المفتش كرومبو

تذكير بمساهمة فاتح الموضوع :



عدل سابقا من قبل ABOEL7ASSAN في 11/01/09, 08:27 pm عدل 3 مرات

ممكن تكون الخدامة بس مش هينفع أقول رأئي عشان لو كان صح ماأقطعش الفرصة على الباقي بس أعتقد الخدامة....

ايه يا ابو الحسن
صعبة خالص
انا زعلانة جدا انى معرفتش اجاوب كرومبو بتاعة الكورة مع انى بحب الكورة واهلاوية صميمة
وجاى دلوقتى جايبلنا لغز اصعب منه ولا انا اللى مبقتش اركز ومستوايا فى الفوازير بقى فى النازل
.
.
.
طب انا شاكة انه البواب لان فى كذا حاجة كده حصلت خلتنى اشك انه هو بس مش هقول لما اشوف باقى الاعضاء هيجاوبوا بايه

فى الأول شكرا ليكى يا سارة ويا صفاء على اجابتكم
ويا صفاء اللغز سهل موت بس ركزى شوية

ومستنى اجابات باقى الاعضاء

طب يا ابو الحسن لو شايف انها سهلة جاوبلى على كرومبو بتاعة النادى الاهلى دى لانى بجد مضايقة جدا انى مش عارفة اجابتها حاجة تزعل والله
ده كرومبو

انا برشح فكرة قسم الالغاز الفرعى


لكن حوار التصوير ده
ماليش فيه

اظبطه مع نفسيكم فى القسم

لا يا بوب
انت مش فاهم قصدى
تقريبا مش هتلاقى حد يساعدك فى الموضوع ده

فين ايام دفعتنا
الهلس والتهيييس كله
لكن القسم دلوقتى
يلا مفيش داعى

ايه يا جماعة محدش عرف مين اللى سرق المجوهرات ولا ايه


فين التفاعل

جاوبهم يا ابو الحسن خلاص
انا ادمرت
مش عارفة احل كرومبو
معقول يا ناس لا مش ممكن

.
.
.
على فكرة موضوع الالغاز ده انا كنت اقترحت قبل كده اننا نعمل اصلا قسم فى منتدى الترفيه بتاع الحاجات اللى فيها فوازير وفيديو وقصص
بس معرفش ايه رأى الادارة
عموما لما نروق من الامتحانات والتسليمات
وحل يا ابو الحسن البتاع عشان انا مضايقة من نفسي اوى

فين حلقة بابا نويل ؟

فين الحل يابشمهندس ؟؟؟؟

لسه يا عم محدش رد كتير

ABOEL7ASSAN كتب:

وده اول لغز

لغز السرقة الغامضة

فيلا تسكن فيها امرأه ثرية

قامت بالسفر وأوصت الخدم بحراسة جميع ممتلكاتها

من ذهب ومال

الموجودة داخل غرفتها الخاصة
,وكان الخدم
هم الخادمة
و الطباخ
والبواب
وكان مفتاح الغرفة مع الخادمة
,وبعد حوالي يومين اكتشف البواب ان نافذة الغرفة مكسورة
وابلغ البوليس اللي جه يحقق
و استدعاني وكيل النيابة
وعند التحقيق
سألت الخادمة:

المفتاح معاكي انتي ليه؟
قالت:لان السيدة بتثق فيا
وبعدين انا عمري ما افكر اسرق الست الهانم
سألتها:تفتكري مين اللي سرق؟
قالت : الله اعلم يا بيه
قولتلها:ماشي ممكن تمشي دلوقتي..
بعد كده دخل الطباخ
و سألته:انت بتشتغل عند الهانم من اد ايه؟
قال:شهر يا بيه
قولتله:وانت ليه طلبت انك تسيب الشغل بعد الحادثة؟
قال:انا كبرت يا بيه علي الشغل في البيوت وعايز استريح
قولتله:اتفضل ممكن تمشي..
وجه دور البواب وقولتله:انت بقالك اد ايه شغال مع الهانم؟
قالي:حوالي سنة
قولتله:انت عارف ان الطوبة اللي اتكسر بيها
الزجاج كانت من النوع اللي موجود في الحديقة
بتاعت البيت
واللي قريبة من الكوخ اللي انت قاعد فيه؟
قال: يا بيه انا عمري ما افكر اسرق الهانم
و بعدين ممكن اي حد يأخد الطوب من الجنينة
من غير ما انا احس...
قولتله :اتفصل ممكن تمشي
, طلبت من وكيل النيابة بعد كده اني اعاين مسرح الجريمة
وروحت شوفته لقيت الدولاب مفتوح
واللبس مرمي في كل حتة
وفوقه الزجاج المكسور
و الباب كان سليم مفهوش اي خدش
وعلبة الفلوس و الدهب مش موجودة
وبمعاينة النافذة اتضح فعلا ان النافذة تم كسرها من الخارج
وبالبحث في الحديقة لقوا حتة مجوهرات مدفونة في الحديقة
ولما رجعت لوكيل النيابة قالي:اللغز المرادي صعب
قولتله:ابدا انا عرفت مين هو السارق

لو انت كمان عرفتوا

شارك معانا وقولنا مين اللى سرق
وابقوا قابلوني لو كسبتوا حاجة

انا هاحل اللغز
مع انى مفيش حد رد

السارق هى الخدامة

ليه بقى

بكل بساطة
هى دخلت الاوضة وسرقة علبة المجوهرات والفلوس

وطلعت الهدوم من الادولاب ورمتهم ع الارض

ونزلت الجنينة
دفنت حتة المجوهرات فى الجينية
عشان يتهموا البواب

بس هى غلطت غلطة واحدة
انها كسرت الازاز من برده
بعد ما رمت اللبس على الارض
ف الازاز كان فوق اللبس

وده غير منطقى
لان لو الحرامى دخل من برده

كان الازاز هيبقى من تحت اللبس
ولا ايه


وطبعا انا بحيي سارة على اجابتها الصحيحة

استنوا اللغز القادم