نظافه

اول امبارح جه راجل راكب عجله وشكله ياعيني يقطع القلب
نادم علي بابا من الشارع ولما بابا نزله قاله
عايزين فلوس النظافه
بابا رد وقاله نظافه ايه
قاله عليك 60 جنيه فلوس نظافه
وياريت حضرتك تقول لباقي السكان عشان ينزولوا يدفعوا
بابا بلغ الناس والكل نزل ودفع
السؤال بقي
الفلوس دي ليه وعشان ايه
دول حتي مش عاملين اي حاجه في الشارع
الغريبه ان الناس كلها دفعت من غير ماتعرف الفلوس دي ليه
يعني سلبيه مفيش بعد كده
طيب حد يسال ليه
لا حياه لمن تنادي
ياتري الموضوع ده مع الكل ولا لا
ياريت اعرف رايكم بكل صراحه
والسلام ختام

هههههههه
ضحكتيني يالولا
هو الغريب اللي في الموضوع ان الناس دفعت
بس الحمد لله عمر ماحد جيه وقالنا كده ولا لسه الدور ماجاش
بس بصراحه شارعنا نضيف وفي سله كبيرة كل حوالي 50متر وفي عمال بتنضف وليهم زي رسمي حركات كده مش عارفه يمكن عشان شارع رئيسي
علي الرغم من كده لو حد جيه وقال عايز فلوس انشالله جنيه محدش هايديهم لو اتنططوا شكرا علي الموضوع الجميل ده وبالتوفيق دايما

شكرا يا ايه علي مرورك
نورتيني

ربنا يخليكي ليا يا سمسم
متهيالي كلامك صح

هى دى بلدنا السلبيه فى دمنا

عشان كدا احنا فى تراجع دايما

حتى موضوع النت اهو من يومين لو مفيش موقف ايجابى يبقى شكرا كدا

وغيره وغيره

ميرسى على طرحك الموضوع المهم ده يا الاء

وياريت نتغير

ان الله لا يغير ما بقوم حتى يغيروا ما فى انفسهم

طول ما احنا كدا فى سلبيه هنفضل من اقل الأمم تقدما ورقى

عندك حق يابشمهندس
هنفضل كده لحد امتي والله حاجه تضايق
شكرا يابشمهندس علي مرورك نورتني

حاجة غريبة فعلا الموضوع دة
الاغرب منه ان محدش فكر يسأل
ما علينا احنا هنفضل سلبيين دايما
مرسي يا لولة على الموضوع

ربنا يخليكي يا ول
تسلميلي

احنا كمان بندفع نظافه
هنه ولشقتنا في اسكندريه الهي مقفوله طول السنه اساسا ومبتتفتحش الا شهر في الصيف
عادي

الله اكبر يافاطمه
احنا هانقر ولا ايه
بكرة اقلاقيهم علي الباب بيقولولنا هاتوا فلوس كل السنين اللي عليكم

علي ايه يا فاطمه دانا قربت اطلع من هدومي من الناس دي
والله هشل هيموتوني يابنتي
دول بيعملو حاجات كتير اوي بس الواحد كاتم في قلبه وساكت