قصة جامدة .. بس تودى فى داهية

إمكسوا فيها بإيديكم وسنانكم ...

بنسرق فيها بقالنا سنين
وسنين ولسه بتدينا

علاء: هيا دى البركة اللى بيقولوا عليها يابابا

حسنى: أيوه يابنى .... ربنا يبارك لكم ولعيالكم فيها ... ودلوقتى

علاء: إنته على الهوى يابابا ... إتكلم

حسنى: أنا مش مديون لحد ياولاد ...
يعنى أى واحد يصيع عليكم ويقول لكم
أبوكم كان مستلف منى فلوس تفوا فى وشه على طول

علاء: إطمن يابابا ... حرامى على حرامى ما يلعبش

حسنى: أنا سيبت لكم ياولاد اللى يكفيكم
إنتوا وعيالكم وعيال عيالكم ويفيض .
فلوس متلتلة متتعدش ....
مش حقول لكم حافظوا عليها وبس ...
لآلآلآلآ ...
زودوها كمان وكمان لاجل ما روحى ترتاح وأنا فى تربتى

جمال: هيا الفلوس اللى إنتا عملتها يابابا دى بتسميها فلوس ..
شفنى أنا وعلاء حنعمل إيه ...
ولا صحيح حتشوفنا إزاى ....
عموماً ما تقلقش


حسنى: ودلوقتى بقى إسمعوا وصيتى .....
الحكم لأولاد مبارك ...
لازم أول ما جمال يحلف اليمين تغيروا
إسم مصر وترجعوه زى ما كان زمان أيام
الملك فاروق والملكة نازلى

(المملكة المصرية )

جمال: مفهوم يابابا ... خش فى اللى بعده

حسنى: الجيش والشرطة والأزهر ..
. أوعوا واحد من التلاته دول يخرج عن طوعكم أبداً

علاء: مفهوم برده .. اللى بعده ....
ياساتر ده إنته ملل

سوزان:عيب ياعلاء لما تكلم أبوك كده

علاء: بهزر ياماما

حسنى: الهرم لأم العيال ...
ليكى ياسوزان
بعد ما خدمتينى بتفانى وإخلاص طول السنين دى

سوزان:
هرم !!..
هو ده آخرة صبرى !! .
وده يسوى كام ده!!

علاء (وهو يمسك بالألة الحاسبة) : يسوى كتير ياماما .
.. لو تحبى أتصرف لك فيه ممكن يعمل معاكى مبلغ كويس

سوزان: مش ح ارضى باأقل من التلات أهرامات وأبو الهول

حسنى: مش خسارة فيكى ياغالية ..
.. أثار النوبة لعلاء ....
وآثار الأقصر لجمال ..
. ودلوقتى نيجى للميه ....
الساحل الشمالى لعلاء
والبحر الأحمر لجمال
وقناة السويس تخصصوا دخلها صدقة جارية على روحى

سوزان: إنته أكيد مخبول ...
مليار ونص دولار صدقة جارية على روحك !!!!

جمال: ما تاخديش على كلامه ياماما ....
ده يبقى كتير لو طلعنا 100 ولا 200 جنيه على روحه للفقره

علاء (وهو يمسك بالألة الحاسبة): ممكن نطلع لحد ألف جنيه
يا جمال ... السيولة تسمح

حسنى: أوعوا تفرطوا فى حبيب العادلى من بعدى يا ولاد
... حبيب العدلى قلبه ميت وإيده طرشه
... وهوه ده اللى ينفع مع الغجر اللى فى البلد

جمال: بس ما بيعجبنيش شنبه يابابا

حسنى: إنته مالك ومال أم شنبه. إحنا بنشترى مجرم

جمال: أعاهدك يابابا إنى حخليه معايا ومش حفرط فيه أبداً

حسنى: الشيخ طنطاوى ياولاد راجل بركة ..
.... يمين يمين شمال شمال ..
.. أوعوا تفرطوا فيه ...

.. بس ما تخلوهوش يصلى عليا

لأنى بصراحة مش متأكد إن كان ربنا حيقبل منه ولا لأ

علاء: ولا يهمك يابابا ....

هاخلى أونكل كمال الشاذلى يصلى عليك

حسنى: والله لو عملتها ياعلاء لكون متبرى منك إلى يوم الدين

علاء: بهزر معاك يابابا .....

أنكل كمال مش حافظ الفاتحة

حسنى: المشير طنطاوى ياولاد ...
.. مش حوصيكم عليه . .
. الراجل ده عامل زى الست المستحية ...
. حاطط وشه فى الأرض على طول وعمره
ما استجرى يرفع عينه فيا ..
. وفى نفس الوقت ماسك الجيش بإيد من حديد

سوزان: هوه فعلاً خجول وكل ما يشوفنى
ما يقوليش غير ياست هانم ..
.. إبقى خليه معاك ياجمال

جمال: حاضر ياماما

حسنى: عايز جنازتى ياولاد الناس
تحكى وتتحاكى عنها ...
... هاتوا المخرج الإيطالى ده اللى إسمه مكافيللى يصورها

علاء (وهو يمسك بالألة الحاسبة): هوه حيكلفنا كتير ... لكن ممكن فى
الأخر نلم مبلغ معقول لو خلينا
شركة أجنبية تحتك
ر حق توزيع الفيديو فى
أوروبا وأمريكا

حسنى: عايز أحلى مدفع يشيل النعش يا ولاد

جمال: مدفع رشاش

سوزان: الهزار مش فى الحاجات دى يا جمال

جمال: آسف يا ماما

حسنى: عايز أدفن فى شرم الشيخ ياولاد جنب أولمرت وشارون

علاء: بلاش كفر مصيلحة يعنى ؟

حسنى: لأ كلها براغيت ياعلاء ..
.. وإسم شرم الشيخ كمان أشيك بكتير




&تتوقعوا ؟!! هايدفن فين&

اكيد هاخد اجراءءات عنيفة
بس القصة مهياش اكتر من دعابة لذيذه
مصبوبة فى قالب كوميدى بس كوميديا مبتذلة شوية
عموما ربنا يستر

عدل سابقا من قبل ABOEL7ASSAN في 25/11/08, 05:04 pm عدل 1 مرات

يبقى اتصرفى من دلوقتى

هههههههه
ربنا يستر عليك يابشمهندس

يا بنتى بلدنا بلد ديموقراطية
وانت عارفة طبعا ان الكل بيقول رأيه بصراحة تامة
وطبعا من حق الحكومة عشان احنا بلد ديموقراطي تعمل فينا اللى هى عايزاه
وى ايه

ايه يا بشمهندس انت مش خايف على نفسك

هههههههههههههههههههههههههههههههههههه

هههههههههههههههههههههههههههههههههههه

كنت متوقع لك مستقبل حلو يا أبو الحسن


وكنت فاكرك هتشوف السعودية

بس شكلك هتشوف ايه اللي ورا الشمس

بس افتكرنا و قولنا ايه اللي وراها

دا اذا شفتنا تاني


ههههههههههههههههههههههههههههههههههههههههههههه

عدل سابقا من قبل a7mad_jamal في 23/12/08, 12:53 am عدل 1 مرات

ربنا يستر عليك يابشمهندس لماتوصل السعودية طمنا عليك هههههههههههههههه


قصة جامدة...

جامدة يا بشمهندس
فكرني بنكته حلوة:

زعيم على فراش الموت الوزير بيقوله :
الشعب جاي يودع حضرتك يا ريس
الزعيم: ليه هو الشعب كله مسافر؟؟؟؟؟

عموما زي ما عادل امام قال: هو في زعيم بيموت؟؟؟؟؟؟؟

thanx ya gma3a

bs a7ma bldna demo5ra6ya
y3ny anta t2ol aly y3gbk
wl 7koma t3ml feek aly hey 3yzah

جامدة يا بشمهندس بس ربنا يستر عليك

al 7md llah rbna sater

الكلمة دى دايما كان بيقولهالنا
الدكتور عزت
فيه ديموقراطية
عايز تسلم سلم مش عايز تسلم ماتسلمش

وانا عايز اديك درجة هاديك ولو مش عايز مش هاديك
وهى دى الديموقراطية

صح هي دي الديموقراطية...هههههههههههههههه

طبعا دى قمة الديموقراطية

وعشان تاخد حقك
لازم ما تخفش من اى حد
يعنى مثلا فى الكلية
ايه يعنى افضل سهران
وطالعة عينى امى فى لوحة
ما تولع يا عم الدنيا كلهات
اهم حاجة راحة البال
واللى ربنا كاتبولى هاخده
ايه يعنى لما انقص درجة ولا اتنين
بس ريحت صحتى
ولا ايه يا جماعة

امممم

دى بقى ما اسمهاش ديموقراطية

دى اسمها الكلام الغير مفيد
يعنى عمر ما كلامك هيخلى الدكتور يغير درجتك
وثقى تماما
عشان تبقى مرتاحة البال

الدرجة دى اخر حاجة تفكرى فيها
صدقينى كله ده كلام ملهوش اى لازمة

ايه يا ارشى الحلاوة دى
بس احنا يا باشا ما يهمناش حد

مكسل اكتب اسم كتب:

حسنى: ودلوقتى بقى إسمعوا وصيتى .....
الحكم لأولاد مبارك ...
لازم أول ما جمال يحلف اليمين تغيروا
إسم مصر وترجعوه زى ما كان زمان أيام
الملك فاروق والملكة نازلى

(المملكة المصرية )

[/size]

والله كانت ارحم من الذل اللي احنا فيه دا

مكسل اكتب اسم كتب:

. ودلوقتى نيجى للميه ....
الساحل الشمالى لعلاء
والبحر الأحمر لجمال
وقناة السويس تخصصوا دخلها صدقة جارية على روحى

[/size]

ياعيني عنده امل .....مسكين والله ..ميعرفش اللي فيها
كلها شوية ومش هيبأى في نيل وطبعا بما اننا بقينا ملطشة لليسوى واللي ميسواش
فانتظرونا في مفاوضات حول احقية مصر او عدمه في مياه اقليمية لها في البحرين الابيض والحمر
وطبعا النتيجة معروفة
حد ينبهوا يغير الوصية

حسنى: الشيخ طنطاوى ياولاد راجل بركة ..
.... يمين يمين شمال شمال ..
.. أوعوا تفرطوا فيه ...

.. بس ما تخلوهوش يصلى عليا

[/size][/quote]
والله انت شكلك هتصلي علينا واحد واحد وواحدة واحدة

امنية حياتي اني اشوف رئيس للبلد دي مفيش في اسمه مبارك
طبعا قبل ما اموت مش بعد

الناس دي اصلا لو بتفكر في اخرتها مكنش دا بأى حالنا
ربنا ينتقم