بصو
انا جايبلكم انهارده موضوع سخن
وعلى نار عاليه
وهو
والله البنات غلابة
موضوع لازم نراعيه اليومين دول
حيث صار هذا الامر يجرح ويستفذ
الكثير من الفتيات اللائي
لا ناقة لهم ولاجمل
فيما صاروا اليه..
عفوا وجدت
الكلمات التالية بأحد المدونات
والتي عبرت فيها الكاتبة عن حال البنات في
مصر اشد تعبير اقرأوها معي :
" سموا كدة وخليكوا معانا وخلينا
نتفق ان موضوع الجواز والعرسان وتأخر سن الزواج
ده موضوع حساس للغاية
وخاصة بالنسبة للبنات ...
لأن اللي بتتكلم فيه يا أما بيتبصلها على انها
قليلة الادب وماتربتش ...
يا أما على انها مسروعة على الجواز...
يا إما على انها بارت ومش لاقية حد يتجوزها ..
علشان كدة تلاقوا بنات كتير تقول
جواز ايه بلا نيلة هما اللي اتجوزا كانوا خدوا ايه ...
انا قاعدة في بيت ابويا معززة مكرمة ...
انا ما بفكرش ف الجواز دلوقتي لما ابني مستقبلي ...
ولما احقق ذاتي ...
مش عارف انا ايه ذاتها ده وهاتحققه ازاي .
ويمكن في بنات كتير ليهم طموح في دراستهم وشغلهم ..
.لكن اتحدى أي واحدة فيهم ما يكونش طموحها الاول انها تبقى زوجة ..
على الاقل لأنها الطريقة الوحيدة
اللي تخليها تبقى أم .
نتفق بقى على نقطة تانية مهمة ..
عدد البنات في مصر اكبر من عدد الرجالة
دي نقطة أساسية مش عايز حد يناقشني فيها .
لأن أي حد درس في أي جامعة مصرية
هيلاحظ ان عدد البنات في أي كلية
اكبر من عدد الولاد ..
يعنى في دفعتى مثلا كنا احنا تقريبا 16 شاب
وتقريبا 35 بنت
يعنى الضعف
نقطة كمان مهمة ..
الرجالة بقوا حاسين بنفسهم وبيتكبروا على خلق الله من البنات
( يقعدلهم في عينهم وعافيتهم يارب )
دى اكيد دعوة كل بنت دلوقتى
وتلقى الراجل قاعد هو وأمة يتشرطوا ..
لازم تبقى بيضا وشعرها بني وعنيها عسلية ..
الله يخرب بيوتكم طب بص يا خويا لنفسك في المراية الاول ..
طب بلاش يقولك الراجل مايعبوش الا جيبه
طب شبرقنا كدة وادخل علينا وفي ايدك علبة ملبس حتى ..
ألا لا البعيد هو وأمه يروحوا يشوفوا العروسة الغلبانة اللي اهلها صارفين عليها الشيء الفلاني
ومكلفين قاعدة التعارف دي شيء وشويات ..
رايحين ايد ورا وايد قدام والبت ما فيهاش أي عيب
ويقولك لاء
اصلها مش شبه نيللي كريم قوي ..
تقولش حسين فهمي رايح يتقدم للبت .
الكلام ده على فكرة مش المفروض تضحكوا عليه ...
والله البنات دول غلابة ..
زمان ما كنش مطلوب من أي بنت غير انها تحترم نفسها
وتقعد في بيت اهلها وتستنا العدل ..
دلوقتي الكرة بقت في ملعب البنات
يعني لازم تخرج وتشنتغل
وتروح افراح وتزور اصحابها
لان مسئولية احضار العريس اصبحت ملقاة على عاتق البنت بالكامل ..
دا كمان فى حالات كتير أهل البنات
بيتخانقوا مع البنت خنقات لرب السما علشان يخرجوا ويشتغلوا وتبقى
مدردحة وتعرف تكعبل واحد لأما مش هاتتجوز .
طب بذمتكوا البنات يعملوا ايه ..
ده غير العداد اللي بيعد من اول ما تتخرج من الجامعة ..
يعني البنت تعتبر بدأت تعنس لما يمر سنتين بعد تخرجها من غير خطوبة .
نعمل ايه فى المجتمع المنيل اللي بيقيم البنت بجوازتها واللي تتجوز بدري تبقى شاطرة
والتانية لا..
وع الجهة التانية الراجل من حقه يتشرط وينقي وتلاقيه مقطع السمكة وديلها
ويتقال عليه مفتح ومدقدق ..
وتلاقيه معدي الاربعين بشويتين
ومن حقه يتجوز في أي وقت ان شالله واحدة عندها 18 سنة .
المجتمع ده ظااالم ومفتري ..
والبنات غلابة والضغط عليهم كل يوم بيزيد ..
والناس بتحاكمهم على حاجة مالهمش يد فيها
ارحموا من في الارض يرحمكم من في السماء
مستنى الردود الجامدة يا جماعة
الرد اللى هلاقى اى كلام هشيله
انا بقول اهو
تحياتى الملبنية
عدل سابقا من قبل ABOEL7ASSAN في 13/12/08, 01:17 pm عدل 2 مرات
والراجل بيفتري عليها
