوش لماذا وحيعمل فيها ايه

وبرنامج كاريكاتير بتاع رمسيس

كان ييجي اخر الليل اصلي من يومي ما بحبش انام بالليل

وبرنامج نيا الاطفال كنت بحب اسمع القصه اللي بتتحكي في اخر الحلقه

وسلاحف النينجا وبعد ما تخلص الحلقه كنا نمثلها مع بعض

انما اغنيه جدو علي فدي لحد دلوقتي بسمعها لدرجه اني حاططها نغمه في الموبايل

وكان في اغنيه تاني

كان فيها بنات صغيرين واقفين على مسرح تقريبا اجانب

وكانو يغنوا بولا بولا

صراحه ان ما كنتش بفهم بيقولوا ايه بس كنت بحبها

ياريت اللي معاه الاغنيه دي ينزلها

اما الاخ بكار

فكنا ايام الكليه ما كانش في تليفزيون في المدينه

اما لاننا ازهريه والتليفيزيون رجس من عمل الشيطان

او انهم مامعاهمش حقه واظنها الثانيه

بس بتوع الامن كان عندهم تليفزيون

فاتصاحبنا عليهم وبقينا نفطر معاهم في رمضان علشان نتفرج على الاخ بكار

هي دي قصتي ايام الطفوله

ومشكوووووووووووره علي هذا الموضوع الرائع

فاطمة أحمد جابر كتب:

فكرتينا بالأيام الحلوه يا فدوى
انا كنت بحب جدا دنيا الأطفال وكنت بحب جدااا توم أند جيرى والصراعات اللى بين القط والفار دايما
وفى رمضان بقى نشوف فطوطه وبوجى وطمطم وعالم سمسم لما كبرنا شويه وظاظا وبعد الفطار دايما ولدلوقتى الفتره اللى بين المغرب والعشا نقضيها كلها كرتون

اما بقى كابتن ماجد ومازنجر وسلاحف النينجا كانت حكايتهم حكايه
التلات مسلسلات دول كنت بشوفهم رغما عن أنفى
كان محمد ومصطفى اخواتى يحبوهم جدا وكنت الغلبانه اللى فيهم مقدرش طبعا احول القناه
بالمتابعه حبيتهم جدا ولدلوقتى لو شفت سلاحف النينجا او مازنجر بحب اتفرج جدا عليهم وحتى حملنا حلقات مازنجر والاغنيه بتاعته

اما كابتن ماجد بقى بمل منه على ما يحط الكوره بتاعته فى الجون كانت بتاخدلها بتاع حلقه كامله ويفكرلها مليون تفكيره عشان يدخلها
كان متأنى جدا كابتن ماجد ههههههه

اما بقى الاغانى فمعظمها او كل اغانى الاطفال اللى اعرفها بحبها جدا
عندك اغنيه البطه "كاكى كاكى كاكى كا"
ولا هم النم ولا جدو على وبولا بولا
كلهم كنت حاطاهم عالموبايل وفاكره يا فدوى لما كنا نبقى زهقانين فى الصاله او نطلع سكشن رسم نظرى فرى ولا حاجه وكنت اشغلهم كنت بآخد تريقه للصبح

كانت ايام حلوه ياريتها ينفع ترجع
شكرا يا فدوى انك فكرتينا بالحاجات الحلوه دى

ودا لينك الاغنيه "بولا بولا" يا أستاذ محمد لو تحب تحملها
[ندعوك للتسجيل في المنتدى أو التعريف بنفسك لمعاينة هذا الرابط]

والفيديو بتاعها

أنا معاكي
كابتن ماجد كان رخم جداا بصراحة
سلاحف النينجا بأى كنت مستغلساها لأنها كانت بتيجي في نفس وقت بوجي وطمطم
بس مازنجر بصراحة مالهوش حل وكمان الجزء التاني منه جرايندايزر
بس مازنجر كان أحلى

وشكرا يا قمر دايما قايمة بالواجب
كنت لسة هدور على اللينك بتاع اغنية بولا بولا
كانت أغنية جميلة أوي

شكرا يا قمر على مرورك الجميل

الاء ابو الفتوح محمد كتب:

يااااااااااا يافدوي فكرتينا بايام زمان
بيني وبينكم انا لسه بتفرج علي الكرتون لحد دلوقتي علي اسبيس تون
عي ايامنا كان التليفزيون الارضي مليان في الصبح علي برامج الاطفال الحلوه ولا الاغاني الجميله دي كنت حفظاها كلها تقريبا وكنت بغنيها في حفلات المدرسه
اصل كنت عامله فيها مطربه وعندي شريط كاسيت بابا كان مسجلهولي وانا في kg كل مبقي مضايقه اشغلوا شكرا يا فدوي علي الموضوع
اه علي فكره نعمات بتسلم عليكي

أنا كمان لسة بتفرج على سبيس تون لغاية دلوقت

خصوصا أغاني ريمي لما بتيجي أنت الأمان وأمي كم أهواها
وأبطال الديجيتال بأجزاءه
وأدغال الديجيتال كمان
وأغنية بائعة الكبريت لو تعرفيها



وعندك بأى أنا وأخي وأنا وأختي
وكمان لحن الحياة كانت الآنسة صفاء صوتها حلو أوي



وكفاية كدة
بس مكنتش أعرف انك مطربة يا قمر
شكرا لمرورك يا ألاء
نورتي الموضوع
وسلميلي على نعمات جامد

aya9999 كتب:

يعني مش عارفة اقولكم قد ايه انبسطت لما سمعت الاغاني دي
انا لحد دلوقتي بسمع اغاني الاطفال وبتابع طيور الجنه
وكمان منزلاها علي الموبايل
بجد شكرا علي الموضوع الجميل ده يافدوي
وكمان شكرا ليكي يافاطمه علي مساهمتك

safaa 3abbas كتب:

هههههههههههههههه
يا عسل
ايه الحاجات الحلوة دى
فكرتيني بايام زمان بجد كانت هى دى الطفولة مش اطفال اليومين دول اللى كل العابهم حرب المومياء على الكمبيوتر ههههههههه دانا بخاف العبها
يااااااااااااه يا فوفة دى كل صورة فكرتنى بذكريات كتير اوى فعلا مش عارفة احكى ايه ولا ايه
ربنا يخليكي يا رب ويكرمك

[ندعوك للتسجيل في المنتدى أو التعريف بنفسك لمعاينة هذه الصورة]

مرسي على ذوقك يا صفاء
ربنا يكرم الجميع

بس بجد عندك حق
أطفال الأيام دي ألعابهم غريبة ومخيفة

احنا على أيامنا كان يادوب أتاري وسوبر ماريو هي اللي كانت واكلة الجو


[ندعوك للتسجيل في المنتدى أو التعريف بنفسك لمعاينة هذه الصورة]

تصدقي نفسي ألعبها

دلوقت الكمبيوتر والبلاي ستيشن بقت عليهم ألعاب تخض

شكرا لمرورك الجميل
نورتي الموضوع يا قمر

asma كتب:

يخرب بيت عقلك
يافدوى ايه
الدماغ
دى
والله اول مافتحت الموضوع افتكرت اغنية ابريق الشاى
ولقيتك حاطاها
وافتكرت اغنية حلوة السنيوره لفرقة المصريين
واغانى كتير من واحنا صغيرين وافتكرت كارتون السنافر


وافتكرت واحنا صغيرين اخواتى الكبار كانوا بيعملوا لينا مسرح عرايس
انا واخويا الاصغر منى

والحركات اللى كنا بنعملها ف بعض
تصحى من النوم الصبح تلاقى وشك مرسوم فيه شنب
والوان
وصيد الجذم على انها سمك
والسطو على حدائق الجيران
بغض النظر اننا عندنا واحده
طبعا والقبض علينا متلبسين
بس الحمد لله انا ولا مره اتمسكت
ذكريات فضايح صح
والافلام اللى كنا بنألفها
لما حاجه تكسر


على فكرة
فيه مقولة بتقول

الشعور بأنك طفل فى بعض الاحيان ضرورة00
والاماتت داخلنا الدهشة0

هههههههههه
لأ بجد ذكريات جميلة
وخصوصا حكاية الشنب دي
هههههههههههههه

دا انتي ليكي قعدة لوحدك

شكرا لمرورك يا سمسم
نورتي الموضوع يا جميل