Ultra Modern Living Rooms

eng_fatma a7mad كتب:

نيجى بقى للتعليق المفصل ......... ومعلشى يا فاطمه بقى هاطول عليكى
الصوره الأولى

حلو أوى واكتر ما عجبنى فيه هدوء ألوانه استخدم فى كل حاجه نفس اللون وغير فى درجته
علشان كده حاسه انه مريح وهادى وكمان وجد ارتباط بين السقف وأجزاء من الحيطان وكمان وحدات الفرش لما اداها نفس درجة اللون



هنا نفس الكلام بس حاسه انه فى حركة فى التصميم شويه
أخد درجة لون و وزعها فى التصميم مع ان نسبتها قليله بس برده اداها ترابط
وكمان فى تناسق للألوان مع انها مش من نفس الدرجه
واستخدام المرايات حتى لو بصورة قليله ده بيدى امتداد للفراغ
واجمل حاجه بقى هيا الملمس اللى أخدته الحيطه الرئيسية
انه خلى للحيطة الرئيسية دى ملمس معين غير ملمس باقى الحوائط بكده ميزها وميز مركز الرؤيه للتصميم
وجميله برده وحدات الإضاءه اللى فى الجنب دى
مش عارفه دى عصافير ولا ناموس كبير شويه
بس شكلها حلو
كل ده خلى التصميم مألوف







التلات صور اللى فاتوا لنفس التصميم بس أكتر من لقطه
برده الملاحظه هنا هو فى الألوان
انها استخدم الوان قريبه من بعضها فمش عمل ازعاج للعين وخلاها مرتاحه
وكمان انه استخدم درجه قاتمه فى الأرضيه واستخدم نفس الدرجه فى حاجات تانيه زى الإطار بتاع الأدراج وكمان الأرفف اللى فوق دى عمل ربط بين الأرضيه وباقى التصميم رغم انها متغطى منها نسبه كبيرة
وكمان انه عمل جزء أخضر فى التصميم دى حاجه كويسه بس المساحه اللى هو عمل فيها الجنينه دى كانت ممكن تستغل أكتر من كده بشكل احسن
وكان يوزع العنصر الأخضر فى الفراغ .. كان هايبقى احلى

المميز فى التصميم ده التكسير اللى فى الحيطه ده
و نفس الكلام تناسق الألوان
والكراسى شكلها مريح اوى
انا ارتاحت بس لما شوفتها

رغم ان الاضاءه مش موضحه حاجه
بس كمان هو استخدم مكان مميز استخدام كويس


بصراحه ..... مش مرتاحه
حاسه انه مفيش تناسق
حتى الخامتين اللى استخدمهم فى الارضيه مش متناسقين ولا مرتبطين مع اى حاجه ... ممكن مع لون الحيطان والسقف
لون الستاير ممكن يكون ماشى مع الفرش
بمعنى اصح
حاسه انه الفرش والستاير دول لغرفه والحيطان والسقف والارضيه لغرفه تانيه
ده غير كمان العناصر الخضرا
احجامها مش معقوله خالص
....... هو احنا ممكن نلاقى عشه عصافير فى الشجره الى جنب الكنبه دى


هو غريب وعجيب
اكتر حاجه عجبانى هيا الانعكاس بتاع الارضية
بس هيا الحيطة دى ايه .. لون ولا خامة .. مش عارفه


تصميم هادى
بس مش عجبنى حكايه السقف العاكس ده
حاسه انه بيعمل تشتيت
وكمان فكره حلوه حكايه تحديد الفراغ بخامة أو لون الأرضية
يعنى حدد فراغ السفره وفصلها عن فراغ الانتريه اللى مدينا ضهره ده
وكمان حاجه كويسه انه ربط بين اكتر من عنصر بلون واحد
اللون بتاع الانتريه ده ومعاه الحاجه اللى فى الجنب اليمين دى

الفكرة الحلوه فى التصميم ده انه خلى اللون السائد هو الأبيض مثلا
والحاجات اللى كانت محتاجه تمييز خلاها بلون مختلف
ودى حاجه كويسه بس اهم حاجه انه تبقى الألوان متناسقه مع بعض
حتى فى عناصر باللون الأبيض تصميمها لواحده خلاها مميزه
زى الكرسى الغريب ده

الكويس فى التصميم ده ارتباطه ببعضه
وده مش هايخلينا نعرف نشيل حاجه من الفراغ وبعدين نلاقى انه شكله حلو بالعكس هانحس انه فى حاجه ناقصاه
من أول لون الأرضيه لحد الفرش حتى الستاير استخدم خامتين مختلفتين
وبرده شكل الكنب مريح اوى

تصميم مودرن اوى ويمكن لو فى حاجه بعد المودرن يبقى هو
اجمل حاجه فى البساطه
فراغ زى ده انسب مكان له انه يبقى مثلا معيشه داخليه
الناس تبقى واخده راحتهم فيه
واللى يجذب الانتباه اوى
الكور و البطانيه ... قصدى السجاده دى



تقريبا نفس التصميم اللى فات بس من لقطه تانيه
بس هنا حاه انه فى ارتباط اكتر
منظر الستاره مع شكل الكرسى والسجاده اللى ملهاش ملامح دى
بيخلى فى نوع من الترابط فى المكان



باقى الصور تقريبا لنفس الفراغ برده

G x- Joker كتب:

هاااااااايل يا فاطمه ورائع يا شيماء

مفيش كلام تانى يتقال

بجد صور وتصميمات جميله جدا مع بعض العيوب اللى ذكرتها شيماء لكن ممكن يكون الأختلاف دا مقصود للتميز او الفصل

وتعليقاتك اكتر من رائع يا شيماء واضح انك دارسه تصميم داخلى كويس خالص

ورؤيتك جميله جدا ما شاء الله

shimaa كتب:

eng_fatma a7mad كتب:

نيجى بقى للتعليق المفصل ......... ومعلشى يا فاطمه بقى هاطول عليكى
الصوره الأولى

حلو أوى واكتر ما عجبنى فيه هدوء ألوانه استخدم فى كل حاجه نفس اللون وغير فى درجته
علشان كده حاسه انه مريح وهادى وكمان وجد ارتباط بين السقف وأجزاء من الحيطان وكمان وحدات الفرش لما اداها نفس درجة اللون



هنا نفس الكلام بس حاسه انه فى حركة فى التصميم شويه
أخد درجة لون و وزعها فى التصميم مع ان نسبتها قليله بس برده اداها ترابط
وكمان فى تناسق للألوان مع انها مش من نفس الدرجه
واستخدام المرايات حتى لو بصورة قليله ده بيدى امتداد للفراغ
واجمل حاجه بقى هيا الملمس اللى أخدته الحيطه الرئيسية
انه خلى للحيطة الرئيسية دى ملمس معين غير ملمس باقى الحوائط بكده ميزها وميز مركز الرؤيه للتصميم
وجميله برده وحدات الإضاءه اللى فى الجنب دى
مش عارفه دى عصافير ولا ناموس كبير شويه
بس شكلها حلو
انا عجبتنى وحدات الاضاءه
كل ده خلى التصميم مألوف







التلات صور اللى فاتوا لنفس التصميم بس أكتر من لقطه
برده الملاحظه هنا هو فى الألوان
انها استخدم الوان قريبه من بعضها فمش عمل ازعاج للعين وخلاها مرتاحه
وكمان انه استخدم درجه قاتمه فى الأرضيه واستخدم نفس الدرجه فى حاجات تانيه زى الإطار بتاع الأدراج وكمان الأرفف اللى فوق دى عمل ربط بين الأرضيه وباقى التصميم رغم انها متغطى منها نسبه كبيرة
وكمان انه عمل جزء أخضر فى التصميم دى حاجه كويسه بس المساحه اللى هو عمل فيها الجنينه دى كانت ممكن تستغل أكتر من كده بشكل احسن
وكان يوزع العنصر الأخضر فى الفراغ .. كان هايبقى احلى

المميز فى التصميم ده التكسير اللى فى الحيطه ده
و نفس الكلام تناسق الألوان
والكراسى شكلها مريح اوى
انا ارتاحت بس لما شوفتها

رغم ان الاضاءه مش موضحه حاجه
بس كمان هو استخدم مكان مميز استخدام كويس


بصراحه ..... مش مرتاحه
حاسه انه مفيش تناسق
حتى الخامتين اللى استخدمهم فى الارضيه مش متناسقين ولا مرتبطين مع اى حاجه ... ممكن مع لون الحيطان والسقف
لون الستاير ممكن يكون ماشى مع الفرش
بمعنى اصح
حاسه انه الفرش والستاير دول لغرفه والحيطان والسقف والارضيه لغرفه تانيه
ده غير كمان العناصر الخضرا
احجامها مش معقوله خالص
حتى الترابيزه مش سايبها فى حالها
....... هو احنا ممكن نلاقى عشه عصافير فى الشجره الى جنب الكنبه دى
هههه تصدقى انا كمان اول ماشفتها حسيت انى بتفرج على واجهة مش صاله معيشه


هو غريب وعجيب
اكتر حاجه عجبانى هيا الانعكاس بتاع الارضية
بس هيا الحيطة دى ايه .. لون ولا خامة .. مش عارفه
هو أنا يتهيألى اللى فى الوش حيطه ومغطيها بخامه معينه ونفس الخامه مستخدمها كحاجز بين فراغين يمين الصوره



تصميم هادى
بس مش عجبنى حكايه السقف العاكس ده
حاسه انه بيعمل تشتيت
انا أول ما شفتها حسيت بزحمه
وكمان فكره حلوه حكايه تحديد الفراغ بخامة أو لون الأرضية
يعنى حدد فراغ السفره وفصلها عن فراغ الانتريه اللى مدينا ضهره ده
وكمان حاجه كويسه انه ربط بين اكتر من عنصر بلون واحد
اللون بتاع الانتريه ده ومعاه الحاجه اللى فى الجنب اليمين دى

الفكرة الحلوه فى التصميم ده انه خلى اللون السائد هو الأبيض مثلا
والحاجات اللى كانت محتاجه تمييز خلاها بلون مختلف
ودى حاجه كويسه بس اهم حاجه انه تبقى الألوان متناسقه مع بعض
حتى فى عناصر باللون الأبيض تصميمها لواحده خلاها مميزه
زى الكرسى الغريب ده

الكويس فى التصميم ده ارتباطه ببعضه
وده مش هايخلينا نعرف نشيل حاجه من الفراغ وبعدين نلاقى انه شكله حلو بالعكس هانحس انه فى حاجه ناقصاه
من أول لون الأرضيه لحد الفرش حتى الستاير استخدم خامتين مختلفتين
وبرده شكل الكنب مريح اوى

تصميم مودرن اوى ويمكن لو فى حاجه بعد المودرن يبقى هو
اجمل حاجه فى البساطه
فراغ زى ده انسب مكان له انه يبقى مثلا معيشه داخليه
الناس تبقى واخده راحتهم فيه
واللى يجذب الانتباه اوى
الكور و البطانيه ... قصدى السجاده دى



تقريبا نفس التصميم اللى فات بس من لقطه تانيه
بس هنا حاه انه فى ارتباط اكتر
منظر الستاره مع شكل الكرسى والسجاده اللى ملهاش ملامح دى
بيخلى فى نوع من الترابط فى المكان

وكمان عجبنى الترابيزه وكراسيها وخاماتهم المتقاربه




باقى الصور تقريبا لنفس الفراغ برده

يارب مش يكون حد زهق منى

r.sh.a كتب:

ماشاء الله عليكي ياشيماء
تعليق رائع رائع رائع رائع

ووجهات نظر بسيطة وحلوة

وانا عجباني أوي فكرة التعليق المفصل في كل موضوع في التخصصات
كدة بجد هيبقى فيه استفادة اكتر

ربنا يكرمك ياقمر

AhMaD JaMaL كتب:

يمكن من اكتر الحاجات اللي شدتني في الموضوع دا هوا تصميم الاوضة دي

التصميم أكثر من رائع

وألونه هادية ومنسقة وجميلة جدا

بس الانعكاس اللي في السقف غريب شوية

ولو انه بيدي انطباع في اللقطة الاول ان عامل مستوى تاني وفيه نباتات خضرا

في الاخير بشكرك يا فاطمة على المجهود دا

تسلم ايديكي

اولا شكرا لمرور حضرتك جدا
ثانيا التصميم دا فعلا جميل والوانه متناسقه وهاديه ومريحه
والانعكاس اللى فى السقف غريب فعلا شويه لكنه أفضل بكتير من الانعكاس اللى فى الصوره دى

يمكن علشان هدوء الالوان فى الاولى وقله التفاصيل فيها عن الصوره التانيه
وأخيرا شكرا لحضرتك