ما هو عنوان حياتك؟؟؟؟ ......

شكرا يابشمهندس لمرورك.....

واسم كتابك جميل ... حتى لو كان بعده ندم على الفرص الضائعة ....بس متهيألي الواحد لازم يستغل كل حاجة في حياته عشان الفرصة لماتضيع عمرها مابترجع تاني أبداااااا....

ربنا يكرمك ....

بجد موضوع في منتهى الجمال بس في نفس الوقت صعب جدا جدا
يمكن يكون عنوان كتابي لا تحزن
ده تقريبا يكون مناسب لي
شكرا جدا جدا لموضوعك الرائع ده ولروكة طبعا

صح هو صعب جدا ان تحط عنوان لحياة كاملة .... بس ممكن لأن كل واحد ممكن يجمع حياته في كلمتين أو أكتر....

شكرا بجد ياندى لتفاعلك في المواضيع ربنا يكرمك.....

صح هو صعب جدا ان تحط عنوان لحياة كاملة .... بس ممكن لأن كل واحد ممكن يجمع حياته في كلمتين أو أكتر....

شكرا بجد ياندى لتفاعلك في المواضيع ربنا يكرمك.....

احب احييكي ياسارة جدا واشكر روكا لانه فعلا سؤال لذيذ جدا

انا فكرت .............بس ياتري اسم كتابي كده ولا ....مش عارفة
انا ممكن اسميه

المكتوب عالجبين لازم تشوفه العين

اسم يضحك شوية
بس بجد

نورتي الموضوع ياسمسم....

ومش مشكلة اذا كان اسم الكتاب يضحك ولا لأ المهم انه عنوان حياتك مافيه أسامي كتب بتكون حزينة كل واحد وحياته وربنا يكرم الجميع بحياة سعيدة ترضي الله ......


وننتظر باقي الكتب.....

ميرسي سارة
ربنا يخليكي

ya saraa tb mat2oly 3anaween l nas l kano felre7laa kolohooom sa3ethaa including u
ana a3at a7awl afteker mine bs msh 2adra:S:S:S
i think n howa kan something abt sadamaat bet2awini aw 7aga zy kdaa try lw fakra kol l nas t2oli INCLUDING U
w lw msh fakra 2oly 3enwaan ketabek enty ba2aa;)

أنا مش فاكرة كل واحد في الرحلة كان اسم كتابه ايه بصراحة .....انتي عنوانك كان في حاجة صدمات تقريبا مش فاكرة وانا مش هقول عنوان كتابي غير في النهاية لما كلكو تقولو ان شاء الله ....

(وصول مودع ) اسم بعلامة تعجب صح؟؟؟


اسم حلو شكرا لمرورك ياقمر.....

ياجماعة لازم كل الموجودين على المنتدى يدخلو يقولو اسم الكتاب بتاعهم ايه . !!!!!


وألف شكر لتثبيت الموضوع....

هاااااااااااااااااااااى
انا طبعا داخله متاخر جدا بس انا ممكن يكون عنوان كتابى
السقوط المريع
ايه المريع دى
موش عارف
بس بجد هو ممكن يكون كدا
و السلااااااااااااام ختام

ميرسي ياسمورة لمرورك واسم الكتاب حلو ...... وبرضو نفسي أعرف زيك المربع ده ايه ؟؟ ههههههه

ايه ياجماعة الناس الباقية مش بتدخل تكتب اسم كتابها ليه ...؟؟؟؟


عايزيين باقي الكتب يالا..

عنوان كتابي

هو

عندما يبكي الرجال
احساس صعب جدا لما تحس بحاجة وبعدين دموعك تنزل منك غصب عنك
او بتتمنى حاجة وبعدين تلقاها راحت منك

وشكرا ليكي يا سارة

bas msh daa 3enwaan l re7laa yahmed
anywayz yallaa 7an3adeehalaak although n ana t3ebt awiii 3shan afteker mine w lw knt a3rf knt ghayarto:P

طبعا يا أحمد دي حاجة صعبة مووووووووت .. الدمعة إللي بتنزل عشان حاجة راحت منك وبالذات الحاجة الغالية أوووووووي... ميرسي لمرورك

أماني ممكن في حياتك تحصل حاجة في لحظة تغير حياتك كلها وأحنا عدى من الرحلة يمكن شهر يعني ممكن حاجات كتييييييييييير تغير العنوان....وشكرا لمرورك.... وان شاء الله كله تتغير حياته واسم كتابه للأحسن

وممكن عنوان تاني احسن من العنوان اللي كتبته


وهو

لحن الحياة

شكرا يا سارة على الموضوع الجميل دا

تحياتى يا ساره على الموضوع ده
اما لو حبيت اقول على عنوان ينفع لحياتى فللأسف كلمه او كلمتين مش كفايا خالص
العنوان اللى شايفاه مناسب لحياتى دلوقت اهو
عودة ما ضاع منى
حتى لو كان رجوع مؤقت
تحياتى ليكى يا قمر

والله الموضوع كتير حلو يا سارة

انا ممكن يكون عنوان كتابى

المشتاق إلى السعادة

متهيالى ده انسب عنوان

ممممممممممممممممم كدة بقى يا سارة ممكن اقولك ان كتابي انا اتغير لصدمات كسرتني
:)

(لحن الحياة !!!!)..... بس معنى الكتاب من كلمة لحن انه أحيانا مفرح وأحيانا حزين....صح؟؟؟


شكرا ياأحمد ويارب لحن الحياة يكون مفرح دايما...

ميرسي يامها نورتي الموضوع .... واتمسكي باللي رجعلك ومش تضيعي تاني ..... الحاجة إللي بتروح مش بترجع تاني....

حلو جدا ياشيرين عنوان كتابك وأنا جزء من حياتي كده بالضبط (المشتاق الى السعادة) بس اسم كتابي مش كده هتعرفوه بعدين ان شاء الله....

ونورتي الموضوع ياقمر....

وده منطقي يا أماني لأنه في الأول اسم الكتاب صدمات بتقويني... والصدمات بتؤثر على الإنسان فيما بعد ويإما تخليه أقوى أو بتكسر جواه حاجه زي ماحصلك.....وميرسي ياأماني على المرور..وان شاء الله الصدمات تقويكي...

شكرا جدا لكل الناس اللي اهتمت و ردت ع الموضوع
انا بحب اوي لعبة الاسئلة عشان بتخلي الواحد يتأمل في حياته كويس و تكون عنده الجرأه و يجاوب علي اي سؤال امام الناس كلها
نسيت اقولكم عنوان كتابي
لو قلبي بيتكلم ....كان هيقول!!!!

انا اسف اني دخلت متاخر اوي علي الموضوع ده بس جميل اوي الموضوع ده ورائع بجد بالنسبه لاسم كتابي انا اخترته غامض شويه علشان محدش يفهمه معلش اعذروني مش بحب حديعرف اللي جوايا علشان كده سميته ( احبك ) يعني ايه يعني اللي جوايا وخلاص ومحدش يربطهبقصه حب وكده او بواحده والمواضيع دي هي الكلمه تحمل معاني كتيره ومحدش يسالني ايهاللي جواك انا اسف اعذروني بس حبيت اشارك 

علي فكرة نسيت اقولكم ان كتابي فيه فصول كتييييييييييييير منه
ا ....لو قلبي بيتكلم ....كان هيقول .... اني مخنوقة!!!!
ا ....لو قلبي بيتكلم ....كان هيقول .... اني سعيدة
ا ....لو قلبي بيتكلم ....كان هيقول .... يااااارب

كده يعني هههههههههههههه

شكرا يا سارة على موضوعك بجد
وهو يستاهل اكتر من تثبيته فى المنتدى
لانه فعلا لازم كل واحد فينا يعرف عنوان حياته ايه
و شكرا لروقة برده اللى اخترعت السؤال يا افتكاساتك يا روقة
.
.
.
عنوان الكتاب بتاعي

ثق بنفسك فهناك أمل

وأعتقد هيقول حاجات أكتر من كده ياروكااااااااا ...... صح؟؟؟؟؟؟؟


اسم جميل ...وشكرا لمرورك

شكرا لمرورك يابشمهندس أحمد.....ومش مشكلة أحنا نعرف ماتحمله الكلمة من معنى المهم انك واثق ان حياتك هي الكلمة دي...

حلو ياصفاء اسم الكتاب ...... متفائلة ويارب دايما ان شاء الله

هي فعلا الكلمه دي يا ساره للاسف هي الكلمه دي

يالا ياجماعة المفروض ان الكتب مش بتخلص عايزيين الجديد وإللي اتغير اسم كتابه يدخل يقولنا ايه الاسم الجديد.....
تمنياتي للجميع بحياة سعيدة موفقة على طاعة الله ورسوله...



ســــــــارة عبد العليم

الحقيقة فعلا الف شكر على الموضوع داه
لاني معنديش كتاب .. انا عندي دار نشر
الجزأ الاول عن حياتي الماضية
بعنوان كان يجب ان اكون
والجزء الثاني .. مازال للعمر بقية ..
اما الجزء الثالث .. يارب اكون عملت حاجة

شكرا يابشمهندس(أرشي )على المرور .... وحلوجداأسامي الكتب اللي في مكتبة حياتك ....
وليا تفسير صغير هقول (رأئي في كتبك ) الكتاب الأول: حاسه انه محصلش بعده ندم ولكن حصل محاسبة نفس ورسيت على الطريق الصح تقريبا ودي حاجة كويسة طبعا...

الكتاب التاني : فيه أمل وتفاؤل ودي حاجة برضو هايلة...

والكتاب التالت : انك بتحاول توصل وبتتمنى دا ... وده طبعا حاجة جامدة...


ربنا يكرمك وان شاء الله تكون عملت حاجة فعلا كويسة أيا كانت الحاجة المهم تكون خير .....

وان شاء الله لو كان في كتاب تالت هيكون أجمل ....

اسماء الكتب اللى اتقالت كتيير وجميلة جدا جدا بس بصراحة احلى اسم كتاب عجبنى كان كتاب صفاء (مملكة الاحلام)اسم يدل عل التفاؤل بس لو اخترت اسم لكتابى هيكون(ثلاثة أجزاء لقلبى(اهلى - ديني - وطني)

ميرسي يارحاب لمرورك ... واسم كتابك حلو ( بس ليه مافيش كتب في حياتك عن أصحابك أو زوج المستقبل ... قصدي انك حصرتي الكلام على أهلك ودينك ووطنك!!! )

اقولك ليه علشان انا بالنسبة ليا ان اصحابى وزوج المستقبل ان شاء الله هم اهلى بمعني ان اي شخص انا اعرفة ومتقرباله اوى هيكون هو او هى اهلى وكل اهلى كمان

صح ياروبي .... ربنا يخليهملك كلهم ... ويرزقك بالزوج الصالح ان شاء الله

رحوبه حبيبى انا فرحانه جدا لان اسم كتابى عجبك معنى كده انه ممكن يكون اختيار تانى لعنوان حياتك بعد
العنوان الجميل بكل معانيه اللى انتى اختارتيه (ثلاثة أجزاء لقلبى(اهلى - ديني - وطني)
رحوبه بس انتى كده نسيتى (ذات نفسيكى) ولا ايه .؟؟؟؟؟؟؟؟؟

اممم
انا كنت كتبت اسمى كتابى فوق

انا عايز اغير الاسم ده
مع انه منطبق عليا 100 * 100

اسمى كتابى الجديد

"عودة العبد العاصى"

ميرسي لمرورك يافدوى ياقمر ..
وكتابك اسمه حلو بغض النظر ان الأفكار مجنونة بس المهم انك بتفكري قبل ماتعمليها عشان ماتندميش عليها ( وتصدقي أحلى حاجة الأفكار المجنونة بس زي ماقلت نفكر قبل مانعملها عشان مانندمش عليها )...